星群地中海餐廳 (已結業)

一行3人約晚上7時左右黎到以為假日會多人食, 點知仲有一半空位, 可以唔駛book台餐廳可坐室內同戶外, 我地揀左戶外坐打開餐牌, 有套餐可選, 不過唔係太吸引又唔算抵食, 倒不如散叫點了凱撒沙律, 鴨胸伴黑車里子汁, 四方pizza, 另燒烤類 (羊扒, 秋刀魚, 帶子)先上的是四方pizza, 賣相像極了cafe O的square pizza不過味道差天共地, 呢到既pizza餅底一點也不crispy, 點菜後唔駛十分鐘就上可想而知係一早整定翻熱, 快餐作業, 餡料又不夠多, 蕃茄芝士太小啦後上的是鴨胸 / 燒烤類鴨胸個汁真係唔多掂, 果汁最夾鴨胸, 但呢到既汁果味唔突出, 更加唔好講話夾鴨胸奇怪的是鴨胸皮點解咁多鹽, 整燒肉? 薯菜亦唔係幾得, 咸得過份秋刀魚未清內臟, 苦苦地, 食時要自己小心肢解羊扒極細件, 差不多30蚊塊, 帶子得3小件, 都要廿蚊一串咩都食完, 等左大半個鐘, 前菜都未上, 催促waiter後又等多十分鐘終於上台沙律咩味都食唔出, 只感到多左一肚火暖身餐廳咁既水準都可以收咁貴既價錢假設俾錢當係食環境, 不過14度既晚上, 連戶外火爐都唔肯開, 放埋d爐係

一路都有去開無論大小節日~都會同朋友一齊去hea我最鍾意食炸魚柳~~有埋薯條配~~一絕他們點魚柳的他他汁都整得好好味仲有大大件o既三文治都好好味坐係露天地方~~情調特別好不過係天氣熱時和下雨天就麻煩D

落巴士先0黎行雷閃電刮怪風兼落雨, 實在黑仔, 地膽朋友帶路0黎呢度邊飲杯0野邊避雨. 為留肚食海鮮, 連 tea set 都唔敢叫, 簡單一人一個飲品, 再叫一客炸薯條 share 食就算.薯條用 basket serve, size 十足 fish fingers 咁粗, 炸得熱辣辣, 無油 (!), 極脆口, 雖然味道較淡, 薯味亦一般, 但自行蘸茄汁 and/or 鹽, 一樣滋味. 食唔停口!飲品求其要了凍咖啡, 純粹唔想飲酒精, 又出奇地不錯 -- 好滑, 幾香, 奶多過啡, 0岩口味. 輕鬆簡單的一個 tea, 唔錯唔錯.環境超級好 hea, happy hour 一流, 相信夜晚0係度睇波亦一定好正; 招呼無特別.停雨後每人放低 $40, 繼續行程.

對著海食下午茶,真係人生一大樂事,係呢度食野既人大多都係外地人,感覺就好似去左外地旅行咁,好捨意呀

近月的驚喜發現，每次都是晚上九點後與未婚妻來，杯酒談心。食物沒有仔細的咀嚼過，只記得烤物不怎樣，佐酒小食尚可，股務也是可以的。飲品才是主角，價錢不貴，質素不俗。Vodka Lime還倒有點辣喉的，至少不像某些小器酒吧所調的，淡如檸水。唯一的不足，是Lime給換上成Lemon......天氣不太熱或不是下著大雨的話，坐到外面每人飲三兩杯，二百多塊錢，便可享受一個浪漫的夜晚了。白天是辛勞的，晚上著實是應該閒一閒的。就像愛情，激情過後，就是細水長流的感情了，如酒般，日子愈久，便釀得愈濃、愈易教人上癮。還是最喜歡和我的她飲~

