春禧堂台灣料理餐廳 (已搬遷) 新店位置

今天到訪春禧堂餐廳的裝潢光鮮明亮，而座位的佈局也不狹逼焗促，感覺是舒適的。午餐的時候，食客不少，要等好一會才能入座。午餐由$55-$75，主要為台式午餐。紅燒腱心牛肉麵配蕃茄湯$65+$4這牛腱有四五片，炆得極之軟腍，啖啖肉。配菜有蘿白和菜膽，配上份量十足的台灣麵，和酸香的蕃茄湯，味道不錯，很醒胃。蕃茄酥炸排骨麵$73炸排骨份量十足，炸得脆香酥化，啖啖肉，而且一點也不油膩，亦不乾身，同樣加上蕃茄味湯底，再吃一口麵條，十分飽足，不錯。燙青菜完全不油膩，十分軟身又嫩綠。即磨咖啡+$8這咖啡是即磨的，咖啡味超級濃，味道有少少咖啡的bitterness, 是甘口風味。檸茶有三片檸檬，酸酸地，茶底不澀喉，幫助消化。這一天的台式午餐很滿意。

睇到呢間新餐廳食評都幾好所以今日中午試下黎買外賣。 1219用手機落單、 期間有職員黎同我講我叫左嘅奶蓋鐵觀音冇貨， fine 😕我轉飲百香果益力多⋯ 最終等左20分鐘先知原來個外賣一早整好左放喺度， 冇人嗌過我個外賣號碼 ，我企正喺門口都冇人問過我等咩 🙄 呢餐盛惠$100 當中奶蓋鐵觀音$27 轉百香果益力多$25 冇人提過比返$2 我都趕住返去開工費事同佢計 食物質素都好普通， 個炸雞扒係硬嘅， 個飯味道正常但太細 。 百香果益力多係冇百香果味 🙄

尖沙咀舒適台灣菜今日放工想同朋友一齊食下台灣嘢，諗住搵間坐得舒服又可以開心傾偈嘅餐廳。白色粉藍色裝修充滿少女味，環境寬敞、座位舒適，背景播放住台灣流行曲，非常適合閨蜜聊天吹水。提供紙巾、水和手機下單超方便～另收+1 服務費#惹味牛腩麵 $77輕微藥材味道的紅燒牛肉湯有蘿蔔、白蘿蔔、菜等配料，牛肉有咬口，不會太肥。台灣麵彈牙，還有醃製小食拼盤（青瓜、蘿蔔、木耳）+$有台灣特飲：荔枝綠茶。#紅燒三寶牛肉定食 $85牛筋牛腩牛肚非常入味，牛肚很好吃😋有咬口，配飯一流。定食還有菜，健康#紫薯薏米涼粉乾冰冒煙非常夢幻，打卡一流。薏米和綠豆甜甜的，嫩滑的涼粉很好吃。中間還有黑糖冰涼透心～服務質素：7/10環境舒適度：8/10ᶘ ᵒᴥᵒᶅ個人口味評分：6/10

今日成班人去食蟹放題，咁啱依間有位主打係大閘蟹，點左好多哇哇哇。。。睇住熱辣辣拎上枱隻隻都好新鮮，當晚個個都食唔到死蟹每轉都叫左好多好多隻非常抵食！我總共食左有10隻。。hehehehe隻隻打開都勁多膏店員話入貨都係蟹乸，圓圈既肚就咁影相睇都爆膏呀飲品都上得快，薑茶甜左少少，豆乳都好濃郁魯肉飯入口勁大陣焦味牛肉湯水餃🥟用咗牛肉麵嘅湯底，同水餃好夾好好味，不過都係急凍貨水餃，無咩特別炸番薯條意外地好好食，外脆內軟，成班人都翻叫左幾次朋友A小姐話太好食，店員又勁nice一定要打個卡仔今晚8個人一致同意✅依間真係好食，蟹🦀️新鮮，上菜速度快，即叫即整，環境舒服，店員服務態度非常好，d歌又都岩聽8個人食每人除返都要437.8

麻辣爽牛肚：牛肚軟熟爽脆，香辣可口，口感非常好，而且份量不少，絕對物超所值。酥炸蚵仔酥：每顆蚵仔都是很肥美，沒有腥味，吃起來酥酥脆脆，鮮甜可口，令我回憶起台灣地道小食。炸地瓜條：每一條都炸成金黃色，食落又香又脆，有一種置身台灣掃街的味道。秋分鮮雞鍋：有鮮雞件、手工餃子、娃娃菜、豆腐、金針菇、雞脾菇，雖然鍋仔細細，但最少有4-5件雞件，用料十足，特別係隻餃子，大大隻，湯底更係清清甜甜，值得一試！珍珠紅豆奶茶：味道剛剛好，唔算太甜，同時有珍珠、紅豆咬下，好滿足！

