景發食店

營業中

休息中

星期日番完教會，我係德福廣場行左一陣，見到處食肆都人山人海，咁咪行遠多幾步就黎左呢間係德福大廈對面的一間食店，呢度一帶人影唔多，周圍食肆淨番得呢間，我就鍾意啦! 唔駛咁多人，唔駛排隊，又夠經濟。o岩o岩下午二點有下午茶餐食，我就簡簡單單咁叫左個雪菜肉絲通粉配凍奶茶，凍飲都唔駛加錢都係十九蚊，真抵食。雪菜肉絲同通粉份量十足，毫無欺場，冇將價就貨，同平時茶餐廳水準不遑多讓，湯底咸度適中，無話過咸。雪菜同肉絲都唔係罐頭果種，都幾入味，奶茶都ok，冇叫少甜都唔會過甜，o岩o岩好，讚!

燒味一流，阿姐又夠晒精靈快手。推介燒肉油雞，絕冇失手。燒鴨都唔錯早餐最支持佢個水吧，快靚正，話少甜就少甜，該走嘅就走。係就係迫夾咗啲，自助包外賣，都幾得意--同惡搞。但抵得少少苦楚，換嚟口腹嘅滿足，呢啲先係正宗香港精神，不勞而獲唔好玩嘅 ：）

我同男朋友仔都係喺九龍灣返工每朝落車都係從好夢中掙扎, 落親車都三魂唔見七魄所以呢, 我地一定要買杯奶茶飲下先會醒神我地試晒九龍灣d茶餐廳, 呢間就最啱飲奶茶好唔好飲, 個個都識分, 但係啱飲就好緊要呢間奶味多過茶味少少, 但係茶味又好出, 又夠滑, 每杯十蚊正﹗