時代冰室 (頌安商場)

營業中

休息中

午餐精選(跟一杯熱飲&餐湯)招牌三眼煎蛋蔥油厚切豬扒飯🍳🐷($49)三眼煎蛋飯都見到幾多人叫, 我相信大家都係俾佢個名吸引左😂 其實三眼煎蛋即係三隻蛋痴埋一齊煎🍳 仲有一大塊好厚既豬扒, 豬扒既味道調教得好好, 超級入味🤤 啲汁同蔥油撈飯食勁正王牌厚切豬扒芝士焗飯🧀🐷($51)呢個飯上得出奇地快, 如果去其他地方食一般都出得比較慢🤔 雖然上得快, 但係絕對冇影響佢既味道, 芝士同蕃茄都好足料, 再加上個飯係炒底所以真係好好食, 相比起蔥油果塊豬扒, 呢塊豬扒相對淡味秘製咖喱牛腩飯🍛($50)牛腩飯基本上係冇得輸, 其他地方食果啲通常都係比較細份, 但係呢度果啲相對大份同足料, 牛腩每件都大大件而且夠軟身👍🏽 咖喱汁既濃度啱啱好,唔會濃得濟😌另外呢個就唔係午餐精選, 但係都有跟一碗餐湯泡菜豚肉石鍋飯🥘($51)身為韓國菜忠實fans既我, 連係茶餐廳都要食韓國野😂 呢個泡菜我覺得誠意十足,材料都幾豐富, 有泡菜, 豆腐, 大白菜, 豚肉粒同埋韓粉絲, 開頭我以為豚肉係一片片果啲豚肉, 點知原來係一粒粒既豬肉, 所以我覺得好真材實料🥰, 白飯係另外一碗上, 泡菜湯既辣度啱啱好, 帶少少由泡

蕭生主理的時代冰室丶推出的抗炎套餐，怎樣也去支持下！而且內容相當得意，馬上去試下，星期日夜市要排隊等候丶不過五分鐘入到去了。西洋菜蜜不甜，但有濃烈西洋菜味,雪耳椰子煲雞湯竟然有驚喜，不是味精湯，足料兼有雞肉一塊，主食是咖喱飯有牛丶魚同雞脾，我選擇雞，上枱坦原隻炸脾.竟然香脆肉嫩有juice 。喜出望外，黃薑飯好似有雞湯味道。總結我會再去丶68蚊嘅框架下丶確係好野

之前已多次光顧，下午茶尤其化算。今次無影到相，下次有機會會補返!今次食咗焗豬扒飯，個人始終認為依個係評定一間茶餐廳好唔好食嘅方法之一。上菜之後，佢嘅蕃茄汁香而且陣味唔假，有兩大塊豬扒，食落去唔會乾掙掙或者"韌"，個飯都有炒過底嘅。份量好足，自問大食但都只係啱啱好食得晒，畀多啲我都食唔到! 飲品方面，個人鐘意佢嘅紅豆冰，多紅豆而且用椰奶沖，絕對值得一試。午餐焗飯叫埋特飲埋單唔洗$60，上菜速度也OK。整體是很好的，不過有一點要改善是衞生問題，因刀叉匙羮成日都會有啲油淋淋，而且枱凳不時見到食物殘渣，希望日後會有改善。

馬鞍山的良心店舖都不太多選擇，中午專程踩單車來到頌安商場，支持蕭若元開的時代冰室。中午非常旺場，外面有人排隊在等外賣，亦有人排隊等入座，牆壁上很多蕭生的電影海報。菜單選擇亦很豐富。【板煎雞扒蛋包飯】份量十足，配上胡麻醬，非常香口，雞扒亦幾鮮嫩多汁，蛋包飯很出色，雞蛋煎成半生熟狀態，飯粒又有蕃茄香味，還有沙律伴碟。【懷舊紅豆冰】這是有咬口的紅豆冰，椰奶味幾濃郁，水份不多，不會沖淡紅豆和椰香味。下載某apps做會員還有$5折扣，超級抵吃！

我第一次見得半份嘅三文治，咁就25蚊，有被騙的感覺。蛋同餐肉係幾厚嘅，蛋係真係滑到滴蛋汁出黎，但係無蛋味間餐廳仲要嗰日無紙巾......真係食到我嬲嬲地成間餐廳價錢都偏貴，唔太推薦

因為搵個friend，特登走入馬鞍山頌安商場。呢個典型舊式屋邨商場，好貼地果種格局。朋友推介去商場1樓間「時代冰室」食飯，見間舖幾乾淨，裝修風格懷舊， 覺得唔錯, 一於試下。   朋友叫佐紅酒燴牛肉飯，撈埋一齊食味道唔錯，但唔係好食到紅酒味，反而番茄味重D。份量好夠， 除非勁大食， 如果唔係一個女仔好難食得晒。我叫佐香草蜜糖燒春雞配薯菜，有埋牛角包送。上檯一睇已經好開心，半隻春雞配司華力腸，仲有西蘭花、粟米同番茄仔，顏色好吸引！淋上黑椒汁，滋滋聲勁正！食落春雞好嫩下，係雞胸位「嚡」少少，不過整體水準好高！之前未聽過時代冰室，估唔到食到咁美味嘅一餐！上網search見到九龍灣德福附近開佐間，方便過馬鞍山呢度好多！搵日會再去試下！