中港城新開台式餐廳，朋友食完好滿意~今日又同我來試下先~珍珠奶茶：叫左3分糖，唔係好甜~岩晒唔鐘意太甜既朋友極上四寶台灣面：有齊豬手，牛肚，花枝丸，滷肉，一次過食晒想食既。豬手入味又霖，牛肚同花枝丸爽口，滷蛋香，湯底濃郁，面既掛湯力勁。紅燒半筋半腩牛肉面：台灣出名既牛肉面，無奶油唔試吖。牛筋牛腩都勁入味，牛腩霖霖哋，牛筋膠質好勁~鹽酥雞扒：雞扒勁大件，超厚吖~雞扒切開有肉汁，炸皮好脆，記得趁熱食，凍左就霖晒唔好食架啦~炸地瓜條：地瓜條好甜吖，炸到好薯條甘脆

(春禧堂)為台灣料理餐廳，門口打卡位自帶夢幻效果，先來一發文青打卡相，post ig 後再食飯。中港城碼頭的地理位置比較隔涉，不似尖沙咀中心地帶般的人聲鼎沸，反而可以同同行友人傾下計。是晚略有涼意，先欣賞維港兩岸夜景。面前乃東方之珠，歴盡滄桑，依然聳立。秋分鮮雞鍋配米線$108，材料有鮮雞件丶手工餃子丶娃娃菜丶豆腐丶金針菇丶雞脾菇。先呷一口濃厚鮮雞湯，感受鮮香。配合米線一起享用，感受初秋之艷美。春喜牛肉鍋$108，分別有鮮牛肉片丶牛丸、牛筋、蘿蔔丶娃娃菜、豆腐等等。友人點選了紅燒湯底(不辣)，味道濃郁，樸實無華。台灣酥炸柯仔酥配白飯$98，先塗上一浸薄脆漿，覆蓋每個部位的柯仔(蠔肉)，配上香脆的炸豆腐，加上台灣啤酒，乃絕佳配搭，給生活添上一份亮麗的色彩。鹽酥雞排$38，夜市名物，像魔法一樣的炸粉，活化了雞肉的底蘊，烤出鹹香酥脆的鹽酥雞。台灣啤酒(跟餐+$12）滿滿的古早台灣味在喉嚨中湧現，低點溫度，麥味香醇，入口順喉。

今日和同事們食lunch, 其中一位同事提議到中港城一間新開張的台式食肆試吓，最鍾意試新嘢，當然樂於奉配。店子開揚光猛，以天空藍色作主調，座位寬敞舒適，甚有台灣文青feel, 令人十分舒服自在。鹽酥雞排$38~雞排炸得十分香脆，雞皮又薄又鬆脆，好似食緊薯片咁，而雞肉則很嫩滑多汁，椒鹽味不會過鹹，很美味。令我很懷念台北的夜市。古早味滷水拼盤$68~有牛，牛肚，雞翼，每款有4件，份量很大很抵吃。牛肚和雞翼炆得很腍很入味，鹵水味很香濃。春禧牛肉鍋$108~紅燒牛肉湯底，牛味香甜，配料有牛肉片，牛筋，牛丸，娃娃菜，豆腐，金針菇，雞髀菇和蘿蔔。牛筋炆得又軟腍入味，牛肉亦很鬆軟，最喜歡這個鍋十分多菜蔬，而且份量亦大，足夠2人份量。芝士奶蓋阿華田$25(跟餐)~ 阿華田味很香濃，上面有芝士奶蓋，鹹鹹地，小甜，冰涼又解渴。滷肉飯$28(跟餐)~ 滷肉相當多，肥瘦相間，軟嫩多汁，味道濃郁，用來送飯一流。秋分鮮雞鍋$108~以清雞湯作湯底，很清甜，配料有 鮮雞片，手工餃子，娃娃菜，豆腐，金針菇，雞髀菇和蟲草花。雞件十分滑嫩，配上滑捋捋的豆腐，清香的蟲草花，和索滿湯汁的金針菇，健康又美味。芝士奶蓋紫薯鮮奶

