有錢佬靚粥 (已結業)

星期天的早上，一個人，踏上捉精靈的電車之旅。天，下著微雨。先去東大街搵食，被這間以紫色為主的小店吸引了。眼見這間小店選擇繁多，有粥品和小食，且設有堂食，就走了進去。 除了白粥，小店還有九款繞富創意且健康的鹹甜粥，如紅白米粥、南瓜芋頭粥、黃色紫色蕃薯粥、泡菜牛柳粥、三式豬肉粥、鮑魚滑雞粥、牛肉粟米粥、海鮮粥，以及大混合粥。每款粥品的取名，也挺有意思的﹗最重要，是定價不高。 另一張餐單，列有八款佐粥小菜，以及八款開胃小食，讓客人，自行拼湊一碗自己喜歡的粥品。 想了好一會兒，小妹有了決定。粥品，捨年輕女店主推介的健康多纖甜美的蕃薯或南瓜粥而不要，要了鮑您滿足。畢竟，來自蕃薯的故鄉，吃了數十載蕃薯粥，小妹，出街會盡量避開蕃薯的﹗佐粥小菜，每款也不過是$4至$6，挺實惠的。小妹選了脆炸魚皮、紫菜肉鬆、台式脆瓜和雪花皮蛋。 稍等片刻，粥品，熱騰騰地，以傳統懷舊的瓦煲奉客，配上四款佐粥小菜，五十大元的一餐，足以拼湊出一幅美妙的構圖，足以教小妹心花怒了大半天﹗ 鮑您滿足$29，以原隻迷你汁煮鮑魚、滑雞與花菇熬煮，調味恰到好處，不會過份死鹹。粥底，是小妹家中常吃的軟綿質感，與坊間廣東粥的

Who says we couldnt have congee under this weather😎 the neighbourhood loves coming for takeaways and the portion is fairly generous esp this classic “Bronze Age” that they include ingredients that you cannot count.They also serve a wide range of sweet and savoury congee, prices vary from $20 to $40 only! My favourite was the one with Jeju Oysters and minced pork. It's actually a very good deal as they don't only serve traditional congees but with Korean style or even morning oatmeal style with a

醉翁亭（$33)今次試既呢間係位於筲箕灣東大街既平民小店”有錢佬靚粥” ☺️ 小店雖然格局雖小，但卻五臟俱全，有咸粥、甜粥、糖水同各款佐粥小食。今次我就揀左個醉雞粥食下，粥用瓦煲盛住，仲有少少滾滾地，未食都覺得幾正😎 醉雞粥粥底綿密，雞同酒味都好香，雞件亦好嫩滑，幾好食。另外小食叫左蘿蔔糕、芋頭餅、粟米蝦餅同煎韭菜餃等等，每款都係幾蚊，好抵食，味道都唔錯。整體黎講，小店食物質素不俗，以平民價錢食到唔錯既粥品，更重要既係，喺呢度我見到既濃濃既人情味同用心製作食物既心，同所謂大集團連鎖式既食店相比真係好得多，值得支持👍🏻

位於筲箕灣東大街的有錢佬靚粥是一間粥品小食店。雖然座位不多，但賣既係用心製作的粥品和點心小食店主用心地將圖文並茂的餐牌張貼於店內外每個位置，食物都幾多款式且價格相宜點左個招牌有錢佬靚粥粥底濃稠度適中，味道不錯，唔會話太淡或大鹹，食得出係無加味精，係天然既鮮味！滿滿的材料分別有豬骨、瑤柱、鹹蛋、魚片、皮蛋等等，我另加左紫菜肉鬆同台灣脆瓜黎佐粥食，好match啊！另外再點左香煎豬肉韭菜餃外皮煎得好香脆，內裡的韭菜肉餡好香口魚蓉燒賣+蒸潮洲粉果不像坊間的的'麵粉燒賣'，這個燒賣有彈性且有魚肉香。潮洲粉果味道不錯，外皮煙韌蒸羅白糕是厚切的啊，蒸既做法比較清淡，係清甜的羅白糕味，好食！黃金鮮蝦餅爽口彈牙，內裡有很多粟米，很有口感香煎芋頭餅&蓮藕餅蓮藕餅既蓮藕比例好高啊 外皮煎得微脆。芋頭餅既芋頭粉粉糯糯的，好好食啊喺筲箕灣附近嘅朋友要來品嚐同支持下小店喔

