春水堂 (香港西九龍站)

營業中

休息中

春水堂繼日本開分店後，終於登陸香港啦！唔講唔知，原來呢度係珍珠奶茶嘅發源地~ 黎到梗係飲翻杯最原始嘅珍珠奶茶 ($27) 啦😍 香港好多珍奶偏重奶味，而呢度嘅茶味較香淳，有點像茶湯會的珍奶，由於配碎冰，所以飲落似濃滑奶茶沙冰，而珍珠則係中小型size，口感較煙韌。經過沒人排不妨試試！

香港春水堂開係高鐵站 邊個會專登去飲？（張圖錯重點去咗強國人同公安度）🔹珍珠奶茶 $27春水堂聲稱自己係首間發明珍珠奶茶嘅茶飲店，奶茶用30年古早味秘方製成，沖出黎表面特別多奶泡，招牌珍珠奶茶加上台灣直送的珍珠，調茶時才即烹煮。係台灣飲個時覺得不愧係始祖店，個奶茶真係好出色，加上珍珠都好Q彈，真係一試就愛上！不過香港版本飲落就奶味重過紅茶味，而且比台灣偏甜，真係有啲普通。雖然一樣係細細粒嘅粉圓珍珠，但都keep到個煙韌度，整體黎講都係冇台灣個次飲咁有驚喜，再加上開係高鐵站，失望之中嘅失望～

今日搭高鐵上廣州，時晨未到，就到站內的餐廳樓層逛一逛，竟然被我發現了春水堂。記得某年去台中，買過一杯珍珠奶茶，味道令人深刻回味，於是今次買杯重拾那味道。點的是鐵觀音珍珠奶茶和鐵觀音茶葉蛋，珍珠奶茶的奶味重，茶味突出，最欣賞的是它的珍珠，用上細size，滿口小珍珠的感覺十分好，而珍珠的軟硬適中，口感qq。至於鐵觀音茶葉蛋，蛋殻被茶葉浸得啡啡黑黑，看似很入味，破開蛋殻後，雞蛋是啡啡的，有茶葉味但不算濃烈，以十三元來說，有點貴，還是珍珠奶茶做得比較好。

春水堂位於高鐵站裏面喺柯士甸站D2 出口 一出過對面行入高鐵站 左邊會有條電梯落去轉右行幾步就會見到去到嘅時候冇咩人叫咗杯鐵觀音珍珠奶茶$31比普通珍珠奶茶貴$4都要等幾分鐘Size冇得揀只有一個大細可以少冰少甜走冰走甜叫咗少冰少甜飲落去覺得都有鐵觀音味我覺得鐵觀音味可以再濃一點現在是奶味較濃珍珠係細細粒嘅 5mm 到好容易未咬就吞落肚不過其實珍珠都好好咬口都有一點碎冰下次可以試吓走冰最尾嗰幾啖係奶泡 令我覺得份量真係唔多

假日沒事幹就睇下香港引以為傲交通公具【高鐵】當伯伯都識得慳車錢慳時間唔係香港搭嘅時候，你還會搭嗎?雖然冇坐到高鐵，但係見到春水堂招牌後決定入去試一試。春水堂設於站外，號稱為世界珍珠奶茶發源地，所以點都要買一杯。買左杯醇奶茶系列下的珍珠奶茶。店舖強調每一杯都係用心製作，所以客人等候時間會比較長。大約半小時後，珍珠奶茶終於到手啦!珍珠奶茶(少冰少甜)$27飲落明顯感到奶香，而茶味不太濃。珍珠偏細粒，但略嚴太細所以咬感不足。不過飲到後期，碎冰會沿飲筒而上，入口難而分出珍珠定碎冰，扣分。整體一般，奶茶比較細杯而價錢相對較貴。

之前係台灣飲過兩次春水堂，雖然唔平，但真係堅好飲，茶味夠濃，又有奶香！！而家殺到泥香港，其實一直都想去試試，但又怕好多人。。。等到今日行開佐敦，就去碰下運氣~揾左一陣先揾到，其實都有dd僻，去到竟然唔洗排隊就買到飛，之後等左大約10分鐘，我既鐵觀音珍珠奶茶終於有得拎喇！！size唔算大都唔算細，叫左走冰同少甜，但一飲都覺得好甜好在我地兩人share一杯。。飲完仲有d涸喉。 都係喺台灣飲原汁原味開心d

