春嬌越南河

營業中

休息中

位於坑口新裝修的街坊商場內之越南菜餐廳，主打越南特式粉麵及越式小食。餐廳提供免費wifi，下單時直接掃枱上的二維碼就行了。泰越沙律：雞絲扎肉沙律炎夏日子未必想吃碗熱的湯麵，可以選擇吃涼拌沙律，較為清新、開胃。經典的越南菜配搭，雞絲拼扎肉，配上青木瓜絲，拌上麻醬，醬汁有點過多，而且辣辣的，越吃越辣。滋味分享：馬拉盞炒通菜泰、越風味的炒菜通常都以馬拉盞及蒜粒調味，跟通菜一起烹煮，特別香口惹味。雖然碟子不大，但份量來說蠻多，墊底的蔬菜都被馬拉盞醬覆蓋著，菜葉特別吸味，所以會令那些葉的部份變得偏鹹。

今天捐窿捐罅找到這間「春嬌」越南餐廳， 係住喺明德邨附近嘅朋友仔介紹。店內充滿越南風情裝飾， 下午茶套餐特別抵食～ 可惜啱啱過咗下午茶時間， 直接提早吃晚餐！素描二維碼下單，方便清晰！亦有多項落單指示，走芫茜， 芽菜，蒜， 洋蔥。。等等春嬌越南火車頭河 $68用上不銹鋼又大又深嘅湯碗～ 鋪滿豐富嘅材料看不見底 ～ 先試一口湯底， 牛骨味濃郁帶甜，並夾雜著香葉和洋蔥嘅味道～吃畢也不覺口喝。越南河粉幼滑爽口👍牛丸也是爽滑弹牙很有牛味 ～😋最特別有一塊超大嘅花膠～幾厚身， 咬落煙韌，冇雪味仲吸收咗湯底嘅清甜～ 用料十足非常有驚喜！還有一塊厚切嘅豬腩肉， 肥瘦相間 ，肉味突出。牛肉片僅僅熟， 夠嫩滑，份量不少。隻荷包蛋係另加～😋椰汁冰 （跟主食＋$12）喜歡試唔同餐廳嘅椰汁冰～ 這杯椰汁冰椰奶味香滑濃郁， 質地濃厚稠身， 很有份量！飲品都以密封口塑膠杯， 乾淨衛生， 不過就比較快餐feel 且唔夠環保。話梅鹹檸七 （跟主食＋$14）有輕微嘅鹹檸味， 不過不失。「泰式香草燒春雞配薯條$98」見到［即叫即燒］ 真係太大誘惑。原隻烤雞即叫即燒， 可以帶手套撕開點食都得。很有燒烤的風味， 雞皮燒到乾

風雲 : 欲尋泥菩薩, 必先奪火猴. 如今 : 欲尋胡志明美食, 必先到春嬌. 在6月和小米首次到此午餐, 對<春嬌>的第一感覺, 就是老闆娘 / 老闆之母 / 太子女.  看到<志明鹹滑雞>餐牌後, 才想到千嬅和漁民那部電影為引子 ~ 要嘆胡志明美食, 就要來到<春嬌>!  今晚小米約了朋友看奧運直播, 所以不用煮晚飯. 我和小米之父可以輕輕鬆鬆外出晚餐了!  無奈那個大型SHOPPING MALL的餐廳大都要等位. 為了晚餐的幸福, 改去附近的小商場.. 星期六晚, 這邊的餐廳仍然有大量座位. 由於客人不多, 我倆於4人枱就座. 放假, 就希望舒舒服服的食番餐! 唔想等位! 唔想迫!  幸福果然係要行多步! 以手機下單後, 就慢慢等待食物來到.    招牌春嬌火車頭   上次嚐過生牛肉金邊粉, 這次選火車頭河粉.  一樣呎寸的銀色大湯碗, 一樣的湯底, 只是有更多的配料: 生牛肉, 牛腩, 牛丸 & 花膠.  可以一次嚐盡多款美食.  不過這次改為河粉. 上次和小米午餐是選生牛肉金邊粉, 金邊粉實淨之餘又煙韌, 優點是不易浸至發脹,

