普洱 (已結業)

坐得唔舒服，枱好高12:15到冇咩客，都有6枱客兩位男待應只顧著同佢嘅同事傾計（中間夾著好多粗口）我叫熱🍋水（佢話：有落糖咁你要唔要啊！）聽到我一頭霧水（其實係茶檔會幫客落糖）係咁問我（咁你要唔要啊！）落單都勁冇禮貌囉！（兼我左住佢地傾計）直到埋單連「多謝」都唔識講可能40-50食餐午餐，就係得咁嘅服務啦！

那天到仁濟醫院參觀，參觀後住在荃灣的同學提議來普洱吃飯。小女子很少到荃灣，因此未有聽過此餐廳，原來在openrice上挺熱門的，那天同學一味只提及此店特色有朱古力普洱，我一聽之下，什有興趣，究竟如何將中西式經典飲品融合呢。平日上茶樓飲的普洱味道濃郁醇厚，為解油去脂之首選，而這裡的朱古力普洱的普洱味道未到濃郁，朱古力甜味率先掩蓋茶味，似是沒有特色，稍後卻在一口之嚼後，於口腔內留下陣陣的回甘香，略帶點苦澀，於口內回盪，帶走人工的甜味，很是特別，想不到兩者如此合得來。可惜的是我點了一個雙拼粉麵- 醬烤脆肉拼炸子雞醬鹵米線，太油膩。雖說我點的也是真的重口味，但這個醬鹵太咸太油，實在難以好評。先不說明明我點的是米線卻來了紅薯粉，這個醬鹵實在太重口味，食得我滿嘴是油。紅薯粉卻是挺彈牙，不過掛得太多醬了，使得太咸，不能食得太多。醬烤脆肉跟炸子雞兩者相比，則醬烤脆肉較美味，肉質有咬口，煎得恰到好處，夠惹味。而炸子雞則不脆不辣，愧對它的名子呢。這裡服務尚可，食物製作速度亦算快，而環境較狹窄，是普通茶餐廳的感覺，如果下次來吃的話，可能會叫湯麵或焗飯，應該會較醬鹵好。

呢間普洱地方算大～唔洗等好耐就有位la！!-見到menu 有沙窩米線食！好似幾特別咁😎🍲香菇牛肉沙窩米線台式牛肉粒～肉質鬆軟👍🏼香茹及其他配菜份量多~~湯底偏清淡，但加埋牛肉汁就變得濃郁😛👍🏼黑椒雞排飯雞排份量多！肉質滑！味道正常la~🤓都係一般黑椒雞排飯嘅味道！唔會有特別驚喜！-呢間台式餐廳有好多款飯麵俾你選擇，Mix埋左香港茶餐廳menu ! 有好多碟頭飯簡😜總有一款岩你口味嘅~~~

星期日男朋友都要返工，我去荃灣探班，搵佢食飯，佢帶左我去普洱，佢話呢間佢差不多日日食，荃灣最平喎佢叫左黑椒牛扒飯，個飯好大碟，d汁又多，怪不得會成為麻甩佬的至愛。而且牛扒雞扒豬扒同咩汁其實可以mix and match, 做出每日不同口味。講返個黑椒汁，甜甜地溫和返d黑椒味。牛扒鬆軟不錯。我就叫了芝士焗西蘭花肉醬扁意粉，d芝士好多，食起上來可以拉絲的。唯西蘭花得兩小棵，我想食多點菜麻。跟餐仲可以加幾蚊轉杯芽奶茶，味道可口。我自己叫紙檸茶就可以了。

街坊推介特色小店同幾個荃灣街坊一齊食飯, 跟咗佢地來到呢間地區特色小店一聽店名就知飲品有特色. 未諗食乜先睇飲乜.飲品選擇多, 仲係跟飯免加錢.街坊推介, 最最最特色精選.好有食FUSION菜嘅感覺.<<葡汁雞扒飯>>, 夠份量夠熱夠味.算係平民抵食.紅燒排骨南瓜燜飯>>排骨入味又夠淋又離骨.飯底似炒飯多D.<<杏仁普洱>>好得意.似用普洱茶來沖杏仁茶咁.滋潤香滑, 杏仁味又夠突出!!!另一個特色, 係米線炒飯.真係用米線當料來炒飯!! 

次次都中意叫呢款醬鹵麵,任選1個料再配台式特飲都係30幾40蚊~我揀左官度燘肉,.幾入味,帶少少黑醋味,份量又多~而且配菜的蘿蔔絲,青瓜都幾多~雖然清清地,但真係幾惹味架,自從開左呢間分店,都好少去返荃廣對面條街果間,果間又多人,...又坐得好迫..呢間分店闊落d, 上菜上得快呢~飲品揀左黑芝麻杏仁奶~幾香黑芝麻,杏仁味,幾香滑~今時今日有咁o既價錢,咁o既環境食到正野,已經好難得~

舖如其名，呢度既重點就係佢既飲品。佢呢度好多普洱特飲，例如朱古力茶，香芋茶咁。我叫左個凍香竽普洱，幾有水準! 得意得黎又唔古怪，唔錯!但係個主食就一般般，叫左個通心米，感覺未煮熟，硬掘掘咁，下凈唔食正餐，食tea既話可以再黎~

價錢唔算平，不過配嘅飲品唔係普通檸茶，奶茶，所以覺得抵左😂飲品選擇好多，飲過朱古力普洱，朱古力咖啡 荔枝糯米香茶，藍莓糯米香茶， 蜜桃冰氣(雖然都係糖水溝出嚟， 但就好濃味，好飲) 食物就一般般，味道正常，早餐碗粉都幾大碗

有住荃灣嘅朋友推薦e間，話大件夾抵食！我地3個人去到餐廳，環境都算ok，坐位間比較狹窄。我地叫左2人set 黑椒牛仔骨 刀拍青瓜 菜同2碗米線，加多個白汁魚柳。黑椒偏辣，青瓜太大舊，米線湯底有驚喜。價錢ok，味道一般。

一間感覺上以為係食中餐既店名“普洱”，入內主要食西餐，聽聞焗飯好正，所以就要試下，叫左個鮮茄雞扒焗飯加蛋，果然真的好正，飯有炒底，軟硬適中，雞扒香脆嫩滑，而且切開左一件件，不會一塊咁上，而且份量非常足夠，最開心焗係包特飲，叫左杯朱古力普洱，濃濃朱古力夾雜有普洱茶香味，都幾特別，好好飲，好懷念這杯飲品，一定要再飲