景霖正宗四川麻辣米線 (白加士街)

營業中

休息中

因為做野關係成日lunch都已經係下午茶時間，反而慳左錢！依間米線有下午茶餐， 兩餸米線 & 豆漿 $36 ，再加餸$6，唔洗$50食到飽！🦁 雞肉/鱈魚豆腐/墨魚丸酸辣米線酸辣湯底唔太夠酸 不過都尚算惹味～雞肉份量唔少 夠嫩滑 唔會好多肥肉痴住。 鱈魚豆腐同墨魚丸各兩粒 都好大粒 而且冇雪味好評！米線同腐足份量都唔少 食晒成碗好夠飽！🦁 豆漿正常 唔錯🦁 景霖正宗四川麻辣米線 (白加士街) (佐敦)佐敦白加士街17號伯嘉士大廈地下🦁 人均消費：$42 ｜推介：❣️❣️❣️❣️🦁 總結：唔洗50蚊食到飽 仲有野飲真係幾抵～係糧尾之選！會回頭！

今次叫咗個皇牌米線，酸辣味，小辣，配可樂，一共40元。以前係外賣38蚊就搞掂，依家貴兩蚊但係多一杯嘢飲，因為以前係唔附嘢飲嘅，嘢飲唔知加8蚊定幾錢，我就比較喜歡之前，因為平啲，叫嘅可樂我都係帶返屋企。皇牌米線入面有豬肉、牛肉、雞肉、魚頭片、炸醬、韭菜。但係啲材料比例同比嘅多少感覺係唔穩定嘅，啲肉有時多，有時少，所以都係睇運啦，但以成分嘅份量來講，都唔算少。個人係入面最唔鍾意食嘅就係魚腐，平平無趣，冇乜魚味，又冇乜鮮味，其他都ok，正正常常，米線都ok，辣味我自己感覺麻麻，酸辣麻辣清湯，小辣中辣都食過，辣嘅味道其實一般般，唔算好食，但係清湯仲寡，所以通常都係食酸辣味，小辣or中辣。All in all，你話好好食，佢又唔係，難食又稱不上，但係係比較多料同平價嘅米線！食得飽又幾多肉，如果揀清湯得話，都幾健康，合格啦！

係佐敦行開隨便揀左呢間麻辣米線食晚餐。普通茶餐廳格局，叫左碗牛肉河粉，麻辣要小小小辣，另外加杯豆漿。野食好快就嚟到，豆漿都夠凍夠味，配辣面啱啱好解到辣解到渴。河粉個粉底一般般，有d太粗又唔係好入到d麻辣湯味，或者下次揀番米線會好啲嘅。個麻辣湯底略嫌唔夠香口，而且唔太麻，得d辣味，個人認為差過出面既麻辣。整體嚟講碗面普普通通，份量都夠嘅，不過我會選擇食其他鋪頭嘅麻辣湯面多過呢間。

驗完身，勁肚餓求其搵野食好想食米線就盲衝衝入黎叫左個下午茶餐: 2隻麻辣雞翼配一餸米線加飲品$39我要左麻辣雞翼酸辣雞肉米線普通啦～ 無咩唔好又冇咩特別好係好彩下午茶有配2隻雞翼，先覺得抵番少少但辣度比出面低，能食辣既人可以叫辣啲

今晚要出佐敦上堂，上堂之前決定要醫一醫肚先！突然想食米線，雖然最近三十幾度高溫，但唔理啦，米線既誘惑實在太大！見呢間「景霖正宗四川麻辣米線」好似唔錯，就入去試下！入到去坐低，侍能即刻黎落單，都幾殷勤！我見都餓啦，而且左諗右諗咩餸都想試下，就試下呢碗「本店馳名過橋套餐(大大碗)」先！黎到呆左兩秒，大碗到呢。。。有牛肉、豬肉、腩肉、雞肉、豬潤、魚蛋、黑木耳、冬菇、火腿、豆卜、酸菜同炸醬，總共十三樣餸！（不過我唔食豬潤所以走左）再加上每碗都有既生菜、芽菜、韮菜、腐皮，所以就咁大碗啦！我叫左小酸辣，辣度剛剛好，每樣餸都好好味，麵又多，食到我飽到上心口！