在我印象中的筲萁灣 東大街 有琳瑯滿目的食店， 每逢星期五、六也頗有人氣。 今晚襯早放工， 和朋友過來行個圈睇下有乜特別餐廳。 行左大半條街只見到呂仔記兩間麵包店、便利店、糖水店和好多茶記。反而行到轉角位見到一間舖仔都幾搶眼, 因為相片同餐牌貼到成間舖都係, 眼到人眼都花。 大熱天時本來十萬個不願意食粥，不過見到店主咁有熱誠介紹食物, 攪到我地都唔好意思 。內面坐位得幾個, 好彩裡面都有微微的冷氣吹到，可能外賣會食得舒服啲。 睇完一輪之後, 點了二款粥及蘿蔔糕第一款先上枱是健康之選 $25 它以兩種不同顏色蕃薯煮成粥, 幾有創意, 但好唔好食要試過至知。 首先紫色已經好吸精, 色澤是絕天然, 無添加。 睇真啲油都唔多滴,粥底不太黏稠, 蕃薯帶出天然甜味同時嚐到微微的薑味, 味道相當有趣, 甜味為主道，我就當佢係蕃薯糖水咁食，健康又美味,推薦! 無理由唔試 沙窩 $33即點即煮, 上枱時粥仲滾到卜卜跳, 加埋三十幾度高溫都幾係野。。。。有錢佬原來係食呢啲, 材料有 以皮蛋煮粥, 皮蛋可以令煮出來的粥底也更加稠和綿滑, 令人相當飽肚。咸味到位, 材料豐富, 不過覺得魚片粒有點格

細個婆婆日日煮瘦肉粥我食，大個咗就好怕食啲無味粥。琴晚去完沙灘想話輕食，就食下特別粥去降降火喇。呢個粥舖啲料真係岀神入化得嚟，又好好食。好彩多人一齊食，叫到好多款嚟試。佢啲名好鬼新奇，我地叫個幾款就咁睇名未必會知係食乜😆真材實料呀啲粥，本以為咪又係潮州蠔仔粥咁款，點知隻蠔仲大過我個嘴。其實我真心已經掛住兩個冷麵，好開胃同好醒神，涼浸浸好正呀痴線！ 

今日又走到去筲箕灣東大街踩踩場😁😁，嚟一個筲箕灣之Sunday Brunch🍴。究竟去食咩？登~登~登~登…就係嚟咗“有錢佬靚粥”食粥呀～😆😆你哋梗係話我痴咗線，冇病冇痛，好地地， 大熱天時成30度嚟食粥。。。。😲😲😲哈哈~大家真係有所不知，咩叫想食就食，無論天氣好與壞，熱定凍都要食野填飽肚架啦～加上小店名為“有錢佬”我呢位新貴族一定要嚟幫襯啦～其實小店不單只有粥，粥都好有特色，有咸有甜，還有冷麵同其他小食架😉😉。好囉～我同另一位新貴族都已經諗好食咩喇~.我就食“ 紫醉金迷粥”＄25(新價錢)你睇成碗粥連碗同餐具都係紫色架💜💜💜，好靚啊～紫薯控或紫色控一定大愛😍😍 。而我呢只顧欣賞食物，不求外表🤣🤣，WOW~真係好好食，入口甜甜地，似食緊蕃薯糖水，但又唔係糖水，因為有白米粥打底，不太甜，紫薯同蕃薯都帶出天然嘅甜香，仲食到有薑絲呀，我估計應該冇味精嘅，因為食完一點都不口渴。而另一位新貴族食咗“ 冷辣辣麵”＄28麵底係農心辛辣麵， 鋪滿了青瓜絲,蟹子及蟹柳絲，當混合來一起食，感到清新中帶點辛辣，辣味還停留在舌頭上一段短暫時間，相當新奇過癮。小食方面呢， 蒸魚蓉燒賣 ＄8/5粒，＄2/粒，我

