影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
平時一向都係食開啲辣嘅米線，今次來到太子呢間曾三仙米綫食返碗唔辣嘅川渝米線！餐廳有提供多款唔辣嘅選擇～✨蕃茄黑豆花牛肉米線黑豆花嘅特別之處就係餐廳自家製嘅，口感好似一舊海綿，一咬落去就有爆汁嘅效果，帶有一種好獨特嘅煙熏香味！牛肩肉比平時嘅更柔軟嫩滑！仲有海量海帶絲同埋木耳絲襯托住啲米線！蕃茄湯底味道天然，酸甜開胃～✨滋補三仙米線三仙即係有齊哂多款嘅招牌配料，個人最鍾意豬肝同肉絲，口感特別嫩滑！而午餐肉、鵪鶉蛋、竹笙、木耳絲、蕃茄、蟲草花同黃花就令到成個米線嘅口感更加多元化！米線偏幼身，掛汁能力高！藥膳湯底清澈，飲落去當歸嘅味道比較突出，有種好滋補嘅感覺～✨糍粑油條香脆嘅油條包住軟糯嘅糍粑，趁熱食，口感超正～✨重慶現炸小酥肉小酥肉新鮮炸起熱辣辣，酥脆可口，點埋辣粉食得更滋味～✨紅糖豆花豆花與別不同，食落去有啲似有濃厚豆乳味嘅布甸，配搭紅糖甜而不膩！仲有桂花杞子做點綴～✨小吊梨湯帶有雪梨嘅自然甜味，仲飲到粒粒雪耳添～✨生椰拿鐵入口順滑，咖啡同椰奶嘅比例剛剛好～
繼續閱讀
最近試了間川渝米線店，短短一餐之間，讓我對「米線」的世界有了全新的認識。相比我平時常吃的雲南米線，這間川渝米線不論在味道、配搭、甚至餐廳格局上，都與別不同。一走入餐廳，那種大陸風格濃厚的裝潢會讓人以為自己身處成都街頭。紅色標語、簡體字、甚至牆上的宣傳語都非常「大陸」，不過食物出品相當有驚喜。餐廳還設有自助配菜區，有醃蘿蔔、芫荽、蔥花等，當中的醃蘿蔔清甜爽口無澀味，記得試下。川渝米線來自四川、重慶一帶，顧名思義，它主打的就是那份地道的「麻辣風味」，更強調麻辣、酸香等味覺衝擊。不過，這間店的湯底選擇多達八款——蕃茄、滋補、雞汁、酸湯、藤椒、泡椒、酸菜、火鍋，無論你是否愛吃辣，都可以找到合適的湯底。配菜選擇多到眼花繚亂，如果不知選什麼配菜好的話，這裡的「三仙」配搭更值得一讚，包括鵪鶉蛋、豬膶、豬肉絲等，再加上木耳、蕃茄、韭菜、竹笙、蟲草花，營養豐富又滿足。其中我們試了：- 🏅滋補三仙米線（$56）：湯底濃郁香甜有輕微當歸味，配料超豐富，半碗都是餸，性價比極高。- 🏅藤椒鮮魚米線（$56）：麻香十足，魚片滑溜，勁有層次。除了主食，這間小食和飲品選擇也非常有誠意：- 🏅涼拌木棉豆腐($22)：超惹味，豆腐索曬味。- 🏅芝士雞扒($30)：店員推介，餐牌未上，外脆內爆汁，芝士流心，小心燙嘴！- 🏅炸腐竹片（+$11）：脆卜卜，可以乾食，也可以放進米線湯中吸汁。- 🏅冰糖山楂凍（+$10）：偏甜，但解膩。- 🏅小吊梨湯（+$10）：清甜潤喉，有雪耳，口感豐富。
繼續閱讀