昨日是爸爸節。爸爸一向要求高，環境要舒適，食物要好味。之前試過帶家人去酒店食貴價buffet都無法令他滿意，所以每次選餐廳都十分謹慎，最好當然是自己曾經去過的地方。星群這餐廳曾經和三幾位朋友嘗過，每次都很喜歡坐在戶外望海的感覺。價錢比起一般西餐廳略貴，每個set dinner都超過$100，但食物質素和份量也不俗，尤以套餐更為吸引。而且入夜後黃金海岸的氣氛很有情調(逢周六、日更有小攤檔擺賣飾物/小玩意)，除非到球賽時間才會變得熱鬧。那裡顧客不算太多，通常早一日booking都無問題，試過平日walk-in都一樣有位。怕天氣悶熱所以選擇室內。爸爸節一行四人點選了以下食品：二人餐 ($408) – 南瓜忌廉湯, 餐包, 鵝肝醬三文治配煙三文魚, 鱈魚扒拼牛柳, 藍青口蕃茄汁天使意粉, 餐飲另加：蒜蓉包(母親大人想食), 生蠔x2, 大蜆x2 (兩樣均可選芝士或蒜蓉焗), 芒果煙鴨胸沙律, 海鮮天使意粉其實所有食物都很美味。鱈魚扒很滑很入味，牛柳嫰口，天使意粉的蕃茄醬汁很開胃，連逐隻order的生蠔及大蜆也相當新鮮美味。除了鴨胸沙律較細碟外，其他食物的份量也足夠，海鮮天使意粉便有齊青口、大蝦

宵星期日，節目是燒野食到旺角乘小巴到元朗，由於活動在晚上八時才進行，本想到新元朗中心睇套戲，但其實對地點完全不熟悉咁岩經過黃金海岸，見十年沒有到過，膽粗粗是旦下車一遊遊人很多，擺滿了攤位，隨便地找間露天酒吧坐下，Order兩杯啤酒飲下乘涼友人點了隻Strongbow啤酒，味酸難飲似蘋果醋，我還是規矩一點要回嘉士伯每次踏進黃金海岸，感覺總是挺自由自在，只在環境設計得太像外國海灣，微風送，二十五度下的天氣也確涼快天光坐到天黑，入夜後的景色幾浪漫呢

果日同女朋友兩個8點幾去星群食飯，通常我地都係貪方便唔使諗食２人餐，但果日係我地拍拖２周年，所以我地散叫，咁樣可以分開曬頭盤，主菜同甜品咁食，我地首先叫左個ceasar salad,之後主菜就食西冷同羊架,最後食埋個心太軟,d野食好好味,牛同羊都整到岩岩好，個甜品一切落去就有朱古力流出黎，正～講番d服務先，d侍應都幾好服務，又有介紹我地有咩好食，d菜又一道一道咁上，唔會話一次黎曬，見我地差唔多食完又會俾牙籤同加下水，但係d經理就差d，尤其肥肥地戴眼鏡果個(因我地不時幫襯，所以都認得)，我同女友見到佢地成班員工忙緊既時候，個經理竟然係唔幫手，都係見佢拎住枝beer坐係度同班fd吹水！我地唔知佢係放左工定咩，但係已經見過咁既情況幾次，就算係收左工都應該換番件衫先做私人野la，我覺得咁會影響間餐廳既聲譽law，就算係經理都唔係咁做丫嘛，咁簡直係浪費左餐廳咁好水準既食物同員工law！！

同人食飯，見倒個人係度飲酒，我嚇到傻了......

黎過睇食評,d人話服務差,不過擒日去左,又覺得唔係,話說朋友A講緊電話,需要筆drop低野,佢\只係細細聲咁問我地有冇筆,但個manager就好快手把左支筆我個fd.而且上菜同refill水既時候都好有禮貌!只係食物質素就麻麻, d牛扒熟到似12成,但我地order 7成熟, 佢\熟到切左好耐都切唔開(或者係佢\把刀唔利呱), 紅酒唔明點解要加冰囉~~ 但係個銀雪魚就好好味,好滑~~ 環境都ok~ 個view都唔錯~

