會所1號 博藝會

營業中

休息中

假日的一盅兩件一定是本人的最愛，能夠和朋友家人好好品嚐精美的靚茶，也能夠討論在這一星期發生的事情，也是最美好的家庭樂了.餐廳晚上是舉行婚宴的地方，因此裝修十分之明亮，在等候位置的地方有個大鋼琴氣派十足，至於在大堂入邊在座位之間的距離比較闊落，也十分之舒適.所有點心也是即叫即蒸的新鮮到十足，蝦餃十分之爽口外皮晶瑩.燒賣，卻是朋友的最愛蟹籽爽口. 蝦滑配上難處理的魚肚也是酒樓必叫之選了.這個原鍋上的銀針粉卻想起兒時的味道，銀針粉條條分明，也有少少爽口的感覺，真是令人回味十足！山竹牛肉及鯪魚球，同樣性價比十分之高.

第一次嚟呢間會所酒樓飲茶，原來呢到地方好大，好闊落，枱與枱之間都有啲距離，座位舒適，餐桌和餐具均乾淨衛生，可能因為是專門進行婚宴的場地，所以環境亦佈置得好靚。麻香蝦多士 - $78麻香蝦多士有4件，好大件，好抵食，炸到金黃色，上面佈滿了芝麻，一口咬下去，好酥脆，內裏的蝦膠亦很彈牙，個人認為這款必點必試。特色脆竹炸腸（名點）特色脆竹炸腸有6大件，豉油另上，可以自己選擇多少豉油，而且不用浸住豉油，滑溜的腸粉皮上，灑上了香口的芝麻，包裹著香脆的油炸鬼，而油炸鬼裏面則藏著豐富的餡料，口感豐富，如果不蘸豉油，蘸些沙律醬吃也超好味。原隻蝦餃皇（特點）蝦餃晶瑩剔透，皮薄餡靚，勁大隻，而且裏面有原隻蝦，難怪稱之為蝦餃皇。懷舊四寶扎（大點）四寶扎的4寶分別是粟米、芋頭、冬菇和滑雞件，冬菇爽口，而且好厚身，好厚肉，最正係個滑雞件，滑嫰啖啖肉。花膠魚翅灌湯餃（位） - $68花膠魚翅灌湯餃，真材實料，要讚，因為真係有堅花膠，同埋魚翅，而且仲有好多瑤柱調味，味道好鮮，不會一味死鹹，正！蟹籽燒賣皇（大點）燒賣大粒飽滿，賣相非常吸引，上面灑上了脹卜卜的蟹籽作點綴，入口口感彈牙，味道一流。班蘭椰汁糕（大點）顏色很漂

Club One 博藝會麻香蝦多士麻香蝦多士麵包部份外脆内軟，上層蝦肉味由豐富芝麻帶出更香口味道。翠玉帶子餃翠玉帶子餃，嫩綠翠玉瓜加上肥美帶子，清爽唔會太油膩。法式焦糖燉蛋法式焦糖燉蛋，滑溜嘅內餡，配上烘烤得金黃香脆焦糖的表面，蛋味突出。香滑薑汁糕香滑薑汁糕熱騰騰。一層層口感香滑，薑味香濃，滋潤養生。鎮店半肥瘦叉燒半肥瘦叉燒，叉燒燶邊，肥膏部分多汁，入口鬆軟。叉燒蜜汁甜甜蜜蜜，令人垂涎三尺。杏汁花膠燉白肺杏汁花膠燉白肺嘅花膠含豐富蛋白質，補充骨膠原。燉白肺滑嫩滋補，暖暖嘅中湯令人份外舒服。

约同一班舊同事聚舊，今天選擇咗黃埔博藝會，位置交通方便，會員平日有七折，星期六，日及假期八折。點咗十多款傳統點心，义燒包，鳳爪，鲜竹卷，燒賣，牛肉等等，味道都係一般，沒有大驚喜，幸好都係熱辣辣送來，而煎堆仔也脆口。另外也叫咗金菇瑶柱炆伊麵，瑶柱蛋白炒飯。而另一款酸菜黃花魚米線，份量十足，大大湯鍋盛起，雖然鱼肉少酸菜多，但湯底味濃。最後一碟黄花魚要讚一讚，雖然細細條，但煎得香噴噴，鱼肉鮮味可口😋總括而言，食物水準一般，但環境舒適，服務唔錯，是一班朋友聚會好選擇。

今日叫咗燒賣、珍珠雞、芋頭酥、一籠鳳爪、一碟油菜，一個山竹牛肉，仲有半份星洲炒米。芋頭酥幾好食，唔係太甜唔係太鹹，珍珠雞都OK、鳳爪幾大碟，望落去都新鮮，油菜都係大大碟，幾好食。山竹牛肉有牛肉嘅鮮味，食落唔錯，燒賣幾好食咬落幾彈牙。星洲炒米炒得好好食，幾有獲氣，有鮮蝦，唔算特別辣，基本上樣樣嘢都幾好食。今日因為係假期有八折，平日就係七折，下午茶就六折，三個人埋單$370。侍應服務態度唔錯，座位距離幾闊落，我哋三個人一張大枱都坐得幾舒服。

