暢和號 (翠怡花園) (已結業)

最近都去開大埔做嘢，放lunch 就揀左呢間試下 叫左海南雞，香茅豬扒蝦油撈麵，芝麻蝦多士，炸蝦餅同泰式奶茶上菜都幾快👍🏻海南雞：👍🏻必食 ，雞肉好嫰滑，雞皮應該有冰鎮過，好爽滑 香茅豬扒蝦油撈麵：豬扒好大塊呀😍啖啖肉好正，蝦油撈麵都好滑溜，份量唔少，幾抵食。芝麻蝦多士：小食類嘅必食推介🤤超多芝麻，好香👍🏻而且炸得好脆口，蝦肉位好厚👍🏻好滿足泰式奶茶：茶味夠濃，又夠滑。用黎送炸野真係一流而且價錢都好貼地，我見好多學生黎食，應該學生仲有優惠。整體都幾抵食👍🏻可以一試

平時都覺得大埔好多美食，今次又搵到間好好食既餐廳! 主要係食泰國菜同馬來西亞菜。海南雞油飯雞肉嫩滑，同樣都有3款醬，覺得最好食係配黑醬油。油飯粒粒分明，有少少調味。香茅豬扒配蝦油拌面呢個好有驚喜! 豬扒好大塊，易咬冇筋，好重香茅味，但又唔會食到豬騷味。蝦油拌面第一次食，有少少帶甜，蝦油味好香! 泰式蝦餅出面多數係配泰式辣椒醬，呢到係配一款酸酸辣辣既醬，比較開胃!泰式炒雜菜價錢相宜，先$30，仲有好多款菜，醬汁唔會太咸。泰奶茶味比較濃，好好飲!

今晚入大埔搵朋友食晚飯, 朋友介紹呢間食泰國菜的小店, 呢度出名係食無骨海南雞飯, 都想試下, 睇完餐牌都幾多選擇, 最後決定叫了一個{抵食二人套餐}, 自由配搭, 咩都可以試下又有海南雞可以食.  嘩, 呢個餐不得了, 超級豐富, 我覺得應該係3個人份量, 哈哈!*暢和招牌海南雞半隻配雞油飯海南雞雞肉滑唔會有一層好肥既肥膏痴住啲雞皮, 搭配埋自家製的特製酸辣汁, 幾好味, 店員話酸辣汁可以買走, 仲展示了一個小樽給我看, 可以存放7日, 原來係老闆用左十幾種材料製作而成的, 勁!  雞油飯香味濃! 又係好大碗.*泰式炸蝦餅蝦餅熱騰騰的, 炸至外脆內軟, 配返另一種泰式酸辣汁, 惹味脆口, 呢個好食*香濃喇沙湯麵 (摻摻)喇沙湯麵包含油麵和米粉, 食落不會太辣, 同埋都好大碗, 跟餐其實可以細碗小小, 但店家俾足份量, 我都食唔哂, 哈哈!*秘製芝麻蝦多士蝦多士面頭沾滿多黑白芝麻，邊位炸至酥脆, 蝦膠食落彈牙, 不會很油膩, 呢個小食就係配沙律醬黎食*參巴醬波菜 ~ 普普通通, 反而參巴醬幾特別飲品叫左店家第一位既泰式傳統奶茶(凍), 茶味濃, 好飲蜜糖玫瑰花茶(熱

暢和號係大埔一間好出名嘅海南餐廳🍴晚晚餐廳外邊都會大排長龍😗聽講佢哋嘅海南雞好出色，今次話要嚟試吓係咪真係咁勁先😋🧊招牌海南雞蝦油撈麵 $68海南雞嘅份量幾多，雞肉好嫩滑，煮得啱啱好😍唔生又夠滑！好有雞嘅鮮味😝又冇骨，夠哂啖啖肉！撈麵都幾出色🥹個蝦油有好濃喐嘅香蝦味🦐唔會太濃都唔太淡，麵質又夠彈牙😛不愧係招牌🤍🧊叄巴醬菠菜 $12 （加配）叄巴醬用個細碟仔裝住碟叄巴醬🥰個醬都幾辣🌶️但好惹味，想食幾辣先落幾多叄巴醬😆唔洗怕太辣食唔到😈🧊泰式傳統奶茶 $14 （加配）食東南亞菜唔飲奶茶話硬係差啲咁😎奶茶茶味幾香濃，都幾重茶味但唔會太澀🥰奶味同茶味balance得幾好👍又唔太甜！🧊泰式滷水豬手飯 $74平時都唔係一個太好豬手🐷嘅人，但泰式豬手又唔同講法🤣鍾意呢到嘅泰式豬手好入味同煮到好淋🤩撈飯食一流！聽講呢間啲豬手係限量㗎🤫如果想食嘅朋友仔話要快手啲早啲嚟啦！🤪🧊泰式炸蝦餅 $30 一份有6塊😚份量不過不失，蝦餅🦐係即叫即炸，上到枱仲係熱辣辣㗎🔥點埋個醬酸酸甜甜咁話啱哂啦🥰性價比:9/10好食程度😋:9.5/10回頭指數💓:9/10

