星海薈 (利舞臺廣場)

營業中

休息中

經常出沒銅鑼灣嘅我，去過好多間茶樓飲茶，今次去銅鑼灣星海薈，地點就腳，利舞臺商場有專用電梯直達。一入門口見到條佈滿花花🌸🌼🌹旋轉雲石樓梯，高雅華麗裝修配埋氣派十足水晶燈，好適合婚宴，公司宴會。中午點心價錢估唔到咁貼地，午市點心由$30-$48，茶位都只係$18位，最正嘅係酒樓樓底夠晒高唔會好嘈。飲茶叫到成檯點心先夠氣氛🥢呢度點心係自家手工製，真材實料即叫即蒸，碟碟上檯都熱辣辣。⭐️必食推介⭐️🥢紅燒王子乳鴿 $68乳鴿夠大隻，外皮香脆，咬落肉嫩爆汁，味道可口，大推！🥢蝦餃皇 一籠4隻，隻隻都有鮮味大蝦，大粒又足料。🥢櫻花蝦蔥花炸兩腸薄薄腸粉包住脆口炸兩配埋面層爆香咗嘅櫻花蝦，賣相吸引，入口滋味無窮。🥢南翔小籠包賣相精緻以手袋仔作點綴，未食就要先打吓卡。📍星海薈 (銅鑼灣)

利舞臺廣場有間酒樓，裝潢華麗，設有舞台同靚靚打卡樓梯位置，仲有乾花佈置，適合宴會。食物方面主打多款經典粵菜，即叫即整，賣相一流，味道高質，值得一試。餐廳最近推出一系列套餐同優惠，以親民價品嚐到高級料理。必點之選有招牌白胡椒蟹焗飯，將白胡椒醬淋上，咋咋聲，香氣四溢，蟹肉鮮甜，飯粒粒分明，帶微微焦香，色香味俱全，份量十足，四個人都夠食。瓦𦉘豉油雞原隻上，大大件，啖啖肉，豉油味唔算好濃，比想像中清，老少咸宜。奇味芥未沙律大蝦球同樣出色，勝在醬汁夠多，沾滿每一粒大蝦球，非常開胃，外層薄身，肉質彈牙，真材實料。大丁涼瓜效掌翼比較少見，涼瓜好大一片，味道甘甜唔苦，掌翼夠入味，唔會過鹹，非試不可，整體性價比高，會回訪。

平時都好鍾意約埋朋友去一盅兩件，今次就去咗銅鑼灣嘅星海薈，午飯時間坐無虛席，相當熱鬧。 餐廳裝潢華麗，樓底高，空間感十足。門口設有大型水晶燈、旋轉樓梯同埋婚禮佈置，更有舞台同包箱，好適合做婚宴場地同公司聚餐。 點心自家手工製作，真材實料，即叫即蒸夠曬熱辣辣。必點焦糖西米焗布甸，懷舊甜品唔係間間酒樓有，真係唔可以錯過！ 星海薈蝦餃皇原蝦燒賣皇水晶鮮蝦菠菜餃生拆鮮蝦腸粉山竹牛肉球鮮淮山蟹柳綿花雞金珠鹹水角焦糖西米焗布甸

好友約我飲茶和行花展，銅鑼灣《星海薈》裝修超靚有婚宴台及有迴旋長樓梯，魚群造型天花吊燈感覺華麗，環境寬敞很適合公司聚餐和婚宴。我們點左🥢金箔蝦餃皇：晶瑩通透，蝦仁爽口又大隻表面塗有金箔凸顯高貴。🥢招牌胡椒濃雞湯灌湯餃：胡椒雞湯味香濃，大大隻灌湯餃餡料足，蝦仁爽口。🥢鮮蝦腐皮卷：腐皮包滿滿的蝦肉煎得香脆，切成三角形上枱，超好食，值得推介些🥢蟹籽燒賣皇：豬肉嫩滑可口，蝦肉爽口加蟹籽賣相靚。🥢蜜汁叉燒腸：腸粉皮薄，叉燒味香肉嫩。🥢黑松露鮮蝦菠菜餃：頗大隻皮薄透出彈牙的蝦肉，少許黑松露香味。🥢生拆鮮蝦腸粉：大大隻蝦仁超爽又彈牙好味。🥢京川紅油抄手：餡料豐富，少少辣好味道。🥢香滑奶黃包：包質鬆軟，奶味香又滑。全部點心自家手工制作，真材實料👍💯