朋友結婚擺酒1.服務人員唔願做黑口黑面2.人多影相唔願意搬凳，有個呀姐重發脾氣掉凳（主家即場投訴，個經理出左黎一陣）3.唔願分菜、話自己一個人要分3檯分唔切4.催人食野，話無位放菜5.上漏炒飯重要話無可能，最尾廚房到搵返6.餐具污糟呢間野奉勸大家唔好去擺！失禮人！

今次同家人飲茶，來到黃埔諗住簡單食下點心，但見到龍蝦伊麵做特價，就試下啦！龍蝦🦞伊麵 $288龍蝦爽甜，厚肉，個芡汁剛好掛龍蝦肉同掛麵，唔會太杰👍🏻 鮑魚汁雞粒砂鍋炒飯 $158非常濃郁的鮑汁的味道，熱辣辣香噴噴的炒飯，份量十足！點心係即叫即蒸，我地叫咗牛柏葉、鳳爪、雞扎、豆苗餃全部熱辣辣，係食點心嘅最好溫度👍🏻👍🏻 雞扎個皮有啲硬，可能係唔夠汁，但味道是可以的！仲有叫到芋角，雖然味道正常，但上枱時只係暖暖地，感覺有啲油😅

原本以為Club One 都是擺婚宴的地方，原來不是，也有私人聚會的。今次應邀來到博藝會，包了一個房，擺兩圍，家族聚會。疫情下已很久沒有這樣聚了，難得一聚，長輩們都想食好一點。第一道菜是乳豬，皮非常脆，肉很嫩，基本上沒有肥肉，多食兩塊都不會膩，也不會食到滿口都是油，非常好吃。第二道菜是翅！是真翅，整碗都是翅！人生第一次吃這麼真材實料的翅，只配了上湯，沒有其他濫竽充數的食材，太名貴了吧！再來就是大蝦帶子炒西蘭花。蝦及帶子都非常大粒，彈牙爽口鮮甜，一吃就知是新鮮食材。西蘭花吸了海鮮味乜變得份外美味。蛋白蒸蟹，光看樣子已經非常吸引！蛋白吸收了蟹的鮮味，非常滑溜鮮甜。蟹本身就鮮味十足，十分抵讚。然後是龍蝦伊麵，超級大盤，龍蝦及伊麵份量都超多，根本就不止十人份量吧！龍蝦非常彈牙，伊麵吸了龍蝦汁非常好食。麵質彈牙，不會煮到糊爛，真的非常好吃。每上一道菜都有驚喜，再來是燜龍躉翅。我以為是龍躉加翅！原來是燜龍躉的魚鰭。龍躉的魚皮很彈牙，充滿膠質，魚肉爽口，還有筍，枝竹，火腩等食材，大家都吃得非常滿足。以為燒雞沒什麼特別，但烤到脆皮，也值得一讚。生炒糯米飯十分受長輩歡迎，說口感極佳，是真糯米飯。而且有很

已經食過好幾次，之前用消費卷又送現金卷，所以不停幫襯食完又有食完又有會員仲有會員套餐，飲茶又有折，味道保持水準，份量多，最大好處，上枱全部野食既溫度都好夠熱真係趁熱食既食物更加好食😋。待應主動，服務好夜晚叫4人餐個濃湯翅勁足料，湯夠濃龍蝦肉厚實，非常鮮甜，係條魚蒸到過左小小，有小小鞋。炒飯亦好夠鑊氣。仲送埋甜品，真係抱住個肚走，哈哈😆 早上飲茶我都超鍾意點佢個灌湯餃，湯底好濃。XO炒腸粉同脆麻花都好正

喜歡到博藝會茶聚，交通方便，環境宽敞舒適，攞埋club one會員卡仲有七或八折。點心即叫叫蒸，最愛吃咸水角及蛋散，夠脆口。西施泡飯更不可缺，但今次較失色，飯太少，以為係大碗湯，细看一下只見小量飯在底，店員姐姐話下次落單要聲名加飯便可。折後埋單每位一百，抵呀。😊這裏還提供多個宴會廳作為聚會用途，可容納數十至數百人，菜式可自選，每圍十至十二人上菜，包最细一個廳都係數千元，視乎人數而定，希望疫情快過，又可跟老同學再搞番個聚會。

今次去飲茶尤其剛剛下風球一定好多人擁晒出嚟喜歡有得訂位星期六、日都可以訂點心不錯甜品有驚喜添喜歡星期六日先有嘅特別菜式鮑汁鳳爪-個汁唔錯干蒸牛肉-較少地方有得食擂沙湯丸-好新鮮,軟腍腍,芝麻耷熱辣辣

