月光光

營業中

休息中

沙田上班族的其一難處就是唔知食乜，唔係冇野食，係冇野好食。中、西、日、韓、泰、越真係樣樣都有，但就係樣樣都普普通通，因此大家食野都轉向以平價為主，而非味道，今次午餐又唔知食乜好的情況下，就亂入左酒店樓下的茶餐廳。叫左個菜肉雲吞麵，真係大大份，麵同餸夠哂多，4大粒雲吞，事不宜遲，先食1粒，皮係薄既，餡裡面蝦肉係爽但冇味既，普通啦，加辣椒油食會好食D。再飲一嗒湯，好鹹，同生麵一齊食會平衡點。總括而言，唔係難食，但普普通通啦，求飽肚一定冇問題

今日到屋企樓下放狗，行下行下就想食糖水⋯行經月光光，就想起搬左黎年幾兩年都無幫襯過就膽粗粗買碗外賣叫左碗芒果爆珠珠個碗好大，就咁睇真係好足料咁呢⋯⋯世紀大騙案呀，撩多兩撩，原來淨係得面個幾粒芒果，幾粒涼粉，同啲芒果爆珠及奇亞籽個芒果汁底好冰，好好食，夏天食到真係會好消暑同涼快但個芒果好酸，酸到眼都睜唔開涼粉得5粒，我真係唔知有幾好味啲芒果爆珠幾好食，咬落去卜卜聲，真心不錯但收我$47，啲料得咁少，真心嬲左如果佢俾返足料啲，我會食得開心啲。

坐落沙田圍河畔花園旁邊的麗豪酒店，原來部分沙田屋苑的住客憑住戶證結帳均有優惠，我身為街坊於是便去嘗嘗。原來這是中式、港式餐廳，叉燒飯燒得正好，叉燒微甜脆香，白飯夠軟熟。盅頭飯也不錯，肉和飯的味道融為一體，非常香噴噴。店內顧客不太多，主要都是酒店住客、沙田居民，以及附近威爾斯親王醫院的職員，因此不太嘈吵、環境舒適，方便傾談。麗豪酒店有不少餐廳，此店算是較為便宜，唯一缺點是不接近港鐵站、交通部太方便，但如剛好前往附近辦事，也值得一試。

之前去過麗豪酒店其他餐廳食，諗住試下呢間食早餐，點知中伏。一開頭俾D刀叉全部都未洗乾淨，我唔係指有跡，個D都算啦，佢D刀叉係有食物渣！嘩，老細，你係酒店，唔係茶記呀！叫左過「香江套餐」，個碗番茄火腿通粉凍嘅。我開頭以為自己見識少，酒店早餐都用西式凍湯。望多次個餐牌啦，無講到用凍湯喎。碗粉味道係唔錯，但唔知個廚係特登定係唔記得煲番熱D湯嘅情況之下，我都係放棄左碗通粉。好喇，食完走去櫃檯理單，人影都無過。淨係見到有個執垃圾嘅姐姐响廚房吹水，同埋有個姐姐响出面掃地。叫左幾聲終於有個待應唔知响邊度走出黎問我咩事。老實講句，55蚊唔加一，價錢唔貴。但你揹住酒店個名而做到衰過茶記，咁真係要扣分！

此餐廳的各類食品都很有水平，價錢與可能比翠華或太興多一點，但選擇很多。我很喜歡餐廳的2人套餐和4人套餐，非常適合一家大小開餐。2人套餐為例，有例湯，燒味拼盤2款，菜一碟，小菜一款，白飯及甜品。各小菜都很美味，燒味亦比相鄰的餐廳更好，麵食都不錯，相對粥品較弱。逄星期一至五非公眾假期有特價晚餐，贈送的例湯無味精，單身人仕都適合。假期午餐及晚餐時段常滿。下午茶我推介豬扒包，非常脆口。晚上10時起有很多優惠食品，非常適合夜宵。大部份甜品都很好，傳統的甜品質素較高。

地方夠大同唔錯，waitress 幾好。不過，八個人入去食甜品，只有一個人話佢𠴱個係ok。我個Creme brûlée 同中式蒸蛋加左糖差唔多。有d 人叫左中式嘅糖水都話唔好食。

有肉汁、皮略厚、味精感覺頗強。「墊底嘅薯仔係我食過最難食嘅土魷配料。土魷不過不失。」女友如是說。份量少、料少，但絕無味精，適合病人。紫心蕃薯露外賣，口感極過癮。

點了水餃麵！水餃皮簿，蝦肉夠爽，麵質也算不錯，湯底濃度適宜。整體而言都算中上水準。可惜咖啡是一般港式咖啡，好「嚡」，偏酸，不是可以嘆咖啡的地方。另外人手比較不足，可能是週末關係吧，侍應已經歇盡所能，值得讚賞。

