景霖正宗四川麻辣米線 (通菜街)

營業中

休息中

今日食lunch唔知食咩好，我見到間米線舖好似幾吸引咁就行咗入去啦。午飯時間十分多人，時間緊迫嘅關係就是但嗌咗碗米線，我就點左炸醬蟹子丸豬紅，酸辣小辣，同埋叫左碟香草雞翼。酸辣湯夠酸好開胃，啲餸就正正常常冇乜特別，勝在夠大碗十分飽肚，而香草雞翼即叫即燒熱辣辣，可惜唔夠入味，整體來講正正常常係慳錢嘅首選。

放工出左旺角買野，是但搵左間米線食晚餐。🍜景霖正宗四川麻辣米線🕖7點正左右，都有好多空位坐。叫左一碗兩送米線🍲米線好硬，不是我想要的（因為我鐘意食淋身少少既米線），份量同譚仔差唔多，價錢平譚仔少少。米線入面有芽菜，韮菜，腐皮，但腐皮過份硬🙄湯底叫左微酸辣醬爆鯊魚丸，咬落去無醬爆的感覺😅，只系食緊普通丸甘，味道尚可接受。🍡晚飯時間，未算多人，一個人坐係到慢慢打住機甘飲野。無吹埋單，都幾舒服。

放工的時候，感到有點肚餓，便決定和朋友去旺角吃宵夜，到了先達附近有很多餐廳，選擇很多，我們經過這間米線，看到店內的顧客很多，而且食物的選擇亦不少，便決定入去試一試豆卜冬菇酸辣米線($35)豆卜鬆綿煙靭，冬菇彈牙煙靱，爽口微彈米線，酸辣湯底太辣麻辣醬素牛丸串燒($19)牛丸軟彈煙韌，麻辣醬太辣特色紅薯粉($42)晶瑩剔透的紅薯粉軟彈煙韌，嫩紅的炸醬鮮甜，花生爽口微彈沙嗲牛肉串燒($20)牛肉香稔軟嫩，配上微甜的沙嗲醬，這樣的配撘恰到好處整體來說，食物的選擇足夠多，食物的質素可以接受，價錢相對合理，店員有良好的服務態度，所以我認為這間餐廳可以再去惠顧

旺角來的最多的一個地方，由於公司業務平時都係附近約客！自然而然吃飯都會就近行到邊就附近行行體體邊間比較符合今天口味心情今天唔係太肚餓，行左附近尼條街都多粉麵檔！係香港時間長了都偶爾喜歡大陸的辣味，應該話係重口味見到有四川的麻辣大陸吃過咁咩都一煲！坐落來就變左選擇困難症狀又出現，因為有好多樣配搭的菜類都向吃！問題係選完是否太多一人吃不完，最後確定有個號稱大大碗menu又寫左有多款配搭不用想了就揀定啦！上麵速度幾快手無咩時間要等對於價錢來說有埋搭左咁多算抵吃，但抵吃不代表好吃！我覺得我唔會有二次，因為雖然份多但食材味道唔符合，因為小辣，辣味自然就少！但會feel到好重的油感！還好有點檸茶，去去油解膩

因為今天要去旺角中心會計師樓送文件，早餐都沒有吃去忙到下午，雖然唔係太肚餓，但都見下午了去DD嘢入肚都好，免得餓壞個胃，兜來兜去最終落定米線！門外見到類似麻辣燙咁可以自己選搭配的，由於第一次去我真係唔知點咩，唔像其他地方有紙可以自己慢慢畫！阿姐話同其直接話點咩就好！本來選了自己都唔記得幾份配菜，後來阿姐同我重覆話點了六個餸，重複其他真的有點自己都覺得亂，於是見到旁邊有個套餐寫著裡面有咁多嘢，就直接話選尼個算！圖片體驗唔出實物的大小，白色碗裝的，果然係大大碗！問題來了覺得好難吃，豬肺可能成本較低豬肺低下好多豬肉又有點腥軟，唯一裡面一兩片青菜覺得最好魚蛋D都普通無問題，整碗麵味道真的覺得較接受唔到，後來見到個個人都係細細隻紅色碗裝著！隔離女仔見到我碗麵上來都嚇到，但真的以份量獲勝最後實在吃唔完啃唔落，檸茶都OK正常！阿姐見我買單上面吃少少，坐落又唔耐！就問我要唔要打包，好困難才吃的咁多還打包

