有間本舖 (已結業)

今日行完花園街，天都黑齊，岀黎見到喱間店有職員係門口叫緊特價優惠，$35一盒，應該係想快D賣完，快D放工!為咗幫佢一把，就決定幫襯佢買一盒！其實係我想食！🤪一路搭車，已經一路聞到一陣陣蛋香味！超級吸引！返到屋企即刻打開試吓，份量方面，佢對比其他舖頭嘅古早蛋糕，size比較細！但係聞起嚟，比其他店舖香！蛋糕亦很鬆軟！佢唔似普通蛋糕得一陣風，食落去係好有實在嘅感覺！我諗食晒一個都可以當晚餐！以$35黎講絕對係性價比超高！下次經過我都唔會再買！不過我估，朝早買，應該唔會係$35！如果有朋友知道幾時開始做特價，記得話我知！🤪另帶一題，蛋糕可以喺室溫放三日，三日過後可以放雪櫃！不過我諗大家喺喺三日內，應該都會消滅咗！😂

每次經過呢啲古早蛋糕店 都會聞到勁香 次次都忍唔住手買咗😂原味一係最正 食到濃濃嘅蛋香味之餘 仲有淡淡嘅奶香☺️蛋糕嘅口感超軟熟又濕潤 就算即日食唔晒都唔緊要 呢一間古早蛋糕 就算擺落雪櫃之後 口感都依然咁正！

星期五放工買左個朱古力味蛋糕點知返到屋企食... 完全唔好食..古早味蛋糕就係要軟綿綿同口感偏濕潤但我買左果個就又硬又乾佢話朱古力味一星期得兩日有都唔知係咪賣剩既唔會再買

幫襯過都不下五間古早蛋糕店都係呢間既蛋糕水準最好，只有呢間應該係唯一我Keep住幫襯🤣佢每次嘅蛋糕水準都係一致，中間做到啱啱好軟軟地，咬開好鬆軟好濃蛋味，甜度仲要岩岩好。最重要係價錢抵食大件有水準有好多舖頭既蛋糕係常溫，但呢間次次去買嘅時候都會係暖，入左盒都聞到好香。

台灣🇹🇼古早味蛋糕一直都好hit，最近也米爸🧑🏻都買咗個返嚟，話經過見到幾香幾靚，因為也米😍鐘意朱古力味，所以都買咗個朱古力味🍫。店家會附有一把膠刀比客人，貼心👍🏻。-🍴濃情朱古力味💕🍫($60) - 要特別注意⚠️，依款味道是逢星期四五先會有得賣，其他日子是其他特別口味。就咁睇個樣都覺得朱古力🍫好濃，面頭佈滿朱古力粒，仲見到蛋糕中間都有唔少朱古力醬🤤。可能因為放咗一日，蛋糕食落好啲乾🥲，不過朱古力味超級濃，下次要試吓即日食先得！另外，也米😍個人認為叮熱少少更加好食，朱古力味再濃啲😆，極度邪惡🤣！

有間本鋪,呢間鋪係1-2年前,日日排滿人等蛋糕出爐而家當然係過左氣啦,仲會減價添,証明已經人氣不再唔洗排隊又唔洗等,又有減價,本來打算黎買件$30既原味古早味蛋糕當早餐都好,原味無曬,只剩芝士,減$20,一底$40 量過尺寸,同佢講既差不多大,無縮水,雖說係芝士味,但唔係拉絲個種係芝士片溶係蛋糕層入面既,咁大件蛋糕,只能講口感偏乾,略有彈性唔係新鮮出既始終爭好遠,佢有建議食之前叮十秒,叮左就口感好少少蛋味偏淡,如果$40既話都可以一試,$60以上就OVER左個價錢#古早味蛋糕 #真實食評 #自費 地址－ 旺角彌敦道720號正門在旺角道, 行人天橋口地下 3 號舖環境／設施－純外賣蛋糕店特色－古早味蛋糕專門店人均價格－$40評分－6/10 

