春水堂人文茶館 (創紀之城五期(apm))

營業中

休息中

平時多數都係外賣珍珠奶茶，因為無論午餐定晚餐時間都一定大排長龍，假期嘅午飯時間嚟到都要排30分鐘先可以入座😵♨️紅燒牛肉麵 $82牛肉係半筋半腩，煮得十分入味😋湯底好濃牛味，唔會好咸🤩牛筋好軟滑，牛腩都好腍，好易入口🥰麵條偏幼身，好彈牙，非常掛湯，吸哂D汁🤤🌟 Lamlam脷指數 😋😋😋😋😋 (5/5)🌟整體評價: 湯底、牛筋、牛腩加埋麵條絕配，雖然價錢偏貴，但係食完就明點解開咗咁耐都大排長龍😋🌟 Encore指數 ⭐️⭐️⭐️⭐️⭐️ (5/5)

之前去過其他分店食lunch 味道幾好，所以都覺得佢唔錯今日試觀塘店有d失望麵質好”林” 唔彈牙同第一次係分店食完全唔同所以今次好失望十二點去唔洗等位同埋多位好多，一點開始要排隊

好耐無寫過伏伏篇，之前聽同事講話佢地嘅珍珠奶茶必試，今次來apm唔知食咩，唔想周圍行，又未試過，心諗正常台灣嘢應該唔會岀事。放心，食品品質無問題，歡迎大家外賣🥡🍡金沙芋泥丸$52口感正😍入面有軟綿綿嘅芋泥，好邪惡🍜紅燒半筋半肉麵$92肉量勁多，麵同湯嘅味道/質感都唔錯🍚魯肉飯-小$35好的適嘅份量，魯肉份曬唔係好夠食曬成碗飯🥴🥒麻辣青瓜$42呢個青瓜令人十分沉迷，慢慢辣岀來，而且夠曬酸爽juicy，好開胃🤤🧋珍珠觀音奶茶$38個人覺得未至於好驚艷，質素中等

假日既夜晚黎到APM搵食，雖然開咗好多間餐廳，但係全部都排晒長龍嘅，唯獨呢一間唔使等，非常肚餓之下就試吓呢間春水堂啦，其實好耐之前都有個排長龍嘅一面，唔知幾時開始就慢慢冇人食啦😂叫咗個麻辣牛肉面，好貴冇嘢飲差唔多$100 ，再叫咗個豬扒定食，啲飯竟然唔夠熱，仲要冇嘢飲， 收$108cls,再散叫兩杯黑糖珍珠奶茶，每杯$39蚊，得奶味冇茶味，三樣嘢都好唔掂，真係食老麥好過，大佬收得咁貴，食物質素麻麻，服務態度麻麻，係時候收當😡

本身已經叫咗一碗牛肉麵，同埋一杯珍珠奶茶，後尾見到有好多人叫呢個雪糕吐司，忍唔住都叫咗一個嚟食，份量都非常之多，夠兩至三個人食！-吐司烤到好靚嘅金黃色，望落去好脆，食落去就覺得雪糕整淋左😢😢😢紅茶雪糕，忌廉同黑糖珍珠嘅配搭出其不意地好好食，亦都搵到各自嘅平衡，唔會話死甜，但係食得出紅茶同黑糖嘅香味配埋吐司一齊食就真係一啖接一啖停唔到口！(((o(*ﾟ▽ﾟ*)o)))-雖然係限定餐單，但係希望可以之後再食！唯一不足之處，係可以令吐司脆啲一定一定要同埋一上枱就即刻食！中午時段比較多人食，建議可以早啲或者遲啲食避開Office食飯時間！-春水堂 (觀塘)地址：觀塘道418號創紀之城五期APM 1樓L1-1 號鋪

食物款式都同普通台灣餐廳差唔多，食物質素方面都唔錯，魯肉飯、鹽酥雞幾好食👍🏻，牛面麵就一般。不過服務態度欠佳，想叫服務員修改餐單，只聽但不作回應。 收銀又不太禮貌。

