春風三月 (已結業)

有幾次想去購買，但有時晚上8:30就收了今天又想去，5點卻又關了門。營時間很飄忽。我之前已經幫襯過很多次，但不知為何最近卻是這樣，時關時開，連張告示都沒有一張。😖

而家飲品店比較隱蔽，喺千色店後面，附近有一芳，天仁茗茶包圍，比較少人識，不過佢啲飲品比其他兩位都要好飲，一試難忘，最鍾意飲佢嘅Baileys復刻紅茶,勁勁勁好飲， 佢係即沖嘅茶包，珍珠好有趙口，比一般嘅珍珠奶茶店味道冇咁濃，冇咁甜比較清新，佢之前仲做緊特價優惠，六點半打後買一送一，細杯裝$22就有兩杯，勁抵！不過由於即沖嘅關係，剩係得兩個人排隊，都要等10分鐘或以上，職員嘅態度麻麻，可以用支付寶俾錢。不過而家新嘅一年好似冇咗呢個優惠，變咗買二送一

有驚喜喎😯桂花珍珠真係有桂花係裡面嚼既時候有淡淡桂花香~感覺好清新珍珠偏甜同細粒 不過煙韌度好可以😋紅茶冇乜特別 茶味唔出奶蓋亦唔夠濃 我覺得可以咸d不過成杯野包埋奶蓋份量好足 包你飲完飽到上喉嚨🤗🤗本人表示試一次夠了 都係天仁同迷客夏好

之前有一間春風撞奶而家又有一間叫做春風三月既鋪頭，但唔知2間有咩關係。佢D珍珠都幾特別，有bailey 味，可惜賣曬試唔到。叫左杯仙草奶茶，奶味重，仙草有好多，味道不錯，叫微糖就岩岩好,唔太甜。

有朋友住尼頭，咁岩行開經過就帶左我地去試尼間手工珍珠，想食果隻咪無晒，就轉左第2種，等符時間有少少耐既，但都ok, 野飲到手之後未飲住，去到聚會場地先飲。我揀左茶底係紅茶，茶味好濃，的確5錯，而家d珍珠都有少少甜，我揀左bailey ，朋友揀左玫瑰，玫瑰味都好出，但Bailey 酒味真係食5到，淨係食到甜甜地，就有少少失望，但質地煙韌，都值得一試既！之後自己再去買左熱飲，熱飲茶味本人自嗨覺得特別好味特別係凍凍地果陣。經過既朋友仔都推薦去試下

#LuBie元朗🥤月貴妃（凍）（$24+$5桂花珍珠）（🤤：7.5/10）🔽個名咁好聽 就咁睇當然唔知佢係咩黎。其實佢係荔枝綠茶，揀左少甜少冰 再加五蚊加左佢個桂花珍珠。茶味好重 但唔會好澀 因為係綠茶既關係 所以無咩澀既味，佢有成個茶包係杯茶度 可能因為咁所以茶味咁重，而且少糖令味道更加啱飲。桂花珍珠既桂花味其實唔太出 要細細咁咬多幾下 先有啲味道出黎 質感幾Q彈 幾好咬。杯茶幾大杯 珍珠量都幾多，算係幾抵飲。.📍春風三月📍元朗千色匯地下G34號鋪#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香港美食#元朗美食#食好西#春風三月#月貴妃#桂花珍珠

趁最排天氣好轉，就約咗朋友去咗元朗行山。經過商場門口，見到好多人排隊就忍唔住，心郁郁排埋一份。呢度嘅珍珠全部都手作嫁，仲有好多特別口味，顏色仲好靚添！夢幻果茶其實就係士多啤梨同雜莓果茶，莓紅色嘅果茶飲落去酸酸甜甜，有淡淡嘅果香。另外，仲額外加配咗火龍果珍珠，珍珠都幾彈牙，有口感，仲有少少火龍果籽，真材實料。黑糖珍珠鮮奶朋友就揀咗最近大熱嘅黑糖珍珠鮮奶，白色嘅鮮奶撞埋黑色嘅珍珠，變成啡色嘅虎紋🤩，黑糖味較重，偏甜，中意甜嘢嘅朋友可以試試！

