春嬌越南河

營業中

休息中

道門幾重下我地坐近門口位八成人係唔會閂門，成餐飯都好熱我哋自己食飯途中閂左三次門。原本無諗住寫食評所以無影完整相我order 左雞絲扎肉撈檬配菜調味唔算好好食，都正常既，漏左d 香葉咁但d肉係。。。 直升機味食開白烚肉既我都覺得d雞肉好柴好乾我從來未食過有'so' / 怪味但胡椒味重既扎肉。 好難食。 友人order 咖喱牛腩喇沙，佢比左舊牛腩我試（圖中）。 成舊牛肉乾咁好難咬喇沙湯底偏咸。我杯奶茶已經係有poster推介，都係唔好飲，無茶味。唔好期望佢會滑我杯飲品上枱已經漏曬係杯邊。飯後成枱都係我d奶茶。 正價 $38。價錢唔平，不會再光顧

一入到去坐低，坐收銀阿姐（唔知係咪老闆，係的話實好快執）拎住個qr code落單牌仔，飛落黎張台，一句都無講講行左去！諗住咁熱行到好攰就算，求其食完走，點知qr code落單，話lunch送飲品，但都無得揀，又係要搵返收銀阿姐落，超悔氣問「食咩」，問侸有乜飲，就好似欠左佢咁答人！食物到就大大力放落枱，大佬呀，你真係唔好怨點解啲人返大陸消費！你咁樣服務態度死得啦，仲要啲嘢唔係平，唔係好食，又咸！新開就咁，真係睇你幾時執，仲要好窄好迫坐得唔舒服🤢

因之前吃過其他分店，見屯門有新店便迫不及待想來試試。然而昨天晚上在店內點了一碗招牌火車頭叻沙，叻沙裡面有花膠牛肉牛肉丸，價格加上服務費90幾蚊，說實話這個價錢一碗麵應該可以有個不錯的水準。這次的味道中規中矩。結果晚上回到家就感覺肚子不舒服，翻來覆去也睡不好覺，清晨就醒來痾肚、嘔，把花膠都嘔了出來。平時對於餐廳味道不好吃我也不會寫劣評，但是這次的情況我也是第一次遇到，實在是太過分。我對你們的菜已經失望，以後再也不會幫襯，都希望大家吃之前也要好好留意。

平時夜晚經過見到多人排隊，睇到介紹又話好好食好正咁咁岩lunch hour經過附近就諗住去試下12點幾去到舖頭，有個女職員係企正係門口擋住個入口講電話，同佢示意幾多位後都冇讓路，仲以為唔開lunch time，再示意兩次後，舖入面既職員先見到叫讓開食左成餐個女職員有入黎做野都不斷講電話，只有一個男職員相對醒目有留意d客食物方面只可以講唔合格生熟牛肉係全熟上，根本唔係果回事，d肉一pat pat痴埋而唔係一片片牛腩牛丸凍凍地，牛腩難咬開食過一次就夠，冇原因要再幫襯

店舖位於商場外圍，必須走出商場沿外圍走方可到達。店內位置不多，但乾淨衛生。食物份量一般，男生可能不夠飽，可能對越式食品沒有多大愛好，只覺得味道就不過不失吧，如果不用等位，可以一試。

銅鑼灣人氣排隊越菜開到屯門，火車頭湯粉內竟然有花膠😱😍🔻招牌春嬌火車頭湯粉 💰79湯粉湯底比較清，配料有生牛肉、花膠、牛腩片、牛丸，肉量超多，估唔到花膠都可以放入火車頭入面😱值得一提係牛丸可以食到好重牛味，唔係我地隨便去超市買果啲😍🔻招牌蔥油烤牛肉撈檬 💰56烤牛肉係用免治牛肉，其他配料有青瓜、胡蘿蔔、炸蒜同蔥油，撈完後全部食材可以好好融合一齊，加上越式酸甜汁，好清新開胃😋🔻碳燒豬頸肉 💰82豬頸肉焦脆有燶邊，肥瘦適中，厚度切得啱啱好，肉質軟淋，可以沾埋泰式酸辣汁，幾香口😁🔻凍椰汁冰 💰34呢杯椰汁冰超級濃厚，放左超多椰漿，超重椰子味🥥🔻凍珍多冰 💰36珍多冰就係起椰汁冰嘅base上加左好多綠色一條條嘅煎蕊🥤