✨中女獨食難肥日誌 ✨春嬌 中女食將軍澳坑口的明德商場新裝修，幾間新餐廳亦開張春嬌是越南菜餐廳，街坊價錢，出品都算不錯！酸辣鳳爪沙律 $52開胃前菜，是去骨鳳爪不用吐骨！而且都幾酸幾辣好入味！牛肉串燒 $42有三串，牛肉不會過乾，花生沙嗲醬香濃越南脆炸蝦餅 $46好大一塊，口感不錯，配上蔥油炸蒜好惹味馬拉盞炒時菜 $48幾款菜可以揀，當然馬拉盞炒通菜最好味！好濃味好香，但吃到底有啲油膩春嬌火車頭河粉 $68有生熟牛肉、牛丸竟然還有一大塊花膠！湯底幾濃牛味，略帶甜，配上香葉洋蔥，好好味！鹹滑雞撈檬 $59滑雞剛剛好熟，幾滑！而且有雞髀位！撈檬酸酸地好開胃，份量好足！脆炸米網蝦春卷 $36這個小食炸得好香口！一碟有4件，點泰式辣醬，正👍🏼椰青 $32 話梅咸檸七 $8椰青非常清甜！刮出椰肉亦好滑，又解渴！咸檸七酸酸地再有少少話梅咸味🤤📮地址: 春嬌 (將軍澳)將軍澳培成里10號明德邨明德商場地下4-6號舖☎電話: 28332180

今晚約咗朋友黎到將軍澳坑口食晚飯，朋友介紹到「春嬌」，仲推介叫我一定要試燒春雞，講到好正，咁當然唔好錯過。星期日晚上6點，好在早少少唔大多人，唔需等位燒春雞寫明即叫即製，要等20分鐘。樣樣小食都好吸引兩個人一共叫左4樣食物連兩杯飲品1. 春嬌火車頭湯河($68)，內有花膠、牛肉、牛腩同牛丸，淨係咁大塊花膠已經值回票價。湯底清甜，花膠好腍同大件，牛肉、牛腩同樣出色，牛丸入口咬落彈牙，$68確係抵食之選。2. 生菜包九層塔碎豬肉($58)碎豬肉配上九層塔及辣椒炒過，香味十足。碎豬肉粒內有少少肥豬肉，食落更加美味。包在生菜裡面，一口咬落，外面清新，令人食慾大增。3. 脆炸米網蝦春卷(4件)($36)蝦春卷即叫即炸，外層夠脆不油膩，內裡材料亦多，確係出色嘅炸物4. 春嬌秘製燒春雞配薯條($98)，因為即叫即燒，所以落單後等左25分鐘先上枱。燒雞一上枱，香氣撲鼻，而外皮好薄好脆。雞肉好滑好嫩，好多肉汁，夠juicy 。另外粗薯條同樣即炸，有薯仔味5. 荔枝梳打($8)、龍眼冰($10)，凡叫一款主食，可以用半價優惠加配一杯飲品，抵！兩杯飲品甜度適中，好飲整體來講，春嬌定價大眾化，而食物質素高上，

這間餐廳的名字令我充滿回憶不禁令我想起一部電影，可惜老了，此情不再，現在只能好好的回味一下。這間餐廳主打的也就是越南美食，食物選擇方面，當然十分多元化，而我這天和朋友挑選的絕對是一個喜出望外的驚喜，這就是燒雞，燒雞外皮帶點焦香的味道，但最重要內裏肉質鮮嫩，肉汁豐富，加上即叫即做，新鮮又美味。價錢方面，更為大眾化，絕對是一個性價比之選，燒雞配搭薯條，份量十足，兩人享用，絕對足夠。薯條雖然是炸物，但完全不油膩，加上香脆可口，正呀。

今次試下越南菜先😆價錢好親民 👍🏼👍🏼今次試左個咖喱香茅豬扒飯$58 賣相唔錯 豬扒都好大塊 有成3塊咁多 煎得好香脆 咖喱好好味 甜甜地唔算好辣 而且有淡淡既椰漿香味 好餸飯✨春嬌秘製燒春雞配薯條🍟$98$100 都唔洗就有成隻雞 幾抵食 食得出雞肉係有餣過既 有少少香草既味道 外皮又焗到脆卜卜😋另外仲有檸檬汁同泰式辣醬可以沾嚟一齊食 薯條即炸 熱辣辣都好食 滑雞河粉$59 雞既份量真係好多仲要每件都係啖啖肉 肉質又嫩 河粉係越式既 河粉好滑 都好食馬拉盞炒通菜 $48有啲炸蒜係面有多少少口感 比起其他餐廳算係平 而且好大碟

