春和樓餃子店 (已結業)

偶爾在旺角晚膳,選擇了這間主打餃子的店來用膳,菜單上的餃子款式,多不勝數,有些就較普通,有些就幾特別,反正全部都未吃過,因此,就叫了一客餃子拚盤,這店的餃子,大多非放湯上,而是碟上,可能因此緣故,餃子有點乾身和快冷卻,這也不太要緊,味道才是最主要一環嘛!!奈何,連味道也不能討好,約十款餃子的拼盤,但隻隻既味道,就完全食唔出有什麼分別喇,而且有d,真係好難食,豈有此理,主打餃子,竟然都不能討好食客,真係某牌子既急凍雪藏餃子,都好食過佢多多聲,簡直離譜,個日食左幾隻,真係認唔住,匆匆埋單走人,再覓地方醫肚,今回又係貼錢買難受既事件,真要高唱:自問命算苦,為何還受苦!!

以前好似係女人街裡面果間d 餃子都幾好gar, 而家呢處好弱. 叫o左兩個相拼. 南瓜餃- 冇南瓜味. 好似普通o既豬肉餃唐芹餃- 都有芹菜味,一般煎芒果雞肉餃- 有果肉但冇芒果味.(好似叫)煎羅漢齋餃- 個皮好硬,唔好食.清潔呀? 有隻小強呀! 唔會再o黎!

好耐之前响油麻地呢間食過，都幾得架。點知早兩日同朋友一齊去食,就發覺呢間野變左好多。d豆漿勁多渣,又勁甜,真係幾難飲...叫左個擔擔麵,乜味都無,一味得個辣字...唯一可取係d餃子煎得都幾脆,幾香口。不過佢出食物d先後次序真係有d問题...出咗個擔擔麵之後好耐,等我食到差不多飽都出唔到個餃子...d服務更加不知所謂...勁失望!

以前到過黃埔花園春和樓,印象麻麻,是關他們起菜之速度十分之慢,分分鐘漏單.今天晚上同朋友到油麻地,經過春和樓,見人少少,又幾企理,所以就入左去,我哋叫左兩碗麵,一個家常餅,一碟醬蹄.等咗五分鐘,两碗麵到先,唯有食住先.一睇碗麵裡面Ｄ餃子,好似放左响雪櫃成個星期咁,Ｄ皮雪到皺晒,重食唔到Ｄ餡味,正當冇癮之際,伙記將一碟葱油餅放低,我回頭想叫他回來,他己迅速回到原本崗位"吹水".當他見我招手時,便顯出一副不耐煩的"死樣"回來.我問他是否放錯枱,我是要家常餅不是葱油餅,他立即查看點菜單上的價錢,跟住數我枱上嘅碗碗碟碟,之後將碟葱油餅攞走.食完麵,伙記將一碟似炸過嘅葱油餅放底(又偏又薄),佢話係家常餅喎!,食落好似"嘉頓薄餅"咁,重要貴葱油餅十蚊,真吹脹.連碟"薄脆"都食埋,果碟醬蹄都未到,諗住叫伙記埋單兼cut咗碟嘢,叫咗兩次佢都唔埋嚟,話等一等,第三次再叫,佢就行埋嚟,重拎埋碟醬蹄.我話比佢聽我之前兩次叫你係話你知我唔要呢碟嘢叫你埋單...佢即刻就答咀話"呢家碟嘢嚟咗唔可以唔要架喇"就轉頭走咗,我當然不服氣,叫另一個伙記,同佢講,本來都ok冇問題,點知之前個伙記同佢做咗個手勢,話唔可以唔要

唔記得幾耐之前去過旺角o個間，好似係幾好食。但係油麻地呢間真係好唔掂，餃子又肕又厚，餡料又少，叫個擔擔麵，完全食唔出係擔擔麵，以為係肉碎麵，極度disappointed，唔會再去！

食評食咁多寫咁多，知咁多講咁多，不大明白「行程上有衝突嗎？」是什麼意思，況且照計亦不必亦不須要在此交代行程﹝雖然好多時我都寫多兩筆交代前文後理﹞。加上食評在止純屬分享，又不收分文，何「怕」之有？我是如假包換一個人，從來只用「Gourmet KC」一名，而不會用其他代名在此發言的。

Gourmet 兄, 請問你是一個人或一個團體呢? 你一日內寫咁多食評,唔怕比人睇出你行程上有衝突嗎?

