札幌拉麵 Miso No.1

營業中

休息中

位於荃新天地2期嘅札幌拉麵misono1🍜價錢非常平易近人，午市套餐約$60至$75，下午茶更抵食，$40幾蚊。亦有供應小火鍋。之前喺openrice買咗7折餐飲券（依家已經下架），用埋mastercard $400減$60，即用$360買咗$600，6折。唔可以同四十幾蚊嘅下午茶餐及六十幾蚊嘅外賣自取定食便當一齊用。上菜快，啱哂趕時間嘅打工仔，服務好好。🥟餃子比一般日式煎餃餡料更飽滿，加啲辣油更美味🍤新品天婦羅，即叫即炸，粉醬薄身，香脆而不油膩，好味😋🍜拉麵個人喜歡豚骨湯底配幼麵🐖豬肉丼都好好味，非常足料

荃新天地入邊1樓有正日本拉麵食:札幌拉麵 Miso No.1 。叫咗個二人套餐。有免費蛋糕送。真材實料豬骨湯，餐廳拉麵賣點。水同豬骨湯比例預設定。偏濃郁。冇一樣嘢過鹹，食材都是原本的味道。海老拉麵：大蝦一啲都唔鹹。大蝦味道新鮮，唔似急凍過嘅蝦。爽口。有兩隻咁多。油炸過嘅櫻花蝦香脆可口。主要鹹味來源。黑蒜拉麵：黑蒜天然味可以食到。帶出更濃郁嘅豬骨湯口感。推薦。天婦羅魷魚：檸檬香味濃郁，有嚼頭。魷魚肉是用鹽醃過的。非常過癮。自家製餃子：餃子的餡料非常豐富。皮很有嚼勁，吃起來很新鮮。沒有過多鹽。味道都來自於食材如：新鮮豬肉、韭菜、高麗菜、薑和餃子皮。不油膩和有煎感。芝士年糕：有薯仔味，跟邱比沙律醬。送疏乎厘芝士蛋糕/朱古力蛋糕：朱古力蛋糕夾著打巧克力忌廉，還有朱古力脆片。充滿朱古力的體驗。總括：一坐低有杯熱煎茶飲，加1都值得啱嘅。入邊乾淨開陽光猛。佢哋個壽喜燒鍋定食都係$100左右。

好耐冇食日本嘢，今日放咗工想食拉麵，去咗荃新天地二期，有間專賣札幌拉麵同咖喱既專門店。未入去已經聽到店員熱烈地歡迎客人，好有日式氣氛。入到去餐廳裝修好有日式木系風情，夾雜住紅色牆紙，好有活力！1）赤豚拉麵（辣）- 湯底充滿住辣椒味，大約有譚仔五小辣。拉麵麵條爽口彈牙，索曬d辣味，好過癮！拉麵有兩塊大叉燒，肥瘦適中， 唔錯！2）漢堡奄列咖哩飯套餐- 即叫即整， 等咗大約15分鐘，熱辣辣嘅漢堡扒咖哩終於上枱！奄列蛋炒得香滑，咖哩甜甜辣辣，配上兩大塊漢堡扒，色香味俱全！套餐仲有麵豉湯同沙律，食完好飽。3）天婦羅魷魚- 炸到金黃色，薄薄嘅炸皮滿住包每條魷魚，魷魚亦都先甜美味。 配上檸檬汁，清新怡人！

難得下午過到荃灣, 就嘗試係荃灣搵食, 去了荃灣廣場二期這間拉麵店, 款式都算多, 最後我點了一個午市套餐, 就是白豚拉麵+串燒雞軟骨, 配哥凍檸檬茶要加$8蚊。先講白豚拉麵, 白湯嚟講湯味算夠甜, 嚟到人係想飲晒, 配料都唔錯, 但拉麵麵就實質一般, 不算太特別, 對面側要求高的人不要太過期望。而配置的小食串燒雞軟骨, 不算太過突出, 但性在不太鹹, 點少少檸檬汁味道已經好出。整個套餐$75, 普通凍飲加$8, 連加一, 合共$91