筲箕灣東大街向來是搵食嘅好地方，由小食、正餐，以至甜品，應有盡有。上次同老公兩個去咗「八沢」食招牌拉麵，趁今日假期，不用上班，就一於去東大街走番轉，而今次嘅目標就係位於東大街同杜雲里交界嘅呢間「有錢佬靚粥」。其實嚟之前有睇過網上食評，知道店子嘅粥品真材實料，而且除咗傳統粥外，仲有好幾款五顏六色嘅粥品供應，例如呈浪漫紫色嘅紫心番薯粥、金黃色嘅南瓜芋頭粥、鮮橙色嘅泡菜牛柳粒粥等，甚具創意，所以一直想找個機會來一探究竟。小店地方不大，以外賣為主，舖面十分簡單，不過亦設有幾個堂食座位。牆身上貼有餐牌，粥品選擇非常豐富，約有 14 款，定價由 $10 到 $36 不等，價錢貼地，另外亦有多款佐粥小菜同開胃小食可供選擇。如果唔想食粥嘅話，其實店子亦有幾款夏日冷麵、豆漿粢飯同冰碗甜品等可供選擇。粥品嘅款式真係非常多，其實款款都好想試，心大心細，最後揀咗鮑您滿足同犢舞京華。鮑您滿足 ($29)  以瓦鍋盛上，大大煲，分量十足，內含原隻汁煮鮑魚、滑雞同花菇，上桌時仍滾熱辣，米氣四溢。粥底綿而滑，入口帶米香，鮑魚雖然唔算大隻，但食落腍滑不韌，加埋雞肉同冬菇，十分足料，以咁嘅價錢，絕對抵食。至於另一碗犢舞京

Since my last visit, I have always wanted to go back.Finally had a few places to visit in SKW so went here as well to get my treats.When I got there, it was great to see a full house with a mix of people from the neighborhood and friends of Rolling congee because the owner is such a lovable person I had trouble deciding what to get because there were three new congees that aroused my interest.1) Intoxicating Charm2) The Tippler3)Jeju UncoveredAnyway, I've to go back again to try the other two.On

話說今個week瘋狂OT, 晩晚用U記嗌外賣，撞見呢間新選擇。佢個Menu有海鮮粥、鮑魚粥、醉雞粥，又有蘿蔔糕、煎餃咁，同事們都覺得幾吸引。我哋3個人，各嗌咗1碗粥同1份小食。鮑魚粥+煎蘿蔔糕粥底有好多冬菇粒粒，三大件滑雞柳、幾嚿炆冬菇同1隻細鮑魚，雖然隻鮑魚唔係好大，但尚算足料。蘿蔔糕啲蘿蔔同粉嘅比例ok, 唔會太粉。醉雞粥+煎餃子同事一開碗蓋已經大讚「好香呀！」好大陣酒香味，粥裏面有4大舊滑雞件、仲有蟲草花同數粒杞子。煎餃子外觀金黃色，咬落十分脆口。海鮮粥+煎蓮藕餅海鮮粥有鮮甜味，有魚柳、蜆、蝦、墨魚滑、帶子，好豐富！煎蓮藕餅爽口彈牙。抵讚嘅係啲粥送到嚟都仲係熱辣辣嘅！👍🏻

之前試過呢間啲粥，個粥底認真唔錯。今日行過見又出咗新嘢，有我最鍾意嘅紅豆沙，又試吓啦。叫咗紅豆沙同冷辣辣面，大熱天時，凍嘢啱晒胃口。本來諗住食咗麵再食甜品，點知紅豆沙到先，只好先食😅 。紅豆係大粒紅豆，煲到起沙，幾綿滑，加咗少少陳皮絲（好怕食啲勁濃陳皮味嘅紅豆沙），味道平𧗽得宜；甜度也適中，再加上少少花奶，感覺幼滑。👍🏻冷辣辣麵係即叫即整，大約10分鐘先到。個麵質地厚實，有𡁻勁。啲辣汁隻味好特別，係有少少泰國辣醬嘅感覺，但又多咗一種甜味，好熟但講唔出係咩嘢😂。配料有蟹柳、青瓜絲、甜紅椒絲、同咬落脆卜卜嘅蟹籽，幾夾。食到一半發現原來個麵真係幾辣，要飲番罐可樂救吓火。🙃

