星馬屋 (已結業)

連續兩天在沙田科學園參另智慧城市講座，當然就幫襯吓𥚃面的食肆。科学園裡面午飯有限多選擇，中西東南亜菜色都有，豐儉由人。因時间關係，今天午餐就選了个海南雞飯。湯只是例湯，比較失望！配菜是酸醃蘿蔔丝和花生，不錯。雞肉味道跟白切雞一様，做到嫩滑，但没油香，皮下脂肪略多一点。油飯色澤偏白，質感不夠黏糯，油香欠奉，初時以為是白飯。但食落味道OK, 不太油膩。醬油包括薑蓉、黑醬油和辣椒醬则是非常一般。因這家是星馬泰餐厅，海南雞應是主打，這様就比較失色了。

黎到科學園以為啲餐廳食物都好貴，難得廣場門口有一間馬來西亞餐廳，下午茶都幾抵，價錢大約三十幾至四十幾，免收加一服務費。我哋叫咗一個肉醬義大利麵，味道都唔錯，不過份量較小。落地玻璃望到成個科學園嘅環境，都算一個休閑嘅下午。

這間餐廳位於科學園，喺廣場嘅地下個層為有好大嘅落地玻璃望到出面。原來呢度下午茶免收加一服務費，套餐價錢大約三十幾至四十幾元。我同朋友叫咗焗肉醬意粉同馬來炒貴叼，炒貴叼都幾有鑊氣，味道唔錯。肉醬意粉亦都好濃郁，不過略嫌份量少左啲。整體嚟講，能夠係科學園搵到平價嘅下午茶，感覺都唔錯。

今天去左科學園發現嗰度食肆都幾多，主要係提供早、午、晚餐比嗰度返工嘅人。我最終入左一間叫星馬屋的餐廳，嗰度嘅裝修有D似一般嘅茶餐廳，但又乾淨啲，面積就好大了。一睇佢個餐牌，見到佢食物嘅選擇好多，價錢亦都係30幾蚊至70幾蚊不等，一啲都唔貴。最重要係佢嘅下午茶餐大部份都係30幾蚊，仲要係到晚上七點先會停止供應，會包一種主食同一杯熱飲品。另外加$3仲有個湯。下午茶餐嘅份量一啲都冇小到。我叫左個西冷扒意粉加杯熱飲都係40幾蚊，就食得好飽了，味道唔差。總之超級抵食，大家有時間不妨去試吓啦。

科學園....一個離奶油包好遠既地方因為今日要去科學園做野所以就只好係入面搵下有咩野食唔去到都唔知....原來科學園有咁多食店咁奶油包就揀左『星馬屋』『星馬屋』好似出面既茶餐廳咁LUNCH SET都係$49 - $60左右比出面係貴D但係呢度係科學園貴少少係應該既重點係科學園既環境勁靚而『星馬屋』既樓底勁高仲有湖畔景...值得俾貴D睇下有咩食先LUNCH SET既選擇多到一個地步係唔知揀食咩好樣樣都好似好好食咁最後奶油包揀左咸魚雞粒炒飯上到枱就覺得好香食落去都覺得好足料但係好似唔多覺有咸魚(可能唔係我食開既咸魚)又或者係我食左都唔覺仲有就係勁大碟(雖然我食晒...吃貨不是假的)餐飲我就要左+$3既凍檸茶so far嚟講算OK因為個景奶油包好鍾意

去咗呢頭附近,只係想食少少嘢,就揀咗星馬屋.其實係間港式茶餐廳,睇一睇餐牌,價錢都幾平.樓底又夠高,仲有湖畔景緻,總算係比外面啲茶餐廳優勝.炸雞髀沙律配熱奶茶,沙律入面有菠蘿,青瓜,胡蘿蔔,馬鈴薯,西芹,罐頭雜果,以一間港式茶餐廳嚟講材料豐富,滿滿嘅蔬菜較只係食肉類來得健康,同埋冇出水之類嘅情況.不過雞髀就炸得非常非常非常乾身,外皮仲脆到好似雞皮版豬肉紙,感覺一般,更莫說肉汁同肉質.咁其實以呢個價錢嚟講尚可接受,沙律亦將炸雞髀嘅缺點掩蓋咗.熱奶茶茶味重,正正常常.朋友嘅咖哩牛腩飯配凍檸茶,當日碟上就只有牛腩,又冇其他蔬菜伴碟,口感較單調,味道就算係可以.咁如果晌呢頭返工或踩單車想中場休息,只係想搵個平平哋而又有啲美景嘅地方坐坐都未嘗不可嘅.

悠長的復活節假期要做甚麼好呢 ? 最重頭的節目當然是要帶小友四圍"貢"去找地方給他跑、跑、跑....是日跑到來久違了的科學園，到來參加在這裡舉行的Easter Fair....來這裡的目標是為玩而不志在吃的。故此園內的那堆所謂貴價的餐廳，我們是打死也不會進去的....小友只顧著玩及跑，就連肚子餓扁也不理。太太要陪他當然也跟著不能吃了。於是乎今天用餐的，就只有我一支公了....要快食後再和兩母子會合，最快的方法固之然是叫一碗河粉，三扒兩撥食完就離開....眼前的柱候牛腩河，儘管牛腩味調得頗夠濃但肉就偏韌硬有渣。其餘的如河粉及菜心就更不消提了，是普通過普通....反而奶茶還算帶茶香不見太苦瀝的，仍喝得下....雖然我點的東西完全不行，但一想到兩母子若要繼續捱餓的話，小弟還是於心不忍的。此時可以做到的，便是再冒多次險，在此點了一個外賣拿走....薯條儘管屬我的至愛有坑紋的，但咬下去卻覺它是已受潮了變得濕和淰，實在不濟；反而那吉列豬扒是炸得不錯，炸皮不厚未算太油亦無甩皮甩骨與肉分離。豬扒肉甚結實不見柴及嚡口....和其他貴價餐廳相比，這兒確是最便宜之選。也難怪當天店內是人頭湧湧的....但有人