時代冰室 (公主大廈) (已結業)

相約兒時的朋友出嚟相聚，去了北角聚餐，朋友話呢間有飛機造形碟兒童餐，好得意，大人都可以叫來食，有沙律薯條雞翼同蛋包飯，份量啱女仔，跟餐的沙律冇咩特別，反而薯條熱辣辣，脆口好好食。炸雞翼有啲乾身。蛋包飯加咗茄汁更加好食。另外一個餐係特濃蕃茄雜菜滑雞通粉、餐包、火腿奄列，牛角包同埋一杯特飲。蕃茄湯底都夠濃味。總括來講，以呢個價錢食到呢啲質素，的確唔錯👍

今日特登嚟到時代冰室食個下午茶，叫咗個蔥油豬扒三眼仔飯。送餐時間快，豬扒爽滑，份量足，惟獨今次煎嘅蛋比較熟，可能下次落單要同侍應講要太陽蛋先會好啲！49蚊連埋涷嘢飲真係非常抵！特別推介涷檸檬茶，茶底係咁多間餐廳最好飲，甜度啱啱好。嚟開炮台山嘅你值得一試，不過可能要預10分鐘等位。仲叫咗個炸脾蛋治，炸脾好出色，個皮好脆，裏面又唔會炸到好乾，肉汁仲會保留到，調味啱啱好，唔會太咸。不過個蛋治就稍為遜色，隻蛋有啲老，變咗無乜特別。

食客人數一樣，攞籌號該係同一類別，而本人親身經歷大家同是等候一人位，但下一籌號的食客可優先於前一籌號食客入座，見此奇景亦有詢問職員為何有此安排，店方都唔識解答，只回覆 盡快再按排，就算係同路人都難以支持

突然好想食炸雞髀，經過見到呢間有炸雞髀賣，二話不說即刻拎飛先。平時行過見到店外都好多人排隊，但今日比較少人排，等咗大概十分鐘就有位。店入面裝修都幾有現代感，室內非常光猛，衞生情況亦都唔錯，座位同枱面都幾乾淨。牆上有掛住一啲懷舊港產片poster，可以回味舊香港嘅同時，亦都見到香港時代嘅轉變。餐牌上款式多到數唔哂，種類繁多應有盡有。有選擇困難嘅朋友最好事先上openrice睇定食咩先🙊❤️ 脆炸雞髀配薯皇 $38哇！薯角份量好多😍 炸得非常脆！炸雞髀火候啱啱好，外脆內嫩，食落多汁，絕對唔係又乾又柴，醃得尚算入味。好食度：⭐️⭐️⭐️✨(3.5/5)❤️ 沙嗲牛麵 + 香滑炒蛋 $48跟餐其實仲有個牛角包，但因為怕食唔哂，所以走咗包。沙嗲牛肉好香，醬料有啲似泰式沙嗲醬，唔係傳統港式隻沙嗲醬，比較偏濃味👍🏻 炒蛋唔算滑，正常發揮啦。好食度：⭐️⭐️⭐️(3/5)另外加咗五蚊跟可樂，個size都有355ml，五蚊比咁大枝可樂我🙊好抵！❤️ 雙拼厚多士-煉奶 $20個包本身質地軟熟👍🏻我個人比較中意烘得耐少少，煉奶份量亦都可以再多返些少。好食度：⭐️⭐️✨(2.5/5)餐廳推薦度：⭐️⭐️⭐️✨(3.5/5)性價比高，大件

去開北角諗住順便搜尋下黃店，點知失望而回😔環境舒適，地點方便，有電影主題裝修，唔洗等位，但食物平平，有改善空間🤨🤨厚切滑蛋蛋治配王牌炸雞髀( $37)王牌炸髀又乾又硬😕不太推介😓滑蛋蛋治好軟熟，加左少少糖漿係中間，估唔到反而蛋治有驚喜。熱奶茶一般，略帶酸味😅如果經開可以支持一下💛但唔值得專登去食🙈

晚餐想不到吃什麼，就和友人隨意來了時代冰室，很多人。*飲品：我們都叫了凍檸茶，茶底味道很好，很好喝，不苦澀，不淡，檸檬也不少。 本身想食常餐，可能比較晚就售完了🙁不太肚餓下就選擇了全日早餐。這個餐有點失望，雞扒完全冇特別，雞肉不滑，沙律不新鮮🥗，菜有點霉，就爛的樣子見到不想吃，炒蛋腸正常，薯餅普通，全個餐最好吃是牛角包🥐。友人選擇了蔥油豬扒蛋飯，天堂與地獄，質素參差，豬扒很淋很入味，配上蛋和甜豉油很好吃推介～如果早餐可以改善下就更好了～

時代冰室，真係高質👍🏻蘿蔔扮薯仔，確係有啲計😂——瑞士雞全翼撈麵($52)- 配香滑炒蛋 + 牛角包呢個撈麵震撼咗我嘅味蕾！🤩甜豉油撈麵真係冇得輸，麵嘅質地仲啱啱好，少少硬唔會太淋😍瑞士雞翼勁入味同煮到好淋...唔加蔥油已經好好食，加埋仲會香啲。好食到我決定下次嚟會翻兜呢個😂.不過炒滑蛋唔多掂，一啲都唔滑，太熟😰牛角包都麻麻地.....蕃茄薯仔肥牛滾蛋石鍋烏冬 ($56)個湯係真係好好飲，好濃味！不過，佢違反咗商品說明條例😓成碗野冇薯仔😰得蘿蔔😂😂😂搵蘿蔔扮薯仔係咩玩法...我以為自己睇錯啦，會唔會係番茄蘿蔔...係冇！佢真係寫薯仔🤯.Overall: 7.2/10 (換返薯仔比我佢會有7.6分！）Value for money: 4.6/5——📍時代冰室北角英皇道165-175號公主大廈地舖

