春風三月 (已結業)

係元朗千色匯有唔少連鎖式既飲品店 而係千色匯外圍就有呢間叫春風三月本身冇諗過買，但見到出邊有好多唔同顏色唔同種類嘅珍珠，真係好吸引，係舖頭門口見到每日都會有手作珍珠 感覺新鮮 夢幻果茶配紅火珍珠夢幻果茶係士多啤梨同雜梅，而紅火珍珠就係火龍果製作嘅珍珠，見到呢啲珍珠每粒都有一小粒黑蚊蚊嘅火龍果係入邊，覺得好真材實料，珍珠冇乜味道，但覺得好健康。果茶酸酸甜甜，配上珍珠，好啱夏天飲。黑糖珍珠鮮奶呢排好Hit嘅飲品，顧名思義有黑糖珍珠同鮮奶。咁之前一定要撈一撈，飲落啖啖有黑糖既味道，食既珍珠都有黑糖嘅味道，飲完呢杯就好飽了。

今日去左元朗近期既話題台式飲品店 呢間係撞奶既姊妹店，叫左杯double 芋頭奶黎試 其實佢比我想像中大杯同飽肚 佢裡面既係芋頭珍珠同芋頭奶，double 芋頭奶既芋頭味唔算好重，有d 似芋頭雪糕糯米糰既味道，反而我覺得奶味重D。佢仲有d 芋頭顆粒係裡面，成杯野飲更加有口感。不過我食唔出芋頭珍珠有冇芋頭味啦，似一般既珍珠咁冇咩特別。整體杯野飲甜度同冰度係固定咗，但唔算好甜，可以接受既，飲左半杯都KEEP度凍。不過如果芋蓉可以再多D再綿密D就更好啦

炎炎夏日, 尢其係想打風落雨既前夕,又熱又焗, 最好就有杯冰涼飲品, 消下暑。呢一日同女友係元朗行街行到鬼咁熱, 經過呢間台式飲品店, 梗係要試下啦~~~唔好睇佢店仔細細, 都有好多選擇。有鮮奶系列, 花茶 同果茶系列, 而且可以指定冰量, 甜度 同追加珍珠。因為岩岩食完晚飯既關係, 最後揀左大馬士革綠茶🌳, 希望消一消滯~~杯綠茶都份量十足, 肉眼估計有700ml。絕對夠消暑解渴。飲落有濃濃既甘甜味, 而且茶味十足。確係夏日解渴選!

諗住一嚐自家製珍珠～就黎試下星期六中午時分 完全冇人Order左一杯 - 奶蓋Double玫瑰綠茶 $34隱約見到杯中有茶包 底部都有好多自家製玫瑰花珍珠杯身有圖+字 飲奶蓋教學😂都算貼心杯蓋可轉動 設計特別！第一次見 感覺好新鮮亦容易同時飲到奶蓋+茶奶泡挺身 沾有乾玫瑰花碎但味道完全唔掂！！！冇奶味 冇芝士味 得個咸字茶底好似飲緊水 冇茶香 冇回甘最後到玫瑰花珍珠 略帶玫瑰味但甜味更重 覆蓋左大部分玫瑰味個心偏硬 唔係好彈牙整體黎講貴得黎唔好飲 但外型討好 買一部呃下like都可以實係想飲好品質 就請移玉步P.S. 唯一值得讚 就係可以走冰

可以一讚既黑糖味同鮮奶味都好出，敗筆係珍珠未夠淋而且太太甜雖然珍珠係用黑糖煮，但唔洗甜到咁，希望有待改善致OpenRice 我只係評杯飲品咁都要我作80字先可以留言，openrice你地都要好好改善

今日難得放假入元朗拍下拖，碰巧見到春風就順便去跟風試下。點左兩杯飲品（double芋頭奶&黑糖珍珠奶茶），見到製成品顏色同包裝都非常不錯，但係飲完就發覺只係虛有其表😪Double芋頭奶雖然芋頭同珍珠分量都好多，但係沒有芋頭味，感覺似係食緊芋頭蓉，太kit😅 而且珍珠方面亦太硬同仲痴埋一舊舊咁！飲得好辛苦😤黑糖珍珠奶茶方面，店內寫著每一杯飲品都用一包茶膽沖成，可惜飲落一啲茶味都無！完全係飲緊黑糖奶水同珍珠😠 味道亦過甜 無甜度可揀👎🏻第一印象好差，我諗品唔會再幫襯！

