有囍 (已結業)

今天上班格外累，母親大人又沒有煮吃的，我們就去有囍吃吧！茶位8x2點了香片凍奶茶22因太攰了，忍不住率先要了杯少冰的奶茶，茶味十分香，茶味突出，奶味不弱，真是剛剛好，很良心的餐廳，不會叫了少冰還給姐我來半杯。咸魚雞粒豆腐煲88豆腐切成一口粒狀，精緻又斯文，筷子輕易夾得起，真讚！豆腐每面都先煎過，所以口感特別要好，嫩滑又富豆味。煲仔的汁醬點到即止的咸香，去皮雞柳肉多且嫩，獻汁沒有生粉的糊口，口味溫和，調味不過重。有囍海鮮叻沙米粉108早前到過星馬，發現當地正宗的喇沙食材好少，味道不過不失，反而港式口味更美味豐盛。這兒的叻沙份量驚人，真的什麼海鮮也齊全，蜆肉大蝦仁蚵仔銀芽青口大蝦魷魚菜雞旦豆卜等材料豐富得完全蓋過米粉呢！米粉彈牙，很好索椰香的湯汁，湯底不辣，ok惹味，二人分享亦絕對充足。蒜蓉粉絲蒸元貝40隻x3大大隻，上台時好有氣勢，用了多多蒜蓉和粉絲蔥段得清蒸，超鮮味，還貼心的預先去除了內臟，吃時啖啖肉，口感細嫩，調味不過火，蒸得恰度好處，也不油膩，吃得出十分新鮮。懷舊紅豆冰28忘了叫少冰，這杯是正常冰塊份量，紅豆足夠綿化，甜得很適中。凍檸檬西洋菜蜜24加了檸味份外天然，西洋菜蜜的甜又是

今晚跟住在太子的朋友食飯，佢又唔想去咁遠食，所以就黎到這間位於花墟附近的餐廳試試。餐廳跟茶餐廳差不多，有很多不同的小菜可供選擇，而這裡亦有一些套餐可以揀選。看見這裡的二人餐非常抵食，$438有海鮮、雞煲、菜、飯和甜品，所以便點選了一個。籠仔荷葉蒸海鮮，這個蒸海鮮有海蝦、元貝和鮑魚，元貝和鮑魚各有兩隻，元貝用上蒜蓉粉絲蒸，所以非常惹味，而鮑魚就用上陳皮絲，鮑魚爽口彈牙!而海蝦是開邊蒸的，上面還有蒜蓉，都幾惹味!滋味豬肚雞煲，這個雞煲會用gas爐熱住，雞件都幾多，豬肚爽口，整體都幾入味，熱辣辣用黎送飯一流!清炒菜心，雖然是清炒，但是唔會冇味!菜心清甜!瑤柱蛋白炒飯，看上去好似冇味咁，但實際有淡淡的瑤柱，清清地，唔錯!是日甜品是紫薯糖水，雖然糖水有點甜，但好足料，有好多紫蕃薯!由於是平日的關係所以可以慢慢跟朋友在這裡一邊食飯一邊談天，有機會再跟朋友來試試!