講起香港高鐵，相信大家會想起最近開了一家台灣珍珠奶茶始祖的外賣飲品店。因爲公司在九龍區，也近新開的西九高鐵站，所以打算來一試🥤🚄這天於尖沙嘴忙完，便以步行的方法回公司，順便經過新建的高鐵站參觀和嚐台灣著名的春水堂珍珠奶茶。其實店位置稍遠，到達高鐵站需再走約5-8分鐘才到。可能因為是閒日的關係所以staff不多，我和朋友們叫了四杯珍珠奶茶大約等了10-15分鐘才有。飲品價錢大約$2X-$3X，跟其他外賣飲品店相約。甜度方面我叫了少甜，但味道對我來說也頗甜；冰方面我並沒有叫少冰，份量剛剛好，不會覺得多；奶的香濃味較突出，喜歡喝鮮奶的我非常欣賞😋；珍珠較細粒，每喝一口奶茶都充滿珍珠，咬下去少許彈牙，口感都算Q👌🏻整體而言除了味道較甜之外都OK，對於平時不太愛喝甜飲品的我，珍珠奶茶仍是久唔久一次便可以了🥤

高鉄新開啟了，一家人好奇心驅使下，便一起到高鉄站參觀，看看新型的售票機和設施。Food court 內都是一些不知名的食店，返而其他樓層有如添好運、魚尚等，其中有間叫春水堂，據說在台灣很有名，是珍珠奶茶的始祖。咁犀利！點都想試吓。叫咗珍珠奶茶、珍珠紅豆鮮奶茶和鉄觀音茶葉蛋。由於不設堂食，所以都是一樣的外賣杯外型。珍珠奶茶，無得走冰，唯有叫了少冰少甜，飲到大量小碎冰，每啖都要咬碎冰令人覺得很麻煩，而且珍珠是如綠豆般大小，比平常的較細粒，滿口碎冰+細粒珍珠，又硬的又依靱的又凍𣲙冰的，真的無暇嘗其真味，老實講真唔多覺有茶味。另請小心飲，因都是細碎粒，一啜之下，很易嗆到的。珍珠紅豆鮮奶茶，紅豆已打成蓉，所以紅豆味很濃。鉄觀音茶葉蛋，外殼色深，聞不到太大的茶味，吃落比普通茶葉蛋還要淡味。

專登黎朝聖，試下係咪咁好飲西九站好大，要搵一陣先見到，係當眼位置，唔算難搵。人數唔多，太好了，唔駛排隊。即刻睇下有咩飲先奶茶種類都唔少有原味茶調和茶第一次飲點都要試試佢個珍珠奶茶揀咁少冰少甜，寫住30分鐘嘗味期。杯面見到好多碎冰同泡，因為有碎冰，感覺上唔似少冰，夠凍，有碎冰最怕溶咗溝淡杯奶茶，但竟然無！飲到尾都仲好夠茶味，茶味好濃，奶味亦好夠，好順滑，飲完一啖，茶味仍然留係口腔，係我試過咁多間台式奶茶中，最濃茶味🍵，大愛當然要盡快飲用啦，放耐咗，溶冰依然會影響茶味。

又一間台式飲品連鎖店係香港開幕喇，位置仲要係平常人唔太會特登去既西九高鐵站...本身我對佢既興趣一啲都唔大，因為曾經係台灣飲過覺得太甜，珍珠太淋，冇茶味！似糖水多d！但今次會再飲係因為有朋友要去高鐵站做野之後買比我的🤗🤗🤗當日係閒日中午食飯時間...人流唔算多，等左大概15分鐘左右...我要左一杯珍珠鐵觀音奶茶（$31）本身想要半糖少冰，但黎到係少糖少冰...（唔知係佢地冇半糖定落單落錯🤷🏻‍♀️🤷🏻‍♂️🤷🏻‍♀️）杯野飲既份量唔滿的，大慨得9成...🤷🏻‍♀️🤷🏻‍♀️第一啖飲落去都係感覺「甜！」 可能半糖會好好多！但係佢既鐵觀音味好重好香！但又唔會搶左奶味👍🏻👍🏻👍🏻佢既珍珠係細粒的，但唔淋！軟硬適中👍🏻比起我上次係台灣飲既好味；不論茶/珍珠/甜度（但都偏甜我覺得）佢地既珍珠奶茶，紅茶味都好濃！唔錯本身真係對春水堂真係冇乜期望，但係今次令我印象好咗！