行開元朗千色店 原來後面有間新開嘅台式飲品店 之前fb 聽過佢嘅分店 春風撞奶店 聽過下個名 所以決定買黎試下先🤤位置比較隱蔽 唔係咁岩兜去千色店後面都難搵😂黃金果茶 $24係蘋果加苦橙皮 入面有個茶包 叫左少糖 飲落好清新 唔覺得得苦 鍾意飲茶嘅朋友要試下 不過建議可以加多d 糖🙈夢幻果茶 $24朋友叫嘅 係士多啤梨同埋雜莓 感覺酸酸地 似酸糖味 係咁熱嘅夏天飲凍冰冰嘅果茶 有透心涼嘅感覺😆 主要以果茶為主 另外呢度嘅手作珍珠都出名 大家可以試下😎

我本人不嬲都鍾意食一啲煙煙韌韌既野，所以台式珍珠飲品亦都係我喜愛之一，依間鋪頭不同終傳統嘅黑糖珍珠，佢仲有一啲自己手製特別味道嘅珍珠。今次我點左黃金果餐加桂花珍珠，飲品嘅味道唔算太甜有淡淡的桂花香味，嗰啲珍珠亦都十分之煙韌有咬口，除左桂花，仲有啲特別味道嘅珍珠好似火龍果珍珠芋頭珍珠玫瑰花珍珠等等。佢嘅double芋頭奶亦都係招牌之一。

而家飲杯台式飲品係可以貴到咩程度😶就係差唔多成40蚊一杯🌞.其實飲落係唔錯，我覺得茶底同奶蓋都算中上水準🙈。桂花烏龍係用茶包沖，一杯一個茶包，所以會見到杯入面有個茶包🍵桂花珍珠有咬口夠煙韌，夠甜，好食🤤飲完杯嘢飲之後，仲有好多桂花珍珠喺杯底，我係唔會放過任何一粒，要逐粒吸上嚟食💕一方面係啲桂花珍珠真係幾好食，另一方面係呢杯嘢係真心貴😂真係一粒珍珠都唔捨得浪費😂.佢地仲有其他口味嘅珍珠，例如baileys、玫瑰、芋頭、黑糖等等。不過真係太貴啦，唔太捨得特別去飲多次🤔就算唔加奶蓋都要30蚊杯🤔

和老婆在元朗吃完晚飯，途經千色廣場，有間新開的台式茶店，心思思的我們決定試一試。每杯茶都是即點即製，絕不添加任何茶精及奶精。點完後，店員立即為我們泡茶，需要少許時間耐心等候。甘菊金萱烏龍烏龍茶味突出，甜度適中，可自行調節為少糖或無糖。每杯底下都有一個茶包，確保是原汁原味的茶香味。黃金果茶是由蘋果及苦橙皮沖泡而成，有蘋果甜味及香橙的苦澀味，兩者味道能並存而沒有違和感。特別在炎熱天氣下，喝一口果茶，有種透心涼的感覺。

經過元朗，知道近期春風撞奶好hit。但今日唔試春風撞奶，先試它的大哥，春風三月。今日叫了杯double 芋頭奶double的意思係芋頭蓉，再加芋頭珍珠。首先芋頭蓉唔太綿密，飲的時候需要花時間咀嚼，珍珠有點硬。同迷x夏的芋頭奶相比，失色多了，價錢還要貴點。不會再有下次。要重新考慮會唔會試春風撞奶。

