朝日屋 (已結業)

又係晚飯時間，收工都唔知食咩好係日升中心發現呢間朝日屋日式餐廳環境上唔算太逼，都係走大眾化路線，晚餐消費100-200蚊左右餐廳主要做套餐，都有好多選擇又可以再加配小食，唔會浪費又可以選自己喜歡的食物我見隔離枱兩個女仔都叫左大量小食因為唔算好肚餓，選擇左迷你海鮮丼加細牛肉烏冬set $88，有沙律味噌湯同甜點迷你海鮮丼味道方面，我覺得ok，份量就太小啦，刺身都幾新鮮，有一定質素細牛肉烏冬本身無咩期待，估唔到味道唔差，烏冬都彈牙，幾好呢度甜點係日式和果子，對我黎講普通，無咩特別，整體來講都可以一試會再encore ，不過唔會選呢個餐

態度十分差。第一次態度差到要係依到寫評論。疫情狀況下，有好多空枱都要人撘抬。我地3個去，佢拉開左兩張枱中間個塊板，叫我地坐。我以為佢睇唔到板後面有人坐緊，我就問佢，你其他位比人訂曬？佢答: 無呀。我問咁我地點解唔坐得要撘枱？佢話你坐邊都要撘抬。然後就行開唔理我地。我地最後野都無點就走了。野食好唔好食我唔知，但係第一次未點餐就比佢地唧態度趕走

觀塘除咗食物種類多之外，好多餐廳嘅價錢亦較親民🥰今次試咗間日本野👍🏻CP值都唔錯😍去開觀塘可以試下😊🐟鰻魚滑蛋煮套餐 $78角落評分：🌕🌕🌕🌕🌑套餐姐係定身，有沙律、味增湯、飯同甜品👍🏻沙律較特別，係用柚子醬，湯就普通😊鰻魚同洋蔥煮得夠淋同入晒味，襯埋啲滑蛋配飯好好食🤩份量又叫大碟😍甜品係黑糖和菓子，好好食又唔太甜🥰🍣迷你花見三色丼套餐 $88角落評分：🌕🌕🌕🌕🌗呢款套餐會配細牛肉湯烏冬，再有沙律、味增湯、飯同甜品🤩花見三色丼係厚三文魚腩、油甘魚同赤蝦😋每款幾新鮮同幾大塊👍🏻迷你就每款1-2片，不過配埋牛肉湯烏冬就夠晒飽🥰牛肉比想像中好食，唔係cheap cheap嘅肥牛😍湯烏冬都唔錯，似稻庭烏冬☺️成個套餐都係高CP😊🍥蟹肉菜碗蒸蛋及芝士年糕 $20/款角落評分：🌕🌕🌕🌗🌑小食有晚市優惠，叫自選晚餐加$20就有一款😁茶碗蒸啲蛋都算嫩同埋係原隻蟹鉗肉加蟹柳👍🏻芝士年糕炸得岩岩好，芝士算幾流心😋兩款整體都唔錯🥰🥚厚燒玉子•黑松露醬 $36角落評分：🌕🌕🌑🌑🌑啲蛋太老，口感一般😢然後黑松露味完全唔夠😔食落口係完全冇黑松露味嘅衝激😩厚燒以為會有成條厚厚嘅玉子燒，點知得4舊又唔係特別大😕

疫情關係，唔少人都廚神上身，日日新款。唔識煮野食嘅我，出得門都會幫大家試伏。 今日係呢間觀塘高格調日本食堂，買左一個吉列豬柳嘅外賣。外賣自取仲有88折。去到嘅時候，按疫情防控嘅規則坐，基本上滿座。門口仲有三三兩兩嘅人等位等外賣，見到咁熱門，當然期望就相對會提升。一翻到office，打開膠袋果下見到，佢地真係無走數，前菜、主食、甜品都齊晒。件吉列豬柳，香脆肉嫩，炸皮夠薄身。飯唔係珍珠米，但都粒粒分明飽滿，拍得上珍珠米。只係個餐要配可樂真係唔多夾......可以考慮加少少錢轉飲茶😄其實佢餐廳佈置係好仔細架，可惜唔可以係餐廳食

有時夜晚喺觀塘食晚餐，黎黎去去都係APM，有時都要試下d小店，靜d又平d。今次黎呢間，我都已經黎過幾次，佢有個儲分卡，儲夠10個印仔就會有優惠。第一次幫襯就叫左迷你三文魚親子丼 ，話就話迷你，但個餐係包埋細牛肉湯烏冬，沙律，味噌湯同甜品，食哂真係好飽第二次去就叫左火炙醬油漬三文魚丼最近一次又再叫迷你三文魚親子丼朝日屋丼飯嘅魚生真係好大片，喺其他壽司店叫刺身都已經要咁嘅價錢，所以話性價比真係好高！值得一試

