有間本舖 (已結業)

返工經過成日都聞到呢間鋪頭香噴噴既古早蛋糕~今日終於忍唔住買黎試下大大既玻璃可以望到蛋糕既製作過程...門口有塊牌寫住蛋糕既出爐時間~今日有4款蛋糕~不過有2款賣晒LU~~好彩仲有我想食既黃金芝士有得賣個外賣盒好靚呀~又方便拎..黃金芝士 $75蛋糕新鮮出爐熱辣辣香噴噴~~一拎上手就震騰騰好軟熟~~個面同裏面都有芝士架!!蛋糕蛋味濃郁, 入口軟綿鬆化~~熱辣辣既時候食, 芝士仲會流出黎丫....口感非常豐富, 好好味丫 即日食唔晒記得要放雪櫃, 可保存3日架

有間本舖依個名成日在網絡上見好多人打咭，都話好好食，台灣風味十足，我今次都一於排隊買番個先得☺️，一路排隊店內傳來一陣陣嘅香味，原來個名係咁樣用人手打印上去架，我今次買咗個原味食，蛋香味濃，蛋糕質地超軟熟，好吃

又係古早味蛋糕🍰越開越多。真係食極都唔厭，當早餐、下午茶一流～去到嘅時間有幾款蛋糕出爐：有原味、抹茶紅豆味、蜂蜜蔓越莓味及黃金芝士味～揀左兩款～蛋糕新鮮熱辣辣😎每個蛋糕面上都有鋪頭嘅雞仔logo印，好得意～▶️ 原味$60蛋糕大大件，幾鬆軟，味道蛋白味較重，清清地，甜度適中🤓▶️ 抹茶紅豆$75抹茶味好濃好香，仲有紅豆粒。呢隻味道較原味結實，蛋糕好濕潤，比較容易散。要小心拎同切🙂兩大件真係有排食！

最近在家工作，有時做野做到悶悶到，想搵d野食。放工經過見到係台灣既古早蛋糕，令我諗番之前去台灣旅行去高雄既時候食既蛋糕，就買左番屋企同屋企人回味下去旅行既時刻。佢有賣4種口味，分別係原味、黃金芝士、抺茶紅豆、蜂密蔓越莓，由於佢係即整即賣，所以好多特別既口味一出爐，好快就比人買晒！今次我就買左原味同黃金芝士。佢地既古早蛋糕超鬆軟、濕潤，最重要係食落好香，原國係佢地對於食材挑選好嚴謹，單單係蛋，佢地已經試左好多唔同產地既單，最後試到而家尼款最香蛋味。除左雪凍食、用微波爐加熱食，其實原味仲可以加入少許果gem一齊食，個人覺得加偏酸味既果gem比較夾，比如士多啤梨、蔓越莓既果gem。黃金芝士味比原味，冇咁甜，因為佢既芝士超足料，食落淡淡都係芝士，而芝士既鹹香加埋鬆軟既蛋糕，真係絕配。

行過已經聞到蛋香飄係空氣中，又聽到職員非常親切系門口到講：熱辣辣嘅古祖蛋糕新鮮出爐喎，埋嚟試下啦！死未！？邊忍到唔買番件，早排唔少人都讚黃金芝士味，所以今次就叫黃金芝士味，要等多十分鐘左右不過系等嘅過程非常期待，我係咁影相📸️，店員隔住透明玻璃居然好配口咁俾我影，哈哈～好好態度嘅職員💋💋💋💋💋💋💋​係成個切嘅過程，因有大執嘅玻璃間隔板，完全可以睇得到蛋糕出爐、落紙、切蛋糕、入盒成個過程，真係非常之讚揚睇得出乾淨、衛生，亦唔怕旁人圍觀🌹黃金芝士味古祖蛋糕🤤入口軟綿綿有啲似紙包蛋糕味，但佢做到嘅系中間似半熟狀蛋糕軟熟感，系層次上，芝士都分開咗兩種🤚🏻面頭嘅粒粒芝士比較有咬口，同係帶咸味嘅黃身芝士，面中間成層都有帶橙身芝士，已經溶到同蛋糕兩合唯一，食落味道似係麥記包嘅個類芝士，真係食到停唔到口，一家三口，兩三口就掃晒咁大件蛋糕💋💋💋💋💋💋💋​🤣當然賣價為$75，蛋糕size都唔細，仲有芝士襯托，好味嘅價值呢我平時覺得唔抵嘅感覺清空晒，絕對絕對最少要食一次黃金芝士味而咁多款入面，最唔會揀嘅應該就係原味🤭，因為多種唔同口味配搭嘅火花比原味更強烈，如果你只係想品嚐蛋香味嘅蛋糕，先建議揀選原味💋💋💋💋