今日探屋企人黎開將軍澳，睇到新開左間越南餐廳☺️餐廳位於轉角位，裝修都幾有越式風格😍座位都幾闊落。餐點方面，有唔少地道嘅越式牛肉河，小食等等，都有唔少小菜，可以選擇🥰價格都好相宜👍🏻😋我地叫左以下：招牌春嬌小食拼盤加配牛骨湯河小食拼盤入面有扎肉，鳳爪，春卷，炸蝦丸，我覺得鳳爪有小小似泰式果款，春卷同炸蝦丸都唔會好油,脆卜卜🥰加配牛骨湯河，河粉超滑😋仲要超大碗😍牛骨湯味道香濃😌馬拉盞通菜牛肉🐮飯，牛肉炒得好有鑊氣，又入味🤩通菜食落辣辣地，好野味🥳春嬌秘製燒春雞🐥配薯條🍟燒春雞有時都會係出面食，但即叫即焗真係得一次🤤大家食嘅時候，真係要小心熱❤️‍🔥，燒雞嘅外皮好薄，烤到脆脆☺️味道有香草味，食落雞肉好嫩。餐廳仲提供左幾種汁😋薯條都好好食好脆，係粗條嘅薯條👍🏻玫瑰茉莉茶&龍眼水2杯飲品都係熱辣辣嘅，第一杯帶花香，而龍眼水要浸浸先出味，所以要等一陣先好飲☺️椰青，好清甜，又清熱😆仲可以食埋椰肉😍

呢排突然口痕好想食越南菜，奈何香港嘅越南菜好似都係貴再加唔好食呢間係平民商場入面嘅越南菜主打生熟牛肉湯河、同埋好多款唔同嘅小食，好似都幾吸引小食我哋叫咗脆炸米網蝦春卷越南脆炸蝦餅兩款都唔錯，炸蝦餅好彈牙，蝦滑新鮮蝦春卷都好香脆主食我哋叫左泰式香草燒雞配薯條 🍟真係熱辣辣燒起， 出哂煙，岩岩出爐既雞真係最正雞髀🍗好滑，燒到個皮脆卜卜，好入味😍薯條係粗薯條🍟招牌泰式芋頭粒臘腸炒飯份量其實都幾多！ 炒飯好香粒粒飯同埋d臘腸同芋頭估唔到又幾襯幾推介叫呢個炒飯，有驚喜既！生牛肉湯檬生熟牛肉湯河生牛肉較出色，湯底香濃牛肉軟嫩飲品叫左椰青 淡淡既椰汁青香 咸青檸 好清新既感覺😋😋😋

今日想食原本好想食泰國嘢，但屋企附近冇間啱心水，搵到明德商場有一間食泰越菜，炸蝦餅、生蝦都有，即刻同屋企人講今晚食呢間！明德平時比較少去，係東港城行過去都好快，雖然係屋邨小店但裝修都有小許越南風味，當晚生蝦售馨冇得食，所以叫左其他小食。脆炸米網蝦春卷食物都係即叫即整，所以送上嚟嘅時候仲係好熱辣辣要攤一陣先食得，米網口感好鬆脆但一啲都唔油膩越南脆炸蝦餅相比米網蝦春卷之下，炸蝦餅比較普通，口感咬落有少少似墨魚餅嘅感覺招牌泰式芋頭臘腸粒炒飯呢個有啲驚喜，個人平時好怕臘腸嗰浸味，但呢個食落去甜甜地加埋有芋頭粒平衡下唔會好油，個炒飯好香口都好夠味，完全唔需要額外加調味料生牛肉湯金邊粉&生熟牛湯粉湯粉同金邊粉都係差唔多一個幼身啲，鍾意食湯嘅味道我會揀金邊粉，因為粉與粉之間嘅掛湯會多啲吸味啲，生牛肉即刻浸湯浸熟，唔會太老，熟牛肉係一夠大牛腩條，牛味會重啲，推介生熟牛可以試晒兩樣泰式香草燒春雞配薯條呢個一樣係即叫即整要等20分鐘，春雞外皮香脆，但啲肉汁都有好多，店員俾埋手套我哋手撕開食，一拎開啲肉熱辣辣好嫩滑，春雞本身冇醃過，可以點雞醬食，配埋最鍾意食嘅粗薯條，估唔到食泰越野都有薯條食

阿媽唔煮飯就話不如全家近近地落街食晚餐，一行4人落左樓下開業唔係好耐嘅春嬌開餐，主打越南菜。香葉肉碎炒飯 炒飯望落顏色較深，有印尼炒飯影子。可能越式嘅香葉肉碎炒飯會加入肉鬆、豆角同泰式一樣會有九層塔提味！春嬌火車頭（牛肉片、牛丸、花膠）揀左湯金邊粉，份量幾大碗。牛骨湯底香茅豬扒蔥油飯 豬扒有兩大塊，唔算乾柴。蔥油拌飯真係唔少得，整碟飯嘅靈魂。香茅雞翼有5隻，都幾惹味酥脆泰式蝦餅味道彈牙惹味，但感覺份量就少左d!春嬌秘製燒春雞拼薯條 用香草燒春雞，有粗薯條拌碟，有茄汁沾薯條外，還提供酸汁及泰式雞醬。上碟時會供應刀叉及手套，撕開食得，切開都得。雞肉食落質地可以唔乾柴。

