星河小食 (已結業)

叫到會，但我唔記得影相，記起既時候已經食左一堆了~以前經過呢間都係食炸燒賣，但呢一年佢主力做到會，店長期落閘，我都係係fb contact佢地~我想話已經好耐無食過呢個蒲汁味，意粉都好好食! 比起大記更好食~ 沙律都ok啊! 串燒都好好味! 西蘭花就濃芝士但好大舊XD佢地都好貼心咁分開熱野同生野兩個大盒，佢都有提我叫我唔好自己一個攞，要搵幫手，仲有啊，佢好有心咁問我好唔好食啊咁，我有如實反影，真心覺得佢地攞個心出黎整^^

🔎星河小食 (西灣河) 📍西灣河筲箕灣道138號富裕中心地下8號舖-今次呢間係好容易忽略咗嘅一間小店 出名豬扒包同烤雞髀 仲有多款小食選擇 絕對要支持！🔹香脆豬扒包 $32成個包係勁足料 有成4吋厚 一啖真係咬唔哂單係塊豬扒都成吋厚！相當足料呀 仲要係即叫即炸 雖然係等得耐啲 但完全係值得！最特別嘅應該都係個芥茉籽醬 出面食唔到㗎 一開始仲以為係好似wasabi咁 但原來係係酸酸地嘅雖然豬扒成吋厚 但都幾鬆軟 而且醃料都幾好味 炸完都仲有少少肉汁，個包都烘過脆脆地，加埋生菜同番茄 細食嘅話都夠飽了🔹蜜汁菠蘿雞扒包 $35雞扒係即燒要等得比較耐 燒到個邊脆脆地燶燶地 係燒野食加咗蜜糖咁正 不過如果就咁食就可能單調啲 所以呢個加埋菠蘿就即刻清新感提升 照舊都係有生菜同蕃茄 我覺得唔錯嘅 不過都係炸豬扒包會有驚喜啲💬開鋪時間有時唔定時 如果lunch時間去 去之前可以whatsapp問定 唔洗白行一轉 仲可以whatsapp落定單 始終都製作需時🍴搵返相關地區👉🏻 #90sfoodieshare_西灣河#食在西灣河

星河出名***豬扒包所以平時都係嗌豬扒包，魚蛋，燒賣個 d 小食今日想食雞髀**呢度有兩款雞髀選擇一隻係炸雞髀**另一款係蜜糖烤雞髀覺得炸雞髀普通€€所以叫左烤髀舖頭有個烤爐仔**老細炸完擺上去烤**我只是叫左一隻另一隻應該是其他客人***老細一早同我講要等十五分鐘**所以我去買少少野番黎攞雞髀好香，個皮好有蜜糖味**雞肉好滑...食雞髀我鐘意啜骨蜜糖連 d 骨都有埋**好少舖頭有呢個做法所以真係神級***

星河小食開左一段時間，我間補習社後佢上面都差唔多時候開張，同老細好熟絡，成日都好好傾！今次寫食評想支持下呢個老細！因為不只得澳門有豬扒包，香港都有有質素豬扒包 ！成個包好大個，豬扒亦成吋厚，相當抵食，好怕 d 薄過塊火腿既豬朳，剩係呢個 size 係香港好少見！生菜番茄都大塊，唔係碎濕濕！呢個係芥末子醬，唔係辣個 d，係酸酸地個 d !呢隻醬令到咁多塊豬扒都唔覺得漏！豬扒外面炸到脆卜卜，入面亦保留到肉汁，唔會覺得乾 ！我係絕對誠意推介

因為返教會關係，星期六晚一定經過星河小食 😆整個格仔餅當下午茶👍🏻👍🏻17 蚊一件，價錢唔平亦部唔貴 👌 厚底格仔餅，即叫即做，好足料 🤟🏻🤟🏻🤟🏻食落口好脆，🥰🥰🥰不過其實細個食物既格仔餅唔係脆口，係淋既，不過唔知幾時興 d 格仔餅係脆，好似雞蛋仔個 d 脆 🤣🤣🤣有蛋味，砂糖，牛油，花生醬，煉奶都好足料、值得一讚，花生醬好香😋😋😋食完都飽到一個點！黎教會時要幫襯下🥳🥳🥳

