會景餐廳 (已結業)

尋晚同老公向灣仔搵嘢食, 見到會展 Congress 做緊法國Promotion, 咪試下囉! 點知真係有驚喜, 任食鵝肝 , 新鮮既長腳蟹, 有我老公鐘意食 assorted chesse, 法國鵪春.....佢地仲做緊 wine promotion, 大部份法國酒都抵飲. 想食自助餐, 我諗呢度係唔錯既選擇 , 唔使食黎食去都係個D野囉!另外一讚既就係做我地張枱既 waiter 真係好好禮貌!!!

四哥夫婦平時好少食 buffet,因為我倆唔鍾意行來行去,比較鍾意有人service.但今次去食一食la...海鮮樣樣都好新鮮同鮮甜而甜品多品種都不錯而其他食物就一般la.....但環境就不錯,每張枱有一定距離,枱同枱不會太接近,如果一大斑人可以book一間房都唔錯,服務都不錯其實都抵食,有海景,有海鮮,魚生,甜品,中餐,及西餐.

囝囝三歲生日，當然要選擇好D地方慶祝下，環境好，但食物少，生蠔無、無抄飯/面、白飯要問才有，D熱食好快凍、雪榚無味好差食到有雪粒tim，生果、燒味少種類。得日本魚生、印度薄餅、咖哩汁、沙津、西湯ok

公公生日例必去食自助餐, 今年第三年黎呢度~食過咁多次~對佢既質素其實無咩特別期望….唔清楚今晚個自助餐係咩主題~一入到去, 星期日入座率一半都無…我記得上一次黎座無虛席呢~首先黎一個南瓜忌廉湯~不俗~本來想要一個麵包~最後都係放棄左~魚生要左三文魚同甜蝦~唔知點解0的三文魚切到好厚好大塊….其實我認為魚生薄薄地細細件仲好~咁大塊咁食好漏…一份有三件, 食左兩件都已經唔想食落去~另外拎左既食物有:燒大蝦 - 隻蝦大就真係幾大, 但係無乜味道~我婆婆仲話要點豉油wasabi先夠味….釀蟹蓋 - 呢個就整得唔錯~幾好味…0的蟹肉同蝦膠都幾彈牙~凱撒沙律 - 0的羅馬生菜有少少苦~個沙律醬既味道唔係好夠~不過0的麵包糠就幾香口~可以挽回少少分數~青瓜鮑片卷 - 酸酸地都幾開胃~不過塊鮑片真係好薄, 唔係太食到咩味~焗酥皮芝士蘑菇 - 睇落去以為係酥皮湯~點知裡面係一0的煮溶左既芝士同埋蘑菇…味道唔錯~同埋好在係細細杯, 唔係都幾漏……中湯(南瓜百合薏米排骨湯) - 中西湯都用到南瓜~中湯比西湯出色, 飲得出煲左好耐, 因為每一啖湯都可以飲到濃濃既南瓜味…大約係咁多…..而甜品就…唔係好得~樣

Christmas果幾日係連假,, 我同男朋友會去日本, 所以就提早食Christmas buffet.. 我地揀左大家都未去過既會景餐廳食.. 一入到去已經覺得好有氣氛, d decoration好靚好有心思, 個個waiters都會祝你 Merry Christmas, 一d都唔馬虎架!! 放低左d野之後我地就開始食.. 初初以為Christmas buffet 只會focus係隻火雞, 冇咩其他野食.. 好surprise呢度除左火雞仲有好多好多其他野食!!! 特別係海鮮, 有大蝦, 蟹, 魚, 青口, 蠔.. 真係差唔多你講得出既都有!! 總之就食到我同男朋友都好開心~~ 完全冇後悔揀左黎會景食Christmas buffet..!! 值得推介!!!!

上個月我試左會景既buffet, 呢次係我食咁多次自助餐中最好食既一次, 而且裝修佈置都係最好既一間!! 真係有好多地方值得影一影 post上blog! 呢度既服務簡直係一流，可能係因為人唔多....每個waiter都好主動問你有咩需要.. 野食種類都好多, 有中式,日式,泰式同咖喱等等.. 甜品都唔錯.. 另外我仲揀左坐邊邊位,有無敵大海景睇!! 個海景真係好good,令到 成個atmosphere都好romantic.. 情侶拍拖首選..!!

