時代冰室 (公主大廈) (已結業)

本來諗住簡單食個快餐就算，點知一坐低同到個menu後！即刻改變主意了叫3個小菜都唔駛$200真係超值坐低不久，職員已經即時為我哋端上兩碗湯XO西蘭花炒魚柳呢度啲小菜一啲都唔油膩，而且味道岩岩好唔會過咸！大紅大紫咕嚕排骨一邊係紅色，另一邊係紫色！紫色的應該係用藍莓醬煮！好欣賞呢度嘅醬唔會好杰食到酸甜嘅味道之外，仲可以食到肉香蒜香麻辣金菇蒸滑雞呢個好岩我口味有蒜香，又有麻辣香送飯一流同埋好鍾意呢度啲小菜唔會太濃味蒜香南乳雞中翼雞翼燒到外皮好脆南乳夠香而唔會死咸黑牛

每日放工之後，最開心就係見到M佬，同佢食餐晚飯，閒話家常，或者講吓當日喺公司發生過嘅趣事，過一個簡簡單單嘅二人世界。今日M佬話想食吓小菜，叫餸食飯，所以嚟到屋企附近，位於炮台山嘅時代冰室。呢到食物選擇多，小菜、鐵板、焗飯、常餐、泰式等等都有，選擇困難症嘅字母粉實好困擾啦！泰式一口炸蝦餅炒蝦餅即叫即炸，夠晒熱辣辣。蝦餅香脆彈牙，加埋泰式辣醬就非常惹味。但就略嫌蝦餅比較薄身，口感一般。古法鹹香沙薑雞（半隻）沙薑雞鹹香十足，而且預先起骨(除咗雞中翼同雞翼尖)，食嘅時候啖啖肉，夠晒方便！但就略嫌雞比較細隻。魚香茄子煲講到撈飯又點少得魚香茄子煲呢？上枱嘅時候，個煲仲係滋滋聲，夠晒熱辣辣！鹹魚係呢個煲嘅靈魂，鹹香味濃，茄子非常入味！蟲草花上湯浸娃娃菜可以加配嘅蟲草花上湯浸娃娃菜，味道清淡，帶有淡淡嘅蟲草花鮮甜味。王牌豉汁蒸倉魚倉魚即叫即蒸，所以要俾啲耐性。倉魚嘅蒸煮時間啱啱好，所以肉質嫩滑，而重點當然係同倉魚最夾嘅鼓汁啦，相當惹味。

唔好以為我成日都食好西，茶記就唔會去呀🤣，其實我都有去架！.最近去咗時代冰室開餐，質素唔錯架！！餐廳環境行懷舊路線，綠白色瓷磚、懷舊電影海報通通好經典。.時代冰室有兒童餐🍽提供，當然要叫一個俾瑩瑩食啦！！另外叫左極尚鮑魚花膠花菇滑雞石鍋烏東🍜俾自己，叫左三款小食，分別係一口炸蝦餅🦐、蒜香南乳雞中翼🐥同妙齡脆乳鴿。.✈️飛機兒童餐 💰$47有蛋包飯、薯皇🥔、沙律🥗同雞翼，仲有杯橙汁🥤，份量十足好豐富，小朋友都食唔哂。.🍜極尚鮑魚花膠花菇滑雞石鍋烏東 💰$66有鮑魚仔一隻，花膠兩至三塊，價錢唔貴但都算足料。雞件嫩滑，烏東滑溜溜，係呢個炎熱冇胃口嘅天氣食好開胃。.🦐一口炸蝦餅 💰$26炸得金黃香脆，蝦餅爽口彈牙。件數都唔少，呢個小食唔錯👍。.🐥蒜香南乳雞中翼 💰$32南乳味香濃，反而蒜香味就唔係好食到，雞翼都大隻，整體都唔錯。.🐦妙齡脆乳鴿 💰$48乳鴿外脆內嫩好Juicy，味道唔會過濃而且一啲都唔油膩。.整體價錢唔貴，味道質素都唔錯，遲下再過嚟幫襯😬。.好味指數：😋😋😋😋4/5推介指數：😋😋😋😋4/5抵食指數：😋😋😋😋😋5/5.🍽 時代冰室 (北角)📍北角英皇道165-175號公主大廈地舖

幫襯過時代冰室北角分店幾次，每次叫唔同嘅嘢食都保持到高水準。今次叫咗佢哋招牌嘅蔥油炸豬扒煎蛋飯，首先份量十足，煎蛋足足有三隻蛋黃，豬扒好大塊，蔥油亦都俾得一啲都唔吝嗇。豬扒唔會太油或太乾，非常香口，少少肥膏令到食落更加惹味。煎蛋加蔥油&甜豉油撈飯簡直係絕配🤤 加埋杯凍奶茶，食得好滿足。

