智尊酸菜魚

營業中

休息中

🐔午餐$68 醉雞配白飯🔹份量好多，d雞比其他餐廳份量多好多, 好似1.5 碟嘅份量. D雞都幾滑😮。🔺但可惜，個醉雞汁完全冇調味仲要非常非常油🫠，感覺個汁就係，水+油+酒 ……..完成食唔到其他味……….食完成個咀係油笠笠咁🫠🫠🫠🫠總結🔸大份抵食嘅，單純想食飽，完全冇問題👌🏻🔸但如果想食好食嘅醉雞，咁完全唔推薦🥲🔸😂😂不過人地招牌係酸菜魚，唔係醉雞，可能酸菜魚好好食都唔定🤣

之前幫襯開佢個金湯酸菜魚 今日試佢個任飲任食麻辣雞煲/烤魚/水煮或者酸菜魚 168蚊一位 仲要免加一🤑我哋揀咗麻辣雞煲要咗小辣 如果本身係食得辣嘅 我諗我完全唔覺得佢辣 但都惹味嘅🙃 雞肉好入味 唔會話好滑 但對得住個價錢 火鍋配料 多數都係平日你見到嗰啲丸呀 牛肉呀 雞肉呀 麵類嗰啲 個人有三樣嘢直推薦 小龍蝦係任食嘅🦐 呢個真正 上海麵好彈牙 魚片好還好爽口 值得一試 有個較為特別嘅甜品 紅豆冰 都可以任嗌🥤有樣嘢我覺得可以直接放棄 就係個肥牛 好韌 可以叫滑牛直接代替 我幫襯嗰陣時係星期三嘅七點左右 成間舖得三四台客 疫情關係 幫襯嘅人少咗 舖頭由十點邊度九點閂舖 老細都話最近日日萬多確診 生意難做 🤕以168一位嘅價錢 有獅威啤酒汽水任飲 真係值得一試👍🏻

今日叫左兩份三文治，一份咸牛肉蛋治烘底，份量唔多但都好飽，味道唔錯，另一份餐肉蕃茄三文治烘底，呢份感覺大啲，味道方面亦都可以另外叫左兩杯冬奶茶，冷氣充足，空間感足夠

📍智尊酸菜魚📮灣仔機利臣街9A號地舖.灣仔近修頓球場呢帶出名多隱世小店, 喜歡食酸菜魚既🙎🏽‍♂️經過門口俾呢間餐廳名吸引左, 話決定要試下呢度既酸菜魚有幾至尊🤣.本住一心要食酸菜魚既心態, 發現二人套餐性價比好高, 除左主菜可以選擇酸菜魚之外, 仲有得揀一款冷盤同一個小炒, 價錢經濟實惠, 份量又夠哂兩個人享用✌🏻.二人套餐 HKD228冷盤點左香辣醬青瓜開一開胃, 主菜唔洗講當然係叫智尊金湯酸菜魚, 淨係聽個名已經好架勢, 而小炒就選擇左台灣鳳梨魚塊, 酸酸甜甜既味道餸飯一流😋係呢度叫酸菜魚可以另加配料, 而我地就點左鴨血, 午餐肉, 鮮腐竹等等既索味配料, 非常配搭本身酸菜既味道👏🏻酸菜魚味道香濃醒胃, 魚片份量非常多, 加上肉質滑溜兼無碎骨🥹本身叫咗小辣既我地都一致認為可以再加辣多少少, 食落會更加香口刺激🌶配料方面, 可能唔係浸左係個湯好耐既關係, 唔算好入味, 腐竹係幾樣配料最入味既一款, 所以強烈建議揀啲一放湯就入到味既配料.平日晚上人流唔算多, 餐廳主要都係做附近街坊嘅外賣生意, 隨着疫情慢慢好轉, 住係附近既街坊們值得去幫襯一下, 試試正宗酸菜魚既水準😏.整體環境：👍🏻