和爸爸二人去試, 酒店會員全年都冇優惠, 只能儲積分, comments如下:-下午茶是每2:30pm至唔知5定6pm.(1) 雲吞麵連飲品($35) - 雲吞麵好掂, 有5大粒雲吞, d麵好彈牙(2) 澳門豬扒飽連飲品($29) - 好似d唔識煮飯的學生整咁, 個飽芯唔軟, 個皮唔脆得黎唔乾, 不如唔好落呢個item好過.(3) 义燒餐包連飲品($29) - 初初叫左隻糯米雞(好細隻), 但黎到發現叮乾及燶左唔要, 而餐包味道above average, 只可惜太細, 而表面冇左層shiny的外表, 好似好唔同.另外, 免費提供的醃白及紅蘿蔔切得太細粒或醃耐左(太酸了), 奶茶好一般, 咖啡唔夠香, 好似飲凍檸茶最好! 服務員不夠留心, 但housekeeping很好, 洗手間但清潔舒適, 不愧是酒店!!

昨晚去左呢度食宵夜, 環境舒服, 食物味道麻麻。木糠布甸賣相好靚, 海鮮喇沙米線好香, 但入口味道唔夠濃。 最大的優點是二十四小時營業。等左好耐先有野食, 原本叫左碟芥蘭, 已經等左好耐, 跟住見到個男侍應拎住碟芥蘭過黎, 點知佢係拎俾遲過我黎叫野食既明星尹先生囉!!!! 然後同我講賣晒, 有冇搞錯!!!!!!

夜晚晚同媽咪去食宵夜見到屋企附近有間24小時GE餐廳,所以就去左啦~我叫左個台灣紅燒牛根麵,媽咪叫左個炸醬麵個炸醬麵暈落去幾香,不過兩樣野食落去都好辣(但係我唔太食到辣)原本想食甜品但係又唔多見有,佢又話夜晚得麵食變左選擇少左!唯有下次試下係下午茶時間去啦,睇下會唔會好D!

已有好一段時間沒有到麗豪酒店地下的"月光光"吃東西。通常若在崇拜之後來個快閃午餐，這裡可說是一個不錯的選擇。雖然食物及服務，對個人而言，是絕對達不到酒店級水平的，但卻勝在夠舒服好坐，若能找到sofa位的話，小朋友更可以安安定定的坐下來看書。小弟兩口子就可有啖好食了....來過多次，都不曾留意原來枱上是有一大樽醋醃蘿蔔及青瓜粒的。用匙羹拿了一些來試，酸甜合道，兩者皆甚爽口，又不差wor...太太少有地叫了柱候牛腩來吃。小弟本身極愛嘗此味，又怎會放棄不偷點來試 ? 肉是夠淰的，但柱候醬味絕對不夠濃，色水看似淡淡，啖落汁絕不夠杰稠，這樣不入味的牛腩，充其量只是極度普通之作....平常來只會吃粥及粉麵的我，忽然想吞碗米飯下肚。餐牌上飯類選擇絕不算多，很錯誤地(實際上是有點"明知山有虎，偏向虎山行的感覺)叫了海南雞飯。湯是味精滿盈的出品，喝了一口便馬上大皺眉頭；雞肉反而覺有點水準，肉不過韌或淰，而且出乎意料的吃得出少許雞味來，蠻不錯呢....醬料有的是十分港式的葱薑茸，未吃已覺不對路了；幸好還有黑掹掹的甜醬油"補飛"，令雞肉仍可吃多一點....那碗飯看上去就有如白飯一般。吃進口只覺有一點點鹹味，

入去試吓, 入去D環境唔錯, 裝修幾雅緻, 開放式廚房. 我哋叫咗雲吞麫, 月光三寶盒, 鹵水拼盤, 仲有D特色飲品. 雲吞麫D麫又爽口又無乜鹼味, 個月光三寶盒有蝦餅, 蝦膠釀青椒同茄子,幾有口感又唔油, 其他食物都好好味, 而且價錢唔貴, 服務速度極慢,環境相當寬敞好坐，位與位之間相當大,最大的優點是二十四小時無休運作，住在附近的街坊可有福了雲吞麴: 勁皂水味 $25

自己選了豐富的海南雞飯餐 (因上一次黎 海南雞是日售罄, 今次一定要試)海南雞飯+雞油娃娃菜+油飯+餐湯 d雞好滑,海南雞飯 果然好好食，尤其是個ginger醬--勞飯得，點雞都得。無得彈!!瑞士雞翼是招牌菜，黑漆漆的瑞士汁 甜甜的好大隻啖啖肉，味道上是不錯的同朋友黎傾下計…好地方!還要順道一提的是店鋪內侍應的服務不錯.40餘元一客套餐已連飲品.唔太貴啦!

唔講都唔知月光光係賣普通麫檔同糖水店的食物...而環境係酒店的確唔錯....牛腩麫.一的皂水味都無...牛腩都林無異味...而個腩汁都好濃蜆介鯪魚球.鯪魚肉魚味都好重....唔似妨間的,無魚味.個皮差的別人炸到脆.佢炸到咬唔開...計食物唔錯.酒店賣的都係貴野..平民化的東西只是半途出家,不可要求太多.