下午茶真係好抵食一星期吃左三次....吃左個牛肉漢堡,新鮮即制,好好味, 個芝包熱辣辣~加$5有薯角,好抵！雞翼就炸得太乾了...雞脾好好多因為太回味佢個漢堡, 過咗幾日又再試埋豬扒包一樣好好味蔥油雞排三蛋飯認真邪惡... d蔥油好正會keep 住幫襯~加油吖

黃店💛一於試試佢🥳今次試既兩樣野都好食!🤪同埋中午有老火湯飲🥰🥰🐽 川味•無骨麻辣口水雞飯🐓 ($63)有驚喜! 估唔到幾重麻辣香味🌶幾正🤪 雞肉都嫩😗🐽 XO葱油豬排鐵板炒烏冬🐖 ($59)好鐘意食炒烏冬🤤🤤雖然張相影唔到豬排🐖但其實肉既份量都幾多 腍得黎又唔會好肥🥳🥳

第一次食係比佢個好多燈既招牌吸引左，因為真係好浮誇🤣。餐廳入面好懷舊，好多玩味既舊電影poster！餐廳都幾大，坐得幾舒服。北角嗰間好方便，地鐵站A出口一出就係。對比其他選擇，佢嘅雞全翼唔算大隻，但好入味。不過我鍾意個撈麵多過雞翼，因為個汁真係好好味！原來蔥油同瑞士汁係咁夾，每一啖都係鹹鹹地最尾又甜甜地🤤。個面底都做得幾好，就算外賣拎到返屋企成15分鐘，啲面都冇淋到。同埋每次都有無味精足料靚湯送，好溫暖呀！☺️☺️☺️

時代冰室呢一直都好想試嘅，聽講去大件夾抵食，今日終於試到啦！今日呢就叫咗個撈麵加雞翼，一個韓式鐵板叉燒烏冬，再加一樽水果茶。個撈麵呢超入味，配埋隻雞翼，簡直係邪惡到極嘅代表。至於個鐵板叉燒烏冬呢，好似冇pepper lunch嗰種熱噴噴，蒜香味。鐵板同烏冬呢好似有啲分離，未能夠將個種鐵板風味呢入到去啲烏冬到。不過以咁嘅價錢，有咁大件，都算抵食㗎。這一個水果茶呢，梗係超推介啦，簡直係消暑嘅因物啊。我水果茶超大樽，又超多冰，價錢好大㗎！兩個人都係百幾蚊落樓，總括來講都值得推介㗎！

早前出左去炮台山，經過左久仰大名既時代冰室，本人係燒山fans, 聽左佢個youtube channel 一段日子，於是去幫襯下，以表支持～一個成7x歲既老人，又有咁上下財富，難得仲有心有力經營頻道，接手食肆幫人，點可以唔支持～今日食tea叫左個好港式既～就係咁簡單既comfort food， 好好味又抵食餐肉炒蛋夠哂香，波羅包夠熱夠軟屬～～👍👍👍👍👍👍有水準，決定以後要多來幫襯👍👍👍👍👍

記得住北角的朋友介紹過呢間「時代冰室」話食物好食又抵食，咁啱今晚過開來就試吓。餐牌好厚好多選擇，花多眼亂，都唔知食咩好🤓叫咗兩個餐「花膠濃湯滑雞煲+白飯」補一補，估唔到花膠唔細塊，補補骨膠原先，雞件都唔少而且滑喎，啖湯好好飲，起碼飲唔出味精。唔可以話平，不過都合理嘅再來一碟「菜遠牛肉炒河+老火湯」，碟牛河好有鍋氣，牛肉好滑，是近期難得炒得好食啲牛河點餐加$13仲可以有大大杯的「特盛綜合水果茶」，份量足夠兩個人飲，清清哋中和番炒牛河的油剛剛好基本上滿意，係唔錯的選擇，價錢都合大眾化，可以再來😋P.S 朋友話佢隻巨型熱狗🌭️好好食，下次一定要試吓

聽蕭生講時事就聽得多，佢d餐廳就真係第一次去。嗌左兩個早餐。今日一問，冇牛角包，我地都想叫牛角包架麻...唯有轉多士。鮮茄雞扒米粉拼煎蛋多士：鮮茄湯底，竟然係淡版羅宋湯，放左幾舊蕃茄同紅蘿蔔蘿蔔粒，唔係我以為既濃濃既茄湯。雞扒另上，係好既，廢事浸淋左塊雞扒。不過塊扒deep fried，炸得太硬，好熱氣呀。係淡淡肉，不過有少少雪藏味。煎蛋，其中一隻蛋煎爛左，唔令。多士正常。厚切豬扒公仔麵拼火腿奄列多士：朋友話普通，塊豬扒係厚身，不過係肥扒，超多肥膏，唔韌，又係deep fried。公仔麵係清湯底，冇特別。奄列好細份，味道ok。整體黎講，普通。service普通。

去咗時代冰室食過好多次，基本都係食好出名嘅咖喱牛腩飯或者配餅。咖喱牛腩分量好足，大大碟好抵食。薄餅分量少小小，但白飯就好多，男仔一碟都夠飽肚，女仔可能要少飯-1HKD捐俾公益組織啦。咖喱味好入到牛腩裡邊，咖喱層次都算多，係好港式個隻味，裡邊仲有D 土豆小番茄。下午茶時間去食，平好多，仲要有漢堡包食。個包外層好多芝麻，食落口好香，加多5HKD 就有多兜薯角。漢堡扒質量都okay，包埋杯野飲一共30+HKD ，都算抵食。