餐廳的裝修超靚，門口位置有一條長樓梯，結婚喜宴的在拍照超顯氣派～招牌白胡椒肉蟹焗飯～辣辣的白胡椒香很刺激，吃後一會就不會再辣，吃得舒服，大肉蟹亦相當厚肉大隻，新鮮鮮甜～遠年陳皮脆皮燒鵝～燒鵝熱辣辣的，鵝皮脆香，一口咬下充滿鵝油的甘香味，鵝肉亦很香嫩～蒜香大澳蝦乾蒸勝瓜～蝦乾大隻，加到頂部去蒸勝瓜，令蝦乾的鹹香味滲透到勝瓜裡，味道吸引～川式酸菜煮深海龍躉球～不太辣的，只是微微刺激食慾的那種辣度，龍躉肉亦非常香嫩，新鮮美味，白蘿蔔更把酸菜湯的精華味道盡吸，美味非常～

下午一點到酒樓一點三比咗張單等咗半個鐘都未有點心上就覺得奇怪，只收到啲姐姐講既「點心係咁既，都冇得吹」最後再追多次先知完來冇落單會唔要人等得耐咗啲？等半個鐘追你一次好正常… 重點係服務態度… 人哋有比利是嘅就多謝多謝即刻落單…冇比利是等下先… 明白了…..

之前上網睇，已經覺得呢個婚宴場地好靚，夠晒華麗高貴，最近籌備緊婚禮嘅我，都考慮緊呢一間酒樓擺酒，佢嘅大樓梯真係好吸引到我，好啱影相。今次主要嚟試吓點心，質素都幾好，仲講係全自家制作，樣樣都真係好足料抵食，而且下午茶時段仲好抵食。 花雕雞：聞落有好香嘅酒味，花雕嘅味道滲入雞肉入面，雞髀肉尤其嫩滑 蜜汁叉燒腸：叉燒嘅蜜汁醃得好好，軟滑嘅腸粉包裹住惹味嘅叉燒 南翔小籠包：賣相精緻，小籠包入面充滿肉汁，皮夠薄 星海薈蝦餃皇：蝦餃大隻飽滿，入面有大概兩隻蝦，口感彈牙 山竹牛肉球：酸喼汁混入牛肉球真係好開胃，牛肉味香濃 老乾媽蒸鳳爪：鳳爪嘅味道醃得好濃郁，唔算容易脫骨 海皇炆鴛鴦米：呢碟米粉夠晒大份，炆得好香，調味剛好，特別鍾意菜莆，令味道更有層次 招牌胡椒濃雞湯灌湯餃：冬天飲胡椒雞湯可以驅寒，將餃子整碎同湯一齊食，啖啖肉餡好滿足 椰汁桃膠燉鮮奶：女仔要養顏，所以我特登叫呢個，甜度掌握得好好，有椰汁嘅香味，又有桃膠增加口感 就嚟到新年，我都打算推介親戚喺度食團年飯，或者叫個盆菜一齊分享

Came here for Yum Cha with my mother-in-law because she likes the Char Siew here. To be honest, the food here is pretty good and that’s why we come here although the food is pricier. However, the service today was appalling. We were seated at a table by the wall and they parked a service table right in front of us. We had to watch them warm up food, clear up food and add hot water to tea pots. There was no privacy at all and we had to look at the dirty dishes they were clearing from other tables

