札幌拉麵 Miso No.1

營業中

休息中

黎過食一、二次，喺荃新天地二期。都係叫番$208 自選二人套餐，有2款主食同3款小食揀，好多野揀，開心！小食一：燒魚餅魚肉爽口，口感係彈牙實身果種，有2大塊。小食二：自家製餃子(大)有成6隻，係豬肉菜煎餃，香口，不錯！小食三：炸雞肉幾大碟下，抵食呀，大大啖咬炸到香脆既雞肉好正，唔乾身，有唔少沙律菜中和油感，必點小食。主食：Ankake拉麵 跟餐加$10，睇名唔明係咩，但見有我中意食既溏心蛋同粟米就叫黎試下。湯底係普通味噌醬油果種，拉麵份量多，叉燒肥瘦平均。主食：燒肉飯(大)一開蓋好香呀，面頭鋪滿左肉見到都流口水。飯吸左豚肉既醬汁好正，哩個飯好食。

好耐冇食拉麵了，呢排天氣嚴熱，喜歡食d粉麵之類既輕食，就諗到食札幌拉麵了，好耐之前來過一次，d餐牌都有更新。裝修頗有和式風格，淡雅簡潔。晚市套餐可好豐富的配對，選擇隨心所慾，可以麵同飯配搭或搭小食。新產品系特濃豚骨拉麵，四種湯底可供選擇。調料方面，店家准備的都是來自日本的味噌，七味粉，豉油...單人餐89蚊晚市套餐，如果系二人餐則是268蚊，自選配對組合。蟹肉棒拉麵，蟹肉棒口感極佳，用料上等，配菜方面好豐富，至緊要系麵好筋道，久違的日式拉麵，我地食到殊殊聲。黑蒜油黑䐁拉麵，很特別的黑蒜油，好惹味，黑豚肉質偏瘦很健康，岩晒我口味。燒魚餅，Q彈又入味，送麵一流。跟餐揀左自家制餃子，飽滿大粒，皮脆薄金黃，餡料不俗。叉燒炒飯，都系跟餐，粒粒飽滿，飯身夠乾爽，很香。

小肥忙左成個星期終於可以放下假假☺️難得天氣總算好返啲啲之際😆🌤去搵朋友行街街下之前🤪當然要食返餐好既醫下肚補充下先啦🤤🍴位於荃灣荃新天地既札幌拉麵雖然距離荃灣站比較遠🙈但有「天空之城」之稱既荃灣可謂四通八達！由A出口直行沿住南行天橋行過黎都算方便😆周圍掛滿唔同擺設同布簾之餘😆十足居酒屋風格😆🇯🇵卡位座位設計有空間感坐得幾舒服☺️呢度抵食既午市套餐🤤🍴亦吸引到唔少上班一族放飯黎幫襯😆Lunch Set吉列豬扒奄列蛋包飯午餐另外會包埋前菜及麵豉湯或餐飲😆炒蛋夠哂嫩滑Juicy之餘🤤吉列豬扒即叫即炸夠哂新鮮熱辣🤤🐷外脆內軟唔厚粉既感覺令人大讚🤤🔥配上香甜奶滑足料肉香既日式咖哩汁亦垂涎三尺🤤

天氣炎熱，最佳避暑方法是逛商場及購物，我們來到荃灣荃新天地2期，適時下午茶時間，走進一間叫札幌拉麵店午膳，選了套餐，1⃣️自選套餐 點了豬軟骨拉麵$69，加燒多春魚$5，轉熱飲$3。豬軟骨拉麵(豬軟骨夠稔，拉麵爽滑及湯底清甜），燒多春魚，雖然細條但很鬆脆，加少量檸檬汁更鮮美可口。2⃣️咖哩午市套餐燒牛肉咖哩飯$49，走湯轉熱飲加$3。燒牛肉咖哩飯份量很大碟，牛肉鮮嫩及咖哩汁適中（不太辣)另有一小碟薯蓉。另兩客小食1⃣️廣島炸蠔$22及2⃣️炸魚柳$22。炸廣島生蠔，很熱和脆口鮮美。炸魚柳亦是，附上的沙律醬及少量碎雜菜伴碟，非常配合，兩樣都全吃了，很滿足，值得推介。

