景霖正宗四川麻辣米線 (通菜街)

營業中

休息中

平時夜晚收工都比較晏。返屋企重要煮飯咁倒不如是是旦旦搵啲野買返屋企食咪重好。食慣X仔都想試下其他味道既米線。景霖係我其中一個選擇。揀完店舖又到揀食咩餸。正當開始選擇困難出現既時候就會揀金牌。皇牌。精選米線。因為佢已經配好曬餸比你。唔使諗食乜。其實我揀景霖重有個原因係因為鍾意佢既湯底。佢既湯底特別在唔似其他果啲鋪頭咁得個酸或者麻。甜甜哋。再加埋自選小小辣。唔覺唔覺會飲多兩啖。皇牌米線。(小小辣)魚片頭豬肉片平時堂食啲麵都有咬口。唔知係咪外賣啲麵浸湯浸耐左。冇曬咬口同埋易斷。食到底全部都係面碎。唯一不變就係個湯依然係。如果外賣可以分湯就好。

係fxxdpanda嗌外賣自取，去到佢話要number, 比完佢又話唔係呢個，我話我成張單得呢個號碼，定你係要電話號碼，個呀姐勁惡死叫我自己打去問啦，話我個號碼唔岩，堅持話你唔比number我我就唔會比野你，最後後面有個哥哥仔入嚟又係攞外賣，人地望住我張單都話我個號碼係岩，個呀姐先死死氣比個麵我，搞勁耐就係佢唔識睇，仲要大聲夾惡鬧人！！態度差到爆，我好聲好氣比佢鬧到狗血淋頭咁，我已經問佢有冇其他員工識睇，都仲要鬧，堅持自己係岩，唔係有人幫我出聲，我都唔知拎唔拎到份外賣！

今晚係旺角行街，見到有間米線🍜，因為未試過所以入去試食，我對麻辣都有些要求，入去踩下場先我地1行2人，我們點左麻辣大腸腩肉魚麵、清湯炸醬薯粉，首先麻辣湯頭好唔麻辣，亦不惹味，沒有驚艷感，而大腸同腩肉好普通，魚麵好似未熟咁，好硬身唔爽口，另外清湯炸醬薯粉都係好大路，絕不吸引，我杯凍檸茶就係得個死甜，簡單黎講依間麻辣米線，好一般的味道，不去也罷，衰過譚仔

兩個人無聊走去食宵夜 ， 諗住寫住正宗麻辣米線 一定係麻辣 非常之有特色所以才入去試試 ，兩個人入到叫咗碗海鮮過橋套餐 (大大碗)， 要大辣麻辣米線(但唔夠爽滑， 亦都食唔出麻辣嗰個味道完全冇 辣 和麻味）一個酥炸鮮蝦腐皮卷( 有少少水準 ）， 一個麻辣豬肚，蛋豬肚實在太淋冇咬口 唔夠爽 好似擺咗好耐， 另外嗌咗兩串沙爹牛肉(太甜)， 兩串燒帶子(太老）， 價錢方面 唔覺得係一分錢一分貨， 好老實 去一次 都唔會再有第二次嘅幫襯， 價錢又唔係相當便宜因為每一碟 份量 都很少

最愛食米線， 今次試左景霖去到mk呢間，入面冇乜客staff好有禮貌 介紹要左麻辣小小 雞肉米線 同 腩肉小小麻辣米線雖然大家都係 麻小小但我覺得雞肉個碗係辣d 唔食得辣可以要小小小 辣嫁😆餸既份量算多米線軟硬適中， 唔會霖湯底小小辣， 但麻味不足下次可以跳去中辣岩我口味雞翼真心好食，下次再去 應該係為個雞翼

Used to eat in this shop regularly for lunch. I ordered the "big big bowl cross the bridge" noodles Everytime. Overall the years it have been increasing the price from 4x to 57 nowadays...The spicyiness of the soup is indeed a bit random every time even I order the same level lol. The soup base is less attractive nowadays. The amount of meat seems to be replaced with meatballs gradually...The only good thing is that it comes with a free soybean milk for lunch...A good place to eat if you run out

今日放假冇嘢做，臨時約左個朋友出嚟見吓面吹下水，咁岩大家都未食嘢，又有啲肚餓，於是一齊去食個下午茶餐。朋友話呢一間嘅下午茶好抵食，咁我哋就去試吓啦。下午茶餐有兩款，第一款係一餸米線加豆漿，仲有烤雞翼兩隻，而另一款係兩餸米線加豆漿，但係就唔包雞翼，我哋覺得第一款抵食啲，同埋多嘢食啲，於是我哋都揀咗第一款嘅下午茶餐。餸方面，都有好多選擇，我就揀咗蟹籽包，而朋友就揀咗鱈魚豆腐。兩款餸我都覺得幾好食！湯底都可以自己選擇，因為我唔係好食得辣，所以揀咗蕃茄湯底，而我朋友就揀咗酸辣湯底。我朋友話呢個酸辣湯底唔算太辣，平時少食辣野嘅人都會接受到👍🏾依個烤雞翼都好好食，廚房應該係即叫即整，所以碟雞翼上到枱時都仲係好熱，啱晒我哋呢啲鍾意食熱氣野嘅朋友😋