呢晚行旺角唔知食咩好，朋友就話要介紹間好抵食既米線，黎到呢間係先達附近既米線鋪，店面唔算好大，晚飯時間都唔算太多人朋友話之前試過$55大大碗覺得唔錯，見到d配菜有別於其他米線鋪，我地就決定叫一碗share黎食點少得有雞翼同串燒，我地叫左一份四川麻辣雞翼果然大大碗，叫左小辣都已經覺得好辣，米線質感一般，但味道就比想像中要好，最特別係d配料，有魚腐，魚餃，蟹柳，帶子，魚片，鮑魚片，炸醬。終於唔使又係牛丸墨丸咁悶，而且材料都幾新鮮雞翼都幾大隻，味道唔錯，但同樣覺得小辣已經好辣鹹檸7加$12，不過都ok既，起碼夠飲

曾幾何時，我比過哩米線鋪no.1係我的飯堂之一無諗過新年之後再食可以差成咁今次照舊下午茶之去食 ，因為想食佢個雞翼今次仲特登試埋燕肉餃....點知................中哂伏！麻辣雞翼燒到燶哂明顯擺得太耐，林哂 一啲都唔好食米線硬到呀媽都唔認得☹️☹️☹️是轉左廚房嗎？ 點解味道可以差咁遠你食完，櫈都未坐暖，佢就趕收工，拿拿臨執走哂你啲野😤😤總括來說，就係你比反32蚊我都唔要再食，真係好失望😪😪😪

與別不同嘅酸辣米線👍🏻😍抵佢愈開愈多間，佐敦又有，旺角又有，而家開埋油麻地呢度嘅酸辣米線酸味帶小小甜，酸味同甜味夾得啱啱好而且哩到仲可以揀辣度，正呀overall 呢度嘅味道呢，好令人食過返尋味送方面呢都幾多款揀，新出左啲魚皮餃同燕肉餃不過特色既送就要預反每個得兩至三粒左右，唔太多同埋唔好嘅地方，略嫌米線嘅份量太少，而且啲姐姐會催你落單總括黎講，下午茶＄32有得送雞翼同豆漿，呢區都算抵食（雞翼有得揀香草或者麻辣）味道遠遠搭夠推介

旺角哩間景霖係我的最愛 my favourite always. 每次下午茶時間黎到就覺得好開心因為有兩隻雞翼送次次都係食酸辣小辣 can't eat too spicy 係會上癮 而我覺得米粉好味過米線下午茶只係$32 一餸麵 豆漿 雞翼實在好抵!!!除左酸辣米線，以前食過擔擔麵都very goodStaff service 算可以啦 姨姨有時好燥底lolJordan都有branch storeBut this one is the best!!

We order 3 different types which came in large bowls. We then shared it and ate using small bowls which they provided upon request. Good value and delicious.

今晚要去旺角荷里活商業中心聽講座～聽左粒幾鐘～走得未呀，肚仔打曬鼓！一話走得立即冒起食麻辣米嘅念頭！但⋯食邊間好呢？我行過左好多次呢間景霖都未食過，今次就一於試試佢！睇下又有幾正宗先！光顧的客人一般多，室內整潔度亦一般～最便宜的是紅薯粉，$26起跳，餸料嘅種類繁多，大約有42種！！！麻辣貓姐我當然選擇大辣啦！哈哈！叫左個炸醬，免費嘅配菜一般份量，至於味道⋯下張圖再評⋯湯底不像普通米缐店油膩和多紅油的那種，至於湯底味道⋯我是從未吃過這款＂麻辣＂的味道的，我覺得它不麻，也不算辣，個人認為是一種獨特的香味，可惜不是我杯茶～麵質唔錯，煙煙un un幾有咬口～至於炸醬，帶點甜味，肥肉粒近乎沒有，它的味道有點像你去雲吞麪店的炸醬味道，都好食嘅！完場！成杯豆漿>飲曬！成兜炸醬>食埋！海量米線>做左大嘥鬼！ （我唔知佢份量係甘多，細食女仔如下記得嗌小米！）$36埋單走人！ bye bye～