成日都會去荃新天地行街，但多數都係一期食飯，今日同朋友行左去2期睇下有咩好食。發覺2期人流無咁多，但都有好多餐廳可以選擇。仲搵到間拉麵店，睇到餐牌見有好多選擇而且價錢好實惠，就決定左今日既晚餐。有定食又有自選餐，仲提供2款2人餐可以簡。我地簡左個自選2人餐，2款拉麵再加3款小食，只係$208 相當豐富又抵食。炸雞肉好大件，炸得香脆，乾身唔油膩，如果比多D沙津醬就更好，點黎食非常滋味。自家製餃子，十分足料的餃子，咬落有肉汁。北海道南瓜炸薯餅，炸薯餅比較重薯仔味，帶有南瓜既甜味，但南瓜味較少，整體都幾好食，炸得剛好。雜錦拉麵，叉燒，豬軟骨，蟹柳同糖心蛋名一，好岩簡唔到想食咩既人，可以一次過食唔同配料。Ankake 拉麵，拉麵湯底唔太濃味，較清淡，加埋叉燒、海帶、粟米，味道剛好，麵既軟硬程度適中。整體不過不失，呢個價位食到咁多野。

😍午市套餐一「叉燒炒飯」🥬🥩有啲食物，就係食極都唔厭，其中一樣就係叉燒飯，想試下日式叉燒炒，一上碟見d飯粒炒至甘香，粒粒分明，賣相睇得食落啱曬口味：甘香、粒粒分明，叉燒粒有咬口。。。二. 「拉麵+自家製🍜拉麵」叉燒肉都好新鮮，冇雪藏味，口感爽滑，味道濃而不膩，有障陣豬肉香味，拉麵🍜同樣軟硬度適中，好好食又抵食既午市套餐😇覺得唔夠喉既我仲加左兩份小食：小食「芝士年糕」即叫即炸咬落係流心，熱辣辣芝心呈半溶狀態😋芝士年糕入口軟滑，入口全部流心芝士🧀濃濃芝士味令人沒法擋，兩邊都炸至金黃色，賣相都好吸引呢！枝豆，非常新鮮，價錢合理，顏色很美，食落充滿豆香味，推薦的小食好物！值得推介👍埋單都係$200內超抵食午餐！

好耐冇食拉麵，收工見到呢間札幌拉麵店，勾起條拉麵癮，即刻入去食翻碗先。門口既拉麵模型維肖維妙，好有日本既風格！坐底即刻每人一杯茶，而店員見你飲得差唔多就會幫助添茶~自選晚餐$89 赤豚拉麵（+$5）配溏心蛋（+$12）赤豚拉麵帶微辣，豬骨湯唔會好咸，飲完又唔會好口渴，拉麵幼身而且軟硬適中，配上粟米、木耳、荀＆蔥，非常有口感！豚肉偏瘦所以帶少少韌，個人比較喜歡肥瘦適中嘅豚肉，如果可以肥少少就好了！枝豆$25暖暖哋嘅枝豆，呢樣係每次食拉麵都鍾意食嘅餐前小食，口痕之選。外面仲有少少食鹽，調味足，不錯。雞泡魚干$55非常少見既雞泡魚干，份量不多，精緻小巧。調味十足，甜甜地既魚干，非常香口，魚味亦十足。手羽仙雞軟骨拼盤 $45性價比較高既小食，雞翼燒得脆卜卜，肉汁不多，少許既燒烤味。另外雞軟骨非常爽口，有咬口，不錯~芝士年糕（跟餐）軟熟既年糕，芝士非常香，咬落熱辣辣既芝士流出黎，正！燒油甘魚鮫$68外面燒得香脆，魚肉質地嫩滑，非常多肉，食極都有，配上酸酸地既汁，非常可口。北海道南瓜炸薯餅$50薯餅非常外脆肉軟，鬆化得黎又有南瓜味，配上沙律醬一流！唔錯既選擇，食完飽腹感十足！整體來說食物都算唔錯，