聽說有我喜歡的韓星組合成員的生日杯套應援才特地從屯門冒名而來的♥️看了餐牌很久都沒選得上心怡的，糾結了很久。傍晚6點多，由點單過程到取飲品都只有我一個顧客，店員看我選了這麼久也沒給推薦之類的，自顧自地在聊天，期間還聽到了髒話🤦🏼‍♀️有很多款珍珠選擇，個人覺得味道略奇怪，是走文青路線的花香味多，有玫瑰、桂花等，我最後還是選了黑糖珍珠。夢幻果茶+黑糖珍珠($29)👑不得不讚珍珠是好吃的，夠淋夠煙韌👍🏻但由於茶及配料都是自己選的，所以味道不太搭，店員也沒在點單前給意見，所以整體感覺怪怪的。果茶感覺沒水果味，是原包茶包放進杯內的。

黑糖珍珠真係愈吹愈勁，元朗都開左好幾間~~但是，春風三月都開左起千色廣場都好一陣子我每次都忘了它的位置，所以久久也不未一試佢起千色廣場後面咋，成日都以為佢好難搵.....點知個日起譚仔食完個麵行返去個陣就見到，啲起心肝試下先其實春風三月係主打不同口味的珍珠，例如：玫瑰、桂花、芋頭......但係我還是默守成規地揀左黑糖珍珠鮮奶黑糖珍珠鮮奶鮮奶甚濃、專登叫服務員落少D冰，比較飲到香濃的牛奶味，而不會被溶化的冰影響變淡~~~~黑糖也做到拉起杯的花，裡面係滿滿的黑糖味，但也不會過多，甜度係岩岩好，主要的都是鮮奶味珍珠也做得比人更彈口，不會淋到一舊舊痴埋一團，粒粒分明....$32一杯的份量超大杯，比起其他店更實惠......雖然話有好多過江龍黑糖珍珠鮮奶黎左元朗開店但熱潮過後，都係飲返杯性價比高的黑糖珍珠鮮奶好D

飲過春風撞奶鋪既黑糖青蛙撞奶幾次，有試過珍珠彈牙黑糖味夠奶味濃，亦有試過甜度唔夠，得出嘅結論係你間鋪頭嘅飲品水準好飄忽，睇下你好唔好彩，先知你飲到啲咩。今次竟然飲到液體珍珠從未飲過甘淋嘅珍珠，唔可以用固體黎形容，只可以話佢係液體。水準真係超級飄忽，如果佢可以維持高水準， 都真係幾好飲，可惜去飲佢嘅青蛙撞奶，要靠運氣😅😅😅

之前上網睇過介紹春風三月茶飲店，今次剛好郊遊到元朗，有機會一試呢間小店，位置都有少少難揾，餐牌款式不多有幾款主打，我叫了名字有特色嘅「月貴妃」其實係荔枝綠茶🍵，加了紫背天葵珍珠。一聽已經好吸引，仲有好多其他味道珍珠，我還想試一下Bailey珍珠好特別。等左大約5分鐘就沖好，有幾個人等都算快，我點了少糖，平時飲開啲連鎖茶飲店一少糖就難飲好多味道又淡而無味，而呢間令我喜出望外係少糖反而帶出茶香，凍飲杯入面都有茶包，再配搭上紫背天葵珍珠甜甜地更加好飲。