諗住方便行街就是但搵D野食下就算數，見到呢間冇咁多人等位就走咗入去。呢到既米線都真係麻麻地，米線好淋煮得太耐，雞肉既肉質都嫰滑唔錯，蘿白好淋，不過湯底味道好重香料味。腩肉油麵，油麵都係好淋，腩肉好少得4塊，肉爽口，叫左少辣但係同一D都唔辣。

今日下午茶時間經過旺角有少少肚餓, 就入咗呢間米線店食野. 叫咗個麻辣米線配豬大腸同埋雞腎, 份量都幾多, 女仔食一定夠晒飽, 米線比較淋身, 如果喜歡爽口的朋友未必啱食. 湯底較清而且辣味一般唔太香, 腸大腸同埋雞腎都略嫌唔夠味. 碗內配有生菜同埋黑木耳絲.就價錢而言算係好超值, 下午茶三十幾蚊兩餸可配野飲, 加幾蚊仲可以有埋雞翼, 不過若計味道就屬一般水平. 但勝在夠抵食, 旺角黎講想簡單食個下午茶都唔錯. 

今日在旺角經過這裡食個LATE LUNCH, 有下午茶套餐 $31, 一餸米線+兩隻烤雞翼+一杯豆漿.雞肉麻辣米線因為唔知佢辣度如何, 所以第一次就叫微辣試試先. 一放上枱, 好驚訝下午茶都有咁大碗! 熱辣辣聞落都幾香, 米線除了自選餸料還有腐皮、芽菜和韮菜, 份量都相當多, 令到整碗米線感覺蠻豐富. 呢度既米線係比譚仔粗身,質地偏林林地的, 自選餸料-雞肉雖然份量都有唔少, 但就有少少鞋, 唔係太好食. 湯底方面, 可能因為我叫了微辣, 所以麻辣味不明顯, 淨係食到有少少辣味. 而且食完米線都好口渴了一段時間, 相信味精都唔少..烤麻辣雞翼跟下午茶套餐有兩隻, SIZE略細隻, 不過係即叫即焗, 食落口香脆燙口, 內裡的雞肉都仲保持到肉質嫩滑, 麻辣香料幾惹味, 食完兩隻都有D唔夠喉. 下次會再食呢度既烤麻辣雞翼.

車媽媽很喜歡吃米線尤記得20多年前在荃灣享和街的一間過橋米線此家湯頭清香,米線爽彈,餸料新鮮尤以他秘製的雜醬好味得簡直無可挑剔,可惜自從那店主叔叔過身後便再無吃過那種風味了,尋尋覓覓都未吃到間可替代!!這天跟車爸爸剪髮後已是晚上九時多可幸身處旺角不難揾食,我很想食米線但又不想捱{三哥},行經這間景霖正宗四川麻辣米線既然有緣遇上就吃它吧!!地方不算大但靠牆兩面係座位坐得頗舒適^0^除了米線亦有小食供應我哋選了{蒙古芝麻雞翼}及{麻辣豬肉串}~而米線就點了{過橋米線套餐}~一見有{大話7}便想飲可惜冇貨唯有退而求其次要{鹹檸7}啦~{鹹檸7}$12最緊要夠凍,好難唔好飲嘅haha~前{麻辣豬肉串}$19/兩串,豬肉淋而不霉帶少許刺激的麻辣醬頗好吃如果辣度再重多點會更加吸引,{蒙古芝麻雞翼}$19/3隻,其實即係孜然雞翼醃得夠味道雞肉頗滑,但有點美中不足係雞皮未夠香脆還有進步空間呀!!{橋米線套餐