荃灣荃新天地2期，一上自動電梯就望到假期前夕，非常旺場等左陣先等到張靚卡位🌌一人套餐 $89 & 溏心蛋 +$12🌌🎇枝豆 $25🎇暖暖地嘅枝豆，外皮有少計鹽巴，食落有少許草青味，但不錯🎆赤豚拉麵 +$5🎆湯底辛辣帶少少香甜，除左豚肉之外，其餘配料有蔥花、 筍、木耳，味道不錯，幾惹味😁豚肉屬於瘦，但經調味都幾好食🌠芝士年糕 (1人套餐的自選小食)🌠熱辣辣，食果陣要小心熱親個嘴，芝士味都幾好，年糕軟冧冧👍🏻🎇 北海道南瓜炸薯餅 $50🎇呢個唔錯，炸出嚟熱辣辣，香甜南瓜味夾雜在軟滑薯餅之中，外皮脆卜卜，味道又好👏🏻🌌 燒油甘魚鮫 $68🌌油甘魚鮫嫩滑，油脂相對較高，少少鹽帶出魚味，而油甘魚本身帶少許酸性🌠 燒雞軟骨及燒雞翼 $45🌠燒雞翼外皮好脆，少許鹽增加滋味，而雞軟骨燒到乾身，食落脆口嘅感覺總括而言， 拉麵舖嘅食物味道唔會好重，不錯，而且每款食物都係熱辣辣送上餐枱，保持食物的美味，不錯👍🏻

同老公仔仔係荃新天地行行下..仔仔話今日想拉麵🍜我地就揀左‘’札幌拉麵miso no.1‘’我地叫左一個自選便當（豬扒+炸雞）仲有一球薯仔沙律🥗我推介大家試下吉列豬扒..外脆內軟👍🏻肉質夠晒juicy🤤🤤🤤🤤🤤炸雞對比之下就失色左d🤦🏿‍♀️我下次會encore吉列豬扒❤️另外叫左一個白豚拉麵走蔥走荀配自選餃子🥟見到個拉麵有d失望..得兩塊白豚肉而且好薄😭拉麵份量都比較少...但值得一讚既係餃子好好味👍🏻

今晚肥妹仔約咗朋友喺荃灣食飯，見到呢一間札幌拉麵價錢唔算好貴，但係望落去都幾吸引，所以就入咗呢一間度食晚飯。自選晚餐  $268赤豚拉麵 $15我哋叫咗個二人前嘅自選晚餐，肥妹仔嘅朋友叫咗呢一個赤豚拉麵，佢係一個辣嘅拉麵，肥妹仔試飲咗一啖，覺得佢嘅辣係接受到嘅辣，食落去都幾香麻油嘅味道。海老拉麵 $15肥妹仔我就叫咗呢一個海老拉麵，佢嘅配菜有蝦，豚肉同埋櫻花蝦，真係未食就咁聞已經勁濃嘅蝦味 。蝦肉爽口彈牙，麵身屬於幼身，食落去軟硬適中。蟹籽沙律小小哋一份，作為開胃菜挺不錯。北海道南瓜炸薯餅每一啖都係滿滿嘅南瓜同薯仔蓉。自家製餃子呢一個餃子超級好食，皮薄但係咬落去每一口餡料都充滿肉汁，點醋食真係超級好食。

和朋友約了在荃灣睇戲，就嚟札幌拉麵食個晚餐先。餐廳一入去係半開放式嘅廚房，可以睇晒廚師製作拉麵嘅過程。依間餐廳食過幾次，水準唔差，最緊要是價錢非常親民，每次我們都食二人餐， $208兩款主食，三款小食。食完超級飽。我們點了咖喱吉列豬扒飯和赤豚拉麵加（$15）3款小食點了牛油菇，炸餃子還有串雞翼。咖喱豬扒飯份量適中豬扒切開都幾juicy ，日式咖喱汁香香甜甜，配埋滑蛋珍珠飯，好有幸福的感覺。我最鍾意食這裏的拉麵，水準真的不錯，赤䐁拉麵，辣到比較高，感覺不會太油，手制拉麵口感不錯，配埋日式叉燒，流心蛋，滿分。小食最鍾意個炸餃子，這裏的餃子比其他日式店的會飽滿多汁，脹卜卜，好足料👍串燒雞翼甘香可口，滿足。下次都會繼續來開餐☺️