炮台山美食林立、選擇眾多。再一次黎到時代冰室，係因為佢既裝修又再一次吸引到我既眼球黎得冰室食野，當然就係想食得平靚快夾正，所以就order左呢個大滿足🟡巨人漢堡蛋包飯🟡第一眼見到呢個飯都覺得好有心～賣相居然咁靚，仲有沙律菜！燒山梗係怕我地唔食菜菜，又唔食魚魚啦！諗住食頹飯，點知都忍唔住相機食先🙈我唔花時間形容啲野食啦，總之就係好食。俾60幾蚊，得到一碟令人食慾大增既不頹飯，超值！ 建議減緊肥既靚女們要叫少飯，如果唔係會忍唔住食多左。🙈🙈🙈時代冰室，再會！

去開炮台山附近下午時間去食個下午茶，見到門外舖面都非常搶眼夠光鮮大大隻時代冰室好易就睇到，而且好近地鐵站都好方便。店內裝有懷舊香港情既感覺，有燈牌、及舊電影海報等好懷舊復古風冰室感覺冰室有湯麵、炒粉麵飯，中西美食都有蔥燒肥牛鐵板飯想不到冰室都有鐵板飯真係多元化牛粒份量都足夠，撈一撈生牛肉好快就食得個鐵板出晒煙好夠熱力火腿條、蛋花、蝦仁、葱花等材料炒飯飯粒粒分明，少少油膩下午茶份量夠大碟夠多馬來炒貴刁炒得好香味道香濃有少少微辣，夠惹味而且好夠鑊氣！配料有洋葱絲、火腿絲、蝦仁、雞絲、芽菜味道層次豐富，唔會乾身好惹味。皇牌炸雞脾 $28 (+5 配薯角)即叫即炸來到金黃色外層脆卜卜，咬落香脆肉多汁，又滑又嫩薯角炸得剛剛好又厚身，一啖一條好有口感，外脆入面夠熱好香口服務態度都好好，由點食物都送到來真係非常迅速水準都不錯時代冰室北角英皇道165-175號公主大廈地舖

經歷過疫情之後，好多茶餐廳同冰室都已經執咗，留得低嘅除咗因為實力之外，應該就真係貨真價實啦！今次嚟到炮台山試吓呢間冰室，真係乜都有得食㗎喎！茶記嚟講佢都真係贏曬啦個餐牌真係睇到眼花撩亂，款式又多，價錢又唔算好貴，好少見茶記有咁多特色嘢晚餐就要對自己好啲，今次點咗份海陸空三拼鐵板扒，有牛仔骨、大蝦同乳鴿！認真嚟講，平時食雜扒都係雞牛豬，呢種配搭就真係第一次啦！而且仲要唔難食喎，真心幾正呀！另一款就係珍寶肥牛芝士鐵板飯，肥牛份量超多，好似食極都食唔完咁，加埋雙蛋同芝士一齊撈，真心正呀！見到茶記竟然有呢款High Tea😊呢個真係有啲驚喜，首先係擺盤都真係唔差，其次係食身都好多元化。底層有炒滑蛋、薯餅、沙律。呢層最正係個蛋，因為真係好滑。第二層係雞翼、台灣腸、德國腸、珍寶腸。最高層就係甜品，有西多士、菠蘿、士多啤梨、藍莓。呢層真係好甜呀！女士必食，極力推介！

今日難得收早就同朋友去食鄰家小菜飯，知道炮台山有一間冰室食小菜非常出名就同朋友去試吓，佢個地理位置都好方便地鐵站一出行5分鐘就到而且嗰條對面馬路就係啦，以前放工或者早餐都好鍾意食冰室估唔到咁多年後都可以食冰室，疫情關係都要做足安全措施入去都要查搓手液同埋都do安心出行，我哋兩個人點左一個沙律三個主菜沙律方面正正常常做一個開胃菜主菜方面你點左金菇叉燒蒸水蛋大紅大紫生炒骨同埋西蘭花炒牛肉，先講我蒸水蛋整得好香口之餘有埋叉燒同埋金菇係另一種食飯而且fusion菜來講呢個都比較新穎，跟住到生炒骨兩個醬汁拼埋一齊係非常之開開胃，而生炒骨揸得好香口加埋配料非常嘢未，之後到西蘭花炒牛肉西蘭花食落去好爽而且牛肉煎得好香口好似我媽咪煮嘅味道一樣，飲品方便我哋嗌左兩杯黑牛即係可口可樂加雪糕飲落去幾新穎係我人生第一次試，而且每一個套餐都包一碗白飯如果得閒冇事可以嚟試吓可以別有一番風味