自從春風三月係元朗開左就成為我至愛的店，佢每杯茶都係用獨立茶包，茶味好清香。而且我次次叫全糖（100%)或加甜(120%)，甜味都唔係死甜，好夾茶味。我仲介紹左我好多元朗友去飲，今次又導左我朋友去飲，我地兩個都叫左月貴妃（荔枝綠茶）。朋友加左桂花珍珠，我就加左新出的洛神花珍珠，兩種珍珠都好好吃，珍珠係每日新鮮製造，口感好煙un,正👍🏻但最好早d去，每日有大概6-8款珍珠選擇，受歡迎既珍珠會好快賣晒。

大熱天時經過元朗呢條大街，一定要搵杯野黎降溫。又唔想坐低飲，因為想一路行一路飲一路行街先夠過癮呀。排左一陣之後，叫左杯黑糖珍珠鮮奶，仲可以叫埋少冰添。等左一陣，一拎上手就覺得夠晒冰涼，鮮奶份量足料，佔左7-8成，其他就係珍珠同埋係底既黑糖。店員都建議我攪一攪先飲，等黑糖唔會沉晒底。一啖飲落鮮奶味好香好滑，足料牛奶黎架，仲有一粒粒彈牙既珍珠沾滿左黑糖，好似食緊軟棉棉既糖一樣，而且黑糖本身黎自台灣又有益，尤其鍾意黑糖既朋友更不能錯過。成個組合味道相當夾。

以下純粹是個人的食後感，可以比大家作個參考啦！！夏日炎炎日日都係三十幾度高溫，又是飲品店的熱潮的時候，最近多間飲品店開張，間間都人山人海，當中又以台式飲品店最深得香港人支持。夏日熱辣辣當然要飲番杯冰凍飲品降降溫。果茶珍珠奶茶最岩香港人口味，元朗有間特色飲品店，大多食材由台灣入貨，非常地道。當中又以手作珍珠最為熱賣，口味非常多，分別有baileys珍珠/玫瑰珍珠/火紅珍珠/黑糖珍珠/芋頭珍珠等等，我都係第一次見咁多種唔同口味的珍珠咋，非常有創意。天氣太熱太悶焗，我叫左一杯冰凍桂花烏龍菜，加桂花珍珠。桂花烏龍茶以茶包調製，非常有茶香，入口唔會死甜，反而有陣陣茶香的清淡，非常解熱解膩。桂花芳香，加上粒粒桂花珍珠，成杯飲品都充滿桂花香氣。珍珠非常足料，粒粒珍珠都有桂花花蕊，非常清香，入口煙韌有咬口，嚼勁十足，口感非常豐富。桂花味好岩我心水，因為我好鐘意花香。下次黎可以再試其他味道的珍珠，我首選是芋頭味！

今時今日，一街都珍珠奶茶，冇乜賣點真係搵鬼幫襯。飲過無數珍奶嘅我，近日有朋友叫我去試試春風三月，於是我決定去元朗會一會佢。位於千色背後，前面有幾間大型連鎖台灣飲品店，要突圍難免要有爆點。睇餐牌，咦！咁得意？原來以有唔同味道嘅珍珠作招徠！叫咗杯超級珍珠奶茶，再加多杯同屋企人返家慢慢嘆，本身想試Baileys珠，點知賣晒，就改叫Double玫瑰綠茶。等咗一陣飲品就到，擁有同深圳最火嘅X茶一樣高高長長嘅杯，內有茶包浸泡，茶味更香濃突出。先講超級珍奶，奶味同茶味比例得好，誰都不會搶誰風頭！珍珠有種濃濃嘅，好似係咖啡嘅味道，質地Q彈，越食越想食！至於玫瑰綠茶，可能茶包浸咗15分鐘，好濃嘅綠茶味，而珍珠係玫瑰味，晶瑩剔透嘅珍珠內有玫瑰花，又靚又香又好味！最讚嘅係個杯蓋，茶包會阻住你啜珍珠，杯蓋有得擰開1/4，咁你支飲管就可以伸入去撥開個茶包啦！咁有心又好味嘅小店，希望佢生意興隆！下次我一定要試到Baileys珠！