知道太和呢頭好多嘢食今日就特登入嚟試呢間餐廳海南雞果然係好出色😆.💎$68 招牌海南雞蝦油撈麵這道菜以招牌海南雞同蝦油為特色撈麵既口感彈牙😍帶有鮮明既海南雞同蝦油既香氣海南雞既鮮嫩肉質同蝦油既濃郁滋味完美融合入口層次好豐富 好好食🤣.💎$101 生炸香茅大豬扒配喇沙以新鮮香茅調味既大豬扒經過炸製後外酥內嫩搭配濃郁既喇沙湯🥳喇沙湯既湯底酸辣開胃同香茅豬扒既香味好夾每一啖都感受到豬肉既鮮美同香茅既獨特風味😋.💎+$30 豆醬炒椰菜苗豆醬既醇香同微辣同椰菜苗既爽脆完美結合椰菜苗保持左佢原本既鮮甜口感🤩同時豆醬既風味令到入口口感更豐富.💎$38 特式蝦多士新鮮既蝦肉經過精心調味後裹上麵包糠每一塊都油炸到金黃酥脆🥰每一啖都充滿左蝦肉既鮮甜同麵包糠既酥脆口感呢個無論係做開胃菜定主菜都好適合😆

早幾日去大埔探朋友🤗佢帶去左依間泰國餐廳🤤兩個人餓餓地叫左個超級豐富嘅「抵食二人套餐」😍，再加多個泰式滷水拼盤，價錢合理👍🏻味道出色👍🏻非常值得推介💪🏻💪🏻💪🏻______________________________暢和招牌海南雞海南雞好正☺️肉質唔錯👍🏻最重要係有雞味😍可以講皮薄滑嫩😁完全無果啲厚厚肥雞皮🤤重點係搭配佢特製嘅酸辣汁😍老闆話用左十幾種材料製成嘅👍🏻👍🏻👍🏻涼拌青瓜個青瓜勁大碟😯完全唔係hea hea頭盤feel🤗食落好清爽開胃😛口感脆爽😁配上微微的酸辣調味🤪全靠佢幫手開胃我地先可以食得哂所有野食🤣泰式炸蝦餅炸蝦餅佢完全唔係用泰式香料堆疊而成(小編最討厭)😌 最緊要係外脆內嫩😍搭配返特製嘅酸辣汁更加增添一份獨特風味😋生炸香茅雞翼雞翼炸到酥脆金黃😍肉質鮮嫩多汁😛有淡淡嘅香茅味👍🏻👍🏻泰式滷水拼盤（單點）滷水拼盤包括有滷蛋、滷肉、滷水豬大腸、滷牛肚絲同埋滷豬耳絲😄每一樣都經過精心滷製😋滷汁非常入味☺️鮮香蝦油撈麵依個撈麵用鮮蝦油炒製而成😋帶有濃郁嘅蝦香味😘而且麵條彈牙😊正香濃喇沙湯麵喇沙湯麵唔算好辣😛充滿左椰奶嘅香甜味道😊搭配魚片和豆腐卜🤪利賓納雜果梳打+茉莉花青檸梳打兩杯特