又到一星期最期待既一日星期五之午餐 唔少打工仔 最中意星期五出街食街因為想放鬆一下啊嘛 我都係 平時真心樂少食車仔麵 薯粉 米線 喱d野 但唔知點解今日好出奇咁想食🤤🤤🤤🤤一個女人 叫左3個餸菜 叫左豬紅 ， 韭菜水餃，同魚腐私心真係好中意食魚腐 仲要唔係間間粉麵鋪頭都有！喱間景霖正宗四川麻辣米線真係好大 好多份量性價比極高 湯底都好濃 重口味者最愛！即係我😌配菜類別：韭黃 芽菜都唔少 麵底叫左米線 環境都唔錯 坐得舒服冷氣都幾勁 入嚟唔驚熱！

本身好鍾意食米線下午茶時間見佐敦好多地方都會有平價選擇但個人喜好所以揀咗景霖嘅米線呢到既麻辣比較出名午市時間已經滿座原來下午茶都有好多人去有$35 2餸米線$38 1餸米線送2隻雞翼可以揀辣味或者香草味好驚奇嘅係佢嘅配料數量非常之多我只係叫咗雞肉米線仲食得快過雞肉另外仲有免費飲品：一杯豆漿或羅漢果所以實在比譚仔還要抵個人比較欣賞係佢嘅潮州辣椒油鹹鹹地好開胃如果想簡單食個麵都值得去！

次次來景霖都好旺場重要係咩鐘數都係咁咁你就知佢好唔好食啦食物係會自動留住啲客嘅胃。而我就係由細食到大🤭。我好中意佢嘅手打魚麵🐟唔係度度都有得食雖然麵質係少少林不過都有魚香同埋佢嘅🌶️四川擔擔麵湯底真係好香濃花生醬味小食就最中意佢嘅香草雞翼❤️。呢度嘅麻辣都好正唔會係味精個種辣不過當然就無川菜麻辣咁香。最後，呢度老闆娘好好人人靚聲甜見到佢都特別開胃🤭民生小店性價比高推介！❤️❤️❤️。#景霖正宗四川麻辣米線#景霖佐敦店

幾年前食過都唔錯，點估到再食會係難食到一個點我叫咗個小辣麻辣豬腸豬潤米線。從來無諗過豬腸係勁勁勁勁難食，完全唔入味但又好硬好韌，點chew都chew唔完，真係好難食豬潤有好多件細細件㗎，無臭味，但就overcooked ，有啲硬，兩個餸都overcooked，米線就正正常堂，軟硬適中。伴菜有腐竹，韭菜，肉碎，芽菜。得腐竹係OK，韭菜超級老勁難食肉碎就無乜見。講返個招牌麻辣湯，我乜味都食唔到，只有辣同辣，無其他味。勁失望，點解難食咗咁多㗎

晚上跟朋友來到佐敦吃晚飯 我們都想不到吃什麼決定去這間餐廳吃米線😎我們叫了一個酸辣小辣米線配腩肉和芝士腸 米線有得自選辣到亦都可以揀酸辣或者麻辣 湯底是比較偏辣的見到好多人都叫左大碗啲嘅過橋米線 但基於我哋食唔晒所以就冇叫但係見到隔離過橋米線都有不少配菜下次應該會試一下價錢都算幾合理 腩肉嘅份量亦都好多下 聽聞下午茶的價錢會比較平再附送小食 這裏也有不少小食可以選擇例如雞翼丶串燒等等跟餐叫了一杯凍檸茶+$8 茶底味道都算不錯

作為1個米線狂，去到邊到都要搵米線食😛公司附近就有呢間「景霖正宗四川麻辣米線」，我係會成日黎幫襯既今次就係晚餐時間黎，因為好遲先食lunch，仲飽飽地，所以淨係叫左1個餸 — 雞肉酸辣米線（小辣）佢呢到既酸辣湯底係屬於比較清淡，唔會話有好多味精，食完會好口渴果種～雞肉都幾大片下，不過米線就比較少建議下午茶時間黎就最抵食，$38就有一餸米線+2隻雞翼+豆漿烤雞翼有麻辣味同香草味，兩款我都試過，都好食，雞翼烤到好夠入味！