今日放工同朋友試下呢間台式野，我地叫左幾樣野食SHARE食，#肉燥拌麵肉燥食起黎都好好淋好入味，麵就煮得幾爽口，撈埋一齊食就超正 🌻🌻🌻🌻呢道好貼心，仲有得叫細碗 #滷肉飯，好正，細碗得黎都好有多料。仲有肉鬆同冬菇，食起黎都好香口好好味🌻🌻🌻🌻#麻拌麵 開頭以為麻醬伴麵，原來係麻油拌麵，食起黎都幾香口幾好食，不過係油左少少，一齋食就剛好 🌻🌻🌻仲叫左幾款小食，分別係#慢煮豬手豬手煮得好淋，食起黎少少彈牙，煮得好入味，好好食，不過數量就得4塊，想食多啲就要叫多份喇 🌻🌻🌻🌻🌻#鹽酥雞翼炸得好脆但裡面仲可以保存到肉汁，非常好🌻🌻🌻🌻🌻#麻辣涼拌牛肚絲食起黎好香麻辣味，入口少少辣，但唔攻喉，辣度岩岩好，愈食愈想食🌻🌻🌻🌻🌻整體野食都幾好食，不過份量就少左啲啲，不過同朋友一齊食傾計都唔錯，不過APM呢間就有限時 90分鐘，如果同朋友想傾耐啲就要考慮下 ————春水堂人文茶館 (創紀之城五期(apm)) (觀塘)觀塘觀塘道418號創紀之城五期apm一樓L1-1號舖

春水堂的珍珠奶茶都唔錯，夠濃茶味，又𠸝唔苦澀，今次講下堂食先🥰🌿滷肉豬手便當($92)豬手好好味！入味又炆得好淋！一份都有4舊幾飽下，其實呢個我encore咗好多次🤭🌿朱古力珍珠奶茶($38)唔錯，有朱古力味👍🏻珍珠幾煙韌，有淡淡黑糖味！🌿翡翠香柚茶($36)都幾清新🌿珍珠鐵觀音雪糕吐司($58)估唔同甜品吐司係淋既👎🏻雪糕茶味不足👎🏻店內空間大，舒適飲品同飯都唔錯甜品我唔會再encore了。

春水堂 Chun Shui Tang Taiwanese Restaurant In Kwun Tong Hong Kong春水堂 Chun Shui Tang Taiwanese Restaurant In Hong Kong! Chun Shui Tang specializes in bubble tea but also serves a wide range of Taiwanese cuisine. This restaurant is famous for its classic Taiwanese dishes, many made with ingredients sourced from Taichung. So, if you're a fan of the hearty rich beef noodles, you are in for a treat!春水堂Chun Shui Tang Cultural Tea HouseMillennium City Phase VShop L1-1 1 F418 Kwun Tong RdKwun TongHong Kong

春水堂 Chun Shui Tang Taiwanese Restaurant In Kwun Tong Hong Kong春水堂 Chun Shui Tang Taiwanese Restaurant In Hong Kong! Chun Shui Tang specializes in bubble tea but also serves a wide range of Taiwanese cuisine. This restaurant is famous for its classic Taiwanese dishes, many made with ingredients sourced from Taichung. So, if you're a fan of the hearty rich beef noodles, you are in for a treat!春水堂Chun Shui Tang Cultural Tea HouseMillennium City Phase VShop L1-1 1 F418 Kwun Tong RdKwun TongHong Kong

之前係台灣食過，真係驚豔到我，但春水堂係香港開咗咁耐，真係第一次去食，原來仲係好多人排隊，今次去左APM分店，排左大約20分鐘就入得，由於唔係好肚餓，所以就同朋友叫左幾樣小食加牛肉麵試下🤩❣️紅燒牛肉麵 $88今次牛肉麵選擇左半筋半肉，但係有啲小失望，味道唔值呢個價錢，牛肉同牛筋都入味，但湯底偏向味精味，麵質有啲腍，整碗麵唔太出色🥲❣️麻辣涼拌牛肚絲 $42份量偏少，味道偏向酸同辣，過吓口癮都算OK❣️鹽酥杏鮑菇 $39呢個杏鮑菇應該炸咗一段時間，外皮唔再香脆，但係裏面仲係好多汁，椒鹽味加上杏鮑菇啲汁，推介呢個小食😬😬❣️珍珠茉香奶茶 $36珍珠奶茶比較淡味道，珍珠都尚算煙靭，但對比其他坊間嘅珍珠奶茶就較為失色🥸🏦是次消費總額 $225（人均消費 $112.5） 🍴須加一服務費👅好味度：7.5（10分滿分）對春水堂都係有啲小失望，對比台灣嘅真係相差太遠，而且香港分店俾顧客嘅感覺係快上快食快走，所以味道嚟講 我試個幾款真係麻麻🤣🤣