今次黎到觀塘區食日式丼飯料理餐廳，其實選擇有好多，但好食之餘又平既，真係要搵下，朝日屋係相對上價錢平同埋質素唔錯既餐廳🤤晚市去食真係幾抵，最平定食$78就有主菜、沙律、味增湯、飯同埋甜品，定食主要都係熟食，有鯖魚、吉列豬、鰻魚等，加多$10更有海鮮丼食😋－－－－－－1. 迷你海鮮丼 4/5雖然菜單寫係迷你丼，但其實食哂成個set係好飽🙈新鮮既魚生覆蓋左白飯，份量絕不兒戲，刺身都係厚切，蝦彈牙之餘又夠鮮味🤤帶子又大大粒，食物有水準得黎價錢真係唔貴，性質比幾高👍🏻

期待左好耐黎朝日屋啦，因為平時睇網上面啲相片都覺得好吸引，尤其是係佢哋好出名嘅丼飯今晚終於有機會試吓啦。一眼就認到位於當眼處嘅鋪頭，出面放咗好多俾你揀餐嘅牌，選擇好多慢慢諗下食咩都得。餐廳環境乾淨整潔，坐得好舒適，冷氣充足，燈光都好光猛，座位同座位之間一啲都唔覺得迫我哋揀咗~晚市自選套餐嘅B2&B7，因為驚揀大碗嘅丼飯會太多驚食唔落，所以第一次就試住細細碗嘅迷你丼飯先我地分別點左～B2迷你北海道海鮮丼，以及B7迷你.海膽.火炙左口魚邊丼話明係套餐，所以配埋～沙律，甜品，味噌湯，細牛肉湯烏冬佢嘅甜品係一粒泡芙，真係好好食好想食多幾粒，比起我食過嘅爭鮮泡芙同埋元氣壽司啲泡芙，朝日屋嘅泡芙啲味道明顯好食好多。丼飯嘅魚生都好新鮮，尤其是係個甜蝦，真係鮮甜到我想連個蝦頭嘅殼都吞埋，飯上面嘅生薑都好吊癮，可以增加食慾，我係一個好憎食海膽嘅人，但係連佢哋個海膽都不知不覺咁食埋，都幾好味，我終於對海膽陣味改觀啦！不過如果丼飯嘅米，再大粒&酸啲就好啦！最後我覺得，最有驚喜嘅就係個細牛肉湯烏冬，因為我係一個好憎食烏冬嘅人，依碗烏冬雖然望落去好普通，但係我哋都一致認為真係好好食，啲湯唔會話太鹹，我仲飲咗好多

今日晏晝同同事去呢度食lunch，都係諗住求其食餐晏仔所以無咩特別期望。入到去想問店員拎杯熱水 先知道原來餐廳係冇茶水同埋紙巾提供⋯咁都算啦，因為你冇收+1服務費。我同其他三位同事叫咗一個$88嘅北海道海鮮井飯。等左20幾分鐘都仲未有嘢食黎⋯其實都唔止一枱客吹單🙄最後野食到左，發現根本係無海膽（Meau寫有）咁我地問點解唔一早講，到左先黎講。之後佢話有小小蟹肉代替海膽，仲話其實蟹肉都好貴架 which is 成碗飯係得一小pat蟹肉⋯咁講真如果$88無海膽叫呢個我不如叫親子井？之後個店員就話去問下會唔會有野加比我地⋯過左一分鐘，有個類係經理既人走出黎同我地講 唔好意思，我地無野可以加到比你 一唔係你成個餐叫過囉？結論：1.如果我地無發現佢係無諗住同我地講2. 態度係兇我地換餐？3. 就算係搵野代替係咪都比多小小同知會聲？4. 明知你地溝通不足搞錯在先，係咪都可以加多小小魚生比我地？就算話送杯嘢飲都冇咁嬲啊🤬🤬🤬🤬🤬以後都唔幫襯！🤬🤬🤬🤬🤬

Again! 水準仍然keep 到啊！今次lunchtime 同朋友去左食日本菜，食完真係好滿足！每樣野食都大大件好鬼正😉⁣座位空間寬敞，侍應態度又好，出餐也很快！😚⁣特上刺身定食（大拖羅、三文魚腩、赤蝦、帆立貝、油甘魚） ：大家見到都嘩左聲， 刺身厚切大件好吸引。每件刺身仲要好新鮮！油甘魚非常厚實滑嫩，口腔充斥魚油香氣。另外，原來白飯仲可以轉珍珠飯，細心的廚師仲係飯上灑上少許日本料味 😀⁣⁣牛肉稻庭烏冬： 牛肉沒有完全煮熟透，保留略紅，廚師希望顧客自己把牛肉浸落湯麵度。到客人食果陣，就可以食到又滑又淋的牛肉啦！牛肉沒有加很多的調味粉，配上湯底，好正！⁣牛肉份量仲要好多！⁣玉子配黑松露： 玉子燒新鮮整出嚟，食果陣仲係暖。每舊玉子仲放上大量黑松露醬，36蚊有4件真係好抵食！⁣

