星聚軒

營業中

休息中

酒樓佐敦地鐵上面，交通方便。午市飲茶點心有特色👍🏻👍🏻，美觀及美味，四個人$390+，每個人午餐消費少過$100。大厨係由五星級酒店過嚟嘅，所以酒店級數，平民價錢。

兩父女前後一日生日，每年總齊齊慶祝的，這兩年的生日飯局就多了仔女的另一半。兩個老懷安慰快要登六的老野跟隨著後生一輩，除了微笑地享用仔女請食飯之外，也感受著幸福：一家人整整齊齊食餐飯。自從新冠疫情持續，不經不覺已有大半年沒上星聚軒用餐了。這店標榜私房菜格局，座位算濶落裝修保持新淨，侍應主要是港人居多，氛圍較親切，食肆老板與客人寒喧交流。本著什麼米芝蓮和得獎菜的名氣，以及回味曾吃得津津樂道的酸菜魚和宮保蝦球而來，可惜廚師換人了，宮保蝦球和拔絲甜品沒有，有點失落啊！酸菜魚水準算保持到，是全席的靈魂，是未來女婿的至愛，撈飯吃，差點連湯都撈埋。$268都算價值。辣度適中，魚塊彈牙，酸菜和薯粉配搭很好，可惜沒有了炸魚骨伴食，美中不足。鮮菠蘿拔絲咕嚕肉，甜酸度煮得剛剛好，賣相佳，阿女讚是全席最好味。雞煲翅推廣價$398四位份量6個人分，當然是只能輕嚐啦！味道中規中矩，不算有驚喜。這是仔仔刻意點菜的，心意收到晒。柚子蝦球，相比舊作的宮保蝦球，賣相和味道就輸了一截了。招牌脆皮豬手，Ok啦！下次可以安歌的。香酥小棠菜，質素和賣相較弱了，未夠酥脆。椒鹽魷魚鬚，是新抱仔專點的小食，又幾好味喎！以為她會點雞腳添

水準不錯，老闆是粵曲高手，也是前DJ也是時裝界名人。交際很好。食物水準算高，味道濃淡適中，鮮味很好。吃了龍蝦刺身、象拔蚌刺身、杏汁豬肺湯、焗蠔、文昌雞、黑醋咕嚕肉等等。但龍蝦刺身看到師傅刀功普通，龍蝦肉有部分切的不是很整齊而有小部份的肉捲起來。可能肉質不同所以象拔蚌刺身切得較好，但手法略為舊式而不是最近數年較流行條狀令口感更理想的切法。杏汁豬肺湯還可以但杏仁味略為重了一點令豬肺及其他湯料的味被掩蓋了。焗蠔十分不錯味道很適中而蠔的質素十分不錯。黑醋咕嚕肉肉質以黑豚肉製作口感及味道不錯，但混有炸甜薯令我這食肉獸覺得有點欺客。焗蠔與黑醋咕嚕肉配飲梅子威士忌酒最為配合而兩款刺身配威士忌梅酒也不俗。蟹膏炒飯的蟹膏略小但整體配合不錯，炒飯口感十分理想，值得推薦。

昨晚同朋友去食晚飯，有員工推介炸子雞四百大元一隻，結果是非常失望，炸子雞的皮不脆，肉不也不滑，完全冇雞味，其他菜色都一般！ 同時有兩個侍應分別輪流在你身邊周圍推介呢樣推介嗰樣，根本冇時間畀你慢慢的看餐牌點菜，令人有壓迫感的感覺！ 所以無論硬件或軟件都是令人失望，以後也不會再去。