「突然好想你～你會在哪裡～🎤🎤🎤」在家聽著五月天的歌就好想去台灣旅行去台灣旅行就好想吃台灣大的食物😭😭😭所以今天決左放任一次來個即興的台灣美食今天決定約好友去吃個「台灣放題」♥️椒鹽花枝丸（$26）三粒台灣的肉丸子全部都是用新鮮食材打制而成大多數都是人手打所以口彈會特別彈牙在眾多丸類之中我最愛是花枝丸花枝即是我們稱的墨魚花枝丸炒到酥油油份篩到乾身即叫即炸所以十分新鮮🧡牛肉濃湯水餃（$28）四隻牛肉湯丸包住四隻大大的水餃牛肉湯汁很濃郁湯汁深色很重牛肉的鮮味水餃煮得淋身肉餡很多湯汁都鎖在肉裡所以咬開水餃湯汁滿滿💛士林夜市鹽酥雞$38鹽酥雞每一塊雞件都很大件炸得很乾身一點也不油膩加上九層搭的做法和以前吃的不同它是把他炸到酥脆吃下去像紫菜亦像薯片所以多重口感💚台灣蚵仔酥$98這是套餐所以配搭一碗米飯米飯是台灣珍珠米飯質偏軟身蚵仔酥正如其名十分酥脆還有炸豆腐伴碟大愛🥰🥰🥰💙黑糖仙草凍鮮奶$35加紅豆$4因為怕晚上睡不著所以點了鮮奶飲牛奶味濃加上黑糖隨性倒進去成杯飲品好似墨水畫視覺十分滿足加上仙草凍和紅豆都十分足料紅豆煮得軟身但不會太軟爛口感仍能保持水平💜古早味滷水拼盤$68上桌時才發現原來這是套餐

餐廳在尖沙咀中港城商場裏面， 主打台式美食 ， 裝修用上粉嫩的顏色作主調， 環境舒適， 門口還提供一個靚靚打卡位， 深深受女士們的歡迎。春禧牛肉鍋$108牛肉鍋加熱盛上， 保持溫度 ，肥美滑溜的牛肉、嫩滑的豆腐及軟嫩冇渣的蘿蔔，完全浸泡在濃郁的蕃茄湯底之中， 酸酸甜甜， 十分惹味，所有配料盡情吸收蕃茄湯底， 令人胃口大開。紅燒半筋半肉牛肉麵$69+追加鹵水豆腐另加$10深褐色的湯底， 原來用上牛骨+香料 ， 再用長時間熬製而成， 湯底集合了牛骨精華，香氣十足， 濃郁、香而不膩。牛肉和牛筋 ，厚切大件， 軟嫩入味 ，輕輕已經好容易咬開， 牛味突出，牛筋仲好QQ彈牙， 口感如啫喱狀， 豐富膠質，跟配麵條， 煙煙靭靭，每條麵掛上湯精華， 滋味停不了。滷水豆乾， 滷得入味， 既香且滑。炸地瓜條$38熱燙燙的炸地瓜條，炸到金黃香脆， 脆卜卜之餘 ， 每口盡是純天然番薯的甜香， 令人停不了口。椒鹽花之丸$42即叫即製花枝丸 ， 外皮炸到卜卜， 粒粒紮實飽滿， 令人垂涎， 啖啖鮮味和彈牙， 讓人樂在其中。幸福紅豆與豆乳$28冰爽紅豆與豆乳飲品， 每口散發著誘人的豆香， 配上大粒棉糯的紅豆， 口感更豐

📍「春禧堂台灣料理餐廳」- 尖沙咀今次食食食之旅黎到尖沙咀😌👦🏻碌IG碌到呢間新開既台式餐廳，見佢價錢都唔貴，所以決定做小先鋒試試佢！😎一去到門口，Staff好熱情咁招待我地，first impression 非常好😍👍🏻👍🏻👍🏻餐廳環境幾舒服，座位唔會太逼，而且播住台灣歌，份外親切🥰🥰🥰餐廳係掃QR code 落單同埋單，非常方便😇🍴春禧牛肉鍋（配紅燒牛肉湯）💰HK$108✨推薦指數：5/10個火鍋一黎到要等佢滾先開蓋😛首先試左佢個湯，都幾香牛肉味，清清地唔錯，但重口味既人士可能會覺得佢太淡🙈）火鍋配料有牛肉、牛筋、牛丸、杏鮑菇、金針菇、娃娃菜同蘿蔔，都幾多款，岩哂我呢啲中意食唔同野既人🤩牛肉都幾爽口，牛筋軟滑腍身，牛丸就比較乾，唔夠汁，其他配料就無咩特別😛如果想食清少少，呢個都係唔錯既選擇😉🍴鹽酥雞扒滷肉飯定食💰HK$59✨推薦指數：3/10份量都幾大份，可惜味道比較一般🥲鹽酥雞扒比較少肉，炸粉同皮比較多，睇落似鹽酥雞粒+雞皮🙈滷肉份量都算多，可惜味道有少少似燶燶地既味（唔知係佢本身既配方係咁定真係燶咗🙈）定食配料有青瓜、醋拌木耳同芽菜，味道一般，所以我地覺得可以唔洗試呢個😛🍴古早