星海薈 (銅鑼灣) Lee Gardens 放假同未婚夫瞓到自然醒，然後去銅鑼灣食點心，仲咁岩係下午茶時間，會抵食d🥳 ✨蟹粉小籠包叫左一人一籠，一咬落去蟹粉滿滿，而且皮薄好多汁，加左蟹粉比平時原味小籠包多一份鮮甜😋 ✨蜜汁叉燒由於好想食叉燒 於是叫左一份～ 外面燒得焦香，係半肥瘦，上面加了蜜汁，清甜不膩，好岩餸飯食😍 ✨瑤柱蛋白炒飯我地就真係叫左飯🥰 炒飯飯粒分明，加左翠玉瓜，每啖都食到瑤柱絲👍🏻而且份量都幾大喔～ ✨薑黃咖喱土魷唔係每間酒樓都有得食，難得有就叫左一籠～ 果然無令人失望😍 土魷質感岩岩好唔會太淋又唔會太硬，底層仲有咖喱薯仔，perfect match ar💕 ✨招牌胡椒濃湯灌湯餃呢款係必食喔！平時係上湯，呢個係用左胡椒濃湯😍 食完暖笠笠好補身😚 ✨蟹籽燒賣皇大大粒燒賣，入面包住半肥瘦豬肉，比較傳統既做法～ 除左點心，原來呢間酒樓仲有盆菜可以訂購，係全年供應～岩晒大時大節訂番屋企同親友一齊食😋 另外農曆新年就到，酒樓已經推出了各式各樣賀年糕點，可以開始預購🥳 大眾點評都仲有優惠券，真係好抵食～ 呢間酒樓都好適合一大班人食團年飯又或者做婚宴場地，因為樓底好高，空間感大，裝

1月8號晚上9；30打電話，訂12人枱連過年套餐（$5888左右），接電話男職員態度奇差！同男職員講想訂座日子，男職員好似冇心處理，一直dead air,直至我喂左三次，先至回應「講啦！你想訂幾時呀！」（有點陰陽怪氣）由於我係想訂新年套餐，就想同該男職員講訂果個套餐名稱。然後男職員（語氣好差，所有佢嘅回覆都係提高聲線）：「唔洗架啦你語俾我知幾點嚟咪得囉！幾點啫？」我再問該男職員，咁係咪新年套餐唔洗訂枱前提前預訂？即係好似叫餸食飯咁，到時同侍應落order個套餐？（心諗真係第一次聽，唔洗預訂套餐，可以即場叫)呢個時候該男職員先至識停一停，話：「咁你想訂果個餐叫咩名？我哋有好多款架阿姐！」我回覆佢：「你哋職員有WhatsApp 左餐單俾我，唔該我想。。。」都未講完，該男職員話 （態度不耐煩）：「即係邊個餐呀？」）終於頂唔順！我同該男職員講：「既然你咁忙唔方便做booking, 咁我聽朝先至打嚟啦！」該男職員：「好呀，靚女。。。。」佢未講完我已經收線。唔知果位男職員貴姓，但真係唔敢亦唔會試呢間酒樓！差到一個點！

朋友係外國返黎香港度假同倒數，當然要搵間高質美味嘅中菜慶祝下餐廳裝潢富麗堂皇，店內環境寬闊大堂設有舞台，設有大量座位，仲有靚靚打卡樓梯非常適合團年晚餐、公司週年聚餐、用作婚宴場地近排仲可以優惠價享用招牌白胡椒肉蟹焗飯及其他菜式咁鐘意食蟹嘅我，又點可以唔黎試下食物方面 :招牌白胡椒肉蟹焗飯 : 螃蟹肉質飽滿，蟹鉗肉質鮮嫩入味，以白胡椒烹調方法，帶出陣陣胡椒香味，蟹身配搭胡椒味道濃郁，微辣惹味，底層焗飯帶有少少焦香，吸收曬蟹汁及蟹膏嘅味道，夠曬惹味遠年陳皮燒鵝伴陳村粉 : 燒鵝燒到外皮香脆，肉嫩多汁，底層陳村粉吸收曬滷水汁及鵝油嘅精華，非常美味川式酸菜煮深海龍躉球 : 龍躉片煙韌彈牙，份量非常多，加入酸菜、木耳、蘿蔔去浸煮，味道帶酸辣入味蟹粉小籠包 : 小籠包一籠一客，皮薄餡靚，餡料豐富，入便仲有大量蟹粉蟹肉，相當足料，仲爆曬汁得獎金磚脆豆腐 : 豆腐炸得色澤金黃，外脆內嫩，惹味中嚐到鬆軟滑溜的感覺，乾身唔油膩，果然係得獎小食仲有預售新年盆菜，價錢都相當抵大眾點評都有優惠券

