木船泰國粉麵專門店 (已結業)

懶得煮，唔想食咁貴，但又想坐得舒服兼好食，就嚟食木船喇汁燒安格斯牛肉飯配溫泉蛋（定食）　$98食牛最怕韌，今次呢個牛肉飯嘅牛肉肉質柔軟，一啲都唔鞋口；撈埋啲照燒汁、溫泉蛋蛋汁、芝麻同蔥粒，味道豐富立體無論係飯定牛肉定啲配料，份量都非常大方，仲包埋小食同湯，壯漢都食得飽～招牌燒豚肉飯（定食）  　$88朋友點嘅豚肉飯，香噴噴好吸引。試咗少少，香辣惹味，下次我又揀呢款先泰式炒通菜　$48又係大大碟！個菜炒得唔錯，夠鑊氣，調味濃淡得宜。新鮮椰青泰菜嘅最佳拍檔一定係椰青！椰汁冰涼清甜、椰肉嫩滑，飲完成個人精神爽利

剛好經過木船，見到門口已經好多人等緊外賣，多人幫襯，通常都唔會伏。Lunch都有幾個menu, 內容有簡單亦有豐富，豐儉由人！星期日，當然想食好啲，我選擇咗一個$88既定食！最難得仲有唔同既優惠比街坊，真可是共渡時艱！配有湯品及前菜，食物質素亦一點都不馬虎。招牌燒豚肉飯定食～先係放滿酸辣既青瓜絲，先開開胃，再嚟就係沾上濃厚醬汁既燶邊豚肉片，燶邊令佢更香口，之後就有流心蛋，睇到蛋黃緩緩流下，滲入白米飯中，真係令我食指大動！！

近排lunch time鍾意嚟呢間泰式餐廳，平靚正，今日又翻兜~首先上菜嘅係小食水牛城串燒雞翼一上檯已經聞到好香嘅燒雞味，雞翼皮脆肉嫩，香辣可口，令人食唔停口呀芝士蘑菇忌廉雞翼雞翼入面釀咗芝士同蘑菇，呢個組合點會有得輸。熱辣辣出爐，芝士味份外香濃！招牌燒豚肉飯（定食） 分量十足嘅定食～鋪喺面嘅青木瓜沙律酸甜清新，爽口醒胃。豚肉厚薄適中，肉質軟稔；豚肉醬汁濃稠，甜中帶辣，味道層次豐富；配埋溫泉蛋同青瓜絲一齊食，非常之夾！！啲飯同汁都好多，食到最後一口都仲有汁可以撈。呢個價錢食到咁高質嘅豚肉飯，真心物有所值。 個定食仲包埋湯同三色小食：冬蔭公湯唔算好辣，帶有濃濃嘅椰奶香；三色小食嘅魚餅肉質彈牙，好食；布朗尼蛋糕中間有朱古力粒粒，真係好飽足嘅一餐

太和依邊有好多正野食，今次試下木船既外賣水準如何。泰式肉碎煎蛋飯，煎蛋有點過熟，隻蛋有d乾，肉碎就幾夠味，雖然有紅椒絲，不過食落就唔辣既，要黎撈飯就岩岩好，一個人食既話可以會有d過多，最好sharing黎食。另外，試左炸雞脾飯，有得簡幾種唔同既醬汁(好似有黑椒、蒜蓉)，炸雞脾真係好大隻，第一啖食側邊既位置覺得都幾好味同埋炸得都幾脆，但係食到中間發現無咁入味，原因好簡單，就係因為太大隻了，好難整到平均地入味。送既小食不過不失，有兩粒唔夠豬肉味既肉丸同埋口味偏清淡。價錢大約HK$100, 兩個人，唔算貴，價錢比幾高!

