有益甜品

營業中

休息中

同女朋友食完飯，佢話口淡淡想食糖水，想食中式糖水，係腦海裏面就唸到教育路同青山公路幾間啦，但係最後都係選擇左e間有益甜品，因為都算係老字號，品質有保証。好啦！去到啦，望一望個餐牌先。餐牌內容同以前無咩大分別，係價錢唔同左，咁我就點左個合桃糊再加湯丸，而我女友就點左個腰果糊再加豆腐花，咁上菜嘅時間係非常之快，我個合桃糊食落去都好有口感，但係就唔會話好杰好杰，好有合桃味，而湯丸就好好味，雖然個皮就唔係話好薄，但係裏面d芝麻餡料就。好香，正!好，跟住就到我女友個腰果糊再加豆腐花啦，豆腐花係凍嘅，不過呀姐姐都溫馨提示左啦！但係都照叫啦，咁黎到之後發覺真係好多豆腐花，而腰果糊個份量都偏少，無辦法啦！都明白呀！一個碗係咁大就係咁大，無得強求，只係希望下次小d豆腐花，多d糊咁啦！而個腰果糊都好香好滑，豆腐花都係滑呀！堅係有豆味，不過認真，凍嘅豆腐花溝埋d熱嘅腰果糊就真係怪怪地，下次都係剩叫糊算啦！一定會再黎!

間唔中夜晚會想食下糖水，冬天最好就食番碗熱嘅糖水滋潤下。個薑汁撞奶好滑，而且都夠薑味。而個腐竹糖水就裡面嘅腐竹已經煲到溶晒，好正！其實佢個麥米粥同埋木瓜雪耳糖水都唔錯，我多數都係食呢幾樣，下次再試多幾款先。

元朗有好多間甜品店，但出色真係唔多。呢間做中式傳統甜品為主，望落去就普普通通。但食落去都幾真材實料。喳咋，佢呢個喳咋勁足料，d豆又大粒，但煲到淋左，但又唔會溶曬係糖水咩都食唔到。好飲得黎非常有咬口。芒果豆腐花，豆腐花幾有豆香，加埋非常甜嘅芒果，正。

剛剛吃完一頓豐富的午餐，又蠢蠢欲動想吃一點甜，還要是中式糖水。元朗的中式糖水店已買少見少，除了松記，我們只想到有益甜品有益甜品在元朗廣場對面已有十多年歷史，因為都算近我中學。所以我和男友以前也不時會和中學同學來這兒緬懷一番。店內裝潢簡單，門面亦不起眼，如非元朗人，可能很容易錯過。看看餐牌，賣的都是傳統中式糖水，如西米露、芝麻糊、合桃糊、蕃薯糖水和紅豆沙等等，簡單直接，沒有太多花巧，價錢都是$18-25元左右，價錢合理。外賣兩碗糖水。我平時不算特別愛芋頭亦很怕悶，但這芋頭西米露($20)我每次來有益還是會點。芋頭綿甜香糯，西米粒粒晶瑩剔透，沒有過火變到一團糊。因為西米露椰味較重，所以亦深得我心。雖然不算煲夠濃稠，但西米份量很多，真材實料。（我覺得外賣的芋頭份量少很多呢！）另一碗買了我們從未試過的芝麻糊($21)，則較為失望。口感尚算順滑，沒有煮起粒，但質感比較稀身，未有去到理想的濃稠狀，而且芝麻香欠奉，味道寡薄，不太合格。其實有益比上次來好像退步了。但願之後不會只剩下回憶中的味道。

食完飯經過好想食糖水，呢間久唔久都會去食，幾好味架！ 今次男朋友叫左合桃糊加湯圓，我叫左鮮雜果涼粉。男朋友次次都係食呢個，佢話幾好味既，湯圓有3 粒，好大食既佢次次食完都話好飽，哈哈！呢個就係鮮雜果涼粉，佢有D 冰係上邊冰住佢，就佢keep 住都會凍，我覺得呢個幾好，因為糖水係一定要凍先好食架！ 而水果既種類都算多，每樣有一舊咁，D 水果都好甜好味既。今次影埋個餐牌俾你地睇啦！ 呢間野開左好耐架喇，而我就特別支持小店老店既。係佢地對面有一間食粉麵都好好食，係老字號黎，下次介紹俾你地食丫！

