影片
以上資料只供參考, 請與餐廳確認詳情
第一次食完野要嬲到寫劣評😡岩岩去食下午茶，叫左個下午茶餐 $52咖喱牛腩飯，黎到見到只比左兩舊牛腩，我問侍應點解得咁少，係咪有D問題？跟住佢叫左個黑色衫女經理過嚟，女經理過到黎 望都未望過碟飯，就答我下午茶係咁架喎😡我話下午茶都52蚊架喎，就得兩舊牛腩 ! 佢話係咁😡我唯有話: 你話係咁就得啦😡乜而家$52個下午茶餐叫平咩？其實好多餐廳已經可以食到午餐啦，比兩舊牛腩當我乞衣呀😡😡😡 香港飲食業點解搞成咁。。。真可悲😩
繼續閱讀
員工態度差,個個燶口燶面食物質素差上枱仲要唔係熱嘅衛生環境差出餐時間極耐,已經催過兩次單前後接近等咗40分鐘幫襯時間唔係繁忙時間絕對唔會再幫襯附近比佢好嘅餐廳大把
繼續閱讀
又喺因為一年一度阿媽嘅死忌日而嚟到鑽石山墳場掃墓，之後照慣例就同細佬妹一齊食埋晏先散。貪方便加上由於天氣熱，所以，大多數都喺行過嚟「慈雲山中心」搵食就算。佢哋唔多試新嘢，茶記就最啱佢哋，所以，一早上網揀定咗「木椰餐廳」，可謂目標清晰。睇門面已覺得間鋪好大，環境乾淨企理，光猛闊落，正值午飯高峰時間，全場近乎座無虛席。雖然喺咁，無見店家逼人坐埋一枱，或兩個人坐卡位要坐埋同一邊。我哋就搵到個角落位，騷擾度細啲。主餐牌大大本，今次就無影晒，只喺影咗我哋有嗌嗰版，另外，仲有個精選午餐餐牌，每日都有6款選擇 包餐湯及熱飲。是日餐湯細佬就嗌精選午餐，餐廳都喺茶記嘅標準：紅湯、白湯，佢就要咗紅湯（雜菜湯），味道OK啦，料多，酸酸香香，夠平穩。焗葡汁雞皇飯 $58因為喺是日精選午餐，所以，好快就送到嚟。睇外觀感覺好似幾正咁，食落又會係點呢？細佬就話個葡汁聞落幾香，但食落唔夠椰子香味，唔叫差，但未有食到好開心嘅感覺，幸而啲雞肉就都嫩滑，拉番啲分。精選常餐 $52細妹就揀咗常餐，主食都有四款選擇，佢就揀咗「瑞士汁雞翼撈螺絲粉」，啲雞翼上晒色，睇樣又喺幾唔錯喎，細妹就話幾入味，幾好食，啲螺絲粉亦都煮得夠咬口，不過，就喺好唔夠汁囉，食到尾段好乾。另外常餐仲包咗腸仔（或火腿）、炒蛋配丹麥多士，啲炒滑蛋就炒得一流，香滑又夠份量，腸仔都喺普普通咁嘅雞肉腸，本應丹麥多士本身就幾好食，不過，細妹就嫌佢烘燶咗啲。炸雞髀煎蛋飯配特製蔥油 $53小弟就睇啱招牌蔥油系列，炸髀蔥油夠晒唔健康，但啱我囉，難得老婆今次唔得閒嚟，當然放縱少少食返個邪惡碟頭飯啦。先講隻炸髀，確喺有料到喎，大大隻有眼你睇，而且，炸得甘香，咬落去層皮咔咔聲咁脆，又唔覺得好油膩，啲雞髀肉亦都好嫩滑，又入曬未；蔥油亦都俾得好手鬆，加埋啲蛋漿撈飯食，真喺可以講淨食蛋漿蔥油撈飯都夠呀！熱奶茶嚟到茶記，我都喺忠於飲番杯熱奶茶，雖然睇表面好似泡多啲，但味道確喺唔失禮，茶底醇厚芳香，茶奶比例又啱啱好，雖未至於絲咁滑，但入口都算好順口。今餐啲嘢食幾唔錯，不過服務就真喺有啲亂，我哋同隔離張二人枱喺同枱號，但分為A枱、B枱，咁啱我哋喺同時間點餐，點嘅嘢部份又有啲相似，但送餐就送到亂晒籠，其實啲阿姐啲態度都好好嘅，相信喺比較新手。
繼續閱讀
📍木椰餐廳呢個價位嘅屋邨餐廳，其實對佢食物嘅質素都冇乜要求，只要唔難食就可以。幫襯過幾次覺得佢嘅炒飯同蕃茄芝士焗雞扒飯都幾唔錯。每次我嚟其實都係食呢兩樣嘢。今次叫咗辣椒雞粒炒飯，佢嘅炒飯份量好足好大碟，不過略嫌佢今次炒得唔夠乾身有啲濕。另外加咗個羅宋湯，味道正常。但蕃茄芝士焗雞扒飯嘅份量就明顯好細。雞扒一般餐廳嘅雞扒要細好多。我平時都細食，但食完都係啱啱好冇乜飽嘅感覺。佢呢個焗飯有炒飯底，如果可以加埋菠蘿就Perfect
繼續閱讀
喺呢度食過好多次，最令人反感就是有個男人服務員，工作態度差，沒有禮貌，食物水準一般，杯凍咖啡淡過貓尿一啲咖啡味都冇，價格一般，最主要唔會再去原因，就係這個男服務員非常之無禮貌，基本禮貌都沒有，真係是趕客之都。
繼續閱讀