今日到筲箕灣辦點事，完事後將近晚上七時，看見有間小食店，掛著兩個紅燈籠，一個寫著”小食” ，而另一個寫著”豬扒包”。老闆仔正在和食客小妹妹玩拍拍手掌小明、小明⋯⋯相信這位老闆仔相當親民。朋友和筆者都有點點餓，於是想吉串魚蛋⋯⋯打開OpenRice 看見寫著此店食評為”筲箕灣CP值高的雞蛋仔”, 於是立即叫了一客，即叫即做。期間四處打量，原來這店馳名豬扒包，可惜稍後要晚飯，還是留待下次吧！看見牆上貼有雜誌的報導，眼前這位老闆仔，名叫Terry。於是對他說:嘩! Terry 哥，你有冇看Openrice 呀？讚你的雞蛋仔CP值很高吖！原來你這裡的豬扒包咁出名，今次試咗雞蛋仔先，下次才吃你做的豬扒包。Terry 哥害羞地笑著說:你咁大頂高帽戴過來，真係令我有些緊張。之後我問他:你的店裡，你最喜歡吃什麼？他答是格仔餅⋯⋯如此閒談中，這位老闆仔擁有一份開朗的性格。咖哩魚蛋$7~雞蛋仔$16~可能老闆仔顧著同筆者交談，雞蛋仔過咗火，還帶點淡淡的燶味，可能正如他所說，真的有點緊張。但和他對話，看出他那份熱誠，還帶點爽朗的性格，終於明白剛才那位小學生妹妹，如此喜歡他，相信這次雞蛋仔是偶有失準，待筆者下

西灣河太安樓有兩間賣雞蛋仔😌😌😌但質素卻下降了不少🤣🤣😂🤣一間 keep 得住水準但價錢好貴 💸💸💸💸閒時都會幫襯星河小食👍🏻👍🏻👍🏻朋友仔舖頭當然支持 🤩🤩下午三點去到😁😁😁😁都有幾個人係度排隊😹等左十幾分鐘後😋😋雞蛋仔只有原味，😝😝😝沒有其他選擇，😋😋😋即叫即整雞蛋仔終於到手蛋味濃郁，有兒時味道每粒都脆口，做到外脆內軟的效果食得底都唔會覺得 「淋」$16 一底雞蛋仔算係西灣河最抵了...........

剛般入太安樓，一直好期待，因為報紙雜誌成日話太安樓有好多好野食但我係有一位教友同我，除了太安樓，有一間小食店既豬扒包好食，教堂附近，所以個日經開就買一個試下 我未見過咁厚身豬朳包，食開澳門個 d 都無咁大舊 好鬼肚餓塞左落口先 豬扒好厚身，有肉汁，雖然炸豬扒但係唔會油淋淋，我最鐘意好個醬，我最鐘意個 d 芥末子汁，其實我覺得呢 d 汁點乜都好味，同個豬扒配搭都唔錯 個包都幾脆囗朋友無介紹錯，價錢部可以接受，食完一個好滿足

成日幫襯買腸粉餐，因為好抵食$14 又有魚蛋又有燒賣！個日夜晩諗唔到食乜知道呢間野出名豬扒包🌟🌟🌟但係雞扒確實唔錯呀！同老闆 order 左菠蘿蜜汁雞扒包，佢話要等十分鐘。個包就無乜特別，但菠蘿同個雞扒好夾，個汁有少少 Tabasco 既辣，幾惹味！雞扒用蜜汁燒，幾 juicy 同好厚身！成個配搭都 match , 生菜同蕃茄份量都夠，女仔完全可以當一個晩餐，男仔可能就要食多少少野！🤩🤩🤩🤩🤩🤩🤩🤩🤩🤩

天寒地凍，回家途中搵D野咬下，從前成日來食雞旦仔夾餅，反而出名嘅漢堡冇試過，見今日冇人排隊，去試下啦，點知話冇牛得雞，好啦雞就雞，話即叫即整，要等10分鐘，$32.叫我行下番來拎。10分鐘回來，叫老細是用火鎗燒塊扒！！！麵包微烤過，是微暖軟熟，雞扒是有火鎗小小燒黑邊，但整體只是有微弱溫度，沒有燒烤或煎炸的行跡或風味！吾通淨用火鎗整熱番塊扒？！點解吾放入微波或番炸兩下？雞扒冇味，系大塊嘅，菠蘿微微暖多汁，加埋沙律醬同雞油，結果水份略多。整體完全失敗，$32,不如去M記食磨茹安格斯包！敗於冇溫度冇味道。