兩人拍拖好少會去食小菜,因為通常環境都比較嘈唔適合2人約會, 不過今次行開太子,就搵到一間環境好舒服嘅小菜餐館, 來一個久違嘅中菜晚餐!而家天氣咁熱, 叫左個前菜冷盤, 海蜇青瓜青瓜腌得幾夠味食落酸酸辣辣咁, 好開胃, 海蜇份量比青瓜少,如果可以多返少少就更好XD 因為我地都好鐘意食海蜇!之後叫左2個主菜,咸魚雞粒豆腐煲-本身以為係好多豆腐好少肉的 因為好多時喺外面食嘅豆腐煲都會係配料(蔥蒜)多過主菜, 點知上菜見到原來豆腐同雞肉嘅份量都好多, 豆腐煲個茨有少少辣椒同咸魚味, 好香, 雞肉亦係啖啖肉好滑同爽!配飯食真係一流!另外叫左個火焰菠蘿生炒骨,上菜時見佢係用一個煲裝住D生炒骨同菠蘿辣椒等等, 跟住伙計就同打火機燒一燒, 原來盤底有D火水, 一燒就真係有”火焰”,當然本身碟生炒骨都已經熟左, 但係加埋呢個火焰真係好特別!味道方面亦都好唔錯, 唔似出面嘅生炒骨咁, 只有好多炸炒, 好細舊肉, 呢個食落真係啖啖肉,加上菠蘿同青紅椒份量都好多, 酸酸甜甜真係好適合夏天食!食左一個前菜加2個小菜再配左2碗飯已經好飽,仲有食淨左少少, 因為一碟嘅份量比我地想像中多好多,多D人一齊食都完全唔怕

同朋友喺旺角行完街, 順個便接男人放工食晚飯, 之前路過都想試下"有囍", 今日就同男人黎食。 餐廳座位都好寬闊, 坐得舒服, 而且裝修都好星馬風味。🔸話梅豬手🔸⭐⭐⭐⭐⭐酸酸甜甜既醬汁好送飯, 豬手炆得入味, 肉質夠淋而保持仲有好多膠質😋🔸龍躉頭腩(清蒸)🔸⭐⭐⭐⭐⭐鍾意食魚既我表示滿意, 喜歡龍躉啖啖肉之餘, 夠彈牙膠質。🔸星加坡海南雞🔸⭐⭐⭐⭐店員推介, 係有骨海南雞, 肉質都好嫩滑, 叫咗半隻份量都好大碟。叫咗杯凍檸蜜, 係用不銹鋼杯好冰涼👍

今天媽媽想外出食晚飯，又不想去太遠，就選擇了這間在太子的中菜。到了餐廳才發現餐廳的菜單除了中菜外，還有一些新加坡菜可以選擇。而且餐廳的裝潢頗有心思。首先點了黃金炸魚皮$68- 炸得香脆的魚皮被蛋黃醬包住，十分惹味，有令人食得停不下來的魔力，必點菜式之一。下酒一流，令我們忍不住點了兩支青島。椒鹽鮮魷$108-即叫即炸，炸衣很香脆，魷魚嫩滑。海蝦粉絲煲$138-海蝦新鮮爽口，粉絲份量亦很多。鮑魚雞煲$168-又有鮑魚，雞件份量亦相當多，以這個價錢來說可說是非常便宜，醬汁不會過咸，鮑魚彈牙，雞件夠嫩。蜜椒薯仔牛柳粒$118-比以往食過的多醬汁，薯仔有先炸過，外脆肉軟。啫啫菜煲$88-帶少少辣，很惹味。最期待的就是這個籠仔蒜蓉開邊蝦蒸糯米飯$188，香味十足，糯米飯把蝦味都吸收下來，只需很少的醬汁就能打鮮味提出來。蝦的份量亦不少，值得一試。最後餐廳還會送紫薯糖水做甜品，不得不讚這糖水沒有下太多人工甜味，飲得出濃濃的紫薯甜味。人均$230左右，餐廳調味不會太咸，適合帶家人一起食。