估唔到呢間冰室有咁多美食選擇，一間餐廳可以食到晒中西日韓台區歐式食品。鋪面細細，但係原來入咗去之後有好大間餐廳，座位都好多好寬闊。一坐低，姐姐就送上一碗熱湯。青紅蘿蔔雞腳紅豆冰好少係新式嘅餐廳好飲到，多數都係舊式或者連鎖嘅快餐店。紅豆好淋，飲得出真係椰漿溝嘅紅豆冰。黃金鹹蛋雞翼超級熱，應該係即叫即整，上枱嘅時候仲出緊煙。唔似出邊平時食到嗰種鹹蛋黃雞翼，呢個真係起晒沙個種咸蛋黃，食落又唔會太鹹好香口。西班牙火腿凱撒沙律呢個性價比簡直係一絕，都有幾塊西班牙火腿，凱撒沙律汁亦都真係嗰種芝士汁黎。配上好新鮮嘅生菜！整體上枱嘅時候觀感都好好，沙律專用嘅大碗上枱，份量都唔少。夏天食簡直係一流。妙齡香脆乳鴿係咪傻㗎，茶餐廳竟然隨便都可以食到乳鴿。仲要係滷水汁然後再炸過嘅乳鴿，上枱好香口好夠熱，味道10分美味。平時好少去出邊食好貴嘅乳鴿，都係酒樓有優惠先會食到。有邊個估到原來冰室即係茶餐廳都有得食！台式醬油芝士肉鬆煎蛋餅食落去係咪好台式口味呢？我又唔係好識得食。只要係有芝士有甜醬油有肉鬆，又有雞蛋嘅蛋餅就係好食嘅蛋餅。即叫即整，雖然睇落好細份，但係份量好夠，每一啖都有滿滿嘅餡料！功夫無骨海南雞飯好大碗

下午茶時間叫了兩個餐：厚切豬扒米粉加雞蛋，同埋秘製牛腩飯，包熱飲。首先，夏日炎炎，餐廳冷氣不足，食到成身汗。秘製咖喱嘅汁平平無奇，牛腩好硬似橡筋，厚切豬扒又硬又乾，好似石頭咁真係好難食，啲米粉剩係得味精，仲衰過快餐店。隻蛋竟然同豬扒面分開上，蛋嚟咗好耐豬扒米先到，都唔知點解。諗住支持下蕭先，點知食物強差人意，來一次以後都唔會返轉頭，極度失望！唯一係坐卡位都算幾好坐。希望老細真係正視食物品質，並加以改善！

二人晚餐$148（凍飲+$3）好味指數：😋😋😋😋抵食指數：💲💲💲💲💲環境舒適：😌😌環境衛生：🧹🧹🧹🧹服務質素：💁🏼‍♀️💁🏼‍♀️推介原因：黃店。二人餐包1壺花茶、2杯飲品、2個小菜、2盅花膠雞燉湯、2碗白飯、2個雪糕。花茶有玫瑰花瓣、杞子、士多啤梨、藍莓🫐和紅棗。十分足料，好香玫瑰花味。2款小菜選了薑蔥霸王雞及特濃沙嗲金菇肥牛煲。雞肉好嫩滑，醬汁微甜，配洋蔥不錯。肥牛煲極大煲，內有多片牛肉、粉絲、金菇、燈籠椒及菠蘿🍍。夠多汁，拌飯一流。花膠雞燉湯的雙層盅保溫效果非常好，湯放了很久仍是超熱。湯夠足料，有數件雞、蟲草花、少量花膠。喝後不口乾，應該沒怎麼加味精吧。雪糕是雲尼拿味，另外淋了煉奶。味道不過不失。整體食物不錯。超抵食。提提大家，套餐是母親節限定，過幾天便是母親節，要把握時間呀！