開店後差不多一年（？）才敢來試，因為大排長龍不是我的style。最近小店開了分店在雞地，舊店人潮終於有紓緩。現在五花八門的手搖飲料店，都是以「過江龍」「人氣」「大熱」什麼什麼，天花亂墜，相反，春風比較少在這方面的吹噓（我覺得。）網路上的評語好壞參半，實屬正常，口味本來就是很個人的東西。一句到尾，在乎自己的價值觀，$28左右一杯冰凍飲料，在炎炎夏日之下，涼透心的快感，姐是買定了！最近幾家店都以黑糖撞奶「髒髒杯」作賣點，印象中春風才是第一家有撞奶喝。不可選甜度，不可選冰度，怕太甜的我心中爭扎了好一陣，想試，又怕，最後好奇殺死貓。但這件事告訴了我，勇敢是有回報的（嘿嘿！）奶本來已經很滑，喝得出是鮮奶非奶精，加上以黑糖泡開的仙草，口感更加滑不溜口，甜度剛好，撞在一塊，不知怎的有化學作用，喝到有一種奶茶也沒有的香味！$28無疑是有點少貴，但勝在大杯，絶對值回票價，仙草份量豪不吝嗇，仙草迷必試！老公不愛奶茶類飲品，點了一杯冰茶，大馬士革綠茶，即玫瑰綠茶。本來也怕是gimmick，例如用玫瑰糖漿之類。誰知，是真的玫瑰花，加上綠茶茶包一整個，是一整個，每杯用上一個還挺豪爽的。一呷，茶味回甘度高，非常清

春風三月依間珍珠奶奶舖，依元朗開左一排已經風靡一時！！最出名既就係自家製珍珠，款式夠多，味道亦都好新穎！好似有桂花珍珠、玫瑰珍珠、百香果珍珠仲有火龍果珍珠等等⋯最最最緊要既係佢地標榜所以茶包都係台灣直送啊～直情對得住台式飲品店既稱號！今次試左兩杯飲品，分別係黑糖珍珠鮮奶同埋黃金果茶。先講黑糖珍珠鮮奶，外貌協會既我覺得杯野簡直有100分哈哈。鮮奶奶味偏淡，但混合左底層既黑糖之後個味道就變得十分之夾！！珍珠咬落有咬口，黑糖味都好夠，果然係自家製有保證！黃金果茶都好特別，主要成分有蘋果同苦橙皮！第一次聽沖茶會苦橙皮哈哈！味道方面都好夾，夠茶香，夾埋蘋果同橙皮有甜中帶甘既感覺！最岩食完飯飲，好消滯！下次一定要再試埋其他！

晚上雖然天氣涼返少少，但都仲係好熱，呢個時候最好就係買野飲，飲住咁行返屋企啦。順路便來試試人氣滿滿的春風三月，是晚已經九點多，約有六、七得緊，同朋友點了簡單的茶品，本想加珍珠，但太夜了已經售罄無緣試手作珍珠添，下次早點來等左一陣就有得飲，梗係要打個卡先啦。黃金果茶（$24）朋友的黃金果茶，是蘋果加苦橙皮，因為要了無糖，味道酸酸的好醒神，都幾好飲喎。但個人覺得要返少少糖應該好一點，哈哈，各有各人口味啦，朋友喜歡無糖。金妍鐵觀音（$25）自己點了金妍鐵觀音，也是無糖。茶味幽香，濃濃的鐵觀音味，帶淡淡的花香，越飲越甘香，好正的茶葉杯蓋可推開，杯身也很硬，個杯好正，洗乾淨左從用哈哈。茶好飲，下次試埋珍珠先。

食完飯，係千色匯行街，無無聊聊，好耐冇飲珍珠奶茶，突然好想飲，於是走去搵。啱啱見到呢間好似未飲過，不如試下啦⋯⋯朋友仔買左杯黃金果茶。真係好黑仔啊，等等下，落大雨，唉～成身濕晒，唯有跑過對面繼續等。我呢，就叫左杯奶蓋double玫瑰綠茶，攞左飲品，之後，快d搵個地方匿埋慢慢飲先。睇下個杯身，都幾得意喎，會教你點樣品嚐呢杯飲品。呢個杯既設計都幾特別，我幾中意，除左可以飲到奶蓋，有時d珍珠塞住左條管，打開可以大大啖飲。呢杯飲品個奶蓋好香好濃郁，仲滲有淡淡玫瑰香味。珍珠亦都好有咬勁，同樣滲有小小玫瑰香味。