好耐無黎，食物改進咗，但價錢貴咗，3個人，7樣嘢，$598。用餐時間寫明1.5小時，如果想傾計就另選其他。今日假期人多，中午前到要等一陣。服務員招待尚可，點心夠熱，除咗腸粉較暖。炆鴛鴦米最差，又油又濕又咸。

1月1晚市 不算是很忙單點 再叫A拼B餐 都夠我們4位成人芝士焗龍蝦，帶子，蟶子，鮑魚 加個菜脆皮雞果然出色！姐姐服務好殷勤，不停幫我們搬碟套餐人多的可以一試有湯有魚有鮑魚有雞有飯有甜品😝這間可跟家人再encore

銅鑼灣高質新年聚腳點✨環境裝修超grand！設有樓梯位置，仲以乾花佈置，真係超適合做婚宴場地 /公司Annual Dinner ！ 🔸遠年陳皮脆皮燒鵝伴陳村粉呢個超推❤️‍🔥燒鵝皮燒得好香脆肉質仲好嫩滑～最鐘意佢嘅陳村粉，吸哂鵝油嘅精華！ 🔸鮮菠蘿脆皮咕嚕肉呢個擺盤都勁靚！咕嚕肉肉質偏肥食落都略有脆口，酸酸甜甜超開胃！ 🔸得獎金磚脆豆腐呢個大推🔥勁好食！！豆腐磚超大嚿，份量夠多～外皮超薄又勁脆，中間豆腐勁嫩滑！ 🔸瑤柱蛋白炒飯呢個都好出色，炒得勁乾身！瑤柱份量都好多，好足料，鹹香十足！ 🔸 金牌燒味雙拼揀咗叉燒同燒腩仔，份量十足燒腩仔皮脆肉汁多！叉燒就偏瘦少少～ 上次黎食過招牌白胡椒蟹焗飯都非常推薦！啖啖蟹肉 好大隻～ 📍星海薈 (銅鑼灣) Lee Gardens銅鑼灣波斯富街99號利舞臺廣場5樓 (港鐵銅鑼灣站A出口)電話 : 2811 9181

早排彤爸同班同事去銅鑼灣星海薈飲完茶返嚟之後話間酒樓環境好靚，點心又好食⋯呢日family day彤爸就提議一齊嚟呢度飲茶🫖嚟到見到樓梯花花打卡位好高貴😍酒樓環境好大好有氣派，坐落完全無侷促感，非常適合公司週年聚餐或者團年聚餐👍🏻🦀蟹粉小籠包 $38打開蓋就見到金黃色外皮,一咬落去爆晒汁💦超正🤩🥓蜜汁叉燒腸 $30腸粉皮薄，同叉燒比例剛剛好👍🏻🥟星海薈蝦餃皇 $32蝦餃大大粒晶瑩通透，蝦肉爽口🍚欖菜肉碎炒飯 $108炒飯好夠鑊氣，唔會太油膩，而且份量超多，一家大細食都非常夠🟡蟹籽燒賣皇 $38燒賣蒸得好軟熟，一咬啖啖肉汁◽️香煎蘿蔔糕 $34蘿蔔糕煎得外脆內軟，亦好足料🥧雞粒鮑魚酥 $76底層好酥脆，鮑魚煙韌幾入味，整體口感豐富🍮鮮芒果布丁 $38飲茶必點甜品😍芒果布丁加埋淡奶無得輸💯食飽飽走嗰時見到而家已經有盆菜優惠，仲有d賀年糕點都好吸引，嚟緊新年都喺呢度訂盆菜先，我仲見到用大眾點評掃code有優惠券可以攞👍🏻