好耐冇食日式拉麵啦 近近地試吓札幌拉麵揀咗自選一人套餐 貪佢有拉麵小食同飲品人均都係一百蚊 抵食又飽肚🔸 黑豚拉麵 濃郁嘅豬骨湯底熬足數小時加上黑蒜味道更加香濃 豚肉嫩滑 肥瘦比例剛好麵條偏幼身 爽口有嚼勁 🔹 廣島炸蠔 廣島蠔大大粒 外層炸到金黃酥脆內裏仲保持住蠔嘅鮮甜多汁配埋日式蛋黃醬 完美中和咗炸物嘅油膩感🔸 豬軟骨拉麵 只要有豬軟骨 一定唔可以錯過 豬軟骨炆到軟腍 軟骨位置又有咬口湯底係濃郁豬骨湯 配搭煙韌嘅麵條 正啊！🔹 自家製餃子 手工餃子必點推介餃子皮薄餡靚 內餡用上新鮮豬肉同蔬菜 煎得外皮金黃香脆 咬落好juicy 🚩 札幌拉麵 Miso No.1 荃灣楊屋道18號荃新天地2 UG樓UG59號舖

荃灣竟然有勝價高的拉麵，朋友拉著我來的時侯還不相信呢入座後多項菜品選擇，當然奔著拉麵過來就必須點吧午市自選拉麵套餐 1雜錦拉麵（粗麵）拉麵的麵條口感扎實，搭配濃郁的湯底，讓人一口接一口。湯頭的鮮美，搭配各種配料：日式叉燒，豬軟骨，蟹柳，雜菜等... 增添了層次感。串燒雞軟骨雞軟骨外焦內嫩，口感彈牙，加上了檸檬汁，令人食指大動。熱情果梳打特飲熱情果味道讓人耳目一新，梳打水的氣泡感不錯。午市自選拉麵套餐 2赤豚拉麵（幼麵）幼麵的口感滑順，辣辣湯頭的豚骨香氣四溢，讓人感受到濃厚的肉味，十分滿足。吉列流心蛋豬肉餅吉列的外層酥脆，內裡的流心蛋與豬肉餡口感豐富，第一次吃便喜歡上。熱奶茶濃郁的奶茶香氣與拉麵的鹹鮮味道形成良好的平衡，適合餐後一杯。午市套餐都提供了多款的選擇和美味的搭配，無論是拉麵還是小吃，都讓人感受到札幌拉麵的魅力。下次再過來試試別的呢！

呢間位於荃新天地二期的拉麵店，以前喺附近返工嘅時候成日過嚟食。午市自選拉麵套餐都有好多款可以選擇 白豚拉麵🍜 $ 80湯底夠晒濃郁，有兩大塊豚肉、木耳絲同爽口嘅筍。 芝麻沙律🥗由粟米🌽、青瓜、蕃茄、生菜🥬製作而成，滿滿嘅一小碗。☕️套餐熱檸檬水 +$ 5🍛咖喱牛肉烏冬$70烏冬口感都幾煙靭，牛肉略嫌煮得太熟，成個湯底充滿日式咖喱味。最後仲點咗個廣島炸蠔🦪$ 32，一份有三小粒，每一粒都新鮮即炸，外層口感好酥脆，入邊粒蠔都幾新鮮，點埋蛋黃醬再夾住啲椰菜一齊食仲好味🤤。

見到裝修幾靚入嚟，見左牛肉壽喜燒，牛肉咬唔爛，牛根超多，蜜桃茶全都係糖漿果醬味，勁難飲。。。🥲🥲仲以為係蜂蜜水。。frd 叫左漢堡扒d 汁同扒都好好好普通，自己煎仲好，唔推薦嚟食

位於荃灣西荃新天地二期英皇戲院下層嘅札幌拉麵，性價比高，一人套餐唔使$100，今晚睇戲前同朋友再食～牛肉壽喜燒鍋定食 配白飯 熱柚子蜜冬天最啱食壽喜燒鍋，壽喜燒湯底濃味不算太甜，條配得唔錯～牛肉片3-4片，份量適中～壽喜燒鍋仲有娃娃菜生菜金菇等配料，仲有埋薯粉，正啊～自選一人套餐 招牌牛油拉麵 配串燒雞軟骨招牌牛油拉麵味道濃厚，可以按自己喜好選擇溶哂成嚿牛油定係再減少，我今次就成嚿溶哂，都唔會太油膩，味道相當似以前喺札幌旅行食過嘅地道拉麵～小食配左三串串燒雞軟骨，口感好爽～天婦羅魷魚天婦羅粉加入海苔，令表面更加香口～魷魚大條啖啖肉，口感非常好～