以前都有看過這裡的報導，亦見眾食評都不大正面，尋日終於有機會試試。<br />我是去油麻地店而非旺角店的。兩點幾到來，得三檯客人，侍應們都在吃東西，不過當見到有客人她們還是會立即放下碗筷招呼的。<br />叫了蔥粒牛肉餃米線，另外亦叫了一客京蔥羊肉餃。米線都幾大碗，蔥粒牛肉餃都幾好味，北方餃子皮並非廣東的雲吞皮，皮略厚都可接受。但米線就完全唔掂，太淋，好明顯係淥過籠；京蔥羊肉餃味道不錯，羊肉不太夠騷，可能要遷就本地人口味，所以不夠風味。<br />有一碗醬汁給人點餃子，甜甜的少少辣，都唔錯，可惜店內的辣汁辣油都不夠辣。<br />埋單50蚊找番幾蚊，如淨吃餃子的話，都唔錯。<br />

食過紅磡蔡瀾美食坊的春和樓，水準一般，心想呢間係正店，又禁o岩想食餃子，就俾多次機會佢。一入去，晚飯時間都只得一半人，坐低時，見張椅子上有粒好像肉碎或餃子皮的東西，於是叫待應清理一下，個師奶待應用手一撥，說可以坐了，但明顯上面仍有油，點坐?? ?又唔用布抹，唯有自行換位。叫了十全十美餃(十粒不同餡的餃子，$48)，美辣瘦肉餃拉麵($20)，擔擔麵($16)。餃子煮得不夠熟，皮有點硬(上次紅磡店都有此問題)，味道方面，款式確夠多，但冇一款認真好味，不論是何重餃子，餡肉都是既不香又不甜，我想我還是喜歡又一店的小籠包，雖然只得一種味，但又香又甜，皮薄而口感又好。拉麵是比較有水準，可能是因為交來的不是自製，水準較佳。差不多吃完時，待應在添鼓油，辣油和菜甫，載辣油的碟沾滿辣油，載菜甫的碟則沾滿菜甫，骯髒非常，但待應只照添辣油和菜甫，不清潔碟子，成個碟子沾滿辣油，叫人客怎用?順帶一提，兩個老闆女長得標緻，但一個當收銀，另一個做廚房，門面反而由三個沒甚麼服務和衛生的師奶負責，她們也只是三個圍在一起談天(可能生意太少，沒辦法)，我想老闆女應該出來管理一下樓面才對，不過食物過不了關，服務好點也無補於事。

皮厚,餡料味道古怪,難食,衛生水準差差差!

唔...成日食雲吞,今日食北方水餃,唔係真係太好食,d餃好一般,我覺得d京蒽水餃就最好味~~~今日我就係呢間水餃店有個nightmare小女子同男友哥哥order一份豆沙飽...好恐怖...三個飽其中一隻嘅飽底有一舊黑色(似鼻屎)嘅嘢...之後d waitress換俾我...似中個feel都唔係好...哎呀..依家講吓都有d肚仔痛...同志們,唔好去呀

係油麻地彌敦道466~472之前已經想試(因新開)但見到d食評唔好~都有d擔心2個人食左:~酸辣湯$16>>都ok,算辣,但好似酸左少少~雞絲粉皮($32)>>不太好,又細碟,麻醬唔好食,又不夠凍,比淮揚飯店差(人地都係$25)~煎"九"菜餃($27--10隻)>>較細,但煎得幾香,皮算ok~合共:$75,okps食蒸餃比煎餃平~相差額$7 又唔咁熱氣

上月前往該食店吃晚飯，點了一客海陸空餃子，但來錯了辣肉餃子，心想這還算吧，只叫侍應來調整收費單(因為辣肉餃子售價較便宜)，該侍應抱著懷疑的態度，不願承認錯誤，還擺出一副懶理的樣子，像是在責怪我們，經我們再三堅持，才替我們更改收費單。後來吃過餃子，想叫侍應生添水，那位態度惡劣的侍應竟然瞪大眼望著我們，卻扮聽不到，我們叫了她數次也不獲理會，後來唯有改叫另一位侍應生幫忙。這店舖來錯食物，是店舖的過失，我們亦無要求退換食物，只是十分有禮貌地要求更正收費，非常合理，但竟獲侍應生如此不禮貌的對待，真是谷到一肚子氣呀。「今時今日，咁服務態度唔得喇」，我們已決定以後絕不會再惠顧任何一間春和樓。另外，那兒只供應水，沒有供應中國茶的，我個人認為，中國茶配餃子才是恰當的配搭。

平日經見到有咁多報紙介紹，一直很想試，終於早幾個月前我和另一個對吃極沒所謂的朋友去試，一向眼闊肚窄的我選了有十幾種餃(約三十多隻)的拼盤來吃，滿懷希望地試了幾隻，真的覺得不外如是，餃皮厚及有些硬，外形不但一致連味道竟也差不多，但也有一兩款餃的味道較為突出的，突出的是可以令我覺得難吃得吐了出來。但最令人失望的是其中幾款價錢較貴的餃竟然用其它廉價的代替了。(我們每吃一款餃便在餐牌上找出來對的)我真的很懷疑蔡生當日來吃的會否經過特別處理。**其實以前旺角也有一間餃子專門店，她的餃每款也很別緻，用料又新鮮，可能價錢較貴，所以六年前己結業了!真的生不逢時！**

睇過小黑貓的食評之後，覺得有o的唔認同。因為我都去過旺角呢間，幾得丫，而且o的餃子皮唔厚，餃子餡又多款，不過我最鐘意食美辣餃，夠香口嘛！雖然我鐘意食香口o野，但係我唔鼓勵食煎餃拼盤(正確名稱唔記得)，因為一定唔飽。我未去過紅磡o個間，但係好多人都話佢唔好，搞到我都唔感試。