我地叫左木船個招牌豚肉飯定食，豚肉飯有勁多木瓜沙律，食落有泰式酸辣嘅感覺，加上豚肉嘅濃味醬汁，好惹味，食食下突然發現原來豚肉飯中間有雞蛋，豚肉加上蛋汁同醬油，又突然有日式嘅感覺，一碗飯有雙重感受，好surprise！！定食仲有個冬陰功湯，椰汁味勁濃，連怕辣嘅我都唔洗擔心，朋友叫嘅定食喺肉丸扎肉雞湯，感覺有d似老火湯，家的感覺定食仲配上三樣小食，有雞座， 朱古力蛋糕和日式海帶，各有風味，尤其喺日式海帶，幾清新，當食完個飯同飲過湯，最後配上朱古力蛋糕，做結尾甜品非常唔錯朋友就叫左個Jumbo木船湯河，份量十足，材料非常多，有雞，豬，牛肉丸，扎肉，炸豬皮，芽菜等等，個湯唔會太濃味 似平時食船麵咁，加上各種香草和大量河粉，呢碗麵絕對唔會令你失望成間舖頭嘅擺設都喺用一艘木造的船為藍圖，色調和諧，有各種塗鴉和繪畫，仲有麻繩，吊燈同酒桶，特別是牆上面圓形嘅鏡，營造到喺木船船艙看出去的感覺，好悠閒

特色小店! 🥴一入去見到D裝潢就知道店主一定係有心人! 將間餐廳裝修到好似一架木船咁!⚓⚓睇openrice 好多人都話招牌燒豚肉飯定食超推薦! 所以個日就叫左一個招牌燒豚肉飯定食同汁燒安格斯牛肉飯配溫泉蛋定食!!! 唔係講笑 2個都好正!!❤️-招牌燒豚肉飯定食 $88 🤤🤤係薄燒豚肉呀!! 重要擺滿左成個碗面!! 佢應該係用佢地祕製醬汁去燒個豚肉 好中意個味 係似日式飯咁! 又唔會好油膩!! 好香同好好味!!😢加分點係 佢最面頭擺滿左祕製既青木瓜絲沙律!! 同燒豚肉既油脂一齊食真係好好食! 我媽咪狂偷我既青木瓜絲沙律食!!🥳個飯已經值回票價!! 但佢定食重包左一個野飲 3個小食同一碗湯!!小食入面有一個吞拿魚沙律 雞卷 同埋朱古力蛋糕仔!每一個小食都係好食! 個雞卷? 似紮肉同埋入面有D炒絲 似係韓國雞肉波波 好味! 朱古力蛋糕仔都有心思入面有果仁🥳湯就有小小多油 不過味道都好好! 超多配料!👍🏻- 汁燒安格斯牛肉飯配溫泉蛋定食 $88🤤🤤呢個飯都好好食! 超多牛肉!! 又係好多牛肉擺係面 然後重收埋左隻溫泉蛋!! 最中意撈D溫泉蛋入D飯到食! 超香!!! 份量多到又係食唔哂D飯

之前黎大埔果陣路經已經比佢MENU既焗飯吸引左，深深記入腦海，所以當友人約我食飯果陣，我第一時間就諗起佢!! 黎到果陣已經係下午茶時間，原來仲有下午茶扒餐、脆朱餐，選擇相當多。 友人點左馬來沙茶豬頸肉炒河 $54上枱果陣好香，好有鑊氣同魚露味，而且分量好多，但第一啖食配菜既我比佢既鹹味驚嚇到，無論係配菜定河粉，都好鹹!! 友人食完之後到夜晚都一直灌水…青咖哩豬扒焗飯 $54剛剛焗出黎，上枱果陣仲見到起泡既青咖哩，加埋焗到焦脆既芝士，食慾即時大增。咖哩汁雖然鹹左D，但好彩汁唔算多，而且白飯底，可以中和返個鹹味；豬扒雖然薄，但分量多。食完呢個飯，真係好滿足!!其實友人本身想食生炸雞脾飯，但職員表示當日炸脾熱賣，已經售罄，勾起友人既興趣，更相約下次黎大埔，一定要試!! 餐廳食物除左鹹左D之外，其實其他方面都做得唔差，希望下次黎果陣，調味方面已有改進。

在疫情下太和人到木船購買外賣回家和家人品嚐，確是一個好選擇。招牌菜燒豚肉飯可謂必食推介；炭燒豚肉風味十足，用料上乘，配以秘製醬汁，人無法飛到泰國旅遊，卻能在香港吃到泰國的風味。另一道地道佳食餚炸軟殼蟹意粉亦不遑多讓，平分秋色，炸得香脆而不油膩，鑊氣十足。意粉的口感煙韌彈牙，又爽又滑，灌上香濃忌廉汁，令人一試難忘。最後還嚐了一碗雞絲扎肉湯河，河粉質地不會太軟，吸收上湯的精華後令人欲罷不能。湯和河粉分開上，既方便又不會令河粉浸軟變質，每一細節都計算得剛剛好。總括而言，木船菜色賣相令人垂涎三尺，一嚐便知色香味俱全，絕對不會令你失望，而且價錢合理，另有套餐適合不同人數的食客，陪伴市民一起抗通漲，亦在疫情下添一點快樂。