今日放工經過位於旺角嘅「有間本舖」，見到有好多人排緊隊，原來排緊古早蛋糕，差唔多出爐，所以引來咁多人排隊，小編當然唔執輸都要排埋一份啦🤣仲要係$30一盒，我諗全港都數一數二平👍係舖頭門口等左大約25-30分鐘，終於出爐啦！熱辣辣嘅古早蛋糕🍰逐個逐個放落個盒度，拎到返屋企都仲係暖暖的🤤食落仲好鬆軟好香蛋味😋味道：😋😋😋😋😋/5價錢：😋😋😋😋😋/5翻食：😋😋😋😋😋/5

在天橋落來見到這家台灣古早味蛋糕鋪，看到做緊特價，原味只賣30蚊，本身想賣原味試下，不過賣晒，話仲有芝士味，睇到牌上面寫芝士60，可能都8點啦臨近收鋪，芝士就都做特價40蚊，攞到手蛋糕就唔熱啦，都流唔到心，都覺得比正價買的細小小，返到屋企我用尺量過，大概是19cm*9cm，芝士餡都比較小，冇做到鋪滿，整體口味都ok

經過旺角見到有條人龍排隊原來係原味古早味蛋糕做緊特價$30🤩咁岩又差唔多出爐 我就買左個返屋企試下整體黎講：✅質地綿密❌蛋味唔夠香❌買既時候有啲混亂 佢叫我排住隊先但到我既時候又話要等下一輪 好彩下一輪都係十分鐘後不過$30 黎講算ok😂如果$60 我就唔會encore lu🙅🏽‍♀️

中午3:00經過因為做緊優惠所以話賣晒店員游說叫我16:55出爐提早15分鐘過嚟排隊，咁我諗住冇嘢做咪排隊囉你知唔知你經過左15分鐘其實都唔係太多人排隊，點知最後足足等咗半個鐘，先買到件蛋糕，如果好食等半個鐘都好正常但係個問題係你喺排隊嘅地方係好臭好臭連格住口罩都聞到，店家每人派一個籌碼，咁我提議不如我俾咗錢先晏啲先嚟攞都唔可以，排隊嘅顧客一路排隊一路聽到佢哋話店員態度好惡劣⋯⋯有啲顧客我話想買三國問佢可唔可以俾咗錢先轉頭先買都唔得，我諗其實大家疫情下唔想咁近排隊度寧願唔食個蛋糕，最大問題係收到個蛋糕之後係好快就萎縮，而味道方面亦都唔係特別好味....

古早蛋糕舖越開越多，每次都見很多人排隊等蛋糕出爐。很久前已想試一試古早蛋糕，奈何一直無機會。某日經過見到無人排隊，機會來喇﹗雖然無人排隊，但KEEP住有人來買，在門口的我出現選擇困難，除原味外，還有黃金芝士、蜂蜜蔓越莓，最後經常一輪掙扎，買了原味及抹茶紅豆。蛋糕用紙盒入起，但因為剛出爐，仍然好熱，不宜把盒合上，否則焗住會出濕氣，所以另外再用膠袋入起，紙盒在膠袋內要打開。店員建議蛋糕最好3日內食完，未食可以先放入雪櫃。原來一件好大件的，我只有2個人，這兩件要食幾多日呢﹗？蛋糕面印有店的LOGO，落刀切開時已經感到蛋糕質感軟綿綿，原味蛋糕入口蛋味香濃，口感柔軟。抹茶紅豆味不會太甜，我覺得剛剛好，喜愛抺茶的我，就略嫌抺茶味不夠濃，而紅豆集中在蛋糕底部，數量亦較少，如果可以多一點紅豆，抹茶味再濃一點，就好了~~~~~因為要先放雪櫃，所以預先切好一件件，再包好放入雪櫃。蛋糕的側面見到有少少沉底，即在蛋糕底部有一層薄薄的沉積，我不是做蛋糕的高手，亦未試過其他舖的古早蛋糕，所以不知這一小層是正常還是什麼。其實這一小層對口感影響不大，只是咬到這部份時覺得有點厚。不過如果沒有這一層，相信觀感上會好一點。