跟朋友入到新界踩單車，中途站在太和停一停，目的就是吃頓午餐，朋友就推介這一家賣東南亞茶的「暢和號」，他說雖新開不久，卻很有質素，東南亞菜也很合我的心意。 店子不大，屬於街坊小店格局，但地方明亮乾淨，招呼也很不錯，店員禮貌周周。可以以二維碼下單，但亦很歡迎向店員直接下單。 枱上已備有青檸水，但最吸引注目的就是雞公杯，而餐具、牙簽、紙巾就放在枱側。 食物的選擇十分多，有鮮香蝦油撈麵系列、飯類、泰惹味滑蛋咖喱系列、香濃喇沙系列、泰滷湯麵系列、暢和招牌海南雞、小食、特飲及甜品，還有一款抵食二人套餐，看來是十分划算的。 在小食中有好幾款招牌推介，當中我們試了「芝麻蝦多士」（$38），多士沾滿了超多的黑白芝麻，所以，一口咬下去時非常有芝麻香氣，而中間蝦膠亦很厚身，彈牙兼有蝦鮮味，更要欣賞的是入口一點也不油膩，十分好吃。 主食方面， 我們也是將目標放在招牌菜式，先來的是這一道「暢和號招牌海南雞鮮香蝦油撈麵」（$68）， 不愧為招牌，海南雞非常之嫩滑，皮下脂肪極少，又很有雞鮮味，配上三色醬，基本上都沒有挑剔位，此外，那蝦油撈麵非常好吃，香味盡出。 另一道主食是「生炸大香茅豬扒香濃喇沙参參」（$71），

👍🏻生炸香茅大豬扒配蝦油撈麵 $63街坊推介嘅小店！主打泰式粉麵飯，海南雞、咖喱、喇沙等，仲有多款東南亞小食除咗海南雞飯，蝦油撈麵都係招牌之一，聽到唔少客人都嗌，跟機試下😬豬扒厚身大塊，雖然偏瘦但唔乾柴，咬落都有少少肉汁，而且冇拿到腍晒，仍然有肉嘅彈性香茅入味得嚟唔會蓋過豬肉香味，配搭蒜蓉酸汁，不過個人覺得唔點都已經好夠味邊位就比較多肥膏，油脂香更加重🤪蝦油撈麵更為出色，比較少喺平時啲海南雞飯泰式餐廳食到用鮮蝦炸出蝦油，打碎再混入撈麵，可以見到麵入面仲有啲蝦殼碎麵條軟硬適中，油度都可以接受，蝦頭油均勻入味，鮮香突出整體真係幾好食，唔怪得咁多人嗌😌味道：8/10性價比：7/10-👍🏻特色蝦多士 $32呢個幾有驚喜，估唔到呢度有蝦多士而且整得唔錯熱辣辣炸起，面頭沾滿黑白芝麻，多士邊位好酥脆，唔硬又唔會油淋淋/油益味內餡嘅蝦膠少少彈牙起膠唔粉團，呢個價錢都算厚身足料😎味道：8/10性價比：8/10-👍🏻暢和去骨海南雞飯 $68 街坊推介嘅小店！主打泰式粉麵飯，海南雞、咖喱、喇沙等，仲有多款東南亞小食招牌item係去骨海南雞，用嘅係三黃雞雞皮偏腍薄身，反而肉嫩爽滑，無骨啖啖肉，雞味都OK，隱約

放假走到太和搵朋友食飯，黎到「暢和號」品嚐一餐泰國菜點咗個抵食二人套餐 $198==========暢和招牌海南雞半隻份量夠多，雞肉雪白肉質軟嫩；配上甜醬油、酸辣汁及薑蓉夠滋味==========參巴醬菠菜菠菜鮮嫩，配上參巴醬夠惹味==========單拼滷水小食：牛腱滷得入味帶點甜，帶筋牛腱緊緻爽彈==========生炸香茅大大雞扒外皮香脆，雞扒肉厚緊實，油份不高，香茅味道調得剛好，配上酸汁可解膩==========香料雞油飯白米粒粒分明帶淡淡雞油香香濃喇沙湯麵份量充足，湯底濃而不膩充滿椰香及特色喇沙味道==========泰式龍眼茶(凍)揀咗走冰及走甜，龍眼新鮮，份量夠多蜜糖桂花烏龍茶 (熱)啖啖桂花香，甜度低==========椰子冬瓜清雞湯清甜解膩泰式椰汁西米糕甜度不高

🥢暢和號➰➰➰➰➰➰➰➰➰➰➰🔱暢和去骨海南雞$100隻雞睇落都唔錯，識落好嫩滑，點埋啲醬油同薑油好好味，半隻都好大碟👍🔱生炸香茅大豬扒配蝦油撈面$63呢塊豬扒好大塊，醃得好透，炸得好香，佢唔會乾，外脆內軟，豬扒仲好淋，加埋個撈面超飽，個撈面都好正，好似食緊擔擔面一樣，個汁好好味。🔱生炸香茅雞翼配蝦油撈面$58呢個香茅雞翼都係一樣，醃得好透，炸得好香，外脆內軟，咬落仲有汁嘅，非常好食。🔱香料雞油飯$15雞油飯煮得正，香料夠足，呢飯煮到一粒粒，唔會一嚿嚿黐埋一齊，唔使餸都可以食到二碗飯。🔱涼拌青瓜$22清淡爽口，好多蒜蓉，喜歡食酸嘅朋友就啱食，偏酸小小，我自己就鍾意。