之前睇電視介紹過🧐所以特登走去幫襯😎雖然鋪頭無位坐只做外賣😟但係主打食物都係即叫即整😍誠意推介豬扒包(我叫多白汁的🤤)一定要即場食👍🏼人哋話晒即叫即整當然要俾啲時間人哋啦😆有陣時要等10幾分鐘但係都值得😌價錢唔算貴🙄最緊要好食😬件豬扒真係好大件😨整完出嚟之後唔會太乾身仲有肉汁🤤幫襯過幾次仍然keep到水準👍🏼街坊生意做到咁真係難得😮希望老細繼續努力keep住水準💪🏼日後會再嚟幫襯🙂

店舖 老闆在酒店工作多年頗有煮食經驗， 可惜越做越低格調， 不再是用心之作，改成為主打售賣普通小食， 純粹做街坊生意及專做學校 學生放學生意！而且人手十分不足 ， 製作過程很長，每次等候時間也很長！ 顧客取食物先後次序經常混亂， 而且食物水準不能維持， 雞蛋仔味道不錯， 漢堡包味道一般， 不是特色食品 ，而且要等候超長時間 ! 食個雞蛋仔每次都要等候整整15分鐘， 而且開放時間不固定！ 既然多次購買食物都情況混亂食到 一肚氣， 仲要企喺街邊苦候，決定以後不會再幫襯， 也不會再替同事 在這裏買外賣！

本來諗住去太安樓掃街，突然醒起早排電視好似介紹過附近有間主打食豬扒包嘅小店，地點略偏喺電車路旁的一條橫街小店只提供外賣，但係旁邊有條巷仔可以企喺度食，就單點左一個豬扒包試吓，賣＄30一個價格唔算貴，豬扒包係即整嘅，睇住老闆娘喺度上粉炸豬扒烘麵包，等左七八分鐘左右就有得食豬扒包size唔細，配料有生菜蕃茄洋蔥和店家自製的芥末籽汁，整體賣相不錯，豬扒size有手掌大亦有一定厚度，可惜的是豬扒雖然尚算有肉汁但係就頗為粗鞋，而且基本沒有任何調味，本來個芥末籽汁酸酸地配炸豬扒係可以解油膩的，但係配係一塊完全冇味嘅豬扒身上就變得有啲怪其實睇得出小店係幾有誠意的，希望店主可以在品質控制上多下功夫繼續經營落去

一直有聽住在西灣河朋友說過，有個好好味豬扒包，難得星期日，約左朋友去鋰景灣飲野，所以去拜會下，成日都以為間野係太安樓，原來唔係，係隔離條街上少少斜路，終於黎到星河門口，舖頭兩邊貼滿食物，豬扒包廣告好養眼，嗱嗱叫一個豬扒包！等左大約五分鐘，熱辣辣豬扒包終於到手，一打開好驚喜大大個豬扒包，個包d芝麻好香，炸豬扒好厚身，厚得黎又唔覺得好肥膩，不過我最鐘意係個酸酸地既沙律汁，個味好特別，我食完都會掛住個汁，夏天食確係特別開胃而個包包入面生菜，蕃茄都好新鮮，呢個價錢呢個高質素包確係好抵 難怪朋友常常推介

去到星河 order 烤雞髀，老細話要等十五分鐘，都好去左附近百佳買d野再番去拎，番去攞隻雞髀，一個字形容「香」，沿路搭 lip 番屋企，都聞到隻雞髀香噴噴既蜜糖香味，番到屋企忍唔住即刻開黎食，平時少食雞皮，不過如果焗雞髀就會食，個雞皮同蜜糖好夾，唔會乾淨淨，有少少焗個d脆脆地，好正！食雞肉個陣，都覺得好 juicy , 充滿蜜汁，同埋焗的雞髀不會「鞋」肉，雞肉好滑，隻雞髀手掌咁大，食晒成隻都幾飽 😝😝好有滿足感，下次再幫襯