影片
更多
2017-01-07
821 瀏覽
之前去過麗豪酒店其他餐廳食，諗住試下呢間食早餐，點知中伏。一開頭俾D刀叉全部都未洗乾淨，我唔係指有跡，個D都算啦，佢D刀叉係有食物渣！嘩，老細，你係酒店，唔係茶記呀！叫左過「香江套餐」，個碗番茄火腿通粉凍嘅。我開頭以為自己見識少，酒店早餐都用西式凍湯。望多次個餐牌啦，無講到用凍湯喎。碗粉味道係唔錯，但唔知個廚係特登定係唔記得煲番熱D湯嘅情況之下，我都係放棄左碗通粉。好喇，食完走去櫃檯理單，人影都無過。淨係見到有個執垃圾嘅姐姐响廚房吹水，同埋有個姐姐响出面掃地。叫左幾聲終於有個待應唔知响邊度走出黎問我咩事。老實講句，55蚊唔加一，價錢唔貴。但你揹住酒店個名而做到衰過茶記，咁真係要扣分！
一開頭俾D刀叉全部都未洗乾淨，我唔係指有跡，個D都算啦，佢D刀叉係有食物渣！嘩，老細，你係酒店，唔係茶記呀！
叫左過「香江套餐」，個碗番茄火腿通粉凍嘅。我開頭以為自己見識少，酒店早餐都用西式凍湯。望多次個餐牌啦，無講到用凍湯喎。碗粉味道係唔錯，但唔知個廚係特登定係唔記得煲番熱D湯嘅情況之下，我都係放棄左碗通粉。
好喇，食完走去櫃檯理單，人影都無過。淨係見到有個執垃圾嘅姐姐响廚房吹水，同埋有個姐姐响出面掃地。叫左幾聲終於有個待應唔知响邊度走出黎問我咩事。
老實講句，55蚊唔加一，價錢唔貴。但你揹住酒店個名而做到衰過茶記，咁真係要扣分！
張貼