昭拍耶

營業中

休息中

昭拍耶船河：有試過食船河但食過嗰啲都係唔正宗嘅今次終於比我搵到一間好正宗嘅泰國船河！！湯既味道有啲特別絕對唔係嗰啲清湯腩嘅味道/雞湯我都係第一次食到呢一隻味道！係幾好食 會上癮😂😂😂河粉好滑！湯底夠濃仲有好多唔同嘅配菜都幾滿足！佢有qq豬肉丸(因為好細粒😂)、豬肉 食落去都知係新鮮 $50算係咁啦泰國菜Ps 遲啲屯馬線開通之後 大家就可以好方便咁樣嚟到九龍城食呢一間泰國嘢！！！！其實仲有嗌一個叫做「南瓜咖喱軟殼蟹」但因為太心急 聞到好香 所以即刻食咗(●’◡’●)ﾉ無影到 但比起船河 「南瓜咖喱軟殼蟹」更推薦大家食！！！！佢嘅南瓜咖喱非常出色！係非常出色！非常出色！好香好香嘅黃咖喱味！

本身同朋友係將軍澳行完山，佢推薦左我哋去九龍城嘅呢間泰國餐廳。之前喺銅鑼灣食過一次，覺得好似冇乜特別係個湯底唔同啲嘅河咁。但係今次食完真係有啲出乎意料之外。首先就講吓個環境先啦，一行入去望到啲環境佈置，甚至係一張電影嘅海報都可以見到，老闆係真係俾咗心機落去做㗎，佢可以好好咁樣突顯左香港同泰國嘅特色跟住就講吓啲嘢食先，因為我哋有三個人所以就嗌咗三碗船河、一個青木瓜同一個炸豬皮。餐牌我就冇影相曬，不過個青沙律都有跟一杯嘢飲㗎。呢碗睇落清清地嘅，就係清湯酸辣肉碎河。我個人就最鍾意呢碗，因為酸得來又幾清新，唔係一味死酸個隻，好似啲檸檬汁為嘅感覺咁。辣得來啱啱好，唔會話辣到食唔到咁嘅款。跟住就到呢間店嘅主角，昭拍耶船河。船可本身嘅煮法係加左豬血或者牛血，我本身就冇做齊資料蒐集啦，唔知呢間嘅係咩血。但係唔好一聽到個血字就唔敢食，因為湯底食落係完全唔腥，反而有好濃郁嘅香味，再加埋一啲香料其實真係好鬼死正㗎。重點係個湯底飲完唔會太鹹，亦都唔會好似某啲連鎖嘅粉面店，食完會好想飲水，一切都係啱啱好。講吓個面底啊，聽返同行嘅朋友講，呢間嘅粉呢唔係一般嘅泰粉，佢係有啲煙韌咁嘅，可以令到佢浸係湯底唔會好碎，但又

本新諗住食佢個船河，因為係泰國食過，而且香港少見，點知去到發現佢lunch先有。咁一場黎到，就試下佢其他野食質素。2個人點左3樣嘢，一個昭拍那炒飯，真心係伏，成碟海鮮炒飯得2隻蝦，仲要勁細隻，隻蝦一咬落去，我未食過可以霉成咁既蝦，而且炒飯竟然可以炒到一舊舊，都算經典，總括炒飯質素十差分。其次煎蠔餅，可以話正正常常，但略嫌太多油同埋味道偏淡。另外，點左2杯泰式奶茶，第一啖已經感覺味道淡到好似溝水咁！擺多陣等冰融埋，覺得自己飲緊冰水。最後，個炭燒豬頸肉，成碟紅色既，大佬你估食緊牛咩？豬頸肉生成咁點食？仲要一陣雪藏味。總結九龍城咁多泰國野，呢間唔會再去

今日想食泰國菜，來到了全香港最多泰菜的地方九龍城，選了一間都多人排而又未食過的叫 昭拍耶的餐廳。餐廳不算大但環境也算乾淨。我們點了泰式生蝦，脆肉炒椰菜苗，香辣肉碎生菜包，海南雞飯和青檸梳打。泰式生蝦也新鮮的，蝦頭有炸過夠香口，但醬汁普通。脆肉炒椰菜苗味道不錯，菜也沒有苦澀味，只是脆肉是普通的火腩而且皮不脆。生菜包的肉碎一來不辣，二來肉碎太濕了不乾身而且酸醋味太重，不建議點，海南雞飯也只是普普通通，油飯味道可以，但海南雞一來皮不脆，二來肉很鞋醬汁也一般。沒有什麼特別，普普通通的泰國菜。