話說上星期去farewell 美味廚排晒隊但係最後食唔到排骨菜飯之後搞到心思思想搵排骨菜返嚟食然後突然醒起公司附近有間咁嘅嘢雖然主打食酸菜魚但係記得見過好似有排骨菜飯同埋佢開咗一段時間我都冇試過所以一於就過嚟試吓佢結果發現好唔錯喎！排骨幾鬆軟，少少脆微微嘅甜味，都幾似以前食嘅上海排骨再加埋菜飯入邊好多菜同埋有淡淡的薑蓉味食完成個set好滿足$60 + $5 凍飲抵食呀下次有機會會過嚟試埋酸菜魚擔擔麵嗰啲，見到其他人食都唔錯咁款。

今日外賣酸菜魚配麻辣紅薯粉，一去到攞仲以為比錯我，咁大袋嘅？😂其實一開始有啲擔心酸菜魚，驚佢會肥，有嗰種滑潺潺，腍滋滋嘅口感，不過好彩無，啲魚好好食！好足料，全部入哂味勁好食！至於另外嘅麻辣紅薯粉就稍遜一籌啦湯我覺得ok唔錯，不過個粉可能分開裝，就算倒返落去都索唔到幾多味，而且個口感同酸菜魚啲粉唔同，好鞋口喎，從未食過咁鞋嘅紅薯粉自問唔係細食，但都食唔哂，淨係酸菜魚應該都夠，完全可以同細食朋友開心share總體而言，十分滿意，唯一扣分係麻辣個紅薯粉

智尊酸菜魚 (灣仔)灣仔機利臣街9A號地舖今次同朋友食左個二人餐，食到捧住個肚走出門口😂😂😂，舖頭裝修都幾新潮，同朋友坐到唔捨得走，都無人催我哋走👍🏻👍🏻服務一流。二人餐包括：2個泠盤、酸菜魚、紅燒豆腐、兩碗白飯，盛為$228。好多野食😋😋手拍青瓜、雲耳味道酸甜，好爽口，做開胃菜一流😝😝招牌酸菜魚基本上每枱都有一碟酸菜魚，不得不提的是，魚既分量好足，食到底都仲有😋，岩哂我呢個懶鬼，唔鐘意食骨的me 🤓！仲有寛粉係入面，好鐘意食寛粉架我，必吃！紅燒豆腐豆腐份量超足，好有鑊氣，個紅燒汁好味到我食左2碗飯😝😝，入面有青椒、杏鮑菇、腩肉、洋蔥、小白菜，配料好足，下次去一定會再叫呢個二人餐。甜品紅糖糍粑對住澱粉質既我，真係無得say no，呢個甜品食到我大叫！有熔左既紅糖、黃豆粉灑左上面，真係好好味😝，宜家都仲好回味❤️

本身喺灣仔食過另一間分店，今日陪女朋友行完囍帖街,附近有一間食酸菜魚、烤魚。而且佢入邊有一個套餐，非常之抵，2人套價就只需228,有3款餸選擇。以往我哋會食水煮牛肉，今日揀水煮魚小辣前菜食咗涼拌粉皮第二度主菜，鳳梨魚塊。魚塊大大塊，甜酸適中，好開胃配白飯非常適合。魚塊口感唔錯，菠蘿味道可口，青椒清爽入邊地方非常闊落，大部份都係卡位，坐得吹晒舒服，而且有電視可以睇。賣相非常吸睛，配菜有菊花、少量香菜、黃芽白 、酸菜、芽菜、非常清爽嘅萵筍智尊餐廳嘅酸菜魚好大盤，之前食過正常辣，有啲太辣，今次叫小辣。湯頭上面有好多食用菊花、而且有豐富嘅魚片肉。酸菜非常足料，湯頭酸辣香濃，你見到鮮艷嘅黃色。魚肉嫩滑，用嚟配白飯非常之好。入面嘅薯粉好厚身煙靭，吸收咗酸菜魚湯，仲有少量芽菜陪伴。食辣嘢，當然要叫個檸檬可樂、檸檬七喜！冰凍嘅可樂七喜，配辣湯係一流🤪