今晚去了元朗吃飯，吃完飯之後又想吃甜品，今次唔揀西式,想吃地道中式甜品，又不想去B仔,B仔出名人多又服務差,仲有甜品不是好好吃，一直唔明有咁多市區人要專登入來,甜品店通街都有，我如無必要不會去B仔,俆了B仔之外，元朗仲有邊間,想起幾年前同友人去過有益，有益在元朗好耐時間，今晚又去下有益，有益價錢唔貴,有益不用等位,我入座時候客人不算多，今晚叫咗綠豆喳喳，中式甜品一向不會有花巧設計，味道又一般，份量好足料,我覺得就一般,這裡不會太嘈,服務就一般,環境亦麻麻,衛生麻麻,我見到不少小昆蟲飛來飛去,感覺不太好,整體亦一般,元朗愈來愈多甜品店，主要西式甜品店為主，反而中式較少有新店食物水準綠豆喳喳，我覺得不算太甜,份量幾多，綠豆十分多甜度,並不算太甜服務我覺得幾好 ，我入座之後有店員走來寫野價錢19元,好平呀 ，十分抵吃番吃我較小吃中式甜品，未必再來我覺得有益的確夠平同抵吃,味道好一般,吃完未必想再去

本身行完年宵之後上食糖水去咗B仔點知要等好耐 又心諗貴左又唔足料.. 好多人都係因為命名而來 以前係元朗讀書既我真係唔覺得值得去等 所以去左有益 點知我地11點左右去到都係好多人 但等左2分鐘都冇就有位坐 叫野同食物到都好快 可以話全程冇多於5分鐘我食左凍嘅腐竹白果薏米糖水 薏米好多 腐竹水甜味唔太重剛剛好! 我認為呢個價錢食到咁既質素 真係正!😋 而朋友就食左雜果紫米露, 薑汁撞奶, 腸粉加蘿蔔魚蛋...雜果紫米露 - 生果好大粒好甜 好多紫米 正!!! 100分薑汁撞奶 - 比較遜色 知元朗有地方比較出色 70分咁腸粉加蘿蔔魚蛋呢就冇得講既 因為都係咁既味架姐 蘿蔔甜唔甜係睇季節,所以而家呢個時間就一定係甜啲好味啲 遲下我朋友係外國黎香港玩 我都一定帶佢黎有益食! 希望多啲人入元朗都唔好只係為B仔松記個啲啦! 

泰國菜完後 到元朗廣場逛逛 家姐提議吃甜品 但胃子差啲放不進任何食物 但聽到甜品糖水就接受了提議 到了這有益糖水 點了些傳統的糖水打算中和一下辣味 泰國菜的辣 肚子也發熱了 所以點了止保胃的糖水中和一下下 餐單大多也是傳統的糖水 不過三十蚊 的抗通脹糖水 點了合桃糊加湯圓三粒$23合桃糊加湯圓三粒$23湯圓是芝麻味 我不太好這些甜品只嘗了一小口 家姐說合桃補腦 味道不俗香芋西米露 加湯圓$23二家姐頗愛香芋的 說湯圓不俗 楊芝金露$24芒果打碎的 西米頗多 奶味淡淡的 柚子的味道太苦澀了 不過不算大問題共$70元 不算太貴 

元朗的甜品店有如便利店一樣, 佈滿各條大街小卷, 每當週未, 假期, 各甜品店都紛紛把坐位伸延到街上, 非常熱鬧. 各甜品店都有不同的賣點, 招牌菜, 要吃中式糊類, 一定會到有益甜品, 芝麻糊, 合桃糊及腰果糊是心水推介熱芝麻糊 ($15) 它們的糊類都是自家製, 芝麻糊磨得滑滑的, 吃了整碗也沒有發現一點粒粒. 芝麻味香濃, 沒有坊間芝麻糊的燶味. 正好適合凍冰冰的晚上.蛋黃咸肉糉 ($16) 作為晚餐, 一碗糖水當然不夠, 所以點了一隻飽肚的糉. 這隻糉沒什麼特別, 要讚的是蛋黃是大大, 橙紅色的, 看來是精選貨色它們也有其它甜品如楊枝金露, 生果涼粉等等. 深知不同的甜品店也有它們專門 & 精心炮製的, 所以要吃糊類以外的, 自然會選其它的了.

呢間店在元朗都叫做有歷史的糖水店.賣的是舊式糖水..另有腸粉.魚旦的小食..店員只有2位女仕.我眼見一位伯伯食完無俾錢..2位女仕都過了幾分鍾先知...明顯人手應付不到太多客人....鮮雜果涼粉:20元略嫌生果切得大件.有哈蜜瓜.木瓜.奇異果.芒果.西瓜.香蕉.種類都算多..而且新鮮又不會雪得太凍....上枱前加上少量的奶...只嫌糖水比例多...太甜...20元一碗鮮雜果涼粉是元朗最抵的...