今次係來自台灣嘅古早蛋糕，同母親大人經過見到好香所以就買咗嚟食。有冇人同我一樣都會覺得$60-70一舊幾貴但其實每一份都真係幾大舊幾足料，拎上手仲係熱辣辣的🤣.抹茶紅豆芝士味朱古力味好似好多地方都有但係抹茶味真係唔係間間有 所以就揀咗佢抹茶味都幾出幾夠 甜度都啱啱好而紅豆粒就集中喺底 如果多啲就更好了🤭唔知大家習慣凍食 熱食 定係常溫食我個人就覺得凍食係最好食嘅🤭所以其實食唔晒唔使驚 擺落雪櫃雪完仲正🤫

旺角一向都是飲食店舖林立之地，古早味蛋糕店亦漸漸多起來，今日就試試位於旺角道、彌敦道的『有間本舖』。有間本舖是大名鼎鼎的台灣過江龍古早味蛋糕店品牌之一，創於台灣高雄，口味和做法絕對正宗，故此一直人氣爆高，長龍之首，歡迎不言而喻。在台灣有12間分店、泰國有4間分店，香港也已開了3間 。香港代理人亦需到台灣學藝二星期，不斷反覆練習，直到台灣老闆滿意品質，才取得代理權 ，因而保證香港客人也能吃到原味道呀。蛋糕店只有外賣自取，從透明的玻璃，可清晰看見店員製作、焗製、切割蛋糕，感覺上更加衛生。店外會有牌子寫上蛋糕出爐時間，每種口味匀每天新鮮製造， 經過便能聞到香噴噴的蛋糕味。古味味蛋糕有四種口味 ，包括: 經典原味$60、黃金芝士$75、蜂蜜蔓越莓$75及抹茶紅豆$75。蜂蜜蔓越莓味由於是新鮮出爐，加上其他地方未見過有呢款味道 ，當然揀呢款喇！鬆軟的蛋糕，帶著甜甜的淡香蜂蜜味配上微酸的蔓越莓，既特別又好食！ 店舖還提醒如果即是食唔晒，唔緊要，放入雪櫃，凍住食，有另一風味。

呢兩年係香港新開了好多古早味蛋糕店，但成日都排長龍，所以我都無去買過嚟試。今日放工行開旺角，可能因為落雨，竟然比我見到有古早蛋糕賣，所以決定試試。原來每日出爐的味道會有啲唔同，由於我去的時候已經係夜晚，得返原味同埋黃金芝士味，其實味道已經賣曬啦。天氣雖然落住雨，但好彩餐廳會比埋個膠袋拎住個蛋糕，咁就唔洗怕啦\(//∇//)\原來除了店面寫的味道，原來仲有好多唔同的味㗎！下次可以試埋其他味。我今次就買咗一個黃金芝士，一開就見到蛋糕面有好多芝士粒粒！蛋糕的內部原來係有芝士雲石紋㗎！影相一樣靚！蛋糕按落去柔軟，回彈力高！入口有芝士的咸香味。加埋有咬口的芝士粒粒，口咸味道都一流！蛋糕盒的設計可以㩒平，方便放返入雪櫃。但大家記住，蛋糕係新鮮焗，只可以keep到3日㗎咋，大家可以凍食或者切片叮嚟熱食一樣得！==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

又係佢呀～～～～呢排古早味蛋糕真係開到成行成市🤩可能大家都太排住台灣喇～～就算有d貴都大排長龍每日基本上都會出四種口味我呢個抹茶控當然會簡抹茶紅豆味個抹茶雖然講唔上好濃郁不過絕對唔係好假果d人造綠茶味食落好濕潤好飽肚食五份一已經夠頂成個朝早大大既一件屋企人就鐘意食原味原味食到好香既雞蛋味而且原味更加moist返到屋企離遠已經聞到香噴噴其實仲有朱古力味同南瓜乳酪味但次次都遇唔到😭😭唔記得講呢間店係高雄既過江龍黎真材實料