木葉 (已結業)

今天有觀塘的舊同事來電，說附近有新店開了，位於駿業街中海日升中心，名叫木葉，是間西餐廳，同事們約埋今晚去食晚餐，叫埋我去試試，我當然奉陪啦！餐廳地方雅潔，但座位舒適！燒排骨放題：2小時內任食燒排骨，包一杯飲品。排骨外層塗上秘製的醬料，燒至剛剛熟，味道濃郁帶甜味，十分惹味！(同枱的朋友加50元，也可以任食燒排骨，但朋友必須自己點一份晚餐才可以)香煎鱸魚拼大蝦：大蝦彈牙，鱸魚煎得好香，肉質嫩滑，配特製醬汁好好味！，這個餐還有新鮮大蝦沙律和忌廉湯，一杯飲品。煙三文魚蘆筍卷：煙三文魚新鮮惹味，包住鮮嫩爽口的蘆荀，再加上少許醬汁，美味又有口感，不錯的小食！瑞士雞翼：雞翼嫩滑又入味，十分美味，令人食不停口！

觀塘返工，成日經過見到呢間木葉做緊Ribs放題，今晚收工一於試下！餐廳格調好優閒，播住柔和音樂令到個人好放鬆，舒舒服服食晚餐。當然我要試下Ribs放題啦，配沙律個賣相好吸引喔。大大份又多汁多肉$138唔追加都好抵食，每次追加半份半份上，一定食到你飽！仲有薯條加左味粉，好香脆。佢個茄醬係有蕃茄响入面架，辣辣地幾開胃架，唔係平時現成既樽裝茄汁黎架！忍唔住又叫左個煙三文魚蘆筍卷~三文魚唔太咸，蘆筍超爽口好好味。仲有秘制咖哩薄餅~熱辣辣薄餅用手撕開再點咖哩汁黎食贏晒！見佢收銀櫃面放左幾枝飲品顏色幾得意，叫左兩枝飲下，Warning(Rasberry, Lime, Cranberry Juice, Soda)，但係勁攪笑，第一啖飲落去好甜之後即轉辣。係呀，店員都有提到係辣架！另一枝係Pinky(Grape Fruit, Rose, Lime soda)，好正常既汽水，聞到超香既玫瑰味道，相信女仕會好鍾意！

今日走去觀塘, 幫我個friend整部電腦。觀塘真係多左好多建築物，不過空氣比以前更加差。個friend話多謝我幫手請我食飯, 佢係地膽, 佢帶我入左間新開燒排骨放題，香港地真係乜野放題都有 XD。 間野可能地點吊腳, 晚餐時間都唔係咁多客。裝修簡單整潔, 仲播埋音樂, 如果情侶拍拖呢食野都唔錯。我個friend係食肉獸, 即時點左燒排骨, 同埋推界蝶荳花特飲。我order左個鱸魚大蝦dinner set, 仲叫左杯檸七 。 我個蕃茄湯,都ok, 蝦沙拉個汁比較咸, 不過個餐包撻左Q, 因為用微波爐番叮, 好堅韌。鱸魚肉幾好, 不過仲有d幼骨, 同埋上菜時唔夠熱。大蝦有d黏殼, 好彩D肉仲幾實幾爽。 主角出場, 燒排骨賣相真係幾靚仔, 排骨表面黏住微甜而黏黏的醬汁。排骨上的肉不多，較容易燒到乾,不過呢度d排骨肉仍含有濕潤水份, 食燒排骨我建議要用手攞起呢啃每條骨, 咁至可以真正享受燒排骨嘅美味。燒排骨真係幾好味, 因為係放題...當然即時order多一個round.幾乎唔記得野飲,樽蝶荳花特飲, 原來係咸架, 有d怪怪地, 我比較喜歡我杯檸七, 起碼d味道唔會估唔到。

星期五收工後同同事入咗觀塘開源道行開倉鋪，買咗對波鞋同All Star後準備上去apm食飯，點知行過見到有個Banner寫Spare-ribs night, 唔知係咪我地行到太攰又肚餓，俾張相吸引咗我地上咗去食一上到去個場都好特別同舒服，原來spare-ribs佢地做梗 2小時任食再85折，初時仲諗住會全部都係肉會好膩，食完又唔覺喎。另外仲叫多柸特飲，味道唔錯。我2個fd 就叫左個麥皮蝦同素菜雞卷，味道都好好，尤其係個麥皮蝦，值得介紹俾朋友。最後3個人埋單$566落樓。

朋友推介…… 咁我就同靚仔同事去試下啦, 入到去覺得個裝修唔錯 ,枱同凳 皆配合食店名字"葉木"牆上的畫全是鹿仔……又係配合葉木……最後方的牆舖滿樹葉牆身係灰色石屎牆和地，有一種Raw 的感覺……'Set lunch 有6個餐，我揀了 叉燒濃湯烏冬 ,靚仔同事就揀咗肉醬意粉,Set lunch 就包飲品……但好奇怪沒有咖啡供應 我個烏冬 賣相唔錯,當然有义燒，兩大塊紫菜伴日本沙律菜和蛋只是偏咸了一點肉醬意粉呢？……靓仔同事話有4分看得出店舖是新開張無耐！但也看得出店主很有心思從裝修，佈置，器皿等……會再幫襯……😃兩點半係下午茶時段

去官塘搵朋友發現呢間新開嘅餐廳，見佈置簡約，喺呢度食飯傾偈應該幾舒服。我哋叫左3個餐，先嚟餐湯面包，我個女非常之鐘意呢個粟米忌簾湯，佢話好好味三個主菜之中，呢個馬來麥皮脆大蝦絕對係my favorite，啲麥皮真係好好味，意粉乾身左少少，下次配薯菜應該會好正龍蝦汁煙肉龍脷卷都好味照燒汁素菜雞卷味道比較濃，配白飯ok，份量都算幾多飲品方面我冇影相，佢有果汁汽水同一啲茶飲品選擇，我個女話咁快飲晒支蘋果汁，韓國紅棗茶幾特別，我嘅洋金菊都ok，唔錯! 聽店員講，茶類飲品仲可以加水再泡，唔洗怕2啖飲晒就冇！總括嚟講係幾好味嘅餐廳，食飯傾偈好舒服