今晚一行五丁, 煩緊去邊度食... 男朋友駕車去黃金海岸. 一上到地面, 見到呢間餐廳氣氛好似唔錯, 所以揀佢. (之前我都0黎過openrice.com睇過呢間野0既評語)五個人, 揀0左兩個兩人餐, 每人$130.沙律同小食都ok. 男朋友話牛肉好熟, 0岩晒佢(因為佢食生野就肚痛). 但我嫌舊牛熟得滯, 有渣. 同舊牛同一碟上0既龍蝦好香, 幾爽口. 食龍蝦肉時千祈唔好唔記得點下個蒜蓉... 用牛油煮過0既蒜蓉(加0左少少香草)... 嘩, 點蝦冇得彈! 食0左鱈魚, 好滑! 茄醬煙肉意粉都唔錯... 可能我鍾意食偏甜0既紅汁意粉其實出面個景好好, 尤其是呢排仲係新年, 黃金海岸沿途都掛晒紅燈籠. 可惜出面d露天位太大煙味... >_<臨走前, 個manager畀0左兩張免費一粒鐘0既泊車券我地. 所以食0左三粒鐘, 都係畀$14泊車. ok抵!最後都要回應畀過評語0既朋友... 我都覺得呢間餐廳0既待應同manager服務態度有改善空間. 例如有個待應, 落單時又唔用紙筆寫低我地要乜, 我地總共講0左4次我地要咩... 又, 埋單時, 我地搖手叫埋單. 個man

老公行完麥徑都成十點....拎哂證書一行九人十一點半先黎到黃金...好在呢間仲未關門....其實咁夜大家胃口都麻麻....叫左個四人套餐, $528....裡面包好多小食同飲品....沙嗲串燒(較硬), 燒雞燒牛肉同魚...只吃了銀雪魚...唔錯(滑滑)! 沙律...芒果好酸, 南瓜忌廉湯..夠creamy 不過...唔夠熱...炸薯條, 薯皮?...無試, 不過佢地都夾完再夾...小pizza...厚厚地...老公俾我咬左一口...個邊好脆...如計四人餐, 相信食唔哂...味道一般....其他大大小小飲品同食物都無試....服務方面....招呼亦不夠人手!

記得係10月29日去，同朋友打算感受halloween氣氛，特登揀左黎黃金海岸。當晚我地原本考慮呢間定係隔離法國野，去到睇下出面menu就決定呢間食，睇落去吸引d。負責帶位既小姐幾靚&有禮。我地選擇左坐出面，揀左個$2xx既二人餐，食物都ok，但又未至於好正～黎個牛排時，切落去有血水仲要切唔斷(呢樣都算，因佢冇問過我地要幾成熟，而我地亦都開始冇要求)，但其間冇人為我地加水，叫左起碼4、5次(分別唔同侍應)，但最後都係冇人同我地加水= ="。我地係太口乾之際諗起仲可以叫餐飲，都係一樣叫左幾次都冇人理我地，最後黎到既凍０水變左凍０茶，又等...卒之,個侍應都知我地等得耐,黎既時候佢都有話等到杯凍０茶甩左色啦，變左凍０水啦～真係...好搞笑羅，忙到都唔理人...

那天是2006年9月6日星期三晚上，到MedStar吃飯，訂位的時候已要求一些可以兩人談話的位置，雖然不是很困難的事情，畢竟他們真的辨妥，服務不差。我們吃過飯後，要求結賬後坐在戶外的坐位，他們樂意，服務也很妥貼。坐了一會，雨下得愈來愈大，他們亦拿出雨傘給我們，好讓我們回室內，很是感激。因為是和至愛第一次慶祝她的生日，旁人看來可能都是一些平凡常的事情……都成為段段回憶，值得紀念……想到明年這天坐上是否仍然可以看到我們盈盈的的笑臉呢?.......不禁要停下筆….寫不下去了……

前排我生日女朋友帶左我黎呢間野到食晚飯七點鐘黎到, 坐左係個角落頭位到叫左個原隻焗龍蝦仔帶子墨汁意粉龍蝦仔帶子都冇味, 好怪唔知佢\果d 墨汁意粉有咩特別之後女朋友整左個蛋糕問個waiter 拎左d 刀叉碟都冇托手肘呢部份我都幾滿意可惜埋單果陣, 我女朋友簽咭佢\第一次簽, 問我駛唔駛劃線我話係價錢下面劃一劃啦點知個經理(無錯, 係經理) 話就咁得架啦之後冇經我地同意下就一手拎起左張單俾番個copy 我女朋友, 呢d 係乜野服務態度呀!!!之後我地起身, 整理緊\"咩\"番d 袋果陣佢\就已經執緊野, 呢次之後我以後都唔會去呢間野好唔好食都係其次, 唔開心就再好味都用!!!