會展6樓會景餐廳, 這間餐廳的Buffet Dinner一向都好有水準, 從未叫我失望過!! 係我舊曆生日果日,我屋企一行 3 人去左會景餐廳食 buffet dinner, 6.30 準時上到去, 地方好大, 環境都幾舒服, 食物種類都好多, 我地由 6.30 食到成 10.00 先走, 大部份食物都幾好食, 而且有好多款唔同既肉,岩唒爸爸呢個食肉獸! 以我當然就狂食呢度好出名既扒大蝦啦!! 不過dessert既選擇好似唔係太多.. hm...我就覺得呢個價錢食呢 d 食物都算物超所值… 值得一試!!

比比一歲, 食生日餐的地點竟然係自助餐~上次來已是幾個月前了, 今次估不到會係生日會呢...7點來到, 雖星期五但都不太多人,估都係一半滿.海嘯真的殺到埋身了.看看menu, 聖誕要600蚊位, 不知今年會否仍爆棚呢?比比之後才到, 姍姍來遲, 見到我又唔采人, 只攬住阿媽, 一歲的妹釘便是這樣子的了!比比有自己的糊仔, 第一個開餐的係佢; 哼, 咁我都要發炮還擊了!!!!第一砲: 當然係食沙律先啦.有西式的, 火腿, 生菜類等; 但本人都係覺得泰式果d 最好味. 夠新鮮, 也夠辣呢~跟住食了海鮮, 選擇不太多, 有凍蝦, 蟹, 青口, 長腳蟹等. ok 新鮮, 我不太愛海鮮, 只吃了些青口, 一蟹, 及兩隻蝦, 全都係唔霉, 好夠咬口.壽司都係得基本的, 我只食了一碟吞那. 手卷係即整的, 我柯打了個軟殼蟹手卷, 即整的, 勁好味, 未回到位已食完 (此舉係學豬豬女友的!)另外, 有些一碟碟仔的小食類, 都幾fusion, 我不太記得係咩名, 都係放於泰式沙律側的; 印象中, 茄子卷係最好味的, 我都食了兩碟.今晚的roast beef 好正, 食了兩片, 只點少少芥或gravy

前排,我見佢地自助餐有八折,有著數,作為香港人o既我,實唔會執輸啦~~環境: 俾我第一個印象,就係大同海景.食物方面: 都唔差呀~~有刺身,雪場蟹腳,螺,羊肉等,仲有各種海鮮.本人對貝類同羊肉情有獨中,所以狂食螺同羊呀~~哈哈~~佢地每出o既份量都好少,但出得都幾快.服務:都幾好~~總計晒所有食物,景,服務,$400 左右我覺得都合理~~

對上一次黎食已經係4年前今次d人著晒和服加埋好多日式佈置好有日本特色有得坐窗口位好開心有好多野食最好味既係網燒日本和牛&煎大蝦天婦羅ok刺身麻麻甜品真係好差無樣好食食左好多好多野飽到熊仔個肚漲晒

是日有人埋單, 所以就好開心咁去食飯~日式自助餐, 但其實都唔係真係好日式魚生...係新鮮既, 不過就好細...同埋好大路既野和牛...好細塊好薄, 好唔鍾意佢每次俾兩塊仔, 真係好少剪大煆就唔錯...好大隻好肉食甜品...唉~自助餐我最睇就係甜品好唔好食...真係唔得...款又少...又唔好食其他野都係普通差唔多$400一個人...我覺得好唔抵...如果我要自己俾的話我一定唔去呢間