來到景霖緊係要試下大大碗過橋米線套餐！入面十分足料，有牛肉、豬肉、腩肉、雞肉、豬潤、魚蛋、黑木耳、冬菇、火腿、豆卜、酸菜、炸醬、另外還有生菜、芽菜、韭菜及腐皮。簡直係菜肉均衡！湯底可以個別選擇辣或者不辣，因為呢間係正宗四川米線，D辣都幾勁下，唔食得辣記得就住叫。因為過橋米線足料及非常大碗，一定需要2位分享才可以食曬！今日我地加左炸魚皮。呢度D炸魚皮都十分出名，炸得非常香口，而且一點都不油膩。如果order既米線湯底有小小辣，可以用炸魚皮點湯底食，別有一番滋味！我地仲叫左韭菜豬紅，整得十分入味。韭菜上面有一D牛腩碎。呢度仲有好多不同配搭的米線，例如係金牌米線、皇牌米線、精選米線，另外還有任選配料米線，實有一款岩你口味！覺得食米線太單調？唔緊要，呢度仲有小食可以叫，例如係烤雞中翼、日本帶子串燒、雞軟骨串燒等等。呢間四川米線上菜快，而且味道正宗，所以我都經常去幫親！

今日系佐敦個邊有D野做，做完野見肚仔餓就是但揾左間米線鋪黎個快食下午茶時間可以叫下午茶套餐兩餸加豆漿都係$35 叫做幾抵<兩送米線加豆漿$35>兩餸米線大食妹叫左紅腸同埋豬肉，但係最後你嘅係紅腸同埋豬腸，大食妹都嚟咗啦咁就算啦，唔好特登叫侍應換點知，食左兩啖，開始食米線先知原來佢比錯咗米粉大食妹忍唔到啦，叫待應換番米線，然後侍應就行過嚟問大食妹有冇食過碗面，咁大食妹就話食咗兩啖送先食面，先發現原來係米粉侍應叫大食妹不如唔好換，咁大食妹好婉咁講真係唔係好鍾意食米粉，呀姐先先黑口黑面幫大食妹換個米粉底 好喇，咁大食妹順便講埋杯豆漿仲未上喎，最後等到玩米線食咗一半，催咗兩次都係未上催到第三次，終於都上碗米線味道ok，但服務態度真系。。。最後俾錢，呀姐繼續黑面

看完電影後要去吃午餐。 大家都說很貧苦…… 於是，努力尋找超級經濟又有素食的食店。終於，給我在素食青年群組找到這一間米線店 — 景霖正宗四川麻辣米線。 我們由戲院步行到此店應該大約十五分鐘。地方不大，大約容納三十人。 客人都是吃快餐，不會佔用座位很久。 所以，餐椅不會是十分舒適的款式。 卻不會感到侷促。 店面的潔淨度也好。餐單上有不少蔬菜和豆製品選擇以搭配米線。 一款菜的米線是$32。 之後每款菜是$6。 其中有三款是$8。 除了米線，還可以選擇上海拉麵、米粉、油麵和河粉。 比我們經常光顧的譚仔三哥有更多選擇。另有芽菜、韮菜和腐皮附送。 可以在下單時要求走掉我不吃的韮菜。有素湯頭，但要下單時說明。 因為餐單上列明的湯頭款式並不包括素湯頭。 素湯頭是特別製作的。 可以加番茄。 沒有限定時間供應。麵食包括飲品一杯。 冷豆漿或冷五花茶。 我選了豆漿。 有淡淡的甜味。 也嚐到豆味。我選了白蘿蔔和百頁豆腐。 一碗麵食是$32，多加百頁豆腐是$8，共$40。 也達到我們的消費目標。番茄應該是後來加進湯裡的。 所以，湯頭沒有濃郁的番茄味。 這湯頭的味道比譚仔三哥的淡一點。 味道不夠好。 但有此選擇已

今日忙著做嘢，無睇時間，過左 Lunch Hour 先去揾嘢食。 公司附近無咩好嘢食，所以我通常、行遠小小去白加士街搵嘢食。啱啱兩點鐘，景霖有下午茶餐優惠。叫咗兩餸跟香草雞翼，送嘢飲!其實下午茶係最抵食，跟2隻雞翼同嘢飲，飲品通常係豆漿/涼茶(五花茶)今日有羅漢果茶!我就食唔到辣嘅，所以每次都係叫清湯。今次個湯底好似比以前有淡味，但香草雞翼好味。正價$22/3隻，下午茶一餸跟雞翼都係$38咋! 羅漢果茶，好甜香草雞翼魚皮餃，蟹籽包