札幌拉麵 Miso No.1 x 辛味屋 (已結業)

漢堡奄列咖哩飯賣相一般，咖哩汁不熱，蛋很老不夠滑身，飯本身是比較濕的那種，配上咖哩汁令飯更加漿口，漢堡完全沒有肉味。芝士年糕應是現成的所以味道正常，就是一般吃到芝士年糕的味道。自家製餃子餃子也是不熱的，沒有肉味，無特別。結帳時店員還送了幾張優惠券，即使有優惠我想也未必會再光顧。

垃圾到冇得冇再垃圾 食物本身已經唔係好食，因為懶唔想行，送到黎最基本既微溫都冇，我都算預左。叫外賣已經收貴，仲要出d咁垃圾既食物出黎 兩串雞翼冇左一半 一邊得三分一都有面照出 不知所謂 偷工減料

話說今日中午同幾個朋友懷住興奮既心情黎到依間舖頭品嘗美食！ 一進入舖頭幾位日本阿姐帶著日本鄉音熱鬧咁打招呼我地就叫咗個赤豚拉麵套裝配餃子.另一位友人叫咗個白豚拉麵同鯖魚定食.等待左既期間餃子到了 試左一隻 感覺味道一般，咁啱我碗赤豚拉麵出場拉！兩片薄如紙既叉燒點綴令到碗拉麵各加出眾！於是品嚐一下.味道濃郁，於是即刻飲左兩三啖茶黎化解！食咗唔到10分鐘，咁啱有6位客人黎！咁啱有4位到咗先，又咁啱坐咗個我地隔離！幾位客人就同阿姐講佢地6位！於是阿姐瞬間拉高聲線說“隔離枱好快食完就走嫁拉”並以九秒九速度走過來我地張枱清枱 收碗。見到幾位阿姐咁落力！！我都忍唔住，即刻食哂碗麵！剛食完碗麵落去，想坐一陣抖下！另2位客人已經到場，咁唯有離開舖頭出去行下！因為我地會照足阿姐吩咐“食完就走嫁拉”

一直都好想去試下呢間拉麵，早兩日同老友行經就抱住興奮嘅心情入去，起先招呼都ok嘅，我叫咗碗雜錦拉麵，我老友就叫义燒拉麵，點知等到我差唔多食哂成碗麵，我老友嗰碗都未到，啲侍應一味話就煮好，起初我仲以為我老友叫咗碗燉湯，望穿秋水“义燒拉麵”終於煮好，點知义燒拉麵無义燒，好自然梗係問個侍應點會咁嘅，點知佢居然答話無义燒係正常嘅，义燒拉麵無义燒喎！我攞起本餐牌指住义燒拉麵張相嘅义燒問佢，佢居然話唔好再講，跟住後補塊刀功精湛紙咁薄义燒..... 真係火都嚟。

繼續唔食中餐，今晚去左屋企樓下食日式快餐。一落到去，就有住喇！叫左2個sets, 一個係日式咖喱配吉列豬扒蛋包飯定食，而另外一個就係自選2餸便當- 青魚同埋日燒肉。正正常常，吉列豬扒即叫即炸

因為有$30優惠券，今日嚟到呢間日式餐廳食晏晝，今次叫咗碗黑蒜油叉燒拉麵同埋海老拉麵，我呢個係午市套餐，可以揀一款小食，今次我哋揀咗雞軟骨串同埋日式餃子，雞軟骨串有三串，佢啱啱燒好，略嫌未夠林，有少少硬，比較難咬。日式煎餃子有四粒，又係啱啱先，熱辣辣，咬開有好多肉汁流出黎，比較好食。至於款黑蒜油叉燒拉麵，黑蒜油味好濃，拉麵硬度適中，不過只有兩塊薄叉燒，如果叉燒可以多啲就好啦，但係整體來講個拉麵都唔錯。至於海老拉麵，味道比較淡，採用日式豬骨湯，有一塊叉燒同埋幾隻蝦，仲有啲蝦米，個人應為味道唔好黑蒜油叉燒拉麵咁濃咁好食，只係普普通通。呢間餐廳可能位置比較偏僻，午市嘅時候唔係好多人，靜靜地嘆番碗拉麵幾好唔錯，侍應服務都周到，而且餐廳環境都衛生乾淨，加上有$30優惠券，本身$75 一個餐，減返每個人都係需要$60到，$60一個餐有小食有一碗拉麵有一杯茶，我覺得尚可接受，下次有機會會再試下。