特登黎食「花膠叻沙」，星期六下午茶時間黎到好爆場～👉🏻招牌春嬌火車頭叻沙超級大碗～食叻沙一大片花膠好震撼。牛肉熟度控制得幾好（可以揀生上或熟上），牛腩片都唔會乾柴，牛丸一口爆汁。揀左配檬粉，特別吸湯，堅正。叻沙湯夠濃郁，椰奶味足夠，係唔多夠辣，餐廳有辣椒粉可以任加。👉🏻越式香茅雞翼5隻大雞翼，炸功幾好無乜油又夠香脆。👉🏻越南春卷配奇津薯條下午茶有啲套餐幾抵食，呢個薯條已經調左味，小小辣幾惹味。👉🏻凍志明奶茶(套餐$12)多煉奶好飲呀，茶味濃郁。

春嬌係屯門開第三間分店，仲係試業中，餐廳環夠細，但裝修簡樸，一眼就睇得出係一間越南餐廳🇻🇳▪️招牌春嬌火車頭 💰79 牛骨湯底 清甜不膩配料有生牛肉 牛腩 牛丸 仲有一條滑捋捋勁長嘅花膠 清甜但吸唔到牛湯味▪️香茅雞翼撈檬💰62配有青瓜🥒紅蘿蔔絲🥕蔥油🧄炸蒜，加上越南酸甜汁及魚露，好清新，十分適合熱辣辣嘅天氣，十分開胃。香茅雞翼炸到半脆，有三隻。▪️馬拉盞通菜💰60份量十足，十分惹味。晚市有加一服務費，沒有跟餐飲品，但第二杯半價。

想係屯門食越南菜唔單止係得屯市入面嫁🇻🇳其實走出去外圍就已經見到呢間小店，咁就唔洗擔心大集團既質素參次啦🍲。上網揾先知原來屯門呢到唔係第一間嫁，佢地係將軍澳同銅鑼灣都有分店，果然有品質保證先可以陸續係唔同地區擴張👍🏼而今日黎到都keep住full house，而外賣既單都keep住無停過🥡。🐒河內麻香手撕雞粉皮💰$76👉🏻 凍志明奶茶$38🐒魚片頭配魚腐撈檬💰$60👉🏻 凍咸檸七$16(半價)🐒越式香茅雞翼(5隻)💰$58🐒蒜蓉炒通菜💰$58食物方面我幾中意佢個麻香手撕雞粉皮🐓因為佢首先夠辣，而佢個粉皮係煙韌個種，雖然係涼拌但個口感都keep到好好而佢個魚腐係自家製既，係出面未試過呢種口感既魚腐🐟配埋個撈檬汁夏天食真係一流☺️。因為依家做緊野飲第二杯半價，所以我就揀左杯志明奶茶試下🥤感覺同泰式奶茶都幾似，因為都係落左練奶去整，所以特別滑

屯門行街見到新開咗間越南餐廳，叫「春嬌」幾特別，加試天氣熱好想食撈檬，所以就入去試下。餐廳細細間幾別緻，坐位唔多。📌香茅豬扒撈檬 $62🥙📌香茅雞翼撈檬 $62🥙配料有青瓜絲、紅蘿蔔絲蔥油同花生碎，食落口感豐富，蔥油香味好出，撈埋青瓜絲同紅蘿蔔絲中和返好清新，再加上酸味味嘅越式酸甜汁，十分開胃，非常啱夏天食。鍾意食辣嘅朋友，可以自己加啲辣椒乾會更加惹味😋🥩香茅豬扒份量十足，有2大塊，醃得好入味，肉質幾juicy，唔會太乾。🍗香茅雞翼有3大隻，炸得金黃香脆。📌脆炸米網蝦春卷 $48 🫔即炸熱辣辣，脆卜卜，餡料有芋頭蓉令香氣更出。📌凍志明奶茶 （跟餐+$12）📌凍越南煉乳咖啡 （跟餐+$12）志明奶茶有驚喜！揀咗少奶少甜，茶同奶嘅比例啱啱好，茶味香濃又唔會澀。