大老細請食飯，做細嘅唔知道食咩。一直跟住喺尾，見佢行去海旁方向，就知道會有好野食了。原來係會景餐廳。大老細果然係大老細，佢話佢成日都唻，我依D小文員就係第一次。地方好大，都幾空下，其實唔訂位都得。格局係西式自助餐，但就「隔晏」加D日本裝飾，變左個著和服嘅洋鬼子，不倫不類。大老細一坐底就分享佢D「經驗」，同我地講應該叫D咩。佢話一個entree都差唔多一舊水，但加多個salad bar同湯都只係130蚊，抵好多。又好似幾有道理喎，但佢係大老細，張單又係佢找，其實冇道理都要跟住做架啦。大老細開始發揮老細本色，滔滔不絕咁解釋佢對政治冇興趣嘅原因，有幾刻衝動想向住佢大聲尖叫「冇興趣你又講?!」，但我依D為半斗米而折腰嘅人一諗到自己戶口嘅處境，當然仲厚顏無恥咁笑住口望住佢。好彩冇幾耐就有個堂皇嘅藉口去避難 -- 攞沙律。沙律個碗好大好鬼死重，但一見到有咁多選擇就開心返晒。老細話大老細係共產黨，所以慶幸自己仲有選擇食咩沙律嘅權利。菜有好多款式（其他配料都係），對於好驚成碟菜都係超級爽脆，啖啖都charp charp聲嘅我唻講係個好消息。加晒自己要嘅野後，會有專人同你加dressing同撈暈佢。沙律

剛由東京返, 又再食日本餐!其實又ok既, 因為自助實有其他菜食嘛.好采場地夠大, 再多人都 accomodate .發現也有不少大陸遊客.日本食品, 今期主打係 A5和牛燒, 日式雪糕甜點等.天婦羅呀, 壽司呀, 冷麵呀, 一樓都有啦.和牛燒其實都好細塊, 半塊打邊爐肥牛咁厚咁大 啦.又幾好味.中餐部及沙律吧保持一貫水準.燒老虎食了四隻, 三隻好新鮮, 一隻不太得, 但未到梅既.咖哩及薄餅正 ! 必食! 雖然六點半已來到, 但想食櫻花雪糕果陣已被人筆晒, 又不會再出, 慘, 唔制!!叮噹包好味, 也幾有心思.85折, ok la.

今日jupas放榜,老公等左19年終於等到做大學生,於是乎決定去食buffet賀一賀佢=]walk in,閒日都full左9成,因此我地被分配響塞外,無咩人留意到o既位-_-都好~俾我地自成一角=P由於本人唔食o既野實在太多,例如生o既野,牛肉,羊肉等等,所以每次食buffet o既選擇都唔係咁多,(亦都注定唔會回到本-_-)而會景對我黎講o既選擇已經算ok多,不過正如樓下各位咁講,都係d行貨野多,例如雞翼,炒飯,燒味呢d飽肚但價廉o既野...大致上味道都還可以唔算太突出而本人唯一回本作係燒大蝦,外皮燒得好香,但食落d肉就無咩味-v-..老公佢呢其實可以算得上回本,根據佢所講,刺身方面首推赤貝,相反活蝦就有d唔新鮮,食落有d梅,而軟殼蟹手卷入面d軟殼蟹少得好可憐點題作a4和牛就無令佢失望,牛肉好嫩,醃料好香完全帶出到牛肉o既鮮味甜品方面以cheese cake居多,而且好多都有酒味,小朋友會唔係咁o岩食.推介豆腐花,好滑好有豆味,雖然係d食到飽死都未回到本既o野..anyway,唔理好醜,食到肚爆先走,呢d就係食buffet o既樂趣

25-4-08 (五) 喜歡這裏的午餐環境，由於又是即興，海景位也滿了。也是吃喜歡的湯及沙律吧自助午餐，沙律菜選擇多，也新鮮，選好了菜和沙律醬可交由廚師處理，他也可提供意見給你。每天有中西湯各一，西湯好像一般，但每次都遇上喜歡的中湯，覺得很有心機處理，不會油，是日忘記了是什麼湯，木瓜瘦肉湯？只記得叫Ｔ飲多幾碗，回家不用煲湯了。另加$30可選主菜，叫了雜錦魚生飯和雞肉親子飯，份量不多，但加上湯及沙律，也很夠了。