同朋友行遠啲搵好嘢食，入咗嚟呢間幾多人嘅日本嘢店員好似唔係好憂做，我哋企咗成分鐘，先施施然幫我哋安排座位，途中又keep住同其他店員吹水(反白眼)我哋叫咗個$198二人餐，一個主食係牛肉飯，一個係拉麵小食就有餃子，炸魷魚圈同燒雞翼軟骨飯應該係預先整好嘅，比較快就上到，味道十足吉野家牛肉飯，不過牛肉冇咁肥，食落有d韌日式餃子明顯煎得唔靚，睇落似係翻熱過拉麵不過不失，該有嘅都有，豚肉叉燒，昆布，蔥，荀絲同芽菜炸魷魚圈相對上幾出色，出面嘅吉列炸粉算薄，咬落魷魚都彈牙最後小食好貪心咁要咗雞翼同雞軟骨，正常發揮嚟呢度食嘢，質素唔expect會好高，有時想食日本野，又可以過下口癮

以前佢係將軍澳中心時幫襯多次都唔錯,有天經過 Popcorn 2商塲時見到原來搬咗來 Parkside,於是同太太入去吃晚餐!點了(1)燒肉定食同(2)Ankake 拉麵,食物來時見賣相一般,燒肉定食比起以前舊鋪差好遠,猪肉一d都唔香脆似冇夠火喉炒過!太太既湯面湯底見好濃但係好咸亦冇咩上湯味道!!埋單時收到張30蚊優惠券,有d哭笑不得feel.....

餐牌可選兩間餐廳的，幾好！要了一個咖哩漢堡奄列飯送了個薯仔沙律可另加錢配小食，不過不了薯仔沙律幾好味！咖哩飯味道正常，像銀咖哩😂漢堡較鬆散，缺肉味👎奄列只是普通蛋，不是半熟蛋包

一入門已經非常港式茶餐廳感覺。叫了一個晚餐，包括草孤拉麵加小食韮菜豬膶。先來小食，超鹹。這才發現侍應連水都無比我，幾經辛苦才有人理我，明明我叫的是水，上來的變了茶。食完成碟小食（其實好細碟），終於到拉麵上場。貫徹之前小食的作風，超鹹。只食到味精，湯底毫無鮮味可言，但很濃，就是濃濃的味精湯lol 🤮。叉燒是死實的炆豬肉切片，是炆了很耐，一夾就散，但不要期望甘香鬆化，完全不是那會事。埋單加一，共付HK$103，天啊！雖然 cashier 比了張HK$30現金券比我下次用，但我無要，因為再沒有下次 😒

Lee間餐廳都何謂我嘅飯堂，一星期都黎一次，無他，貪方便，同區又冇得食日本野，至於味道，不過不失。我最喜愛就係lee呢嘅雞扒，能夠做到皮脆肉嫩，口感一流，唔係度度都得，值得推介。至於咖哩好一般，煎蛋一時時，有時唔係full cook仲好食。

食過幾次都ok既，拉麵、定食尚可，套餐底食，但很飽，飲品要另叫。如果淨叫小食，價錢也不算便宜，小食算好味，小吃款式比較少選擇，啤酒買二送一，大年初七再吃，水準下降了，飯有些焦硬，有隔夜飯的味道，面鼓湯胡胡的，很怪，喝了一口也沒飲。朱排有些乾，青魚正常，忌廉薯餅正常，炒魷魚🦑好味，埋單$350，每滿$100可以用一張$30coupon，佢又旡寫上限用幾多張，甘應該可以用三張，但佢話只可用兩張，我都唔明點解，佢又旡解釋，奇怪呢