今日女小編有野做唔得閒😗所以我就同個朋友去咗荃灣行街，之後行行下見到喱間鋪頭啲晚餐套餐幾抵食😎於是就決定入去食🤔一入到去環境都幾舒服😆至少啲枱枱櫈櫈唔會迫埋一齊，食都食得舒服啲😗另外啲員工嘅服務都唔差，都幾有禮貌😎同埋有個開放式廚房，如果坐果邊應該可以睇到整拉麵嘅過程😛#黑豚拉麵 😋好味指數：(6/10)碗麵一嚟到就見到好多黑蒜油，不過聞落味道又唔算突出🤔拉麵份量正正常常，唔係好大食應該都夠你食😗不過喱度就冇得揀湯嘅濃度同拉麵嘅軟硬度，所以都唔好太高期望😚#白豚拉麵😋好味指數：(6/10)不過食落就覺得平平無奇😣啲拉麵就有啲似香港嘅港式拉麵，而且味道都偏淡😦#芝士年糕😋好味指數：(6.5/10)咬落去都有啲脆😆不過裡都係一般般，又唔算好多芝士🤔#自家製餃子😋好味指數：(6/10)皮都算薄而且唔算好油，不過啲餡都係普普通通😗但跟餐又有拉麵又有小食都算係咁🤔

當晚，我跟男朋友走到荃灣荃新天地 <札幌拉麵 Miso No.1 > 食飯！我們在平日晚上 6:30 來到，這裡很少食客！相對比較靜易傾計！餐牌的套餐款式當中，他建議 $259 的店長推薦2人套餐！份量頗為豐富又划算！包括：每人一碗飯或拉麵、4款小食 (沙律、炸物、燒物、餃子) 及兩杯飲品 (可選啤酒或茶)！蟹籽沙律 沙律菜很清爽！蟹籽在口中爆發！燒魚餅 既香口又甜美，還有彈牙口感！吉列蝦勝在炸至金黃色的外層夠香脆，蝦是軟身又淡味！自家製餃子 脹卜卜的餃子，餡料是菜肉，調味剛好！海鮮拉麵 +$15配料有：荷蘭豆、椰菜、甘筍、魷魚、爽口兼去蝦腸的蝦...等；湯底不算好鹹，拉麵麵質彈牙掛湯！一碗其實都好飽！螃蟹拉麵 +$15湯底比前者重口味一點！螃蟹是蟹柳！他告訴我，這是蟹柳，並非好似一匹布那種蟹柳！我回答：哦！他總是喜歡認叻！真係無辦法！ Asahi 啤酒的酒精含量 5%，對我來說容易入口，水的味道！只有些小乸喉感！

週日與友人逛過荃灣海旁後，來到位於荃新天地二期的札幌拉麵吃晚餐。餐廳以半開放式廚房設計，食客可看到師傅制作拉麵的過程。餐牌上的二人套餐$208便可選兩款主食，三款小食，是不錯的選擇。主食分別點了白豚拉麵和咖喱奄列吉列豬扒飯。拉麵以豬骨湯作湯底，而拉麵比較幼身，最令我印像深刻的是拉麵配菜的木耳帶陣陣麻油香。咖喱飯的豬扒份量適中，也不會太乾身，咖哩汁份量亦充足。小食則以炒魷魚鬚最為美味，加了蒜片令整道菜式更惹味。

行完荃新天地二期，拉麵癮又起，去了札幌拉麵醫肚。拉麵類點了:白豚肉拉麵和黑豚肉拉麵。白豚肉拉麵有隻溫泉蛋，兩塊日本叉燒，木耳絲和筍片。拉麵好彈牙，湯底濃郁，好味。黑豚肉拉麵我更愛吃黑豚肉拉麵的湯底，更惹味。小食類，點了:自家製餃子(大)餃子裡面好多餡料，有菜有豬肉。枝豆好夠熱，還灑了些鹽花。吉列大蝦幾好食，外層炸皮好酥脆，蝦肉爽口。燒雞翼兩串及燒雞軟骨兩串。燒物幾出色。燒得焦香酥脆。飲品點了麒麟啤酒和凍檸茶。有個高瘦的女侍應做野好有熱誠，她超好笑容，服務殷勤，令食客食得特別relax和輕鬆。