影片
開飯介紹
主打多款口味的韓式炸雞小食店，選用巴西雞製作，以芝士炸雞最受歡迎。另外亦有供應其他小食如薯餅、年糕等。
繼續閱讀
營業時間
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
以上資料只供參考, 請與餐廳確認詳情
食家推介
招牌菜
屯門置樂有間外賣炸雞店💛時光雞💛可惜嘅係佢哋7月18號就要結業喇😢除咗炸雞 仲有好多你估唔到嘅小食 最出名當然係時光芝士炸雞 不過當日我去到咁啱賣哂 可惜😢-🍗時光一人餐 $58包括炸雞x2 小食x1 飲品x1-1️⃣🧈蒜香牛油炸雞(兩件)炸雞一大一細 雞肉幾嫩滑 調味都好足😋另外有兜蒜香牛油醬可以蘸嚟食🧄🧈 蒜蓉同牛油本身都係比較濃味嘅食材 所以個醬聞落有啲攻鼻🤧不過同埋炸雞一齊食 味道即刻balance返🤪-2️⃣🍠黑糖番薯條加咗黑糖嘅緣故 番薯本身又甜 所以番薯條味道偏甜😌有啲仲見到連埋皮架-3️⃣🍑白桃鳥龍冷泡茶(+$10)冷泡茶分別有白桃烏龍 茉莉綠茶 同桂花烏龍 一開始飲白桃味比較淡 烏龍茶味都唔係好出🤔但係飲咗一半之後 白桃同烏龍味逐漸變得強烈 絕對係解渴之選 而且個樽好靚啊 我又儲多個喺屋企喇🤣-💜日本紫薯薯餅 $20/2件呢個非常推介🤩炸漿唔會好厚 所以食落都好脆口😚紫薯餡好多好滿足 唔知個餡係咪仲加咗紫心番薯 因為既有紫薯獨特嘅微酸 又有番薯嘅甜😛-🥟牛小排餃子 $32/5件炸得好香好脆 隻隻都脹卜卜咁😆牛小排餡味道好濃 好有肉味😋-隔離嘅格仔舖都係屬於時光雞的 同樣都係7月18號結業😢結業後會以網店形式繼續營運 佢哋都有賣大大小小嘅精品 嚟到買完雞不妨去支持下💛
繼續閱讀
時光雞係小編到屯門必食既心水炸雞專門店位置係喺巷仔入面 係專做外賣既全黃色的店面非常搶眼除左售賣炸雞外仲有各種小食 例薯餅、餃子、年糕等等屯門掃街就唔好錯過時光芝士炸雞芝士好濃味雞皮炸至金黃色 雞肉夠晒嫩滑多汁咬落去好Juicy 唔會覺得鞋口蒜香醬油炸雞醬汁偏濃味 質感濃稠蒜香加埋甜鹹醬油 岩晒重口味既小編炸皮香脆唔會太厚 肉質同樣嫩滑流心芝士年糕芝士年糕質感煙韌.外皮煎得焦香 內有流心芝士不過可能食完濃味炸雞先食覺得味道比較淡口黑糖蕃薯條黑糖同埋蕃薯都係甜但好彩唔係死甜 唔會食到好漏一口接一口好快清晒
繼續閱讀
好耐無嚟呢頭，原來開咗好多唔同小店，而咁啱係附近等位食晚飯，口痕就點個小食試下支持下啦！話明時光雞梗係賣雞為主，如果唔係要食晚餐，必定會叫佢地嘅雞嚟食，唔同口味好吸引啊！但menu上嘅小食種類都唔少，不乏選擇。最後揀咗個名可愛可愛嘅一口珍珠餃子。本身有8件仔，但我食到一半先記得影，餃子外型細細粒，咬落去爆汁，一口size食落好方便。內餡韭菜豬肉但韭菜味唔會太搶，唔錯。外面炸得香脆皮又幾薄，不過餃子邊位稍硬，同埋少少油。整體都唔錯，會再返去試炸雞啊！
繼續閱讀
芝士味我覺得還可以，有點太鹹。甜酸味我覺得幾好，酸味較多，但又唔會蓋住左個甜味，外皮好脆，我從屯門去到元朗返屋企啲雞外皮都是脆的，好滿意，而且員工很有耐心，我最怕那些趕着點餐的員工，員工不會令我有壓迫感，可以輕輕鬆鬆咁點餐，而且出餐也很快，吃落去不會有很油的感覺，但是也不干，啲肉仲好好味，還有醬料是外面鋪上去的，酸辣味如果唔點醬汁就是原味炸雞的味道，雖然係唔會入味，但是這種設計我幾鍾意㗎，十分喜歡這家餐廳，以後有機會一定會再買
繼續閱讀
💛黃店🔱今次要介紹嘅食物就係位於屯門！📜”時光雞 (屯門)📌 地址:屯門青山坊2號華樂大廈地下58號舖🕐營業時間:1200-2100🍽分店地區: 屯門📝評價💬📢 大大件炸雞🍗真好脆口💛💛最重要係d汁👍🏻蜜糖芥末真係好鬼正👀👀超多超好味😋😋仲有時光芝士炸雞🤩🤩d芝士又好多🤤🤤啖啖都有齊曬😆 仲有韓國芝士年糕👍🏻👍🏻都好好味 推介大家👍🏻👍🏻👀💛外賣買返屋企食都熱辣辣🤤🤤🏵環境指數:⭐️⭐️⭐️🏵味道指數:👅👅👅👅🏵抵食指數：💰💰💰🏵回購指數:❤️❤️❤️❤️
繼續閱讀