這一日我們外賣午餐回家吃。見到餐牌都好抵喎！仲有幾款精選餐特別平。其實好多款都好吸引。最後我哋嗌左三個午餐：燒豚肉飯、菠蘿雞粒炒飯、雞絲扎肉湯河。招牌燒豚肉飯（定食）聽到好多人叫外賣都有點呢個。豚肉燒得香口，有食燒烤嘅感覺。另外飯上再配合好多青木瓜，我好鍾意，口感爽脆清新。小食定食配有小食：三色小食包括中華沙律、吞拿魚沙律、雞卷菠蘿雞粒炒飯炒飯咖喱味香濃，材料豐富，雞肉嘅份量都幾多，配上提子乾、新鮮菠蘿，整體感覺清新。雞絲扎肉湯河河粉及湯底分開上，細心！河粉香滑，雞絲嘅份量都幾多。龍眼冰好多龍眼肉，香甜滋潤。熱咖啡味道都幾香濃，拍得住coffee shop嘅！奶茶有d港式奶茶感覺，沖得幾香滑。這間餐廳都好受附近街坊歡迎！我哋下次再試其他唔同嘅食物先。

太和呢間泰國餐廳 😉木船已經去過幾次 食物質素唔錯 今次lunch time黎有午市套餐😇😇青咖哩牛腩飯$78牛腩都有好幾塊 肉質軟淋 都幾好食😜咖喱汁較甜口 重椰汁味道 怕辣嘅朋友都ok另外點燒豚肉飯$88😍😍🤩🤩呢個推介！ 😋😋有香辣青木瓜沙律 🤩溫泉蛋同數大片 烤豚肉 🤓🤓香口惹味 豚肉有炭烤味道 肉質稍微有點乾木船泰國粉麵專門店大埔太和路34號翠怡花園地下記得試招牌燒豚肉飯😚😚推介指數：4/5

近日疫情都未見有回落跡象，晚市禁堂食措施仍然生效，唯有買外賣返屋企慢慢嘆。餐廳門外都有唔少人係到等外賣，下次可以打電話落完單先再嚟拎。招牌燒豚肉飯 $88見到有「招牌」兩個字就諗都唔諗叫番個先，一試果然無丟到「招牌」哩兩個字嘅架。即叫即燒嘅豚肉飯美味程度係高水準，薄切豚肉片都有成7-8大塊，雖然係炙燒但仍然可以保持肉汁唔會過乾，加上大量青木瓜沙律，辣辣地咁又可以中和燒汁嘅甜味海南雞飯 $78食泰菜又點少得海南雞飯，仲勁好彩有成隻大雞脾添👍🏻海南雞件雖然係連骨但唔會影響佢嘅味道，雞肉都算係滑嫩而且份量十足，加上正宗嘅黃薑油飯，再配上跟餐嘅冬蔭功湯，過下口癮真心唔錯

近排日日食住家飯都煮到諗唔到新菜式，今日就偷懶一日去叫外賣，知道附近有間好抵食嘅泰菜小店，套餐連餐飲小食都唔使$90，而且仲有好多款式可以揀。滑蛋燒鰻魚大碗飯 $88 哩個價錢可以食到咁大碗鰻魚飯，另外定食餐仲包餐湯、餐飲同小食，性價比極高。唔好以為泰式餐廳叫鰻魚飯一定會比下去，「木船」嘅燒物完全係無得輸嘅，全部都係即叫即燒，鰻魚係厚切而且好肥美，咬落去鰻魚嘅油脂充滿成個口腔，勁邪惡又好滿足汁燒安格斯牛肉飯配溫泉蛋 $88打開後就知道份量絕不惹少，整盒飯都鋪滿薄切安格斯牛肉片，而且一打開仲聞到濃濃嘅香蔥味道，即刻食慾大增😋 每片牛肉都係即叫即燒，配上甜甜嘅秘製sauce，最厲害係可以燒到邊邊係脆身嘅而牛肉片仍能保持肉汁