今晚老公話帶我食春嬌，原來係食越南野。餐廳環境唔算好大，周圍都可見越南帽 （斗笠）作點綴裝飾。餐廳採用QR code 手機落單，今次就叫左3個飯麵、燒春雞 share食。春嬌秘製燒春雞拼薯條 $98溫馨提示需時20分鐘 燒春雞用刀切開4份時熱辣辣，食落陣陣香草味，肉質都算滑。香葉肉碎炒飯 $68同平時食到味道有點不同，加了肉鬆、大量豆角增加口感，不過因唔太中意金不換嘅味就覺得氣味太濃。春嬌火車頭金邊粉$68可選河粉、金邊粉或檬粉，有牛肉片、牛丸特別之處仲有大大塊充滿骨膠原嘅花膠。香茅豬扒蔥油飯 $56豬扒醃得入味，白飯淋上甜豉油配香口蔥油幾開胃。香茅雞翼 $48/5隻調味跟豬扒調味相似，同樣入味。晚市只有單點餐牌，如果有晚市套餐就會更吸引。

🕰️用餐時間：18:45-21:00 👥人數：2人餐廳為漁民裝潢，店內寬敞，適合兩三人聚會；食客不多，可以隨意落座~春嬌豬肉粉包 (4件) ($34)一放入口，熱辣辣的，非常可口，粉包皮薄但十分煙韌~ 豬油汁超香~生熟牛湯檬 ($57)兩種牛，生牛肉身嫩嫩，熟牛脂肪多、牛味濃，而本人偏好生牛肉~ 十分欣賞他們的配料份量 泰式香草燒春雞配薯條 ($98) 以這個價錢來說，隻春雞算「大大隻」，薯條都挺多；春雞的炭燒味很濃，肉很鮮，另有不同配汁~

今次去搵朋友食飯,佢帶路,去左呢間小店坑口屋村入面商場的一間小店,裝修幾好,成個商場都無幾多間餐廳呢間都幾受歡迎,係門口睇完餐牌就決定去食佢有個招牌推薦菜式係燒春雞配薯條 要焗20分鐘,反正未肚餓先叫左一燒雞一隻,再落單叫左一碗越南河粉,選最貴個款有齊牛腩片肥牛,肉丸,一整片花膠,都係68,加底12蚊,超大碗湯湯鮮甜夠香氣,牛肉彈牙有肉汁,粉可選河粉或金邊粉牛腩厚切肉味鮮濃,小店黎講有水準,自助下單不收加一服務燒雞約20分鐘上菜,配一份即炸薯條,一隻炸雞,上菜時仍然散住熱氣攤凍套膠手套手撕雞或用刀開半食都得,雞皮好薄好香脆,肉算多,仍有肉汁,配埋特製既辣汁食更滋味將軍澳培成里10號明德邨明德商場地下4-6號舖

呢間叫春嬌嘅泰式料理🇹🇭夜晚去到都唔算太滿座，好好彩唔使等就有位。入面空間寬敞，坐得舒服，啲裝飾同燈都幾有feel，至少影出嚟都算有少少異國風情😙🐓泰式香草燒春雞配薯條（$98）作為一個鍾意食雞嘅人類，可以叫到大大隻（而且完完整整，任我切）嘅雞真係莫大喜訊。認真咁講啲雞肉好新鮮嫩滑，外皮烤得脆脆哋口感一流。薯條唔會太油，直身唔淋感覺非常爽朗。整體嚟講呢味餸非常jeng，夾硬搵嘢彈下應該就係食完會覺得好罪惡咁啦🥰🍛招牌芋頭臘腸粒炒飯（$78）雖然係泰式餐廳但好得意地，第一啖食落口我首先會諗起過年嘅感覺——芋頭、臘腸、炒飯——不禁令我聯想起某啲典型中式小菜，繼而食出一份難得懷舊嘅親切感，加上碟飯真係超大超大開頭好驚食唔曬，但又真係好好食，最近都係因為快樂嘅時光過得特別快之類嘅道理不知不覺就食完曬，正😚🥤🍹飲品方面我就叫咗椰汁冰同百香果梳打，兩杯嘅質素都幾高，椰汁冰甜度適中，椰汁味香濃，而百香果梳打都充滿新鮮嘅百香果味，喺夏天悶熱嘅日子飲返杯都真係幾爽🤩