暹羅苑

營業中

休息中

泰正宗船民湯河（豬） Thai Style Boat Noodle (Pork) $60位於北角既泰國餐廳天氣凍凍地最岩食碗湯，暖一暖身河麵超夠熱，食完即刻暖笠笠船河都好豐富，好足料～有好彈牙既魚蛋、腩肉做配料～ 另外，仲有炸豬皮係麵上面，脆卜卜咁令整體口感更豐富👍🏻湯底方面係好濃郁既腩湯（微辣）因此，每一條金邊粉都充滿住濃郁既湯底，好入味重口味人士至愛～食唔到咁濃味，建議可以叫杯熱水沖淡小小湯🤣

呢間係屋企附近嘅泰國菜以前一直都淨係買甜品食芒果糯米飯椰汁西米糕 椰汁千層糕全部都好好食㗎所以今日外賣 都有買椰汁西米糕好香椰汁味西米軟糕好清甜係好有水準嘅甜品$30/盒有4大件然後椰汁千層糕煙煙韌韌 清甜有嚼口都係$30大大盒必吃今日第一次外賣買海南雞飯跟脾午餐$60跟脾加$10包飲品 我要左熱檸水走水即係正檸檬片海南雞肉質嫩滑雞皮爽脆入味仲係全隻雞髀 好食不過啲飯又硬又凍仲好乾好旱 就唔好吃囉加咗$30 一客春卷合格嘅 外皮好脆餡料豐富 泰式肉片炒河無肉片喎 係散修修嘅肉片碎不過鑊氣好好味道配搭都好吸引啲河粉質地好幼滑 又入味好好食嘅大家街坊行過可以試吓抵食嘅 尤其外賣甜品重要一提 呢間餐廳無論老闆 夥計 姨姨 姐姐都非常有禮貌 好親切所以我鍾意囉

第一次幫襯，味道不過不失，冬陰功湯底唔算辣，酸味重。星期二lunch hour ，店外排隊人唔算好多，最多人排既時候都係3、5人排隊，但我同朋友一行3人座底食唔夠30分鐘，就不斷被侍應問食完未，再不斷埋黎抹檯話：「幫幫手、食完未？午飯時間好多人等檯……」 😡！😭返左半日工想食餐安樂茶飯都咁難總結來講，就算味道再好都唔會再幫襯。況且味道也只是一般。午餐$60 /碗麵，北角區應該大把選擇吧

去到健威坊附近，都有唔少食肆選擇，比如話呢間。記得呢間野曾經改名再裝修，不過野食同餐牌就無乜點變，唯一留意到改咗係我食開嘅＂泰式辣肉炒河＂就變咗印尼撈麵。以前食記得河粉底好食啲，因為河粉面大啲，＂索＂多啲汁，而且多啲配菜炒，大大碟好夠食。相反而家轉左印尼撈麵就細碟咗好多，而且有啲格格格不入。另外無變係呢個泰式滷水豬手飯，外觀味道都無乜改，估計兜滷水汁既配方相同。係下午茶嚟講，46蚊連凍飲已經未算實惠，加上碟頭細左而且店內裝修開始老化，真係有啲擔心有少一間。

極道喜愛這個泰式香辣肉碎炒河，河粉是很粗的那種，不是像金邊粉的那種幼身粉 (其實幼身的河粉用來炒真的不好味)，配上辣肉碎，粟米仔和豆等配料，非常惹味，因為是泰國菜，所以是比較辣，但也是香辣的，很開胃，出面很多店鋪炒河粉都好油膩，食左一半已經唔想食，但呢道炒河唔會有呢種感覺，佢炒得不算太油之餘，如外賣的話，他會在盒底鋪上生菜吸走多餘的油，太窩心了。午餐時段，配上凍飲也只是$58，實在是太便宜太好味了。之前都有食過佢的泰式蝦醬炒飯和豬手飯，豬手都好淋好入味，是泰國的那風味，但試過炒河後，其實都不想再吃了，介紹給同事後，他們都很喜歡呢!!