今次試這間泰菜就是看到好的食評於是戰戰兢兢來到這食，估不到出乎意料之外都是一個不錯的體驗。昭拍耶炒飯， 海鮮跟濃邊煎蛋青咖哩雞跟蒜蓉包真是好味。蒜蓉包單食也可以因為蒜蓉味好濃串燒不乾有肉汁炸蝦餅中規中矩最後叫了椰汁冰，龍眼冰，好滿意的一餐

九龍城出名多泰國菜，不過要知道唔係間間都好食😏 昭拍耶雖然唔算好出名，但真係好有泰式風味🥰兩個海南雞飯愛好者嚟食lunch，梗係要叫海南雞飯 ($58) 啦~ 幾欣賞佢個冬瓜湯，雞好多又夠滑，然後油飯帶椰香味令人食到停唔到口🤤再嗌咗特別小小嘅海南炸雞飯 ($68) 好香口唔錯，配埋泰式辣醬好惹味😋午餐係包特飲嘅🤩 我同朋友分別叫咗青檸紅茶同龍眼冰，熱熱地好解渴，強烈建議叫少甜🤣最後當然唔少得送嘅南瓜粟米西米露啦🥰 細細碗啱啱好

特別推薦大家✅南瓜咖喱軟殻蟹 Deep Fried Soft Shell Crab with Curry in Pumpkin✅生蝦刺身 Shrimp Sashimi ✅炸蝦餅 Deep Fried Fish Cakes✅馬拉盞炒椰菜苗 Fried Cabbage Sprouts with Belachan 《南瓜咖喱軟殻蟹》依個係必食‼️‼️用南瓜🎃嚟裝住咖喱，超級熱辣辣🔥，入面除咗有蔬菜🧅🫑，個南瓜仲可以食，夠淋又粉，唔係淨係當個殼嚟用，南瓜撈埋咖喱一齊食好正軟殻蟹係分開上🦀，所以可以保持鬆脆感，食落唔會有油膩感，正ahh配埋薄餅(💰$28)同蒜蓉包(💰$28)係完美😭，薄餅吸晒咖喱汁嘅味，蒜蓉包外脆內鬆軟，點埋咖喱一齊食勁好食🥰💰$158《生蝦刺身》生蝦厚肉🦐，加埋蒜頭🧄辣椒一齊食，刺激味蕾，同埋蝦頭都可以食😍，成個都食得，炸到好脆💰$88《炸蝦餅》炸蝦餅彈牙🦐🦷，唔會覺得油，食晒佢拼盤四樣野，覺得蝦餅係最好食😌💰$68💰$158 (昭拍耶拼盤: 蝦餅、魚餅、雞卷、春卷)《馬拉盞炒椰菜苗》辣辣地好惹味🌶，個汁好香濃，但係又唔覺過咸，椰菜苗爽口又冇煮到淋哂🥬，係口入面愈咬愈香

九龍城真係好似一個泰國小社區，好多間食店都係叫泰乜乜，呢次去左間喺龍崗道嘅隱世食店，一入到去已經有泰國姐姐用夾雜泰文嘅中文歡迎你。佢嘅Lunch set都有好多選擇，我地叫左黃咖哩雞肉配薄餅同埋香辣肉碎飯，加多個生蝦刺身，而飲品方面就叫左泰式奶茶同青檸蜜。見佢仲有個南瓜軟殼蟹，賣相幾吸引，下次可以再黎試。

難得開返晚市堂食，即刻約朋友食返餐好耐冇食泰國菜！我地預先訂咗位，初初以為冇乜人，點知食食下就發現坐滿人，所以book位真係好緊要馬拉盞炒通菜惹味香葉辣肉碎炒河辣辣地，河粉炒得好食，唔會太乾/太濕泰式燒豬頸肉個醬汁好正青咖喱雞入面都算多雞肉，茄子仲有兩款（綠色圓波同紫色嗰款）薄餅用嚟配青咖喱食～昭拍耶拼盤蝦餅：好食，熱辣辣，咬落去仲出煙魚餅：好似有陣香茅味，我麻麻地豬肉丸（？）：好食！蝦卷：都好好食，真係有隻蝦呢間絕對有機會會再嚟食我地4個人食哂全部都好飽！！唔小心就嗌咗咁多，不過都唔貴，每人好似一百七十左右抵食！