講起北角地標，數皇都戲院莫屬。皇都戲院已空置一段時間，其後有大財團收購，將會重新發展為保育項目，遲些應該另有一番新面貌。但英皇道皇都戲院行落兩步嘅砲台山，則變化不大，依然故我。 話雖如此，那邊間中亦有些新面孔出現。好似時代冰室，在炮台山開業不久，算是新面孔，今日路經，就入去試試。和其他茶記差不多，時代冰室晚市有多款小菜、蒸選、炒粉麵套餐、常餐、特餐和全日歐陸早餐供應。中西合壁，任君選擇。店舖內面積頗大，地方寬敞，環境舒適。點了古法薑蔥清蒸倉魚、啫啫雞煲和XO醬爆翠玉瓜雲耳炒魷魚，侍應話今晚冇魷魚，改為炒蝦仁。先來老火湯，今天是蓮藕紅蘿蔔排骨湯，湯底清甜。古法薑蔥清蒸倉魚，倉魚好大條，接近一斤重，蒸得時間剛好，肉質嫩滑。古法蒸當然少不了瘦肉絲和冬菇瓜絲，加埋薑蔥，帶出豐富魚鮮味道。啫啫雞煲，上枱時非常火熱，香氣撲鼻。雞件滑溜，豬潤爽口，洋蔥爆香，加埋煲底稠稠惹味獻汁，送飯一流。XO醬爆翠玉瓜雲耳炒蝦仁，夠鑊氣。碧綠翠玉瓜，加上高纖和含豐富鐵質雲耳及份量不少的嫩滑蝦仁，用濃香XO醬爆炒，既健康又好味。飲品蛋白杏仁茶，又熱又滑溜，甜度適中。黑牛係茶記既名牌飲品，一球好似波咁圓嘅香甜朱古力雪糕

超級抵食時代早餐👍🏻$33有鮑片火腿通粉 火腿奄列配牛角包仲配飲品 超級抵 好食又豐富😋掛住食 淨係影左個鮑片火腿湯粉，因為覺得餐廳太貼心啦，外賣有依種分湯盒，讚👍🏻本人十分喜歡餐廳自家製既炸蒜，油香夠，帶少少焦香味，令成碗粉超香。除咗通粉，火腿奄列配牛角包既賣相都好吸引，味道都好好架！（雖然我忘記左影底）

今次來到北角這間時代冰室，招牌燈光非常耀目，吸引了我們進去。冰室環境裝修新淨，走懷舊復古風，他們主張時代變但食物質素不變，價錢亦很便宜。餐牌選擇多不勝數，小菜，鐵板，西式意粉都有，非常創新。鮮果大蝦沙律 $51沙律好有份量，沙律菜清甜，清新，大蝦都有好幾粒，伴千島醬吃好滋味。鮮果有士多啤梨，藍莓，蕃茄切粒，蜜桃，幾足料。瑤柱肉碎蝦乾蒸水蛋 $68好大的一碟。蒸蛋裏面滿滿瑤柱肉碎，每一口都吃得到，蝦乾均勻放在蒸蛋上，芫荽更添蒸蛋香氣。每道小菜都會配白飯和湯。黃金鹹蛋黃雞翼 $48雞翼有六隻，好扺食。炸雞翼上表面的鹹蛋黃醬濃郁惹味，雞翼肉質滑，好味😋蒲燒鰻魚伴3.6牛乳滑蛋蓋飯 $66 原條鰻魚醬汁香濃，皮脆煙韌肉質嫩滑。滑蛋有淡淡牛奶香氣，包在白飯上，吃得好滿足。芒椰蜜桃冰 $8$8 一大杯，性價比高。芒椰味道濃厚，還有切片蜜桃，甜絲絲的特飲。

炒蛋是家中口常吃嘅小菜，但喺要煮得嫩滑，其實都好講究啲小技巧，時代冰室嘅廚師手藝就一啲都唔差！有啲廚師為咗炒出黎嘅蛋唔容易黐底，加入大量嘅油，令到成碟餸好油膩。時代冰室嘅炒蛋食得出油膩感不太重，相信師傅識得掌握以適量嘅油去大火炒熟。另外，炒蛋質地好滑，當中添加了黑松露，香氣四溢，非常吸引，令人回味無窮，稱讚不已。接住落嚟就係西蘭花炒班球，時代冰室嘅西蘭花和班球都好足料，每樣都俾咗好多件，絕對唔會有大量西蘭花充撐場面嘅情況。西蘭花爽口唔太油膩，最重要係班球都做到新鮮彈牙，先將班球解冰，再係落鑊嘅時間快炒，肉汁同鮮味都鎖緊係肉身果度，師傅通過對油份嚴格嘅控制，做出嚟嘅菜式都好適合一家大細食。 最後係黑松露黃金九肚魚，呢個菜式唔容易係茶餐廳揾倒，因為係香港咩都講求快捷，其他師傅們都未必樂意花時間心機，唯獨時代冰室嘅師傅有大師級嘅功架。九肚魚食落好順滑可口，舌尖亦有一陣陣蛋味。可見師傅刀功已經將內臟取出，而且選用上乘肉質均勻的段位，再沾上蛋槳。九肚魚嘅鮮味緩緩地從舌尖流入喉嚨，非常可口，值得推介。