有益甜品

營業中

休息中

初四與初五連唱兩日/晚k，星期五詩班的練習還是要繼續。　前一晚k buffet+生日party玩到太夜，不夠訓又喉頭乾乾的，是幾辛苦；然TM兄相當識做，知道大家辛苦自願提出請食糖水，結果一大班人來了有益。　圖為龍的楊枝甘露，實從來都是我的心頭好，因覺芒果熱氣今晚不沾，改點清涼滋潤的西瓜西米露。西瓜很清甜，西米露大大的一碗沒投訴。　食完，喉嚨的乾涸感消失，整個人舒服不少，還很睏，可以發個好夢了!　謝謝!

上次食完個好好味既木瓜...豆腐花之後，對呢間小小既甜品鋪存有好大期望，所以今次再黎試下其他。今次叫左個芒果冰，用一個好似平時茶餐龐裝雜果賓治個d杯，一杯滿滿既，入面有芒果汁，芒果肉，當然都有冰啦。一飲落去，wa，好正，唔會話猛加糖水令佢好甜好甜，係原汁原味個種，個底仲有芒果肉，唔係細細件，都幾大件，份量仲一d都唔少，超值!!價錢平，味道好食過b仔好多，服務當然都好過佢地啦。

行開附近，肚餓但係又唔想食正餐，決定食甜品醫下肚。入到去阿姐好熱情咁話我知有魚蛋燒賣，但係我只想食甜品，想食糊但係又怕太甜冇咩胃口食，結果點了一個木瓜豆腐花。木瓜有差唔多10塊鋪面，甜甜的，可能我本身鍾意食生果，好好味。豆腐花方面，我覺得落左太多糖水，甜了少許，第一口既感覺好似食緊百福咁......食多幾啖覺得豆味佢有，但係唔太滑，始終鍾情於公和既豆花。hk$13，好抵食，最後俾錢個時老闆收錢，好nice好好笑容。下次再試下其他糖水先

2/6(五)回家之前買碗糖水做飯後甜品先要左蓮子紅豆沙加湯圓($14),外賣+$1紅豆沙煲到起沙,唔太甜,有小小陳皮味,配埋接近入口即溶既蓮子(當然唔夠合成/源記),重有就係皮薄餡靚既芝麻湯圓,湯圓重有4大粒,食完真係好滿足重有,之前食過合桃糊($16)都幾好,又滑又唔太甜不過第1次買外賣個陣,叫亞姐糖水同湯圓分開裝,但亞姐話要再加多1蚊for個外賣盒,但我外賣已經收多左1蚊,咁即係要收多2蚊囉~我覺得有點兒小家姐~不過呢到d糖水真係又大碗又好味又平,不枉我特登轉車黎買~我覺得比同區既佳記/泛后好得多~

唱完choir的夜，第ｎ次來這裡吃糖水。很多糖水都試過了，唯獨沒試豆腐花。因為我的豆腐花benchmark是百福，比它鞋的我一律不接受，所以街邊很少有達標的~　今晚卻心血來潮，就叫一碗木瓜豆腐花試試。木瓜份量不少，夠新鮮又甜，很不錯；想不到豆腐花也很好，口感很滑，不亞百福卻有新鮮的豆香味，配合木瓜非常美味~ $13一碗，換來十分滿分，抵食~

唔係睇左Yan~* o既食評真係唔知有呢間野，同細妹食完酒泉行一陣就黎左呢度，今次係第二次食，叫左：凍木瓜西米露($13)：細妹話木瓜夠甜，椰汁甜度剛好，西米夠多，唔係腍到爛。楊枝金露($16)：一黎試左D芒果茸先，好新鮮，又香甜又多果肉，椰汁夠，兩樣撈埋味道剛剛好，不過西袖粒都係爭D，澀左D，不過都係多汁的。全部糖水都好大碗，足料，服務呢就好難講好唔好，因為食一碗糖水都係15分鐘o既事，同店員又冇咩交流，不過好搞笑，佢每個客都會問一句：要唔要腸粉果D﹖可能冇咩人食掛。

次次去親食野都係１０點幾，所以好多野都冇囉～好冇癮～幾個同事１齊去，同事Ａ叫完野，落單果個人就即刻走左去做同事Ａ叫既果樣野，跟著再返黎，到同事Ｂ叫野，落單果個人又係咁走左去～要叫佢唔好走著，佢先唔走開～好搞笑囉～Ｄ野食一般啦～但Ｄ綠豆沙好稀囉～

講起元朗糖水舖，好多人一定會諗起：佳記(B仔)，或者泛后甜品~ 其實，個人覺得依間有益甜品絕對比以上兩間都好味!　此店位於元朗廣場側，開張都應該有十年lu~ 店小小無乜裝修，唔係好起眼，不過糖水就真係又平又靚~ 由於近住教會我成日都有機會食(幸福!!)，個人特別推介以下糖水：湯圓-可以淨叫($10)，又可以大多數糖水加料食($13-$15)~ 佢唔係小籠包，但真係稱得上皮薄餡靚；好食o既湯圓，一連吞四隻都唔會嫌多~糊-依度o既杏仁糊/合桃糊都唔錯架，香甜滑兼有之~ 唯獨唔推芝麻糊，因為石磨坊/大良八記出品係好食d~紅豆沙-又甜又棉，最愛其中煲到稔一稔o既蓮子同淡淡o既陳皮味~ 次次食都聯想起去飲o既o個煲百年好合~ 豆腐花-個人覺得豆腐花一定要甜先好食，依度夠!而且凍豆花都keep到口感細滑，有d功夫架~　總評：想食gimmick野，去佳記/泛后啦~ 想食一碗平實o既好糖水，我推介依度~