Encore左幾次，呢間餐廳打破泰國菜比較貴既想法。最抵食係外賣套餐，份量仲比堂食大。晚市Menu有普通dinner set，定食，家庭套餐。小心留意窗上既宣傳，近期仲偷偷推出左抗疫餐，平過自己煮! 落左單先見到蝕左啦屋企人最鐘意食燒豚肉温泉蛋飯，日式配搭加埋泰國木瓜絲。青木瓜絲爽脆清新，拌入少少微酸既醬汁非常開胃。單單係呢一個木瓜沙律已經可以獨立做一道菜賣比食客。燒豬肉片邊緣焦香脆脆地，因為有醬汁加持依然濕潤。偏甜既燒肉醬加少少辣味食到停唔到。定食仲跟埋三款前菜，以及冬陰功或肉丸湯，亦包含熱飲。前菜又係比堂食更大份，返屋企烘一片多士搽蛋醬 正。定食88蚊有6樣食品飲品超值，女仔黎講仲足夠分兩餐添。平既選擇揀左焗青咖哩豬排飯，配熱飲五十幾蚊。豬排上下堆疊有兩層，加上幾條荷蘭豆同拉絲芝士。青咖喱汁屬比較濃稠的一種，有椰香味很下飯。另外，辣椒膏雞粒炒飯飯量連我男人都話滿足。白米粒粒分明，意料之外炒飯有鑊氣。雞粒之外仲有豆角粒同蛋絲，當然少不了洋蔥香氣。外觀上雖然紅噹噹，但香而不辣，瞬間就比佢鯨吞入肚。值得一提，佢地既外賣盒好硬淨夠深夠大，為環保出一分力最好洗乾淨重用呀。

呢間木船泰國菜已經食過好幾次！之前有堂食，無論午市/晚市都一定要排隊。而家疫情期間佢哋仲有抗疫優惠，晚餐價錢都非常實惠，每份晚餐仲包一份小食、湯、熱飲。招牌燒豚肉飯定食 $88如照片所見，豚肉和青瓜絲放得滿滿，中間暗藏隻溫泉蛋，流心蛋黃仲可以撈飯食。豚肉一啲都唔鞋，但又唔會好肥，份量又多，好滿足。青瓜絲酸爽，好解膩！推薦：4.5/5 （必食之選）冬陰功鳳尾蝦湯金邊粉 $68外賣湯同面係分開上嘅。鳳尾蝦份量都比想像中多，最少有5隻，蝦肉都好爽口。冬陰功湯底非常濃郁帶辣，都係一款過下口癮既選擇。推薦：4.5/5 （必食之選）芝士磨菇雞翼 $28一共有3隻，雞翼煮得好靚，中間真係有蘑菇醬，好味推薦！推薦：4.5/5 （必食之選）套餐配送三色小食中華沙律、碎蛋沙律、魚丸。碎蛋有驚喜，好吃。推薦：4/5 龍眼冰/泰式奶茶 餐飲各+$10龍眼冰龍眼肉相當之多，鍾意食果肉嘅就會喜歡。泰式奶茶正常水準，食泰國菜必飲！推薦：4/5 

最近天氣咁凍，實在唔想落手落腳自己整嘢食天氣凍特別想食啲辣辣地嘅食物，於是喺屋企附近買咗我最喜歡嘅泰國菜返屋企食冇得堂食嘅關係，外賣不但有特價，而且款式仲非常之多定食睇落好抵，一個價錢已經有湯、小食、主菜同飲品，就決定揀幾個定食試下冬陰功湯/肉丸扎肉鮮雞湯冬陰功湯微辣，配有小小蘑菇等蔬菜，十分開胃，而肉丸扎肉鮮雞湯就相對較清淡仲有款三色小食招牌燒豚肉飯定食豚肉配搭醬油去燒，而且加咗辣椒粉，食落非常惹味豚肉嘅份量比例算多，大大塊又唔韌，淨係食呢個飯都已經好飽好滿足滑蛋燒鰻魚大碗飯定食又大又厚嘅鰻魚，配上燒汁同埋芝麻，咬落油脂豐富又好味配上炒得嫩滑嘅蛋，兩款食物送飯都一流海南雞飯定食雞件又大又嫩滑，啖啖肉夠曬滋味，配上黃薑飯，暖笠笠啱曬呢個天氣食套餐仲跟埋飲品，呢個價錢有咁多嘢食，又好味又夠飽，下次再想食抵食外賣都會再番嚟買