立即Follow @itadaku_hk 每日速遞最真實飲食情報！🤤—宵夜必食！超惹味麻辣湯魚烏冬～！！—夜晚肚仔餓落街發現竟然有間主打魚烏冬既餐廳呀🥺🥺！一次過滿足哂烏冬控同魚麵控既願望！重點係仲要有得揀麻辣湯！！—《生菜魚烏冬》$32+加餸另計之前食過麵麵魚麵都覺得唔錯，今次竟然發現左呢間已經進化到去有埋魚烏冬！！有清湯、酸辣湯、麻辣湯.....etc，小編毫不猶豫揀左麻辣湯！再叫埋佢既燒串串，都幾平，堂食價$22兩串！雞牛豬任揀，叫左牛牛串～—一上黎個串串勁黑😂賣相其實都幾醜樣，有花椒、辣椒、孑然粉既味～上到黎係凍既，估計燒定。不過食落真心好食！牛唔韌，好入味，花椒既麻香味好開胃，份量唔姑寒，但係其實都真係幾辣下😂友人食一半就投哂降，小編就覺得辣得好過惹～推薦～—講下麵底先，平時見開既魚麵都係一岩一忽咁醜醜樣樣，但呢款就更加粗身，表面係超光滑～食落比普遍魚麵更加闊身、彈牙、有咬口，真係食到魚味既🤤！—Btw個湯底係精華所在！！連唔鐘意食辣既友人都覺得超好飲！飲唔停。一上見到個湯成個清湯咁，又唔紅以為上錯，一飲就黎料😂！麻辣兩味都齊～偏重口味，口味輕既妹豬可能會覺得偏咸。成個湯唔太

Chinese Noodle Restaurant definitely has the best value afternoon noodles tea set in town. For HKD$38, you can have a noodles with one toppings, two chicken wings as well as a drink (soy milk)! How awesome is that?!I chose chicken to go with my mildly spicy noodles. The spicy was not like numbing spicy, but still very good. Chicken was a bit funny in terms of the thickness, but nonetheless enjoyable. Noodles were typical rice noodles. Good enough.Chicken wings were definitely great! Freshly pan-

夜媽媽食野冇乜選擇，好彩呢間景霖米線都開到好夜，除左茶記之外就多一個選擇！之前食過呢間既麻辣湯底覺得麻麻，但酸辣湯底反而幾好食，所以今次都選擇叫返酸辣叫左個招牌大大碗過橋米線，裡面有牛肉，雞肉，豬潤，冬菇，黑木耳，酸菜，紅腸，炸醬，豆卜，腩肉😂，單憑記憶應該差唔多啦特別想提既新係呢度個冬菇幾香幾好味，其他既餸菜都ok，但個腩肉就麻麻，因為都幾咸，酸菜同豬潤都幾好食，但一個人未必食得哂，2個人食又太少，所以都係散叫好d

好少地方食米線個湯可以只係酸吾要辣，呢間景霖就做到啦。話說琴晚想食霄夜，就去左食呢一間。我叫左大大碗米線套餐，夠兩個人食，但係我一個人自己食晒😂佢地好多人料向入面，米線又多，其實真係好抵食。佢地個炸醬都好好食，記得叫另上，我琴晚吾記得左🤦🏻‍♂️ 米線加埋啲酸湯加埋炸醬，真係好好味👍🏻👍🏻 建議大家都可以試下，$58炸，好似無記錯，抵食抵食👍🏻👍🏻

景霖除左出名麻辣之外，其他菜式亦都好出色。今次叫左個豬潤魚腐蕃茄湯底米線配料份量好多，唔會只比一兩塊魚腐吸哂蕃茄湯湯底，好入味湯底清甜，唔會好重茄膏味，味精味唔太濃米線較爽口，唔會好冧個隻質地以$40價錢黎講兩餸連豆漿，都算抵食！

今日同朋友跑完步就想食豐富嘅午餐，嚟到旺角，就會想食景霖米線。每次嚟到我都會叫Set 定既麵款，今次叫咗金牌米線，一碗麵有好多配菜，最鍾意入邊有蟹子丸而我仲叫咗中辣，佢啲辣味濃，配埋餐飲豆漿中和下，咁就冇咁辣啦

我覺得呢間米線鋪既下午茶好鬼抵食。便靚正。食過好多次。皆因加埋都系$38元。每次我都例牌叫腩肉小辣米線。加2隻香草雞翼。加送埋ㄧ杯豆腐。系米好抵呢。首先米線好爽骨。同埋份量好多。做到出色。而雞翼也燒得十分香囗。外脆內滑。即叫即燒。最後湯底5油膩。但辣得過瘾。比起其他連鎖米線舖。我會傾向喜歡景霖多D。

我覺得佢嘅湯底係好食過譚仔嘅雖然我覺得佢都係化學成分嘅朋友但係味覺上都好食過佢嘅不過你叫一個餸淨係得兩舊感覺上好似有啲唔抵不過我都係志在食佢嘅湯底我覺得還可以啦現場嘅樓面真係好忙碌因為就嚟過年好多貨要收同一個order搞錯幾次但係人哋 未食飯現場嘅顧客都好貼心咁樣提醒個樓面老老實實我本身唔係食佢㗎係食隔離嗰間嘢 見到佢哋個名差唔多先至入去食落咗單之後先至發覺唔係嗰間佢個鯊魚丸擺明就係福州魚丸雖然唔彈牙但係我真係食到有鯊魚味道魚皮餃就麻麻地整體上我覺得嘅都幾好食如果唔係佢哋都唔會忙碌到連飯都冇得食