踏入10月1號，政府正式派第二次消費卷給市民咁開心嘅日子梗係要外出消費下黃埔呢個地方對我嚟講幾方便，放工有船來到又無尖沙咀旺角果啲咁多人今晚揀咁博藝會嘅中菜廳試下呢度好多人擺酒，所以個場佈置得唔錯酒樓都有打卡位, 各位美少女唔使一定要去CAFE, 呢度都可以打卡平日晚市都有一半入座率, 登記入場時都聽到好像多數是熟客即係好野先會再encore啫檯與檯之間唔會好迫, 坐得好舒適添開茶後望下餐牌我知呢度有做會員制, 有d會員套餐都幾抵, 主要有海鮮眼見都幾多人order, 不過我不是會員, 加上怕食唔哂, 所以散叫就夠a la carte menu入面都幾多選擇最後點了3個餸, 而最後都食唔哂要打包第一個頭盤: 脆皮燒腩仔 (例)半肥瘦的腩肉, 皮脆肉嫩, 最正就係咁 不過份量少咗dd, 2個人就啱啱好, 少食多滋味而佢個黃色芥末醬一d都唔刺鼻, 平時燒肉舖果d會很啃, 呢個係食得好舒暢! 上完前菜後, 我地都一度擔心打後2份餸嘅份量會唔會少直至服務生將其餘兩份餸上檯時, 都放下心頭大石, 而且有d意外因為份量都幾多下添喎菜心油泡牛仔肉, 菜心色澤翠綠又唔老, 食落無渣牛仔肉稔身又夠大片,

當然消費券到手,就同朋友食好野,就來到紅磡會所1號~ 博藝會食晚飯。會所1號club one 博藝會裝潢以白色為主,是擺酒好地方,好grand的感覺。..選擇抵食滋味2人澳洲龍蝦餐..先來【姖松茸燉響螺燉湯】這湯好足材料,味濃甘好甜,又能滋潤補身,連餘下湯渣不放過食呢!..【翡翠炒龍躉球】龍躉球非常新鮮,肉質幼滑,鮮味十足,散發著淡淡的魚香,而且炒菜芯有脆的口感,令人回味無窮。..【生燒乳鴿】生燒乳鴿,將乳鴿本身的肉香鎖住,外脆香口肉嫩,肉質厚特嫩細滑。..【上湯開邊澳洲龍蝦伊麵】(每位半隻)大隻龍蝦啖啖肉,肥美肉厚,肉質鮮味爽甜可口兼彈牙,食得出是新鮮的,配上上湯可食到龍蝦原味,在旁有好滑伊麵。..【蛋白杏仁茶】最後來一道是中式甜品蛋白杏仁茶,杏仁芳香撲鼻,可口幼滑,甜度適中。..我們用消費卷消費,就有現金卷,可下次使用,非常抵呢!即消費卷每$100,送給食$100現金卷作日後使用(消費券優惠可能有所更改)

星期五晚7點半入座後，全晚開茶之外已經無服務可言，無論係侍應定係廚房。坐低要問（仲要問2次）先有menu 。問阿姐拎BB highchair 好唔願意，又係問第2次搵第二個侍應阿姐先有。order total 7個餸後係黎左一半餸，就停左出菜無再上菜。等左陣見其他檯客已經追，我地都叫侍應跟跟，然後阿靚姐答： "檯檯都係咁呀" 循例答你就行開左。。。（仲要呢個阿姐落單漏少左一樣架喇！）如是者已經9點3... 追問另一男侍應 (最正常好態度）之後，係轉頭黎多碟蒸扇貝。。。但200%全熟，好夠咬口🤭🙈去到9點半，仍然後無動靜，見只係有2檯有蒸魚出場之外，我地唔等叫埋單。叫埋單hea 你整緊都無人理，叫左4個字後黎左碟魚🤬 痴線，想焗我地叫我地打包拎走！ 本身當係屋企人做節既飯，比佢地搞到咩mood都無哂😞見其他檯係食生日飯，真係被呢間野玩😢(已食落肚）食物：70/100服務：10/100

餐廳環境巳有些老化過時，但也不失為一班朋友聚會飯局的好選擇。食物品質，口味也是大路穩陣菜色，沒有驚喜，但大致上也好食，啱口味。~片皮鴨~鴨肉肥瘦適中，沒有油膩感~原個椰皇燉花膠~湯料足，散發著淡淡椰香~酸菜魚~味道不是太酸，剛剛好， 魚質香滑~肉菘炒飯~飯底乾身，飯粒分明~金銀蛋浸莧菜~蒜頭份量不少 ，最終湯底味道亦都超濃杏仁露~濃濃的杏仁香，不是粉開的，鮮磨杏仁，口感非常香滑提外話:洗手間的衛生認真要改善，感覺老化殘舊，扣了印象分