差唔多成年沒有來食了，今日再去食，我都係繼續食呢度嘅豬手飯，味道依然沒有變好好食，夠大碟之餘的豬手飯，依然很有骨膠原的感覺又夠林身，又包嘢飲沒有加一服務。😁😁

生菜包肉碎，起肉碎份量都幾多，炒出黎都幾香，😎😎味道適中，但係肉碎有少少雪藏味，可以落多少少調味料冚咗佢會好啲😥😥😥炸蝦餅🍤🍤，啱啱炸上嚟熱辣辣，好鬆脆，好似每次去食泰國菜都一定會嗌炸蝦餅😋😋😋，味道都幾好，同以往食嘅炸蝦餅味道差唔多，冇咩大分別，份量都幾多，四個人食啱啱好🍻🍻馬拉盞炒椰菜苗🥬🥬🥬，好香，馬拉盞味好出，椰菜苗都好新鮮，味道啱啱好，唔會太鹹😚😚😚🥰

通常與閏蜜慶生，都會選吃泰國菜。今次就選了位於北角的泰式餐廳，感覺也挺闊落。😀三個人吃了六個菜，相當豐富！🤣🐷炭燒豬頸肉豬頸肉燒得很香，肉質也很鮮嫩，配上酸酸辣辣的醬汁，令味道層次提升。🦐泰式大蝦金邊粉也是佳作，酸酸甜甜的大蝦配以金邊粉，再加上花生碎，很搭配，如果份量再多一點點就好！🥬泰式炒通菜味道不過不失，可能偏向喜歡吃菜葉，但它有很多菜莖！🥣冬蔭功蝦湯冬蔭功湯有蕃茄仔、娃娃菜等材料，份量也足夠，比起一般的冬蔭功偏辣。🫔泰式春卷春卷是這裡的佳作，熱辣辣，餡料有冬菇絲、蘿蔔絲、粉絲等等，相當足料，配上甜酸醬，感覺很滋味。🥘泰式炒濕河（豬）有菜、有豬肉、有粟米荀、紅蘿蔔絲，雖然份量挺多，不過覺得味道偏甜，感覺一般。埋單約$500，算是超值的！👍🏻

北角普通平價泰國餐廳🇹🇭 - 暹羅苑～～～～～～～～返工放飯同同事去咗北角lunch，見呢間餐廳幾大間同唔使排隊就決定入去食下泰國菜👌🏼👌🏼價錢唔算貴，選擇都幾多🙌🏻🥡泰式蝦醬炒飯 $56🥡揀咗個午市套餐嘅炒飯，一上菜就見到除咗炒飯上面鋪咗啲蛋絲，隔離仲有一串雞肉串同幾塊腸仔，份量都唔細⛄️⛄️雞肉串烤得幾好唔會柴，腸仔都煎到表皮有脆口嘅感覺，不過整體黎講炒飯除咗白飯以外冇咩其他配料，食得有啲齋🦔同埋炒飯同腸仔都有偏油嘅感覺，要配埋杯檸茶食先至解到膩🙊🙊下次試下炒飯以外既選擇可能會好d🙆🏼‍♀️～～～～～～～～味道😋：6.5/10價錢💰：7/10服務💁🏻‍♂️：6.5/10環境🪑：6.5/10

難得老細請食飯，我地唯有委屈下，去陪食喇，哈哈...老細想試個蟹好耐，所以特登叫左個咖哩蟹，蟹肉鮮甜，個汁先係令我地走上不歸路既罪魁禍首，搞到我忍唔住用來撈飯&炒河，俾同事話我係汁怪如果比較個炒飯&炒河，我地一致認為個飯係正好多﹗而且午市價錢有咁大份，超值﹗仲有老細一個人搞惦晒既木瓜沙律同事十級讚賞個串燒，佢地係用類似5花腩既肉製作，同事話完全展現左泰國街邊既風味終極甜品，我一直以為綠色果舊糕同香港傳統糕點一樣，唔好食﹗係同事游說之下試左舊，好有椰香味，令我對佢改觀左﹗

今年中秋前奶油包一家本來打算幫襯但因為遇上鋪頭小型裝修只好等裝修後再幫襯咁岩星期日中午要出街覓食我哋就決定嚟睇睇裝修後既情況其實係冇咩分別但光猛左好多水吧位置移動左一坐低就見到餐牌上面好多選擇而且價錢都唔貴奶油包一家三口就叫咗三個午餐分別係肉骨茶 海南雞飯同埋泰式牛肉牛丸湯河上菜速度奇快而且食物水準都非常之好肉骨茶嘅藥材味好香而且係好多肉啲肉都好冧 海南雞飯啲雞非常之滑雞皮唔會覺得好油 油飯亦都非常之好食 但係可以再咸多少少呢個泰式牛丸牛肉湯河 簡直係五餅二魚之作食極都食唔完牛丸三粒係嗰啲手打牛丸嘅感覺冇混入豬肉好香嘅牛肉味同好彈牙 啲牛肉係劇多大大片而且唔會覺得好硬身咬落去覺得好好味若每個餐五六十蚊嚟講簡直非常之抵食 而且佢仲有餐飲感覺非常之良好