今日放假同朋友去食野，見到翠怡有間食海南雞所以入去試😛叫左個海南雞蝦油撈面食味道唔錯有蝦油味😍有碗椰子湯跟清清唔錯，最驚喜係雞真係滑!同埋個酸辣汁勁正下次會再食

招牌泰式海南雞 🐔去骨海南雞飯（雞油飯）暢和號嘅去骨海南雞飯係佢哋嘅招牌菜之一。配雞油飯, 份量都好可以。叄巴醬生菜生菜配叄巴醬，有微辣同香味，食落帶點辣味。呢道菜25蚊，算係抵食之選。甜品- 泰式椰汁西米糕 口感軟綿，椰汁味 有，唔係太甜，甜度岩岩好，滿足我對甜品既愛好。飲品- 泰式粉紅佳人 鐘意粉紅色既我，一定係想飲呢個，呢杯泰式粉紅佳人顏色我喜歡。招牌泰式海南雞 🐔暢和號 (大埔)📍大埔太和路14號翠怡花園B座地下15號舖

叫咗炸雞扒蝦油撈麵，盛惠$63…畀咗六十幾蚊食得嗰幾啖麵，雞扒話係即炸但係又凍又淋！本身食完嘅時候已經覺得無嘢落過肚，食完返到屋企之後已經要即時食其他嘢醫肚！又貴又唔飽都算！最慘重味精！返到屋企飲咗幾杯水個口都仲係乾…大概夜晚6-7pm用膳，到翌日6am條脷仲係好似脱咗水…可想而知啲味精有幾重手！想試嘅朋友自己諗過啦！

今日放假，行經太和果邊就係附近搵野食啦，發覺D度多左好多新食肆，咁見到有間叫暢和號，門面都幾新淨,見入面光光猛猛就入去試下啦，我哋兩個人叫左2個SET加兩個小食,有係海南雞飯，海南雞配蝦油撈麵，滷水拼盤，炸雞翼，仲有個小小既甜品係椰汁西米糕，野飲有泰式龍眼茶，利賓納梳打。海南雞一流，夠滑同淋就必須的，而且又夠雞味，份量都唔少，而且油飯都幾香，冇得彈。驚喜既係蝦油撈麵，非常鮮，又唔太咸，賣相亦相當吸引，個人覺得值得一試再試。拼盤份量相當多，以這個價位來說既價錢真係抵食個拼盤醬酸酸辣辣，非常開胃，而且豬腸非常淋，最後成碟食晒。炸雞翼就新鮮熱辣炸起，size都算大隻，非常香脆！兩杯野飲都非常好飲，甜度適中，又夠冰凍。最後食埋個甜品，比較重椰味，個人比較鐘意！整體黎講，下次會再黎！！亦會推介比朋友仔！！好野唔怕推介！！衰野亦唔好收埋！！

發現開左間新餐廳，雖然食評唔多，但Openrice同Google評分都幾高，所以決定星期五晚試一試😏。當晚6點半前嚟到，成為第一枱客人。餐廳用QR落單，好方便。海南雞飯餐$65+特飲$12食評好多人都推介海南雞，話好味、話份量多，自然抱有期望，但實際份量正常，味道一般😔。雞無腥味，肉質稱唔上滑，口感偏淋、無彈性；最大缺點係無洗乾淨，翼同搥仔除左仲有黑色短雞毛痴住外，仲有黃色老泥😨真係好嘔心🤢。雞油飯味道亦都一般，無牙都食到，而且溫度只屬微暖。生炸巨型香芧豬扒 $38仲以為有幾巨型🤔明明就係普通SIZE豬扒…😑香芧味偏弱，肉質真係好乾好鞋，完全唔掂。鮮香蝦油撈麵 $28蝦味唔濃，偏向淡，麵量唔多，呢個價錢配呢個量同味道可以接受，但點解呢個撈麵一D都唔熱嘅呢?😥全餐最好味係職員額外比我地嘅辣醬，味道似沙嗲，幾惹味。整體食物質素麻麻，唔會再嚟，亦唔推薦。餐廳無加一，只接受現金同八達通付款。