有3日長假期，在沒有特意安排下去了佐敦莊士倫敦廣場的餐廳食午餐, 見8樓的星聚軒有位唔洗等，也不想週圍搵，於是和朋友們一起去飲個茶、食個包~餐廳環境不錯，枱與枱之間的距離也較寬闊，做足防疫措施; 還有卡位可以選擇，每個卡位的牆上有一部電視，可以一路食，一路睇馬仔或者睇新聞，幾自在~點了幾個點心，上菜時仲熱辣辣，食物質素就普普通通。有創意是將全統點心加色，有綠、有紫、有金鉑...說實話，可能我個人比較老套，由細到大去飲茶都係食全統的手工點心，D 七彩繽紛的點心感覺一般，會刻意挾番水晶皮做的點心。整體來說，環境舒適，多是斯文食客，不會太喧嘩，可以約朋友傾計的地方。

今日係消費券有效期最後一日，與媽媽相約至哩間店舖嘗鮮（聽聞大厨係米芝蓮有評星）是日大約一點半到埗，不用等位便可直接入去坐，環境都幾舒服，坐位闊落，卡位仲配置一部電視機在側。媽媽話想試啲唔同既野，所以由我發板，今次嗌咗幾樣，每樣都有内藏驚喜。第一樣係炸雲吞，佢跟既汁有別於我以往食開既酒樓，入面有叉燒同魷魚，個炸雲吞咬落有蛋香味，淋上醬汁，風味更上一層樓！第二樣係黃金豆腐，哩個有啲難夾起，易散，不過不失。金箔蝦餃，造型上夠特出，咬落去啲汁飛出嚟，小心熱親個咀最令我回味的係哩個雪茄蝦卷，首先外皮係如蛋卷酥脆，咬落聞到炸物個種油香味，最正係成條都塞滿蝦！最後係龍蝦湯腐皮卷，個湯係食得出有奶油煮過，個腐皮卷就算涷咗都一樣脆口，正！上菜期間，見到啲侍應上既小菜份份都好大份，啲湯又好香，下次再嚟試下食晚飯。如果想請人食飯，都值得一試。

一開𨋢門就有前台小姐有禮嘅招待，第一感覺係裝潢簡約不失高尚，設計師都應該花咗啲心思👍🏾恰巧店舖嘅靚靚老闆娘都喺度，安排咗一個卡位俾我哋一行四人，坐位濶落，枱與枱之間亦有適當距離，唔會感覺好迫，每枱客人都有各自嘅comfort zone，最起碼我認為係咁⋯⋯點菜到出餐嘅時間適當，唔會好快一次過上哂啲菜迫哂喺枱，亦唔會吉住枱面期待下一道餸上枱嘅場面服務員有禮，招呼係十一分恰當，基本上有求必應，對比近呢幾年去過嘅酒樓，呢間嘅服務真係非常罕有，唔會好似其他酒樓啲侍應咁，一係叫極冇人理、一係就金精火眼𥄫實你嗰枱喺咁走埋嚟、亦唔會好hard sell啲餸菜，呢度完全滿足到你用餐時嘅私人空間，值得點讚每個人嘅經濟背景唔同，對於我嚟講價錢唔屬於平民價，不過價錢反映質素，我自己就覺得性價比高，因為好足料，重質亦重視烹調方法，每款食品都各具特式，唔會因為有高材就失去咗嗰份創意值得一提嘅係Gordan Ramsay成日喺Kitchen Nightmare話啲侍應唔熟餐牌，喺亞洲地區嘅香港竟然遇到可以滿足Gordan Ramsay嘅服務員S，唔知係老闆對佢嘅員工有呢啲特別要求定本身員工對自己份工嘅熱愛，我隨便