最近去咗一間同事們推薦嘅米線店，真係一試難忘！佢哋主打米線，仲要係一鍋鍋咁上🍲湯底同配料都超有心思，今次食咗幾款招牌菜～ 🍅蕃茄鮮魚米線（加嫩肉絲）湯底超級鮮甜，蕃茄味濃郁得嚟唔會太酸，鮮魚片嫩滑得嚟完全冇腥味！加咗嫩肉絲之後，口感更加豐富，每一啖都係滿足！ 🐔雞汁三鮮米線（加牛肉丸，黑豆花）雞湯底好濃郁，飲得出係真材實料熬出嚟！牛肉丸彈牙又多汁黑豆花口感滑溜，帶淡淡豆香，同米線好夾！ 🥬酸辣海帶絲酸酸辣辣好開胃！海帶絲爽脆，調味恰到好處，食完米線再食佢，感覺好清爽～ 🐂牛肉餡餅外皮煎得香脆，入面嘅牛肉餡多汁又入味，咬落去仲有少少肉汁爆出嚟，正！ 🥖糍粑油條呢個真係驚喜！外脆內軟嘅油條，蘸上黑芝麻碎糖食落去有啲似甜品，但又唔會太膩，好特別！ 🥤百香茉莉茶果香同花香好夾，酸酸甜甜，飲落好fresh，夏天飲一流！🥤小吊梨湯梨湯清潤，甜度啱啱好，飲完成個人暖笠笠，喉嚨乾最啱。💕性價比高，湯底同配料都用心製作，環境都乾淨舒服，絕對係會再encore嘅餐廳！唔掛得出面咁多人等位🤣如果你都係米線控，一定要試吓！
繼續閱讀
入到去曾三仙米線就聞到陣陣米線香，真係未食都已經流晒口水！😍😍🍽️ 酸菜豬肝米線：呢個真係必點推介！個湯底夠晒酸辣開胃，豬肝又夠滑又冇腥味，配埋索晒湯嘅米線，真係食到lam lam脷！😋 加多個黑豆花，完美！🍽️ 滋補蝦滑米線：蝦滑大大粒又彈牙，食落啖啖肉，啲湯底都好鮮甜，成碗米線勁足料，食完好似個人都滋補晒咁！💪🍽️ 重慶現炸小酥肉：作為小食控，呢個小酥肉真係不能錯過！炸到金黃酥脆！🐷🍽️ 糍粑油條：估唔到米線舖都有呢啲小食！糍粑煙韌軟糯，配埋脆卜卜嘅油條，口感層次超豐富！🍬🍽️ 涼拌海帶絲：酸酸辣辣又爽脆，好開胃㗎！🥢
繼續閱讀
餐廳：曾三仙米綫地點：太子花園街菜式：四川米綫餐牌：超多湯底配唔同配料既米綫，湯底包括番茄、滋補、酸菜、籐椒、酸湯、泡椒、雞湯牛油配料有午餐肉、肥腸、蝦滑、酥肉、腰花、嫩肉絲、豬肝、鮮魚片、全素、黑豆花牛肉。可以加菜。另外都有特色必點、霧都粉麵、小食、甜品、飲品。落單用QR code。肉臊土豆泥拌米線 $40第一次食拌米線，米線底上面加有一半滑溜原味土豆泥，唔少夠味肉臊同少少酸豆角碎。用成個鍋上枱，滑溜米線再加上又滑又綿密土豆泥口感獨特。酸豆角帶少少辣，味道唔錯。酸湯鮮魚片米綫 $56酸湯即係比冬蔭公風味酸少少嘅湯底，有油姜辣、大蒜、番茄、檸檬、山棃做出酸度。個人覺得好特別，真係好似冬蔭公，但係湯底係有好濃厚鮮茄味，食到好多新鮮番茄肉。酸湯除左鮮番茄，仲有韭菜同海帶，口感爽脆。幼身米綫分量足，非常滑溜。鮮魚片有幾片連魚皮，嫩滑鮮甜唔會太薄切。黃金炸手打蝦滑 $35黃金炸手打蝦滑用傳統款式碟上枱，好特別。一客7粒，雖然細細粒，但係炸得外脆內彈牙，同甜酸醬同食更好味。五香腐竹 $20呢款小食係新品上市，一客多片，味道唔錯，唔會太辣或者太鹹，健康好味。糍粑油條 $18糍粑油條係一條脆皮小油條包住拉絲糍粑，灑上黑芝麻更香，味道少少甜，有驢打滾風味！紅糖豆花 $9用印有雙囍嘅碟上枱，係一大件白色豆花，加上桂花碎，杞子三粒同紅糖汁。豆花好似布丁，又滑又香，豆味唔會過火，配紅糖漿食夠嗮甜。小吊梨湯 $10小吊梨湯係加左雪耳嘅梨汁，梨汁清甜潤喉，食到爽口雪耳，口感唔錯，好厚身，而且好養生！獨立密封包裝，仲附上獨立包裝紙飲管。呢度有自助調料吧，包括芫荽、蔥花，仲有酸蘿蔔片比你自己攞。今餐食物好有特色，食物質素唔錯，食完唔覺口渴，感覺天然！餐廳環境好乾淨，冷氣好夠凍，服務員態度友善。#曾三仙米綫#太子花園街#四川米線
繼續閱讀