今日去九龍城食thai food見到佢set lunch 45-60左右包埋甜品，野飲好似係半價我地叫左生菜包肉同炒金邊粉，加2杯泰式奶茶，最後仲有個番薯西米露跟埋餐。個生菜包肉微辣好似有輕輕用油炸一炸咁，真係炒得好香好好味 誠意推薦❤️炒金邊粉真係好香好好味，甜甜地配埋花生碎+生嘅芽菜一齊食，真係超級正宗又好味，成個感覺就好似去左泰國咁。泰式奶茶真係好滑好好味，忍唔住飲曬。跟餐嘅西米露糖水都唔錯，好正既一間餐廳❤️

太耐無去旅行，對上最後一次係泰國之旅，好掛住啲船麵，今日同朋友仔試食呢間九龍城嘅豬肉船麵，叫左兩枝象啤嘆下，船麵湯底好濃，但略甜，不過我接受到，而且有好微嘅辣感，不過始終未塭返喺泰國食嗰個味道

「昭拍耶」是九龍城一間不起眼的小店,  但質素唔錯,  我喜歡泰式船河, 雖然好細碗, 正正便是泰國的船河才是細細碗的, 這才似在泰國吃, 港式船河先會大碗,  這泰式船河的魚蛋也是細細粒, 河粉口感超有泰國feel, 似米線+米粉+麵條+河粉,  好難形容, 湯底又濃郁但不咸, 而老公 order 蝦糕炒飯跟奶茶, 蝦糕炒得好香口, 依然帶出飯味, 加上有心地伴碟上, 可以話色香味俱全, 只是一個lunch , 都如此細心做好, 欣賞欣賞。

大家唔好以為我好似日日出去食飯好富貴咁，其實只係我之前食過嘅餐廳一直都冇時間好好咁整理，而咁啱最近放緊假，所以就想盡量分享多啲，希望大家都有興趣睇我嘅食評啦 ！相信大家都知道九龍城係一個好出名食泰國菜嘅地方，我自己曾經都係九龍城工作過一段好短嘅時間，所以都對附近嘅餐廳有少少熟悉，之前就有特登同屋企人去嗰邊食一間泰國菜覺得都好好味所以想同大家分享吓。呢間泰國菜並唔係一般嘅連鎖店，一睇佢個門口就已經知道佢係小本經營，連佢啲員工都應該貌似係泰國華僑或者泰國人，再加上佢哋嘅裝修會令到你真係覺得去咗泰國嘅感覺！呢間餐廳嘅價錢定位一啲都唔貴，好多餸菜都係$100以下，而且全部餸菜都熱辣辣送上嚟，有啲嚟到面前直頭出緊煙！我自己最最最推介嘅係佢嘅炸蝦餅，粒粒都脹卜卜，咬落去仲食到好多蝦肉嘅感覺，真係好滿足！泰國煎蠔餅既用料一啲都唔吝嗇，有勁多蠔仔，佢用個鐵板送上嚟嗰陣連隔離枱都望到嘩嘩聲㗎！佢既鎮店之寶應該係南瓜咖喱軟殼蟹，基本上大部份枱都叫咗一份，佢嘅咖喱係放喺一個原隻南瓜入邊，咖喱入口比較甜，再加上南瓜肉嘅味道，感覺上真係好似食緊甜品咁，我平時好少食南瓜嘅都忍唔住食，軟殼蟹反而就比較普通，但係入口

在九龍城泰菜很多，但這間未試過叫了他們的限定選擇這個 酸辣肉碎！限定供應那就先試一試， 同行友人叫了一般的泰式豬手飯！見他吃少大半應該不錯吧！可是他一般也分不出如何才是叫做好吃好味！所以不問他評價了炸豬皮未試過那就試下吧，沒有油益味，算是不錯了！其他的泰式食品店一般提供的炸品大多有油益味！！ ！估不到這碗酸辣肉碎湯河有驚喜碗湯也有喝沒有覺得吃味精的感覺，雖然伴隨的餸比較少，只有一些肉碎蔬菜及肉丸！但是我會下次再來試其他的！

今日一心諗住去九龍城食泰式船河，我們選擇了從未光顧的昭拍耶。店內環境有70-80年代 retro 味，螢光黃撞藍撞shocking pink 的泰式枱布，芒果黃配蝦醬色的油漆，極具泰國風。食物味道絶對是意想不到的好味。泰式船麵有泰國地道風味，一個字形容～正。再來一客串燒，真心係燒出的，以我一個泰國精都讚口不絕，確係冇得頂，只歎相逢恨晚。