朋友順利打完第二針，借口慶祝一番嘛！聽聞這間是新開的店，宣傳卓頭是由五星級酒店總廚開的私房菜館啊！今晚是星期日，乜咁靜嘅？成晚眼見得3-4枱客，經理和侍應多過客人，服務招呼當然周到，態度親切有禮貌，無得彈。同樣，環境衛生都係一流，這可能與客量有關啦！食物方面，酸菜魚和宮爆蝦球都值得推薦，賣相和味道俱佳，性價比高。個人就覺得文昌雞就一般了，但不妨一試。飯後甜品送紅豆沙，廚師將紅豆磨蓉，火喉夠，比錢都值嘅！但可能太少客吧！送嘅好過倒啦！另外提一提，開了壼喬麥茶，比傳統中國茶又有少少新意。整體上，人均消費2舊水，朋友聚首一堂坐足成晚，算抵啦！唯一改善是菜館暫時仍只能提供4人一枱，出面已講緊開12人一圍啦！咁大限制好難做到生意囉！唉！這是誰之責？心照啦！希望限聚令快過去，令酒樓食肆早日重生。

老闆、員工服務好、態度好，主動了解客人需要、更換餐具，推介精選食物，但唔會有被hard sell嘅感覺。小菜價錢相宜，但同時亦有新鮮海鮮提供，上菜食物溫度剛好，冷盤、熱盤都恰如其分。湯翅足料暖胃、文昌雞夠滑溜、欖角排骨香脆酸甜，食物賣相擺盤亦精緻。席間老闆提供左早茶點心餐單，選擇唔算好多，但精選而精緻，隔離枱打邊爐，見到可選擇食物不少，非常吸引，期待下次去試埋早茶點心，同火鍋（見到人地食，自己都心動💗）

朋友發現莊士敦道廣場開了新店，特意來試試。即日訂晚上飯局有位，沒有難道。晚上到達餐廳，已經有數張枱已有人坐下了，環境尚算滿意，枱與枱之間比較寬闊，還有卡位可以選擇。服務員安排了卡位給我，座位後沒有餐牌，要求服務員給我餐牌，原來放在餐枱上的一張咭正是全餐廳餸菜，當時有點意外，但心諗可能貴精不貴多。我点了服務員推介魚翅雞煲，自己再order德國豬手，酸辣水煮魚，奶油津白，文昌雞半隻三位用。以上所有菜式份量尚算理想，食物質素一般，魚翅雞煲湯底濃郁，文昌雞偏油，因為臨上面的醬汁太油，有點利口，德國豬手，雪藏味太勁，不能入口，建議不要點這個餸，水煮魚偏辣，因太辣椒🌶️湯底和魚味無了，魚採用的黃花魚，炸過的有点怪，另外送上炸過魚骨，湯底有闊面，但闊面是一餅野，無法分開，可能擺咗太耐，已經黐實左，整體食物沒有太大特色，有好大的改善空間，反而環境坐得舒適，是一班朋友傾計的好地方。另外，我見這點似乎招呼熟客為主，店內有幾名着西裝的服務員，只會招呼或推介某啲人，因為等服務員，只得一個傳餸菜嘅阿姐，回應我們。

地點早前聽聞佐敦有間係由五星級酒店總廚出黎開既私房菜叫星聚軒，平民價錢食酒店級中菜，咁岩同朋友經過，就試試佢啦。地理位置方便，佐敦地鐵站上蓋就到。環境唔錯，好寬敞， 座位舒適，餐具乾淨，每張卡位都有電視機，一邊睇奧運一邊食飯。菜式介紹下其中幾樣先:1) 龍蝦刺身，新鮮龍蝦即整，肉質貼又彈牙，正！2) 銀獎宮爆蝦球，依個必食，蝦球大大隻，酸酸甜甜，另外皮蛋以蝦膠作外皮，別有一番風味3) 紅酒牛尾，可能新開張，做緊推廣，＄９８蚊大約有６件牛尾，抵食！4) 香蕉拔絲聽師傅講，拔絲係極難整，需要３個師傅用３０分鐘手工堆砌出黎，對溫度既掌握非常講究，太熱又拔唔起，太冷又會凝結。大大個拔絲，可以試試中國廚藝之餘，仲可以打個靚卡。總結１０個人叫左起碼８道菜都只係３ＸＸＸ蚊埋單，仲有龍蝦食，值得再去。