今日同朋友黎到太子搵食, 想搵小菜食下,比門口的藍色門面吸引左, 原來餐廳係太子地鐵站附近, 平時去開花園街多, 冇咩留意到~佢主打特色小菜, 仲有多國菜, 我地就點了幾款特色小菜, 先黎話梅豬手煲, 同平時食開的豬手好唔多, 係酸酸甜甜, 估唔到原來話梅可以同豬手甘夾! 😳😳🐷豬手仲要炆得好淋, 一D都唔肥! 朋友都讚不絕口, 食完一舊又一舊😂😂再黎籠仔蒜蓉開邊蝦蒸糯米飯🦐, 見到好多人推介就試下, 一上菜比個size嚇親, 超大盤, 份量十足!😮一打開蓋, 即刻好大陣蒜香, 我地都係蒜蓉控食岩晒, 唔驚口臭死對方😆飯用荷葉載住，糯米飯墊底，再加滿滿的開邊蝦，好易就剝到殼超方便, 蝦好新鮮, 糯米都好煙韌👍🏻👍🏻超推介,性價比極高, 有d懷疑淨係食呢碟都飽死😆本身以為唔夠食, 仲點左籠仔客家滑雞, 又係超大盤上菜, 真係好癲XD🤣雞好滑嫰又幾入味, 不過略嫌重手左d, 鹹左少少~🔹話梅豬手煲 ($108)🔸籠仔蒜蓉開邊蝦蒸糯米飯 ($188)🔹籠仔客家滑雞 ($98)P.S: 呢到坐位都幾舒服, 另收茶芥$8/位, 再加一, 幾岩一班朋友來食, 仲有蒸海鮮雞煲二人餐, 有選擇困難症的

好耐無一家人出街食飯，今日就去左呢間有囍食中菜。餐廳都算大，有不同既擺設做佈置。一開始就會問你飲咩茶，我地叫左香片之後先再睇下有咩食。由於食物款式眾多，花多眼亂，見到有一個歡聚四人套餐都幾吸引，所以我地就叫左呢個套餐食。佢仲有二人六人同十二人既套餐。個人認為最好食既係燒汁野菌一口牛，配上濃郁嘅燒汁，有黑椒調味，加埋肥美嫩滑既牛肉粒同香滑既菇，簡直一流。之後要提既係燒鍋雲吞雞，個湯雖然偏鹹，但雞味十足，吸收哂雞既精華，雲吞亦都好足料，d蝦好爽口，仲有娃娃菜同菇做配料。至於瑤柱蛋白炒飯都唔錯，蛋白都幾大舊幾滑，飯既鬆軟度都好合適，仲有瑤柱絲同菜框切粒炒埋一齊，感覺健康又好食。然後到星加坡海南雞，佢係第一道黎既餸，賣相唔算吸引，但食落口係嫩滑的，配上三種基本既醬料，可以一試。另外仲有蒜蓉開邊蒸海蝦，蒜味十足，但肉質再鮮啲就更好。最後仲有西蘭花炒龍躉球，肉質同西蘭花都爽口，調味調得唔錯，不過肉質可以滑啲就更好。呢個套餐有是日甜品(紫蕃薯糖水)，仲免茶芥，送啤酒一支同兩罐汽水，但我地唔想飲啤酒，佢可以比我地轉要汽水唔要啤酒。總括黎講有咁多好餸每人都只係二百多啲，係食得過既，服務環境都唔錯，值得一

今日到花墟逛街，行到咁上下又到食飯時間，咁就喺附近揾咗間叫《有囍》嘅小館試吓。食肆面積唔細，裝修風格新穎别緻，多姿多彩得嚟有啲格調，座位都算闊落舒適。睇下餐牌，原來呢度唔止有中式小炒，仲有好多星、馬特色小菜， 咁就啱晒鍾意試新口味嘅我。天口咁熱想食的惹味嘢，先叫個星加坡金沙炸魚皮($68)，大大塊金黄色真係好吸引，入口卜卜脆，又有濃郁嘅牛油同鹹蛋黄香味，真係忍唔住口，食完一塊又一塊。星加坡麥皮蝦 ($198)，睇個名好特別，所以專登叫嚟試吓。原來以入口馬來西亞嘅麥皮，加啲牛油入去炒，做到金黄酥香，配埋炸得香脆入味嘅海蝦，異常滋味。有囍沙薑雞 ($168/半隻)，肉質嫩滑，雞味十足。讚！薑蔥美國桶蠔 ($198)熱辣辣上枱，桶蠔肥美夠juicy，經過爆炒嘅薑蔥吸埋蠔嘅鮮味，超正。歎啲咁惹味嘅小菜，梗係要啤一啤佢，青島 ($28)。呢餐食得好滿足，咁有特色嘅小館，值得再嚟試試。