疫情中，2020-10-07，13:36入座叫好餐，去到14:02分先齊，中途吹左經理幾次，話得得得煮緊，一望入廚房先知錯，想走，但比左錢，事因廚師無帶口罩，慈雲山蘊莎群組冠狀病毒群組咪咁發生囉！疫情下最主要係安全進食，完全無安全意識，入座仲要坐滿，過曬半成！我叫左海南雞加個濕炒河，先講海南雞，完全無雞味，街市買既燒味都好過佢！炒河完全過咸，求其炒碟野出嚟就算。本人第一次食呢間店，間店最叻就係幫人落單，落完單等勁耐都未有得食，台台客都係咁。台面是但抹下又下一位入座。

房內有手指咁大隻既小強屍體， 但經理冇清理照叫客人坐，我們要經過後巷地下好多污水既路先入到去感覺好差。落左單都幾快有野食，但係個炒飯有沙石，咬到我到而家都仲記得個口感，可唔可以做好啲衛生，尤其係疫情之下。講下個蝦醬炒飯係夠味既，但可以再多啲鑊氣，茶餐廳會出色啲，伴碟既香腸好粉，應該係啲好平好劣既貨，成口味精味。個燒豬肉串不過不失啦。呢度真係冇下次丫，第一次黎就咁差既體驗，出而仲要咁多人等外賣，唯有係 openrice 提下大家。

女友no pay leave, 所以我都請假同佢行街，今日同佢坐船過北角，去左北角滙影紫迷樂園，可惜去到先知要做會員裝apps再預約（19號先開始，做會員要裝幾個apps，煩到hihi)咁同佢影左外圍小小野就算，下次再去囉。咁影完就北角行下，覺得肚餓就搵野食，都睇左幾間，女友唔鍾意，行到上黎fitfort附近，佢覺得呢間泰國野好似ok, 就入黎食下tea。我就點左辣肉碎炒河加奶茶，女友就叫叻沙肥牛米線同檸茶。先講肥牛米線，湯濃夠味👍，肥牛唔錯👌，米線幾淋👌。最正係除肥牛外，仲有魚蛋一粒，魚蛋片2塊，蛋半隻，豆卜。感覺抵食又好食，食左大半就交換食，我就連湯都飲哂😂（我鍾意食麵飲埋湯）到肉碎炒河，聞落幾香，食落夠辣同有味，唔會覺得剩係辣。料幾足，不過河粉較碎，用筷子食較煩，要用匙羹食先得🙄🙄。成碟唔錯，100分我會比70分，係覺得如果加埋炒蛋落去會更好，如果加左蛋，起碼80分👍。全單埋左唔洗90，下午茶黎講ok, 食物黎講cp值高，值得黎

暫時未有得去旅行，又好掛住泰國野，所以決定約班朋友去食泰國野，呢間餐廳係七姐妹道，餐廳入面好光猛又寬敞，有好多枱，打開餐牌有好多唔同種類揀，啱曬一大班朋友嚟食。本身都想嗌套餐，但見散嗌嘅食物再啱食啲我地5個人都叫咗7樣野食一開始食個泰式生蝦同炭燒豬頸肉泰式生蝦有6大隻生蝦配蒜片同紅椒再點埋個秘製汁生蝦都幾新鮮餐廳好有心思將蝦頭炸埋可以一齊食，咬落好脆口又有少少膏炭燒豬頸肉份量都算多，豬頸肉燒到個邊有少少焦，好香口同埋切得薄，所以好淋主食有泰式炒金邊粉Pad Thai黃咖哩雞 有咖哩點少得配埋個香油酥餅泰式炒金邊粉Pad Thai金邊粉炒得幾有鑊氣，配料有蛋絲和芽菜外仲有花生粒，想再酸啲可以嘖兩滴青檸汁蝦肉肉質爽甜整體不錯黃咖哩雞個咖哩汁比較稀，雞肉幾滑。入面有洋蔥、青椒、薯仔。有少少辣黃咖哩用嚟送白飯一流香油酥餅唔點咖哩直接食好脆口，佢又唔會整到好油淋淋點咖哩汁都好正，所以有兩種食法小菜有馬拉盞炒通菜、鐵板蠔仔炒蛋馬拉盞炒通菜炒得幾香口，個馬拉盞幾惹味又不會過咸，一上菜就好快食曬鐵板蠔仔炒蛋非常推介鑊氣好夠，蠔餅入口唔腥，而且蛋和蠔的分佈也很平均，幾乎一口可以吃到2-3隻蠔仔又好快掃清