曼谷食堂 (已結業)

服務好周到，店員有禮貌，又積極主動。香港地飲食業好少咁好服務。座位闊落，唔使驚同人迫或者同人坐得太近。裝修簡約，環境整潔，晚飯時間人都唔多，坐得好舒服。仲有音量適中嘅音樂，幾chill。求其嗌左個生菜包，菜洗得乾淨，肉夠辣，香茅夠香，洋蔥夠生，好食又夠曬大份足料。酸酸辣辣好開胃68蚊好合理。主動針水俾我，細心咁問凍定熱，仲有主動比牙籤。呢啲細節位令人食得好舒服。好奇點解咁少人食，覺得整體質素好好，推介。

服務態度勁好。雖然店舖入面好忙碌，只有一個經理同埋兩個女仔。但係唔該前唔該後，好忙，但係都好有笑容同斯文。叫咗個黃咖哩三寶：牛腩牛筋牛脷飯同一杯青檸梳打。牛腩同牛筋都好林好入味。差啲食晒成碗飯。青令梳打係真正嘅泰國梳打，所以用來配咖喱一齊食好美味。離開嘅時候突然間落大雨，買單時經理問我有冇帶遮，我話冇啊，不過緊要我架車喺對面停車場。我出門口嘅時候佢竟然開個櫃攞把遮比我「你攞住我把遮先啦下次俾返我」😳 🥰 嘩超級窩心。雖然我都係拒絕咗佢把遮，因為我真係跑去對面馬路就有把遮啦！ 但係咁嘅服務態度真係好神奇！ 下次喺附近一直在返嚟。

服務態度極差！！！食餐飯買難受好似欠左佢咁！食香葉肉碎飯未食完就問要唔要 想收左佢！！！蛋都仲有半隻未食一擺低筷子諗住飲下野就叫埋單！杯熱飲仲熱到未飲到 就催埋單我同個職員講我杯野都仲係好熱佢黑口黑面！成餐飯食左唔夠十分鐘 我索性埋單走人了隔離台見到我被人催埋單 佢都拿拿聲戴上口罩準備走人食物質素無咩問題 但係絕對食得好唔開心

最近發現公司附近有間泰國小店，港島區來說午食套餐好抵食😋😋 50幾蚊包一杯飲品（凍飲加3蚊）小編揀了冬蔭功濃湯3餸河粉，揀了泰式炸魚餅、炸蟹子龍蝦🦞丸和豆卜，另配一杯泰式凍奶茶🥤湯底不太辣，椰香味重，豆卜似海綿吸收了濃湯，非常惹味😋 奶茶甜道適中，夠滑有茶香味👍🏻而且店員服務態度熱切有善，值得加許🥳

平時經過這間餐廳，總會見到一條人龍，心想必定很好吃，所以今天專程來試試。外賣自取過程十分順利快捷，由落單至拿食物，只需5分鐘。身為海南雞飯控的我，當然點了「無骨海南雞飯」。雞肉嫩滑，份量十足，都有七八件。最出色的竟然是油飯，粒粒分明，香甜美味，覺得比雞肉還美味。然而，這個套餐的精粹原來是這個泰式醬汁，微酸微辣，蘸滿了醬汁的雞肉份外醒胃，一口一口地吃着，不消一會兒便KO了這盒飯。這個套餐68元，包一杯飲品，CP值高，怪不得平時有這麼多人來排隊啦！下次要試試其他菜色！

今天想吃泰國菜，一走進店裡就覺得環境很舒服。店員特別安排兩個人坐在私人台。與其他客人保持一定的距離。我定了二人套餐。中間還想改單，但店員態度很好，沒有覺得麻煩。通菜不夠鮮嫩，海南雞的味道還不錯醬汁很特別。肉碎茄子有泰式風味。泰式奶茶非常好喝泰式紅茶也很正宗。

