時時樂餐廳

營業中

休息中

今日因為要拜神，所以要全日食素。不能殺生下走入去時時樂。問是否有素食。個職員話可以特別製作。住呢一區都有好多居民要食素。個職員隨口點咗個蕃茄蛋抄飯加熱奶茶。售價$48。問準無問題便等食。這款菜式餐牌是沒有的。個抄蛋混入新鮮蕃茄。大量蕃茄汁，混入白飯一齊食。好開胃。加上有杯港式地度熱奶茶。香濃，好飲。建議素食者如找不到素食店，可以前往這家食店，點選特製素食餐。

When it comes to Hong Kong food, "Cha Chang Tang" has always come to my mind.and my favorite HK style meal combo is satay beef noodles with ham omelet & buttered toast, with a cup of hot Horlicks.🍜The satay beef noodles were salty and savory, I really like the hearty soup base in this.😍😍 The beef was tender as well.When it comes to the butter toast, it's best to combined with the omelet! The butter toast was crispy and had a pleasant smell of butter on it! The omelet was stuff with ham and it's

逛累了，找到此店休息一下，不餓，選了小食，雞扒沙律配熱杏霜。雞扒煎香後微炸，雞肉還是嫰的。沙律用料是蔬果自製，新鮮好吃，有誠意。熱杏霜味足不過甜。餐廳內雖是平民格局，但坐得舒適，設施如電視齊備，不錯。

咁岩上星期同朋友打完波經開個頭，個天又落大雨，行到哩間野，d朋友唸緊 50/50 入唔入去，我話試下啦，因為我都幾鐘意茶記。講個環境先，地下唔油、夠晒光猛，冷氣好夠，俾個讚，我從小就鐘意食西炒飯，叫左個西炒飯食，真係掂，老闆話唔夠酸可以再加多 d 茄膏炒，岩晒我口味，另外朋友就叫左個蕃茄湯面，湯味夠濃值得一試，價錢同其他茶記差不多， 哩間會再一試 !! 報告完畢 !!

平時星期日我都會返教會所以個個星期日我都會同屋企人尼幫襯不過今次想講既唔係早餐而家午餐呢到食飯既時候大慨係12點幾平時知道佢地10點鐘到就會預備蒸飯都好幾次叫到d婆婆落尼買當我去到食飯既時候蒸飯已經買晒lu咁我地就4個人叫左3個飯食分別係魚香茄子飯,廈門炒米同紅燒豆腐斑腩飯因為我本身唔食魚香茄子所以就唔評論咁多啦不過媽媽同婆婆都覺得好好食老實講今次係我第一次食廈門炒米平時都係食星洲炒米多原來廈門炒米係酸酸地食落去都幾開胃而且餡料十足真係值得一試!呢到既紅燒豆腐斑腩飯一值都係我最愛因為第一佢既醬汁整得好好第二豆腐非常滑第三係斑腩好新鮮,好脆條飯其實都幾大個嫁不過次次食親呢個飯我都會自己食晒xd證明佢有幾好食啦哈哈其實呢個位置既茶餐廳係呢幾年真係轉左手好多次時時樂係到都做左成兩年,已經算耐嫁啦做得咁耐當然係因為佢既出口好,而且價錢合理所以先深受歡迎希望佢一路都keep到水準繼續做落去啦=]

呢間餐廳夜晚係唔開的，所以從來都未幫襯過。是日中午罕有地路經，順道入去吃埋lunch才繼續我要做的事情。午餐有三款，想吃香口一黠的東西，就揀了咖喱海王炒飯，飲熱奶茶。炒飯有蝦、日本魚旦、鮑魚菇、蟹柳、蛋絲、青豆等，材料算是豐盛。咖喱不太辦，卻幾香口，亦夠熱，而材料如蝦仁是爽(雪藏貨當然不會鮮甜)，鮑魚菇口感煙韌，整體效果唔差的。熱奶茶是偏多奶，質感幼滑，正合我心水。中午繁忙時段仍沒太多客，是復活節學校放假的關係嗎?

有日lunch出街食，想話試下未食過o既鋪頭，但事前又冇做足準備，咁又出事喇唉。Lunch人太多難搵位，見到有間有位就求其坐落去，睇見d野食一d都唔吸引都有d想走，不過又搵過位唔知要等幾耐就算數，平平地叫個鳳爪排骨飯叫做安全少少啦，不過都係衰左。個類似老闆o既男人羅個飯上枱，d排骨係掂晒頂呀，但係點解咁多水係面o既，原來排骨同飯係分‧開‧蒸，佢分開蒸咪即係同叫個鳳爪蒸排骨小菜再加碗靚仔冇分別，盅飯好食都係因為d飯溝晒d肉o既油再加埋d煮過o既豉油姐，呢間鋪竟然拆散鴛鴦，有冇搞錯？唯有倒番d水落飯度食。D豉油都唔好得去邊，都唔好話係豉油，應該叫豉水，好似水咁稀，溝水溝到得番d色冇晒味。可以差成咁我都唔寄望d鳳爪排骨係合格，果然不負眾望，一d味都冇，隻爪仲好似染完色再沖番淡咁，真係羅自己隻腳指黎”選”都有味過佢。餐飲要杯熱好立克諗住實冇死，點知都係唔好得幾多，攪起上黎都知佢連粉慳埋，咁捨得買黑白淡奶沖茶連果少少粉都慳，都係拿拿聲飲完鬆人。

因左手受傷在家, 所以近來成日會叫外賣在家吃但因星期日平時叫開的外賣店沒開,所以今次叫了這間新開的茶餐廳外賣首要條件是:1. 要快....這間做得不錯, 星期六叫早餐, 13分鐘就到(相隔兩個街口), 食物可以保持到很熱和很凍2. 早餐粉麵湯底要好味.......這間有點特別, 外賣紙上寫明分別有豬骨濃湯和蕃茄薯仔牛腩湯, 我分別都試過, 飲得出應該不是老火湯煑出來的, 但也明顯比普通的味精湯好吃3. 價錢大眾化.......早餐兩餸湯粉麵, 大多是20-22元, 粉麵都會送半件牛油方飽, 凍飲加2元, 算是附近一般的價錢不過大家如要去試既, 就要留意他沒有大間的茶餐廳既炒粉麵, 中午也只有餐肉, 蛋, 腸仔, 扒類之類既碟頭飯選擇,而且下午茶的小食雙拼不大抵吃, 珍寶腸拼煙肉腸卷及一杯熱飲要19元, 但珍寶腸只有半條還是吃配粉麵的比較抵吃, 價錢一樣還有一點希望他們可以改善, 就是外賣的碗蓋太薄, 放半件牛油方飽上去, 也可以壓破了弄到d湯倒了出來, 而且也有點碎片掉入湯中