<夜戰東大街🍽·那夜我遇上了有錢佬靚粥>有錢佬靚粥-招牌有錢佬靚粥$33/煲&餸粥小食-雪花皮蛋$6/pcs , 腐乳皇$4/pcs 同辣菜脯$4/pcs _熊人又去戰一戰東大街，大熱天時汗又一滳滳，熊人決定試試新野，做返個街頭有錢佬先🙈😂因為俾煲砂煲粥吸引左入去食，今次叫左招牌有錢佬靚粥，即叫即煮，等左15mins 左右，粥送到☺️打開不得了，皮蛋同鹹蛋馬上飄過來🙈🙈，一試落口「得」，係我愛既米花潮式生滾粥👍🏻，夠綿夠香，粥入面仲有瑤柱、魚片、鹹蛋、皮蛋、豬骨，配埋D餸粥小食腐乳、雪花皮蛋同辣菜脯食，一個字「爽」，重點係熊人我食完唔口渴，老闆呀，下次個砂煲可唔可以大少少，D粥多少少😬，誠意十足，有下次，如果元朗有分店就好喇~_🎈Rating :8.5/10<夜戰東大街，在粥舖食透心涼薯粉>_有錢佬靚粥-蒜醋撈薯粉$28/碗_其實熊人覺得係粥舖食到透心涼薯粉係一件幾爽既事😎，先講返個薯粉唔好睇佢細細碗，事實係分量十足，入面仲有個值得讚既細心粒就薯粉碎上廚師大佬幫你剪好哂👍🏻好方便，至於配料方面入面有雲耳、火腿絲、青瓜絲、紅椒絲，口感唔錯，個醬汁方面就係用蒜

冰涼之選🌬🌬🌬最近持續高溫，下晝條街熱到一個點......行過呢間嘢，見到門口貼住幅相話有冰凍糖水食，幅圖裏面個賣相又ok，咪試吓囉，畢竟下午茶呢啲鐘數，東大街選擇比較少，大部分糖水舖都未開門。喺門口掙扎咗一陣，諗好唔好入去食定買外賣呢，因為裏面環境比焗束，但最後都係入咗去坐，因為阿姐話堂食係用冰碗。叫咗碗「鮮果涼粉」，個樣都ok嘅，又紅又黃咁，幾夏日feel。水果有新鮮西瓜、火龍果、罐頭菠蘿同椰果。即係唔係完全「鮮果」😅。味道唔錯嘅，啲涼粉質地比一般的煙韌，加上黃糖漿同水果，口感ok。隻冰碗果然係畫龍點睛，將成碗糖水嘅溫度大大降低，加上雪到凍哂嘅水果同涼粉，入口超級冰凍，好爽呀！😋😋😋

每晚回家都會經過呢間粥店，不過每次都係怱怱而過。適逢今晚星期六，難得悠閒就試吓。店員介紹了夏日系列，包括三款冷麵同三款冰碗甜品。心諗咁奇怪嘅，粥店賣呢啲...一心準備食粥，但係盛情推介之下，決定試吓新野。都好既，起碼唔會食到汗流夾背。三款冷麵之中，揀咗蒜醋撈薯粉。配料唔算好多，有火腿絲、木耳絲、青瓜絲同紅椒絲，鋪係麵上。紅薯粉用蒜蓉同黑醋拌勻，聞落好香，食落酸甜，幾開胃，加上個粉好煙靱彈牙，口感幾好，而且份量都幾多，$28算係咁。食完薯粉，又嗌咗個木瓜雪耳糖水。值得一讚嘅係，糖水用一隻雪到凍冰冰嘅銀色碗盛載(唔怪得叫「冰碗甜品」)，一摸個碗已經覺得透心涼，加分！👍🏻 碗糖水出奇地好味(可能因為事前無咩期望😅)。 木瓜同雪耳都切成細細嚿，煲到軟硬適中，好易入口。木瓜味重，雪耳質地淋滑，配上脆身嘅南北杏，同埋冰凍嘅甜湯，完全係感觀嘅一大享受，大熱天時，真係無得頂呀！！！$20抵食！！👍🏻無諗過粥舖都有咁啱夏天食既野！😊

星期日早上放完狗十時多，落到東大街，天時大熱身水身汗，食輕食凍飲至岩。這時間絕大部份鋪仍未營業，轉角嘅吸晴紫色有錢佬靚粥早上7時開門，又有戶外座，假日放完狗，去食返個早餐就最舒服。鋪頭座位7-8個，雖然是地鋪，但整潔通風，地板零積水。由於天氣太熱關係，食不到馳名靚粥。於是叫左點心，牛肉球、魚肉燒賣、炒麵、蘿蔔糕加杯豆漿同可樂。店員親切有禮，簡簡單單的人情味濃。下單不出80元，廚房即叫即準備，新鮮出爐。牛肉球3大粒，燒賣5粒，不過不失。蘿蔔糕入口不散，香脆味足，不油膩，很重點啊。另外，呢到炒麵一點都不乾身，配菜爽口，無被煮淋晒； 炒得剛好，份量又足。2人可以吃到非常飽肚啊。