食物尚可，不過有一位男服務員態度差。因為有港燈膳食卷關係，我連續有兩天在這裡用餐，今天是第二天。我點了海南雞和熱的青寧紅茶，共$75，結帳的時候順利成章給了三張卷（每張$25），豈料男服務員說建議我付2張就可以，又說結帳系統話負左數，聽得我莫名奇妙，我是客人，你餐廳的系統出現了問題與我有什麼關係呢？？他之後很不耐煩很大聲叫我去看他的電腦，我感到他有點奇怪，堅持給三張卷。然後他就大大聲話「你可以走得啦！」我覺得這個男服務員好無禮貌，之前見他工作都落力，對他印象還不錯，點知咁無家教。我下次唔會再去！

晚餐時間係利園附近覓食，無意間發現有間泰國菜，曼谷食堂，見入面裝修新淨，門口餐牌既海南雞幾抵食，於是入去一試。入座後發現原來海南雞已經賣曬，又唔想周圍走，唯有坐定定叫其他野食，點知又有d 驚喜...青木瓜沙律 $42木瓜絲好爽脆，味道酸酸甜甜，好開胃。雖然味道唔夠正宗，比較港式，但勝在唔太辣，同行唔食辣既朋友可以一齊分享，配搭車厘茄，真心正！ 8分燒豬頸肉配泰式辣汁 $55豬頸肉一般，肉質緊實唔會好乾，但唔夠香口，味道基本黎自隔離的泰式辣汁。辣汁唔辣，鹹鹹地，冇過人之處。5分泰式滷水豬手（例）$70豬手滷到好入味，炆得好冧，起曬膠，豬皮最，唔油膩，感覺啖啖膠原放入口。呢道菜跟左個酸辣汁，酸酸地，辣辣地，好過癮！（最後我豬頸肉都沾呢個汁）8分蒜蓉炒椰菜苗 $68份量比一般餐廳多，幾抵食，蒜蓉味香，不過椰菜苗有d 老，7分總體而言（5星滿分）：味道性價比服務環境值得再試！

餐廳寫名11點30分開門我11點29分入到去，染金毛侍應生在食緊午飯好大聲咁鬧我哋：“睇唔睇到個牌呀仲未開門呀！”我即刻呆咗從來未試過咁樣畀人鬧。跟住落嚟基本嘢唔使講1手指插入碗湯2上菜個碟係大大力擺上枱3埋單冇講多謝。其實真心嗰句啲嘢食唔曳價錢都接受到，喺銅鑼灣食到呢個價錢呢種quality都算係咁。但係嗰個染金毛個侍應我真係唔想再畀我見到佢，我唔知佢嗰一係唔開心定係乜嘢，總言之我覺得冇一個客人deserve 咁樣畀人鬧嘅

我今晚要返通宵，透過某外賣平台，於下午4點半為一家五口人，預訂餐點晚上7點15分送抵，落單後收到email確認埋，就爭取時間休息瞓下，到7點瞓醒睇下送餐進度，先見到外賣平台約5點半左右既email通知: 「曼谷食堂 Bangkok Canteen (銅鑼灣) 必須取消你的訂單」，內文並沒有交代原因。Oh！My God！算點先仲係「必須」咁巴閉😠！我明白今日係母親節，又剛減低咗限聚令要求，多番生意好忙，我都理解既，不果真係太忙做5到外賣，咪5好做囉！何妨我咁早落單，打開門做生意，係咪都有預算先！我又有留聯絡電話，有乜苦衷都好，乜都好係咪有責任盡快通知聲先，5通預咗個個客落單後，要下下check住個email，會5會被取消訂單咩！大佬呀！今晚母親節，臨時改出街食又人多又等位，再落外賣單又未必嚟得快，我仲要趕住返工，實在太過份！咁算係乜野服務態度先，乜野生意模式先！🤔😑外出食飯或叫外賣既野，總會有機會遇到唔愉快既經歷，每次我都係算數，咪以後5幫襯囉！今次我真係超嬲，做生意唔係咁既！不由得迫住花時間落呢段劣評，希望提醒大家，記住外賣落單後，要守住個email，費時被「必須取消訂單」都5知，冇得

