景發食店

營業中

休息中

星期日番完教會，我係德福廣場行左一陣，見到處食肆都人山人海，咁咪行遠多幾步就黎左呢間係德福大廈對面的一間食店，呢度一帶人影唔多，周圍食肆淨番得呢間，我就鍾意啦! 唔駛咁多人，唔駛排隊，又夠經濟。o岩o岩下午二點有下午茶餐食，我就簡簡單單咁叫左個雪菜肉絲通粉配凍奶茶，凍飲都唔駛加錢都係十九蚊，真抵食。雪菜肉絲同通粉份量十足，毫無欺場，冇將價就貨，同平時茶餐廳水準不遑多讓，湯底咸度適中，無話過咸。雪菜同肉絲都唔係罐頭果種，都幾入味，奶茶都ok，冇叫少甜都唔會過甜，o岩o岩好，讚!