今日和友人約了去春水堂吃晚飯，5:30已經到，人唔多被安排坐在裏面中間一個位置，因為坐正風口跟服務員說換一張枱，佢極不願意雖然我們左右兩邊枱都冇人。換咗之後服務員仍然把餐送到我們之前嘅座位還拒絕將食物送到我們新的座位，加贈我們一句：我只係跟單做嘢，食物就擺嗰度㗎喇！堅決不把食物送過來！我找經理理論，問經理客人是否冇權轉枱，服務員用這種態度對待客人是否正確，他只是說一般不轉枱但客人有權轉枱。長髮扎辮女侍應還氣沖沖的把餐具大力放在旁邊枱，用行動示威！這樣嘅待客態度我們以後絕對唔會去幫襯！有好多其他選擇唔使去受氣！

每次行經門口都見人龍排隊之過江龍（春水堂） 今日專程🚗同太太到這店.📌春水堂人文茶館 (創紀之城五期(apm)) (觀塘)觀塘觀塘道418號創紀之城五期apm一樓L1-1號舖.營業時間早上11時30分至晚上22時正到達.但我哋喺11時到達.距離開舖時間還有30分鐘已經見到有幾個人排隊.我哋都行過去一起排隊。到咗啦.我哋係第三枱顧客.可以係還在安排顧客入座時段.來一張沒有顧客的環境下打卡.場內環境都好靚.令我有一點優雅舒服感覺.呢度都係用QR落單.有唔明白之處.侍應生會用熱誠態度過嚟協助.👍👍👍點餐如下： 1. 紅燒牛肉麵（半筋半肉）X1 $88元 2. 黃金香酥雞 X1 $52元 3. 金沙芋泥丸 X1 $49元紅燒牛肉麵（半筋半肉）有齊兩種口味.湯底夠濃.唔會好鹹.😋份量比較少啲.價錢唔成正比！😔黃金鹽酥雞.粉漿超薄.外皮香脆.入口肉汁鮮嫩.😋😋😋金沙芋泥丸.外皮芋泥炸得香脆.餡料是流沙鹹蛋黃.唔會好杰.又唔會好似啲水咁流出嚟.有啲似熔岩👍😋😋😋

今次試食咗APM分店🤤冇諗過平日繁忙時間嘅春水堂居然唔使排隊店面好大而且唔使同人搭枱所以坐得好舒服😌落單可以直接用QR code今次叫咗台灣菜必食嘅魯肉飯同鹽酥雞😋魯肉飯基本係即叫即上👍🏻炸物可能因為係即炸所以要等耐少少但整體速度都算快😙 魯肉飯（細）🍚🐷半肥瘦魯肉加埋肉鬆同汁真心唔錯可惜分量比較少 細細碗就要＄32覺得性價比有啲低🤌🏻 黃金香酥雞🐔有聽過春水堂嘅炸物都出名好食果然冇令我失望🥺炸粉唔厚 雞都非常嫩加埋椒鹽食好香口🤤不過就有少少咸叫翻杯嘢飲一齊食就啱啱好😌 整體都算唔錯👍🏻黃金香酥雞值得一試🤤🔥

最鍾意食呢間嘅滷味，滷蛋好香豬手唔會好肥，軟綿綿咁肥瘦適中珍珠奶茶好地道，可以揀少甜少冰仲有每次都會叫嘅娃娃菜，湯有少少滷水肉碎，味道層次豐富係冇得飛台灣但係可以過吓癮嘅小食店選擇之一