自上次跟友人吃飯便發現他跟我一樣很喜歡吃酸菜魚，太好了！終於有位同行者。今晚就齊齊去這間打正旗號食酸菜魚的小店試試。店子門口光鮮，內裏整齊企理，環境光猛。地方寬敞闊落，設有多排卡座，亦有長沙發座配二至四人枱，坐得舒適。有多份餐牌，我哋第一時間就睇中二人套餐（$228）包冷盤、主菜、小炒和兩碗白飯，仲要免茶芥和加一服務，真係又超值又豐富！冷盤揀了麻辣水晶粉皮，晶瑩剔透，滑嘟嘟，配上粒粒甘香的芝麻，啖啖麻油香，雖見辣油，但味道唔會太辣，正合我口味，喜歡!一心來吃酸菜魚，必揀智尊金湯酸菜魚（少辣）。嘩嘩嘩! 勁大盆，湯底仲有大量薯粉、大豆芽和紹菜，份量十足。湯味道酸酸辣辣，仲有鮮香味，原來以魚、雞和南瓜等食材熬成，越喝越滋味，好正! 採用生魚，相當白滑鮮嫩，啖啖肉，而薯粉和大豆芽索晒湯，酸辣惹味。麻婆豆腐香辣惹味，豆腐非常滑溜，配埋大量肉碎，最岩用來撈白飯，一流!另加一碟頂湯翡翠苖（$78），半浸上湯中，沒有泛油光，味道清新，翠綠鮮嫩，加了些火腿乾，添些鹹香，有營之選。不知不覺也愛上酸菜魚，它酸酸辣辣的味道令人越食越滋味，越食越上癮，回味無窮！

智尊酸菜魚🌶晚市有個好抵食既2人晚餐👍🏼$228有1冷盤 1主菜 同1小炒 仲有2白飯🍚冷盤（麻辣水晶粉皮 辣🌶）揀左麻辣水晶粉皮，唔算好辣，有埋青瓜絲撈埋一齊，好開胃😀主菜（智尊金湯酸菜魚 辣🌶）當然要揀皇牌既酸菜魚🐟，可以一讚既係個湯唔油！魚既份量都多，但酸辣既味就唔算好出，鍾意食清淡d既朋友會比較鍾意！配菜有薯粉 酸菜同芽菜等等..不過不失小炒（台灣鳳梨魚柳）😋呢個小炒比酸菜魚出色👍🏼有返d安慰🫂每一舊都好脆口 好好食！酸甜比例岩岩好，食到停唔到✌🏼菠蘿都好鮮甜！正👍🏼送白飯一流～P.S.套餐唔包飲品的..另外叫左兩罐可樂🥤整體係覺得幾抵食，因為平時淨食酸菜魚都要佢成個套餐既價錢！平日夜晚時般黎唔算多人 想靜靜地享受晚餐都係一個選擇😃智尊酸菜魚 (灣仔)灣仔機利臣街9A號地舖

Lunchtime 到到都人多又熱 見到有間靚裝唔駛等位就入去 13:00呢啲時間只有10個客都無諗住好快有得食搵個女待應落左單坐左半個鐘都無野食嚟 叫個經理幫手跟跟 佢話我無落過單 而家幫我落返 火都嚟即刻執野走 難怪咁大間鋪 最旺時間可以咁多吉位

今日同朋友行完山，坐小巴落番灣仔食晚餐，行到個人熱熱地 就想食d 涼拌野，咁啱經過見到開裝修幾靚既新開京川菜 就入去試下二人套级＄228冷盤-麻辣水晶粉皮麻辣醬汁麻香濃郁又唔會太辣，粉皮爽滑彈牙 夏日消暑良品精致主菜-智尊金湯酸菜魚（唔辣）份量足夠多 3個人都夠食，魚肉大大件入口滑溜，湯底微微酸辣配上薯粉芽菜仔 配白飯食一流小炒-酸辣土豆絲土豆絲切得好幼身仲好爽口味道，唔算好辣 呢啲熱熱地既日子食幾爽涼拌萵筍絲$48同樣切得好幼身好易入口 ，味道帶少少醋既酸甜味 十分醒胃