將軍澳站一帶新開了不少商場，位置相對較偏那邊的Parkside，人流雖不及Popcorn的多，但可不用特別等位入座呢。是夜，就來到了札幌，以前記得好像在將軍澳中心那邊，現在就搬了過來，並重新裝修，門面設計就像在日本的傳統拉麵店。店內以簡單設計為主，感覺尚算清潔，而卡位亦闊落，坐得舒適。除了一般單點外，亦提供$88晚市自選套餐(1款拉麵+1款小食)，$198或$258二人套餐，分別在於前者是2款拉麵+3款小食及後者多了1款小食及2杯飲品。不過呢，雖然是明碼實價，但大部份選擇的拉麵亦須加$5至$15不等。精打細算之後，小妹就點了一個$198二人套餐，其中拉麵選了辛辣拉麵及雜錦拉麵。先說辛辣拉麵，整體來說就是不夠辣，辣味是有的，但是只是小量，而拉麵底偏腍，幸好沒有任何梘水味，而重點的湯底不太濃及膩，味道不過不失。雜錦拉麵味道較佳，湯底帶點清清的豬骨湯，味道佳。麵底亦是偏腍，內有豬軟骨、豬肉、蟹柳等，豬肉味道不錯，軟腍不失咬感，不過豬軟骨就偏鹹了。至於小食，個人認為做得實在不錯，先說吉列蝦，炸得外脆內軟，一咬開已聽到咀裡卡卡聲，但吃過後也不會感油膩。另炸雞肉，一碟四舊，也炸得脆卜卜，質感不會太

近年將軍澳真是發展蓬勃，很多大型商場都開設了一些高質素或連鎖式的餐廳。雖然住在將軍澳，但係咁耐先知道原來開咗一間miso no.1 札幌拉麵，平時都係去開鑽石山食～ 今次就試吓將軍澳天晉樓下的新分店。地方同其他分店一樣好整潔，職員服務態度好，上菜速度高，有禮貌。佢有分一人晚餐、自選二人餐、店長推薦二人餐etc.我和爸爸揀咗個$258店長推薦二人餐，包括兩個拉麵或飯，四款小食和無酒精飲料2杯，真是很抵食。小食是從四款種類之中，每款選擇一樣。沙律類，我們揀咗蟹籽沙律。材料有新鮮的青瓜，生菜，蟹籽等等。沙律菜切成絲，很新鮮，爽脆。沙律醬份量剛剛好，每一啖都有清新的沙律醬，👍🏻不會顯得太膩。自家製餃子，餃子皮煎得香脆，不會油膩。皮薄餡料多，菜同埋肉都分量十足，都幾頂肚～點埋酸醋，好好食同埋開胃。燒物類小食揀咗燒牛舌。本身已經好鍾意食牛舌，充滿牛味又好鮮嫩，加上些少檸檬汁，格外清新，更能帶出牛味。炸物類小食就選擇了吉列炸蝦。一客有三件。這間餐廳的炸物全部都是新鮮炸起，入口的一刻還是燙口的，而且外皮很鬆脆。炸蝦爽口彈牙，裏面更是晶凝通透，加上外皮酥脆，沾上沙律醬，滋味。上完小食已經好快手上海鮮拉麵

今晚嚟到將軍澳札幌拉麵晚餐，其實都好耐無食過拉麵啦，聽聞呢間新開，所以就入來食一食。小弟點左二人餐，其中一個係海鮮拉麵，份量都算多，麵底偏腍，無梘水味，其中海鮮有魷魚，蝦等，整體都幾好食。友人點左碗鰻魚飯，鰻魚非常香，不過就腍左少少，幾中意個鰻魚飯醬，撈飯每啖都好惹味。點左個餃子，一碟份量都好多，餃子皮薄，入面餡都好足料。另外，南瓜炸薯餅外脆內軟，咬落好脆口，亦唔會好油膩，唔錯。第三款小食點左燒雞翼及雞軟骨。雞翼係用鹽燒，但唔會太鹹，不過肉就易黐骨，一串有三隻，都幾扺。而雞軟骨唔錯，不過就缺乏左彈牙嚼勁，皆因腍身，不過整體都幾好食，下次嚟可以再嚟。