喜歡台灣食品🧳你就要試下位於尖沙咀【春禧堂】呢間餐廳裝修環境坐得舒服😌面且食物好味😋我去到時候發現不止堂食坐滿人，門口等外賣嘅人都好多💁‍♀️係等位期間仲可以係門口打卡位影相📸️店員推介💁‍♀️⭐招牌牛肉面🍜牛肉麵有好多種唔同嘅選擇同搭配🥢仲有濃郁嘅番茄湯底可以選擇，配料同份量都好足！當然唔少得🍹台式飲品🧋除咗有傳統選擇我就選擇左店員推介藍柑梳打🍹 梳打水帶絲絲微碳酸的口感配上小小片檸檬，既吸睛又解渴，岩哂天氣炎熱🥵時候🧉不可錯過當然台灣小食，鹽酥雞扒同麻辣牛肚非常推薦😍，仲有豬手、青瓜、炸甜薯等🍽仲有特色可愛包點🍭特色仙氣甜品(必試)👍👍一款充滿仙氣十足嘅台式仙草甜品🍮無論外型同埋味道一流

中港城新食店「春禧堂」，主打台灣料理，疫情下去唔到旅行，都可以品嚐台灣美食一解思鄉之愁！▫️紅燒牛筋牛腩牛肉麵 $69要讚一讚呢一間既紅燒牛筋牛腩牛肉麵!份量超乎想像，牛肉份量好多，而且配料既紅蘿蔔及白都蘿蔔唔少！好欣賞佢既湯底，加入多種中藥及香料熬煮，入口香氣濃郁，燉後肉質軟腍，牛筋都相當入味！價錢及份量相對係超值~.▫️秋分鮮雞鍋 + 特濃蕃茄湯 $112入秋時分，又想打邊爐啦!一人份量既熱辣辣嘅鮮雞鍋，加上特濃蕃茄湯令人暖胃！呢個鍋有豐富嘅材料，有雞件、金菇、雞脾菇、水餃、豆腐等等，再配上滷肉飯！價錢好值～.▫️涼拌貓耳朵 $10貓耳朵，係頂級雲耳！厚身爽口，價錢便宜，但份量極多！酸味味好開胃！.▫️涼拌黑醋茄子$10味道不錯，口感不油膩，用黑醋調味，味甚佳，也很開胃.▫️椒鹽花枝丸 $28金黃色既花枝丸令人垂涎，爽口彈牙！

太耐冇去旅行總係有旅遊幻覺 今次行到中港城就展開一個台灣小食之旅啦遇見珍珠可可 加小芋圓🍫☕️$34好濃既可可味 唔會好似朱古力咁甜 飲落唔會好膩 加左小芋圓感覺都幾特別 值得一試現做煎餃子（8隻）🥟$52個底煎得好脆 一咬落去好juicy滿滿湯汁 餡料味道唔會太咸炸地瓜條 🍠🍟 $38炸得香脆 食落去甘甘甜甜 係炸物油溫上控制得好 迫得番d油出黎 件野唔會油淋淋台灣烤香腸 🥢🥢＄28香腸外皮烤到微微焦脆 有輕輕既蜜糖香味連埋蒜片一齊夾落口 好爽 好有係台灣夜市買既感覺三盛紅燒牛肉麵連飲品 加滷水蛋🍜$112上到黎真係好大碗 個湯頭好清甜 個牛腱心炆煮到好淋好入味 個麵佢係台式既幼麵幾爽彈古早味滷水牛肚🐂$38滷水味稍稍強左d 如果個牛肚可以滷得淋d就更好

與友人午膳在「春禧堂台灣料理餐廳」。大門入口處佈置得浪漫迷人，必定打卡靚位。進入餐廳大堂，藍白色調感覺舒服。百吃不厭的三寶紅燒牛肉麵，大大件的牛腩看起來堅實，吃起來肉質鬆軟可口，牛筋口感滑爽彈牙，牛肚柔軟香濃，白蘿蔔與紹菜拌牛腩湯吃，很美味，爽滑粗麵條有嚼勁。友人的鹽酥雞麵，很吸引！還有三款開胃前菜。我嘗一塊鹽酥雞肉，香酥肉滑。友人的芒果益力多。我的紫薯珍珠冰仙草椰果黑糖沙冰，很精緻的容器，未嘗，心情已經愉悅，打門蓋子，飄散著黑糖的清香，味道清甜，紫薯、珍珠、仙草、椰果，口感豐富。兩碗湯麵份量很足，我們吃得很飽，餐後要逛街幫助消化。