今晚在觀塘晚飯，揀了這間日本餐廳試一試，坐落環境都可以，唔算太迫，而且人唔算太多，都唔駛等位。入到去點選了一個吉列日本三元豬柳、火灸三色海鮮丼、燒黃花魚一夜干同埋一個魷魚圈天婦羅。先講吉列日本三元豬柳，幾香口，咬落去又唔韌，同埋最緊要係要，應該係即炸即上枱。另外火灸三色海鮮丼，裡面都有幾多款刺身，有三文魚、帶子、吞拿魚，同埋有左口魚，呢個丼嘅重點係左口魚，食落去好香口。而魷魚圈天婦羅食落就無咩特別，同一般其他日本餐廳無咩分別。反而成餐最正嘅係「燒黃花魚一夜干」，最初以為係啲魚乾(即係類似鹹魚嗰啲)，點知上枱時先知係一條正常嘅魚。但係呢條魚好好食，廚師將條魚起咗骨，但係望落完全覺。食落去條魚好香，魚肉好滑，魚皮好脆，脆到連啲魚鰭同食尾都食埋。本身條魚有一個醬汁同檸檬，但係完全唔需要都已經好夠味。一般我多數都只係食龍脷魚(因為無骨)，但今次呢條黃花魚真係無得頂。

一星期總有一天去觀塘尋找美食，今日選了朝日屋，12點到達，人流不多，不用等位就可以入去，午餐款式非常豐富，有魚生飯與熟食選擇，今次我選了朝日屋特選海鮮丼，另加$8要了一杯熱的紅棗特飲。🦐朝日屋特選海鮮丼：海鮮丼中有🦐，蟹肉、蟹、三文魚、油甘魚、吞拿魚腩、帶子、少少魚子，魚片偏薄，但$98一碗，性價比也ok, 米飯軟硬度、味道適中。另外不得不讚是其蒸蛋，作為一個小配菜，非常香，好好味，套餐也包了一個小甜點～豆沙水晶糕，但偏甜。食物也不錯，但如果中午時間去，就要有被趕走的心理準備🤣，話說我一個人中午去，食完個餐，飲了一半飲品，一位女士告訴我，外面很多人，麻煩要走了⋯！其實我只坐了40分鐘，雖然一個人，也唔洗咁快趕我走吧！😆但也明白香港生意難做⋯所以我看到她這樣說，唯有立即走⋯！讓她做多D客人，賺多D😝！

星期六番工最愛去海日依邊搵食因為平日太多人爭食，好多間都要排，星期六就直入食得order 左個丼飯set~~lunch set 包埋湯，沙律同甜品湯有海帶豆腐粒，都有d 料食下沙律係芝麻醬～～仲有細舊火龍果丼飯都幾多款魚生，有三文魚，油甘魚，蝦每款兩件～～都幾鮮甜，唔錯係個飯比較差d, 比較濕，黏哂一齊甜品係個黑糖紅豆麻糬，煙煙韌韌好味之前都試過佢地d 滑蛋飯都幾好食架～～七十至八十蚊一個丼，性價比點都比樓上抵食

因為商場都關門了，想吃日本菜就到了朝日屋。比上一次要好吃，是不是因為人少的關係呢？北海道海鮮丼($95) 蔥碎拖羅撈飯好食，海膽夠濃味，不過隻蝦就有條刺啦，可惜呢個飯冇配三文魚🍣。花見三色海鮮丼($96) 配上三文魚腩，切得厚身，食落冇雪味。仲有油甘魚同埋蝦😋推介加$20有小食，今次試咗鹽燒三文魚餃，好厚肉啊，煎得好香。我覺得點沙律醬係最好食嘅～因為會令魚肉更加嫩滑。而家仲可以用積分咭蓋印仔儲分添👍🏻

係觀塘都有好幾間日本野揀， 放題呀，日式和食等等..行行下去到日昇中心當然要睇下有咩好食!我揀左食朝食屋.. 晚餐時段不多人.. 可以不用等位我揀左招牌海鮮丼.. 有蝦，吞拿魚， 鱆紅魚，帶子及蟹膏!呢個組合比較不常見!因為一般剌身飯不會配蟹膏 而個pat 野加落飯度係超好食!剌身級數正常! 不會鞋口，而且味道水準以上。除左飯，本身套餐有跟沙律，茶碗蒸 及 麵豉湯價錢$100 真的很不錯!

之前見食評好似唔錯，今日去開果頭，就試下啦，叫了$88北海道海鮮丼，店員約五分鐘把丼送黎，侍應送餐有點馬虎，飯都差點反，感覺已不太好，不過算了，食飯時間可能有啲忙，一睇個飯，只有一小粒海膽，刺身餸得一半都無，其餘都係青瓜絲、酸薑黎，真係孤寒得可憐，(這張相我只吃了粒海膽及一啖飯便忍不住拍下照片😡)，飯唔好食，一舊舊又唔係日本米，沙律略酸，麵豉湯很淡，唯一蒸蛋及甜品屬正常，成百蚊一個午餐，我絕對唔介意加多少少去第間食，很失望，應該不會有下次。👎🏻👎🏻👎🏻