之前去台灣一直都好中意食香噴噴既古早蛋糕❤️熱辣辣新鮮出爐就最好食 超鬆軟～就算食唔晒都唔緊要 擺入雪櫃 3日內食完就ok架啦🤤日日切返件當早餐都很不錯.我就中意食黃金芝士 唔止面頭有芝士粒粒入面仲有芝士溶 但又不會過多 咸香味一流。如果唔係即買即食 可以係食之前用微波爐叮10秒左右咁啲芝士又會變返流心啦 好似新鮮出爐咁😋.舖頭好近地鐵站 當日我買完再拿拿聲坐返屋企大約30分鐘 打開食仲暖架💜屋企人都大愛話好好食！

依股台灣帶過嚟嘅古早風係香港受唔少人歡迎，皆因男女老少都好難抵擋到個種入口鬆軟嘅感覺🤤 係旺角都有間來自台灣高雄，主打古早味蛋糕嘅店舖，啱啱開張嘅時候仲大排長龍🚶🏽‍♂️ 蛋糕仲係每日新鮮出爐，每款口味係門口都寫住唔同出爐時間~-黃金芝士($75) 蛋糕面層鋪左唔少芝士粒，食落硬身帶芝士嘅鹹香🧀 入面都有芝士夾心，但如果係流心嘅話效果會更加好！蛋糕食落鬆軟綿密，蛋香十足🥚 外表平實但味道充滿驚喜😌

台灣過江🐉 古早味蛋糕🍰💛，新鮮出爐可以用12個字形容：香噴噴熱辣辣震騰騰軟綿綿🥰必食黃金芝士味🧀，除咗好似一般中間夾芝士片外，佢表面都鋪上車打芝士粒粒👍🏻，不過希望中間啲芝士放得平均啲囉另外揀咗抹茶紅豆味💚，紅豆粒喺哂底部，偏硬少少🤏，蛋糕嘅抹茶味好濃唔會太甜👍🏻疫情嚴重⋯為食想止口痕嘅可以轉移到外賣😎 蛋糕熱食凍食都好味😋 放雪櫃可以keep 2-3日👌🏻一次過買2-3件儲糧唔過份 咁就解決幾日嘅早餐/下午茶啦

超好彩呀，一去到竟然四款口味都齊，仲要睇住佢新鮮出爐，d人都排住隊落order！好受歡迎👍🏻 今日就揀咗兩個口味，兩個都超好食呀！其中特別推介抹茶紅豆味🤤➡️ 抹茶紅豆味 ($75) ⭐️⭐️⭐️⭐️💫超級濃郁嘅抹茶味，好鍾意抹茶味嘅我又係食到停唔到口，蛋糕加咗紅豆，味道非常夾之餘，仲令到成個層次同口感都加強左，最緊要佢唔會太過甜，成功將一個普通嘅抹茶味蛋糕變得不平凡，大力推介👍🏻👍🏻➡️ 黃金芝士味 ($75) ⭐️⭐️⭐️⭐️蛋糕超級軟滑，而且真係有粒粒黃金啊，芝士味好香濃，鹹鹹地超好味！有間本舖地址📍: 旺角彌敦道720-722號家樂樓地下C號舖.............................. 味道😋: ⭐️⭐️⭐️⭐️💫抵食💰: ⭐️⭐️⭐️⭐️

最近見到旺角開左唔少古早蛋糕舖頭見到個招牌咁sharp同埋又有蛋糕新選出爐，就即管試下啦🤣因為裝啱時間出爐，所以就揀咗黃金芝士味。一攞出黎見到面鋪滿粒粒芝士就知道鋪芝士癮有著落🤤🤤🤤返到屋企切開就見到中間有層芝士所以食落口真係啖啖都有芝士味蛋糕好鬆化，好夠moist，食多啲都唔會覺得口乾要飲水👍🏻因為真係好大舊就放左落雪櫃等下一日食放完落雪櫃，雖然面嘅芝士粒會硬咗，但蛋糕依然好鬆軟同唔會乾👍🏻值得一讚！下次會再試埋其他味！期待食到蜂蜜蔓越莓味☺️

現在古早味蛋糕相當流行，今次經過旺角發現新店鋪，有間本鋪，來自高雄的古早味蛋糕。傳來陣陣的蛋糕香味好吸引，決定買來試試。有原味、芝士、蔓越莓，想試的抹茶已經賣完~最後買了原味原來有不少口味，肉鬆、南瓜乳酪、朱古力，口味都幾特別，下次想試下。現在的天氣，未食完最後放雪櫃冷藏原味古早味蛋糕上蓋上雞仔圖案，十分可愛那時候剛焗好，買的時候還是熱熱的，蛋糕質感濕潤鬆軟，蛋香可口。除了趁熱食之外，放在雪櫃後凍食的味道也不錯。