太子收工餓死我啦今晚想吃中菜兩日子在附近找了「有囍」椒鹽鮮魷⭐️⭐️⭐️⭐️⭐️香口、彈牙好耐無食喎難得老公肯比我點來吃💕💕星加坡海南雞半隻⭐️⭐️⭐️⭐️去咗骨岩晒我懶人食雞雞有雞味好重要亦都好滑💕💕金蒜蒸勝瓜⭐️⭐️⭐️⭐️⭐️超好味！一定要吃份量好大碟但我地都清晒好有心機煮豉油皇煎海蝦⭐️⭐️⭐️⭐️穫你重勁入味送飯一流💕💕凍檸茶個杯勁正飲到尾都係冰凍架😂😂我們都好滿意🤪下次想食魚煲😂

呢日因為工作需要嚟到太子花園街，收工後就同事附近搵地方食飯，呢間《有囍》口貼滿同明星嘅合照，應該唔錯，決定試下。餐廳格局方正，面積唔細，上邊擺有各種裝飾，整體佈置得幾舒服。星加坡麥皮蝦 ($198) - 蝦肉爽甜，蝦殼炸得好香口，配上由馬來西亞進口，炒得香脆鬆化嘅麥皮，既有特色又好食。有囍沙薑雞 ($168/半隻) - 雞肉嫩滑，有雞味，而且食落夠沙薑味，相當唔錯。薑蔥美國桶蠔 ($198) - 十分夠鑊氣，桶蠔口感creamy，味道鮮美。醬汁嘅味道校得好好，連薑蔥都好好味。椒絲腐乳炒通菜 ($66) - 大大碟，通菜時令，加入椒絲腐乳炒已經好好食。白飯 ($12/碗) - 有米香，軟硬度適中。呢度食物味道有水準，坐得舒服，用餐嘅感覺唔錯，相信我哋會再嚟幫襯。

每次逛完花墟都會不期然留意到附近有一家淺藍色的餐廳，外面貼了一些報導和合照，今次終於有機會試試。原來餐廳主打新加坡菜之餘還有不少粵菜，而海鮮類的選擇尤其多，更有一些季節性的推介菜式。除此以外，餐廳還有私房菜，不過需要提前預約。【星加坡金沙炸魚皮 $68】鹹蛋魚皮算得上就新加坡最出色的小食之一，佐酒一流。魚皮炸得很香，外層完全裹上流沙狀的鹹蛋醬，非常足料。剛出爐熱騰騰的時候當然最好吃，但放涼後魚皮也沒有變軟，依然香脆。【椒鹽鮮魷 $108】椒鹽鮮魷看起來比較家常，沒有蒜末蔥花也沒有辣椒粒。黃金的外皮炸得酥脆，上面灑滿椒鹽粉。【蜜椒金薯牛仔粒 $118】蜜椒汁帶甜而微辣，薯仔經過油炸至金黃鬆香。牛仔粒配上三色椒和黑椒的香味，用來伴飯夠惹味。【鮑魚雞煲 $168】雞煲燒熱得吱吱作響，上桌時已經聞到蔥香和醬汁香，雞件配上原隻鮑魚，賣相吸引。雞煲雞件多，而鮑魚也有五隻，性價比高。【海蝦粉絲煲 $138】海蝦爽口彈牙，連蝦殻都沾滿了醬油的香氣。粉絲乾身滑溜，滿滿的一鍋，點了這道菜絕對可以取代主食了。【啫啫芥蘭煲 $88】芥蘭炒得翠綠，而且爽脆內嫩，煲中還有肉鬆和蝦乾，讓芥蘭煲微辣中帶鮮，更加滋味，