老實，本小姐患左馬鞍山同將軍澳撈亂症，係不治之症，病因不明原來今次入來搵朋友, 係平生第一次入馬鞍山馬鞍山以屋邨為主，商場都係屋邨格局，估不到有驚喜，除左連鎖店都有一些有特色的小店喺頌安呢間茶餐廳叫時代冰室，食正"時代XX"的潮流，當然我諗佢開嘅時候未必諗到其實佢係以懷舊做主題, 不過食物沒有特別的懷舊菜式平日下午茶時間來到, 有半滿, 以現今市道來說算不錯叫了兩個茶餐食下瑞士汁雞翼撈麵配玉子估唔到係生蛋，我以為係溫泉蛋好在我接受到生蛋, 撈麵係香嘅仲有兩隻全翼, 都幾抵食厚切豬扒配出前一丁豬扒好厚, 好JUCIY, 炸得酥香 三十幾蚊有野飲, 唔錯唔錯冰鎮奶茶唔係鮮事, 不過都幾好飲, 可以一試整體坐得幾舒服, 喺呢個地方, 係一個唔錯嘅選擇, 唔怪得咁多街坊黎食

我系九龍人，入到馬鞍山，一定以為得商場d連鎖店食肆，我同狐狸仔原意系去昂平大草原，不過就要搵食先。。。逛入領安商場，就見到呢間野，同埋好多人食~ 而且食物貌相幾靚，好多人叫蛋包飯，同全日早餐，色澤鮮美。最後我叫左雞扒蛋包飯，蠢左無轉其他汁，茄汁麻麻地 但雞扒嫩滑，外層少少香脆，蛋包飯既蛋整得薄層嫩口，另外有意外驚喜系塊菜😂我麻麻地沙律果種生菜，但距呢個真系好新鮮既味道，呢個令我食完左個生菜同粒蕃茄好juicy。不過好似隔離枱塊雞扒大啲咯。。。我果塊系細左啲，都好味。另外一個意外特色系，冰奶茶！竟然系用呢個樽裝，仲要無落冰，不過就偏甜。我都系飲返熱奶茶另外狐狸仔食海南雞飯，話海南雞唔會伏，而事實證明，真系好食，但雞份量真心少左啲啲。海南雞味”葉得幾入味，肉質鮮嫩 三隻醬都味道適中。以下系環境，同餐牌：

好食過大家樂同之前嘅香港地，香港地雖然有時會換下餐牌有新鮮感但真心味道麻麻。時代試過早餐同下午茶都幾好食（以美食沙漠嚟講) 食物真係食得出有比心機煮，食過款都好，早餐外賣會分開湯同粉麵，選擇亦算多。會繼續幫襯。

唔好睇頌安邨依個街坊地方，其實好多年都未有過一間似樣嘅茶餐廳。依間時代冷室開左之後，就日日都好多人。佢地裝修係走懷舊冰室風格，但都係話街坊地方，食物當然先係最緊要。我個人喜歡去佢哋度食早餐，30幾蚊仲平過美X果Ｄ快餐店。今日例牌叫左個麵餐，火腿奄列加牛肉公仔麵，加錢轉左支裝鮮奶。好中意飲原裝的樽裝鮮奶，但而家其實唔係度度地方有得供應。雖然今日個火腿奄列賣相麻麻，但味道份量都ＯＫ，當然最好就係個蛋可以略為煎得生少少啦。配埋嘅唔係牛油方包而家牛角包，感覺好似冇咁HEA。沙嗲牛肉麵呢，個沙嗲汁就非常正好香濃，唔好漏，牛肉俾得好多唔會好孤寒，配埋麵食好正。其實佢哋米粉都唔錯，感覺上佢哋米粉嘅質感，好似用緊超力米粉。嗰餐食得飽飽，埋單都係36蚊，唔怪得個個假日排到都排到天荒地老。

第一次試下呢間冰室食物好抵食 晚市套餐有湯有野飲個人覺得幾好食收銀員態度好好外賣自取好快有得拎仲有個比等外賣既位坐我本身叫左一個飯 都就拎得但後尾想加多一飯服務員態度好好仲提我記得拎埋前一個外賣！怕我唔記得其實當時晚飯時間成個商場都排晒隊但袋依然保持到外賣速度我諗等左8至10分鐘左右 兩個外賣都岀晒讚！

早餐時間無論平日定假日電話都打唔通，唔比人叫外賣。假日忙都理解平日次次都浪起電話唔接早餐唔接外賣 唔該貼張紙講聲，唔好浪起電話唔接 咁請問個電話留黎做咩？咁ge 服務態度同質素 唔會再幫襯

第一次食呢間嘅下午茶 因為想食雞翼同薯條所以揀左呢個茶餐再跟杯野飲 雞翼炸得唔錯 唔會太油膩 仲有份量係三隻 茶餐黎講算唔錯 薯條都係炸得剛好 唔會淋晒同太硬 中間都食到薯仔味 唯一美中不足係得一包茄汁 下次可再試下其他茶餐

一早來到頌安，見好多店都在裝修中，行過見呢間你新野未食過，入面又好多人下，就去試下先。D卡位好窄，而且繁忙時間要坐埋一邊，我地2人而且又有2個大背包，好勉強坐得入。早餐平均$35左右就有一個經典港式早餐，即係有麵、蛋、麵包及飲品既完整早餐。不過呢到特別係有牛角包可以選擇，而且也有烚蛋。食物OK，係環境就好逼, 唯有快快食完就走，唔好打算慢歎早餐。如果想個麵改做蕃茄湯，就要加多2元。我叫左個蕃茄雞扒麵就唔駛加，不過本身都已經貴左$2

25蚊雙拼三文治得一舊等左半個鐘三催四請都未有味道唔差但對比其他茶記嘅份量真係好失望凍檸茶有啲澀服務態度都麻麻舉手幾次都冇人理雖然茶記唔應該期望太多應該冇下次了