今日家姐生日，因為疫情關係，今年我們在家煮大餐慶祝。但生日嘛，點可以冇蛋糕呢😛 家姐一直都想試台灣古早味蛋糕，今日去旺角這間很受歡迎的「有間本鋪」買台灣人氣古早味蛋糕。-台灣的一股「古早風」在本港掀起熱潮　。而每次經開旺角，都會看見店外排長龍。蛋糕店小店經營，每次每款出爐數量不會太多；由於大受歡迎，每人限買兩件，確保其他客人都可以有機會買到😋。 -我選擇了「黃金芝士」及「蜂蜜蔓越莓」。出爐蛋糕，蛋香撲鼻！ 蛋糕質感綿密鬆軟，像海綿般有彈性。而且每個蛋糕都相當有份量！ 「黃金芝士🧀蛋糕🍰」，用上粒粒芝士增咬口。回家後建議微波爐加熱10-20秒，除了蛋香，亦充滿濃郁芝士咸香。-至於「蜂蜜蔓越莓蛋糕🍰」，味道亦很出色。 蛋糕紋理清晰漂亮，味道不偏甜亦不膩。蜂蜜天然香甜，配上健康略帶酸甜的蔓越莓，味道同樣有層次。 回家品嚐，溫度仍微暖，質感軟熟不變；放在雪櫃第二天吃，另一番風味，味美依然。

近年本港掀起左一股「古早風」，無論係邊度都會見倒越來越多古早味蛋糕店🍰之前有朋友食過覺得呢間都唔錯，所以今次經過旺角就決定買返屋企試吓☺️蛋糕放置雪櫃嘅話可以放到三至四日，大大嚿慢慢食都得✌🏻_🍰經典原味 $60古早味蛋糕食落十分鬆軟，濃濃的蛋香味非常吸引，下午茶時間配埋一杯靚茶完美🍵_🧀黃金芝士蛋糕 $75我哋嗰日嚟到咁啱就撞正呢款嘅出爐時間，表層舖上既粒粒芝士相當吸睛，呢款建議食之前再入爐叮一陣，內層的軟心芝士半溶狀態真係好好食🤩

今日出左去旺角行街，經過有間本鋪有新鮮古早味蛋糕出爐，香噴噴😍就一於買返兩個返屋企同家人享用😋原味咁岩賣曬，所以我就買咗黃金芝士味同蜂蜜蔓越莓味試吓先～門口會寫住不同口味嘅蛋糕出爐時間，非常貼心💕返到屋企蛋糕仲暖暖地，好好味😋蛋糕好滑非常鬆軟同濕潤，而且濃濃嘅蛋香味，味道啱啱好唔會太甜👍🏻如果即日未食曬就要放雪櫃，可以放3日， 黃金芝士味翻熱後會更加好味，鹹鹹甜甜咁🥰而蜂蜜蔓越莓味凍食都ok！酸酸甜甜好開胃！

最近，因為疫情的關係，再次需要減少外出的時間，所以 BeautySearch 每次出街，都習慣買雙份......  冷藏食物及罐頭食品已吃膩了，難得在旺角入貨，發現了一家來自台灣古早味蛋糕《有間本舖》，一向喜愛台食的我當然不會錯過！(其實，BeautySearch 當日是被那可愛肥雞標誌吸引著呢！) 當中有四款口味可選，既然每人可購買兩件，我就買兩款不同口味來試試。 而我就揀選了經典原味 (HK$60) 及黃金芝士 (HK$75) 兩款。 其實，近年本港掀起 一股「古早風」，大街小巷都開設了古早味蛋糕店，但要品嚐真正的古早味道，BeautySearch 喜歡由最簡單的原味入手，皆因古早味蛋糕的做法本身就是簡單地以懷舊手法製作出美食。而且，《有間本舖》的經典原味蛋糕，還在平實的外表上刻有可愛的小肥雞標誌，未食已覺很治癒！ 雖然，古早味蛋糕一般比台式海綿蛋糕較實心，但依然是軟軟的，食落十分鬆化，而 BeautySearch 最愛那濃濃的蛋香，雞蛋搭配鮮奶濃郁的味道，既簡單又味美。 蝦子餅愛吃芝士，所以，另一款我選了黃金芝士，蛋糕表層還舖上粒粒的芝士，相當吸睛。