啱啱完咗呢個新年嘅假期，同同事放工嚟咗太子，睇吓有咩未食過嘅餐廳可以入去試吓見到呢間餐廳門口都有唔少人排隊，應該都唔會伏等左一陣，我哋終於有位啦入邊雖然多人，但係佢嘅座位都算寬闊，同隔離枱唔會太貼，亦都唔會嘈親對方我哋真係好肚餓，即刻就叫咗個二人燒鍋套餐價錢都係$438，每人200幾蚊就食到咁多菜，都算幾抵坐低冇幾耐，我哋就叫咗一壺普洱茶呢個豬肚辣雞煲，非常之香，聞到真係想即刻食落肚，入口啲味道非常之濃郁,應該有用心炮製你一碟炒西蘭花都唔錯架,用咗馬拉嘅醬汁，要來送個雞煲真係一流呢一度蒜蓉開邊蒸海蝦味道都唔差，蒜蓉味非常香，不過隻蝦就好似細咗少少咁食食吓個雞煲，發現佢嘅豬肚真係好味道食唔停口又肥又厚我哋嘅煮食就係臘味生炒糯米飯，好耐都冇食過糯米飯啦，佢嘅糯米飯炒得都幾香，但佢嘅臘味多番少少就好啦食完之後侍應送咗個紫薯糖水俾我哋食，唔好睇個樣好似藥水咁呀，其實佢入口都有紫薯嘅味道㗎總括嚟講呢間餐廳食物嘅味道都唔錯，價錢亦都唔算好貴，大家行過太子都可以黎試吓

行經太子 經過「有囍」見餐廳外貼滿明星的合照同各報章雜誌既專訪報道就知來頭不小 「有囍」以skyblue為主題 更主打中式料理 見相當吸引 所以就簡咗呢個餐廳做今日既晚餐 首先就先order咗個啫嗜雞煲 以香蒜爆香雞令到個雞相當入味 醬汁調較到啱啱好 唔會偏鹹偏淡 呢點值得一讚 之後再黎都個炸蠔仔 炸得脆又唔會搶走鮮蠔原有既鮮味 所以對呢個炸蠔 我對佢個評價都相當高架 海鮮全盤 係必嗌嘅招牌菜 材料有蝦、硯、仙貝等海鮮 任君選擇 鐘意食海鮮既朋友千奇唔好走寶吖 最後甜品就嗌咗我至愛既紫薯湯水 甜而不膩 飲得岀用真材實料煲 而唔係一味落糖就草草了事 是相當用心的小店唷

與朋友打算到聯合和花園街逛街 所以就到附近先吃飯 7時半到了餐廳點餐 與隔離桌同一時間點餐 但到了8時15分才上頭盤 隔離桌已差不多吃完晚飯 8時25分才上菜 8:40才上炒麵 途中我們已不斷請店員跟進上菜進度 店員都是敷衍了事 其中一位店員態度十分差 並面目可憎稱不要說我沒跟進 已幫你同廚房交待先弄你張單 其實明明可以很快完成的晚餐卻以廚房很忙的理由 差不多一個小時才上菜 但隔離桌卻很快上完菜 還要被超差服務對待 食物質素非常一般 沒有下次

Taste:4/5Service:4/5Environment:3/5有囍餐廳食完真係令人有囍 係空住肚入 捧住個肚走餐廳門口 海鮮煲相當豐富 有蝦、硯、仙貝等海鮮 材料十足 睇圖就知材料多到個籠都就放唔哂咁濟 用材方面亦非常新鮮！值得加分加分！炸蠔餅係必試既招牌菜式 炸得黎又唔會搶奪蠔原有既鮮味 難得難得怕太熱氣 當然要order啲小菜清清腸胃啦 另外小炒通菜都做得唔錯架！夠火口又夠哂入味 正宗酒樓既味道！唔錯唔錯的！