勁耐冇食酸菜魚，吾知由幾時開始好多人食，愈黎愈盛行，之前食過幾間酸菜魚，有啲幾好食，系細碗咗啲，當然每間中式餐廳嘅酸菜魚大小都吾一樣。智尊酸菜魚喺克街有分店，印象中之前系試過，原來機利臣街呢家都有新店。京川滬菜都有好多菜式系辣，如果吾想食辣記得事先同職員講。一人套餐同二人套餐都好抵食，二人套餐仲有冷盤、小菜同埋小炒，兩個人食都夠飽。烤魚喺香港少見，呢度都有得食🐟正喎！叫咗個2人套餐，揀咗麻辣水晶粉皮、餐廳招牌酸菜魚同埋鳳梨魚塊，2人份量黎講夠飽了。首先食麻辣水晶粉皮，好似之前成日食嘅薯粉咁，質感滑嘟嘟☺️辣度恰到好處，吾算好辣，啱曬香港人口味。跟住就食鳳梨魚塊，味道好似茶餐廳或者大排檔會食到嘅咕嚕魚塊，甜甜酸酸好開胃，魚塊口感實在，連埋菠蘿食🍍幾滋味。跟住終於到主角酸菜魚，完全冇諗過套餐酸菜魚都大碗到咁😱可以當4人份量！酸菜湯好酸好正😂好大碗湯可以撈埋啲湯做酸菜湯飯。酸菜魚應該系脆肉鯇，魚肉大大件亦好爽脆，索埋酸菜湯好入味。

灣仔智尊酸菜魚呢間舖頭由二月底疫情爆發開始就已經冇開門， 最近終於開返，我就急不及待咁去試下佢嘅lunch。 佢嘅午市套餐有一款主食同埋一款餸。 主食除咗白飯之外，仲有菜飯，薯粉，擔擔麵同上海麵供應，好多選擇 。 主食我要咗擔擔麵， 餸就要咗佢嘅招牌酸菜牛肉。佢嘅酸菜牛肉非常大份，好足料。 除咗酸菜同埋牛肉之外 ，裏面仲有大量嘅芽菜同埋薯粉，份量多到我覺得淨係食餸都可以食飽。 湯底鹹中帶鮮，麻中帶辣。用啲索哂汁既芽菜黎撈麵，正呀。

餐廳：智尊酸菜魚 (灣仔)地址：灣仔機利臣街9A號地舖好耐無食過酸菜魚，同朋友一時興起就咗去灣仔機利臣街呢間智尊酸菜魚食lunch，比佢大約$60-$70嘅午市套餐吸引咗，仲配一款主食，包括白飯、菜飯、上海麵、擔擔麵同紅薯粉🍜，食酸菜魚嚟講呢個價錢都真喺幾抵食😋餐廳以卡位為主，座位同座位之間都幾闊落，坐得幾舒服😌，尤其疫情期間唔洗同人逼埋一張枱就食得更加放心✝️智尊金湯酸菜魚 $68一大碗滿滿嘅酸菜魚望落已經覺得好吸引😋，酸菜、泡辣椒🌶️、香蔥、芝麻，種種香料同配菜令酸菜魚食落開胃又惹味，酸酸辣辣幾過癮😎，所用嘅草魚嫩滑無骨，有十幾二十片，底下仲有唔少嘅芽菜同薯粉，食完都幾飽肚👍✝️智尊辣子雞 $60以紅辣椒、花椒等爆香雞粒🌶️，加上調味就更香脆可口，辣中帶麻，唔會好油膩，亦唔會好厚粉，配飯食一流☺️，不過有啲雞粒就好細舊，唔喺好食到入面啲肉，如果大粒啲食到啖啖肉就最好😆✝️京城皇府紅燒肉 $68超級邪惡嘅紅燒肉，用咗五花腩去整🐷，一份有十幾舊，份量都幾多，加埋餐廳自製嘅汁，咬落紅燒肉相當軟腍，肥膏同筋肉連住唔會鬆散分離，一啖放入口唔單止舊脂肪，就連舊肉都有即溶嘅感覺，絕對可以encore😍✝️蒜泥