1️⃣二人小食拼盤$60蝦餅 雞翼 魚餅 春卷：每一樣都炸得啱啱好 同埋唔係好食到雪味 新鮮👍🏻2️⃣曼谷唐人街小虎蝦粉絲煲 $118好 大 煲！唔係講笑 呢度有6-8碗粉絲 仲有 7-8粒蝦同埋豬頸肉！$118黎講係好抵食 野食夠熱同埋分量好足3️⃣蒜蓉炒椰菜苗$68呢碟椰菜苗都係比出面$68一碟的多，好有鑊氣🤤📜Overall：成日話呢排無人出街 生意差 但係曼谷食堂都坐滿7/8成 咁啱我地坐低就已經再黎多台7個人的 service好好 有間唔中fill水 就算2個人黎 都比咗中間share table埋邊的4人位我地 坐得好舒服☺️

這天和朋友仔行完山，來到銅鑼灣呢間曼谷食堂吃個午餐，店內位置頗多，我們點了一人一碗泰國粉吃，上菜速度都幾快。我點的是海鮮冬蔭公濃湯湯河，冬蔭公濃湯少少辣味丶少少酸酸的，入口不錯，海鮮有蝦、青口、魚蛋、墨魚仔，味道幾好呢，配上河粉，頗有泰式風味。小食點了一客炸南乳單骨雞翼，雞翼炸得香脆，南乳味不算太吃得出，但單骨雞翼入口較有口感，美味香脆，甚有驚喜呢～飲品點了一杯凍龍眼冰，龍眼味香濃，冰凍清涼，好味道。唯一是杯子有點怪怪的，比較小的一杯。

銅鑼灣想食泰國菜其實選擇好多，個人比較推薦曼谷食堂，性價比高，地方就腳（喺利園附近），同朋友傾完業務就落樓食dinner，輕鬆暢談兩位女生的事業發展。鹵水豬手金邊粉，個湯好甜好好味！分量剛剛好，不會過份飽。蒜蓉炒椰菜苗，呢個分量超少，完全唔值$64蚊呢個價錢。泰式燒豬頸肉（$50）好入味，豬頸肉咬落有嚼勁唔霉，分量都好合理。老實說，銅鑼灣泰國菜有總統戲院樓上，各大商場內都有唔少價錢中上既選擇，如果想平平地食一餐泰國菜，不妨選擇曼谷食堂啦！有樣搞笑事同大家分享，店員抹檯時，唔知係咪忘記了我地坐緊喺度食飯，抹得好起勁，我地檯上既送猶如經歷地震咁不停抖動，好彩D湯唔係好滿，但就同朋友對視而笑左好耐！希望店員可以留意下啦哈哈！

每個星期都會有一日去銅鑼灣上課，所以會來這邊試試不同的餐廳，這次來到了《曼谷食堂》🇹🇭。我喜歡泰國，也喜歡泰國菜😍。喜歡它的調味總是很豐富。如果自己一個人吃泰國菜，我通常都會點《泰式豬髀飯》，而這次也不例外。豬髀炆得非常鬆軟又入味，有種入口即溶的感覺。豬髀上淋了滷水汁，旁邊也配上了酸辣醬，讓嗜辣之人大快朵頤😋。不過我認為酸菜較普通，那半隻都只是白烚蛋，有點稍為欠缺誠意呢😅。不過總括來說我認為它也滿有曼谷風味，挺好吃的☺️。而且值得一讚的是服務員態度都很好，笑容滿面，細心，也很有禮貌😉 。總是在給我加水，遙紙巾、牙籤之類，很好🤭見到餐牌上也有很多款曼谷街頭常見的海南雞飯、船粉等等，下次還想再來試試其他菜式呢😃！

Lee Garden附近的泰菜小店點了去骨海南雞飯，油飯不油，只有少許油香味。醬汁酸甜，開胃。但作為重點的海南雞，無得輸！先是份量來說，有一隻雞翼、一隻雞腿肉，雞腿肉下面還有數件雞胸。肉質如上圖所示，十分嫩滑，浸雞的溫度和時間控制得剛剛好。即使不沾醬汁，都已夠味👍🏻👍🏻👍🏻👍🏻男友點了滷水鴨飯，原本想像是燒味店的模樣，但上菜時有驚喜完全兩碼子，試吃了一塊，不滑，但很香軟👍🏻另點了飛天通菜，少少辣，惹味。十分翠綠，賣相滿分。甜品：芒果糯米飯，普普通通，飯很熱，個人喜歡凍一點的🙈埋單$240，人均才是$120。 CP值極高！！！！！