今日與家人去探朋友, 經過 "有益甜品 ", 見天氣悶熱, 就入去試下!無論裝潢, 擺設以至meun, 都係簡簡單單, 好親切,消費更係街坊價, 但質素確唔錯 芝麻糊+豆腐花, 黑白的配搭好完美, 芝麻和豆的香味相互輝映, 好好味! 馬豆糕就好清甜, 質地軟滑, 好新鮮! 芒果冰簡直透心涼, 芒果味夠, 唔會只覺得飲冰水, 都落足料ga!PS 睇食評先知, 咁人讚其湯圓, 下次要試下先

1-5-2010食完海南雞 (http://www.openrice.com/restaurant/commentdetail.htm?commentid=2081239) 有點意猶未盡,「當然」要食點甜嘢 是日想食中式糖水多過心太軟 creme brulee 梳乎里之類的西式甜品, 近近哋嚟到呢度試試.見天氣咁鬼熱, 白果腐竹薏米 (好似 $15) 叫了凍食的, 點知: 腐竹煲得夠稀爛, 豆味亦夠, 不過飲落十分「笠口」; 而白果就唔知點解「粉腸」一樣的粉感 , 同平日食開的軟軟韌韌好唔同, 有點打冷震; 薏米亦嚡口又硬硬的, 總之凍食就唔好食啦. 都怪自己白痴, 下次還是死捱天氣熱好了.朋友的楊枝甘露 (好似 $18) 就好好多, 不過賣相及味道都似「芒果西米露加柚子」多 d, 椰汁味好重, 唔算好喜歡.每人放低 10 幾蚊, 唔太滿意, 不過已經好飽, 唔食第 3 場了, 其他店還是下次入大西北先試吧.

之前那餐還未完全消化, 又蠢蠢欲動想吃甜品。 本打算去甜夢舍一嚐心太軟, 但在鳳琴街轉了多個圈仍找不到, 只好轉戰到同樣感興趣的有益。店子面積不大, 室內只有三幾張圓檯, 這天不太熱有陣陣涼風, 坐外面較為舒適。 之前看過食評, 得知糊類較多人推介, 所以又點來試試。 腰果糊加湯圓$19: 剩腰果糊則$14, 最近吃得最多的糖水都算是這款了。端來時看見有煙, 但食下去發覺只是暖暖的, 已在心中扣了少許分數, 腰果味不夠突出, 只吃到有很香的果仁味, 還以為店員搞錯, 拿來合桃糊呢! 質感夠幼滑,不會漿住喉嚨, 不過甜, 見到有一粒粒的物體, 似是落獻時不均勻, 大大影響了口感。另加的湯圓有三粒, 粒粒都很飽滿挺身, 皮不是超薄那種, 吃得出是人手搓製的, 皮很滑身, 煙韌得來不黏牙, 芝麻餡做得不錯, 有芝麻粒粒的口感又有油香, 少許流質的狀態。 馳名薑汁燉奶(凍)$14: 另可選擇熱的, 賣相看起來無大問題, 面頭有層薄薄的衣, 可是嚐過後卻發現質感太杰身, 感覺到似吃糊仔, 奶味很濃, 亦吃到薑味, 但太甜, 可算是難吃, 吃了幾口就要放棄了。過往吃糖水極其量都是不好吃, 難吃就很

行街行到肚仔餓,眼前出現這間糖水店,雖然名就娘d…但為了醫肚,沒所謂啦!哈哈!芝麻糊+芝麻湯圓,頭髮即變烏黑!分開來說,芝麻糊真極度好吃,又濃又滑又香,質感超厚!!!!!一定係自家製啦!勁鍾意!!!!而芝麻湯圓,入面既芝麻奇香,比芝麻糊更香,而且都一定係自家製,點解?因為個皮都真係幾厚下,但好煙韌,口感好Q!哈哈,幾粒就好似食左一碗粉咁飽肚!!$1x抵到爛呀!估唔到誤打誤撞都遇到好野!緣份一到真係無辦法XD

今次選了凍綠豆西米露, 因雙併所以要$14, 不過好大碗下, 綠豆有海帶, 煲到起沙, 好夠淋, 好足料, 配合椰汁西米, 比較清新, 無咁漏, 而且多了份椰汁的香味, 個人覺得這個配搭幾好, 大家不妨試試.