高鐵開通以黎已經飲左幾次。第一次買，大排長龍，要等成粒鐘先飲到，叫左翡翠檸檬愛玉，超難飲，酸到爆，仲好意思話係推薦。另外叫左珍珠紅茶走冰，出到黎變左走糖，個茶好苦，好難飲，影響哂食珍珠嘅意欲，完全入唔到口。個收銀做野又慢呑呑，做咁慢都可以落錯單，出完張單仲喺度逐張釘黎釘去，睇到火都黎。第二次買，已經無人排隊，今次試返珍珠奶茶，係真係幾好味，茶味重過奶味，但飲到最後啲冰溶哂，整到啲奶茶淡到似水。朋友嗰杯走杯冰，係常溫咁，唔好飲。隔一排食完lunch再買多次珍珠奶茶，今次少冰，結果同無少冰無分別，啲冰仲係好多，有啲失望。最後一次買係放工買，今次走冰，終於無出事，走冰後杯野仲都凍，飲到尾都唔會太淡。

今日路經香港西九龍站，就一定要去試吓台灣珍珠奶茶元祖之一嘅“春水堂”，店舖人流比鄰近的多，約排了10分鐘後才落到單，同時跟提示一樣，要等足足30分鐘才可品嚐到期待已久嘅珍珠奶茶。今日試咗小甜小冰嘅“珍珠鐵觀音奶茶”同“鐵觀音茶葉蛋”，奶茶茶味非常香濃口感細滑😋，再加配上細細粒又煙煙靭韌嘅珍珠，真係絕配得很喔，茶葉蛋味道濃而不膩，茶味不會蓋過蛋香，跟一般坊間買到咸得過份嘅好吃得多喔～😋好期待下次再試其他飲品呀⋯⋯😍

超失望！1. 等了廿分鐘才有2. 珍珠茉奶冇珍珠3. 叫少冰但飲完發現大半杯都係冰4. 實際飲到既可能得150ml 所以 $29+ 20 分鐘= 150ml 茉奶+ 大半杯冰🤷🏻‍♀️

上網見到好多人話春水堂啲珍珠太細粒 作為春水堂忠粉既我都忍吾住要開聲支持下佢首先值得一讚既係香港店的確保持到台灣店既水準。杯鐵觀音珍珠奶茶飲第一啖已經飲到好香濃茶味，超級正，而且茶同奶比例岩岩好冇得輸！而且，我想講其實春水堂啲珍珠不嬲都係咁細粒架啦，呢個一直都係佢地既特色，係正宗古早味。都吾知啲人嘈乜，吾通好似出面個啲又大粒又硬先好咩。而且我覺得珍珠細粒啲反而仲容易咬，吾會掛住咬啲珍珠而品嚐吾到當中茶味。不過唯一吾好既係香港店味道的確偏甜，未必個個人都中意，建議大家可以叫少甜！

之前去台灣都有飲過春水堂嘅珍珠奶茶同埋珍珠綠茶,最近知道喺香港都有開店就嚟回味一吓啦,我地就叫咗珍珠奶茶×3(小冰),珍珠細粒粒咁樣,奶茶係同出面其他鋪頭嘅味道唔同,春水堂嘅奶茶係特別有茶嘅淡啖香味,奶唔會話特別濃!我地排隊排咗5分鐘左右,而等珍珠奶茶嘅時間都算快啦,大概10-15分鐘員工服務態度好,有禮貌而且都好細心,好有台灣對客人嘅禮貌,而且有小小員工都係喺台灣落嚟幫手嘅!我下次一定再嚟幫襯!