上次同同事食過， 覺得幾好食， 今日再encore .位置方便， 屯門西鐵站行過去約5分鐘， 係屯門市廣場隔離， 中午就比較忙， 座位唔算多， 去到要等一陣先有位. 不過上菜算快， 等咗約10 分鐘就有得食.河內生牛肉河金邊粉:生牛肉新鮮， 份量都算多， 個湯底清清地又唔會好咸熱無糖茉莉綠茶：跟餐送香茅雞翼湯金邊粉:雞翼分上， 煎得幾香脆， d 用唔鞋口， 唔錯👍熱龍眼水:足料， 有龍眼肉係入面， 清甜越南炸春卷: 即叫即炸， 熱辣辣， 咬落好脆口， 爆餡

最近喺屯市發現咗新開嘅越南餐廳雖然係平日但都幾多人㗎餐廳主打牛骨湯同喇沙湯粉 仲有各式越南小食😎🔸招牌春嬌火車頭 HKD79一場嚟到必須要試下招牌菜🤓用上牛骨湯 湯底清甜不油膩 配料有生牛肉片 牛腩 牛丸特別之處係有一塊手掌咁大嘅花膠✋🏻花膠雖然唔算厚但索滿哂牛骨湯㗎🤭🔹炭燒豬頸肉 HKD82上枱嘅時候已經覺得塊豬頸肉炸得好靚😌金黃色之中帶少少燶邊脆口豬頸肉肥瘦適中 每塊都切得均勻入口依然可以感受到滿滿嘅肉汁🐖🔸越南脆炸蝦餅 HKD58蝦餅即叫即炸 需時約十分鐘平時食開嘅蝦餅會上粉炸呢度用生炸形式反而更加乾脆蝦餅厚切 食落更彈牙配上葱油更加好味😋🔹志明奶茶 HKD38聽到春嬌就會諗起志明😂奶茶茶味香濃 越式奶茶比泰式奶茶更滑同冇咁甜 係好難得有水準嘅奶茶！🔸柚子蜜梳打 HKD16🚩春嬌 屯門屯隆街2號屯門時代廣場北翼地下44號舖

今日下午茶時間食咗碗生熟牛肉叻沙湯河$62送龍眼水品嚐第一啖叻沙湯底（鹹到要洗腎😱😱😱），即時叫阿姐加清湯或清水溝淡佢，話事人應該係肥姐都主動叫廚房比啖佢試👍🏻但湯底唔夠香，生牛肉味比叻沙湯蓋過咗，熟牛肉夠淋（還可以）河粉正常不過最唔好就係個肥姐溝野太豪氣，令到成間舖氣氛好………………………………………………………………………………..嘈吵！

🥬🌮烤牛肉生菜包配手抓餅看來是2人份量，手抓餅和生菜都有兩份。加著清爽的紅蘿蔔絲和青瓜絲，烤牛肉碎調味比較甜口，加上紅蔥醉，一道不錯的小吃。🍜🚇招牌春嬌火車頭咖沙金黃色濃濃椰香沙爹湯底，又鹹又香。火車頭有兩片大的生嫩牛肉、五花腩、牛丸、牛腩脂、豆卜，貓太太再追加一個脆邊流心荷包蛋，滿滿配料大滿足😍可以選擇檬粉或者是河粉，湯粉底還夾雜著芽菜。🌶️🐣河內麻香手撕雞🌶️挺辣的，辣得口水一邊吃一邊分泌🤣手撕雞用青瓜、芫荽和芝麻拌在一起。貓太太忍不住要問店員哥哥要一個白飯來吃。

屯門市中心最近新開左間越南菜 仲係試業中餐廳環境唔算大 但裝修得幾別緻有唔同座位既類型 就算多人黎食都可以餐牌選擇都幾多 由普通粉麵到小菜都有✨香茅豬扒湯檬 $62豬扒原塊另上 唔會比湯浸到冇晒味而且好大塊 會提供刀叉比你切 等你易啲食豬扒幾入味 咬落軟腍湯檬香料味好足 食落好清爽✨招牌春嬌火車頭叻沙 $83叻沙湯頭好濃郁 值得一讚入面好足料 有生牛肉 牛腩片 牛丸 豆卜仲有大大塊花膠 有成隻手掌咁大超抵食！✨越式香茅雞翼 $58雞翼炸得好香脆 醃得好入味✨脆炸米網蝦春卷 $48呢個有驚喜 香脆得黎一啲都唔油入面竟然有芋頭涵 食落更加香！✨話梅咸檸七 $36鹹鹹酸酸好開胃✨百香果梳打 $36唔會好酸 仲有甜度可以揀 飲落好清爽價錢黎講唔算貴 食物質素都唔錯 而且仲好大份性價比黎講都幾高 可以一試