好難食見到exterior都decorate得唔錯 覺得應該唔會伏掛本身一睇menu都覺得所有野正正常常叫咗個豚肉拉麵+煎餃子第一淡食落去？？啲麵好硬 啲豚肉有冰雪咁 啲湯有浸怪怪嘅味道啲煎餃淋嘅？完全冇煎嘅feel可一不可再

之前我的朋友提醒我這家餐廳食物很糟糕，但我覺得食物還多選擇。這裡有一張優惠卡，是幫襯一次 有一個印仔，然後我去了6次餐廳，優惠卡第六格有一個扣除30元印章，我賣單時，那個四眼平頭髮肥肥地男人，他要我先付正數，後補給了一張30美元的優惠券，然後重點是這個優惠券標記只有100元可以使用，我通常只是下午來食，怎會超過100元…然而之前那裡職員告訴我，下次光顧是可減30元的，這間店留不住客人，我已經成日幫襯，覺得嗰度啲職員都好好人，今次好似係老闆收錢一埋去態度惡惡地，coupon 好取巧，令我感到非常失望，食物水準只是一般。很多位置都沒有紅薑…又收加一，不是便宜，80多元，所以我不會再幫襯這間食店。

🍱札幌拉麵📌荃灣荃新天地2 UG59號舖經過這間店子好多次，但係都未品嚐過他們的食物。今日試咗兩款午餐，味道都可以。炸雞塊奄列咖喱飯（$65）雞塊炸得好香脆，好容易切開，奄列蛋做得濕潤，日式咖喱少少偏甜，味道中規中矩，還附送一個麵豉湯、半隻全熟雞蛋及粟米沙律。豬肉丼（$60）這個豬肉丼有著好多洋蔥，豬肉份量很多但少了一點焦香味，吃得飽飽啊。

吉列豬扒同燒雞串雪味勁重，咖喱得個甜字，豬扒仲細塊過大家樂，燒雞串拉油太耐又硬又冇味。整個餐最好食嘅可能係個omelete同可樂。荃灣有太多好食又有特色嘅日本餐，呢間真係又難食又貴。

今次瞓身去左試札幌拉麵，一間睇落普通通嘅地方，點知食落意外噉正！炸蠔一上枱，睇落金黃酥脆，咬落去嘅聲音正到爆，卜卜脆，啖啖肉，滿足！咖哩豬扒飯料理得啱啱好，跟住個咖哩，香濃得嚟唔膩口，啖啖咔哩汁包住軟嫩豬扒，個人幾鍾意。😋再嚟，炸忌廉。朋友仔，我講真，呢個就難得一見，外皮唔膩手，咬落去忌廉溢出嚟，簡直係幸福感滿瀉！重有牛扒，煎得火候啱啱好，外面微焦香，入面軟嫩多汁。而家妹講多句，為咗呢啲美食，硬係要忍住啲唔咁爽嘅服務態度，臨走前畀咗老闆一個眼神：食物正，但你就咪杏咁多喇！🙃炸物之神秘，味蕾之旅程，下次還會撲飛番去呢間札幌拉麵，有驚無險，大滿足！👍🍜🤤

今日心情靚靚，闖入咗間話題既日式拉麵店，有種走進東京小巷嘅錯覺。地道拉麵一試難忘！白豚拉麵🍜真係稱得上係屋企大細嘅最愛，湯底厚密，麵條滑溜曬，啖啖肉感，真係飲落有種充滿幸福嘅暖。泡菜拉麵😋嘅湯底夠晒韻味，伴隨埋口感Q彈嘅粗麵，加上泡菜嘅輕輕辣感，好有驚喜。小食部分，我地揀咗炸魷魚天婦羅、煎餃子呢啲配角。魷魚外脆內軟，啱晒淋上啲醬油汁；而餃子皮香脆，裡頭啲餡又多又潮，實在係下麵好夥伴。簡直係撈面勁過撈麵嘅存在🥟。整體嚟講，這家拉麵店保持咗原汁原味嘅日式飲食文化，服務態度一流快手快腳，仲令人感受到港式嘅熱情。無需聞茶蘭記，搵到熟悉嘅港式情懷，滋味簡直絕妙！等緊下次再嚟，新嘅美食之旅正喺角落等緊我！👍🏼