朱耀記大閘蟹專門店 (已結業)

秋風起，蟹膏肥！今年要食大閘蟹好似比之前難！好在食安中心終於話無事可以入口！最方便當然係自己煮啦！今年第一次食！不得了！話說以前唔係幫襯呢間，但係甘啱巴士站就係附近，我諗住試吓啦！結果出乎我所想！ ＄400有三隻超過四兩重嘅蟹，煮嘅時候只係需要煮20分鐘，佢仲包左紫蘇葉、紅糖、醋俾你添！整完之後開蓋發現好多白糕！而且非常之肥美，每一隻都充滿着膏嘅味道！我當然食左兩隻啦！食完之後我無煲到紅糖水，只係簡單飲d姜水暖暖身！

成日經過朱耀記，見佢放左個大閘蟹櫃出黎，好似在召喚我咁，終於忍唔住買左兩隻蟹黎食，小食多滋味。一公一乸大閘蟹，同紫蘇葉一齊蒸20分鐘，公的大閘蟹較大隻也較多膏，好juicy，蟹肉亦新鮮，乸的較細隻，但膏也不少，較深橙色，有咬口，幾爽的。

聽到朱耀記大閘蟹開鑼消息，實在忍唔住，放工後第一時間過來買，幸好唔系高峯期，前面兩位阿姐買完就到我，老闆推薦5兩蟹，於是先買左幾隻一飽口福。因爲留住今晚宵夜，所以翻到屋企先擺雪櫃，晚上10點先蒸，對於宜家掌握蒸蟹技巧既我完全唔系問題，水滾計20分鐘搞掂，出爐色澤依然同舊年一樣鮮紅，香味十足，揭開蟹蓋，雖然未到白膏時期，但黃金蟹膏足夠吸引人，蟹肉飽滿，睇得出系即日新鮮靚蟹，配送贈送既蟹醋真系一流，蟹母已經有橙黃色實膏，真系我最愛，家姐話聽日再買。

星期日開開心心黎呢間朱耀記買左兩隻蟹后($150/隻)...再加十隻蟹公($250/5隻)...承為八百元既晚餐...極度令我失望...一開始食第一隻蟹公一開已經膏極少..再開第二隻完全無膏...仲要係d奶白色滑珊珊既野....肉色唔係白色...係偏米色...可能已經壞死蟹...但當時心諗我仲有隻大蟹后...都安慰d既...點知蒸完一開...我真係唔識形容...點解可以差成咁？！可以完全零蟹膏又係白色物體...我食大閘蟹咁多年第一次見！！！是次係人生中自己第一次買回家蒸...都係出番去酒樓食有保障d...起碼無都可以即時換！

今日想食大閘蟹，因為無時間出深水埗或者九龍城幫襯開既舖頭幫襯，上openrice搵到呢間七個好評既舖頭，諗住應該唔差。去到見到啲蟹大細都有，有平有貴。本身對大隻既大閘蟹較有興趣，所以見到有蟹霸稱號既蟹就打算買呢款。當時亞叔仲將啲蟹放緊入凍櫃，諗住係有人幫襯完，衰極有限，於是買咗八隻蟹霸公，由於自己唔識揀，於是由亞叔操手揀。八隻蟹霸公承惠$1,200元，有紫蘇葉兩包，紅糖及自家品牌蟹醋！返到屋企，即時蒸四隻開餐，亞叔建議蒸廿分鐘，就根足蒸佢廿分鐘！頭四隻一開，發現有兩隻無羔，另兩隻亦只是一般，尚可接受。食完頭輪，再蒸第二輪。第二輪竟然更加失望，其中一隻更有死蟹味，啲肉仲鞋過啲雞胸肉。不幸中的大幸，尚有一隻質素較好，應該係八隻中最好！我每年都會去買開既舖頭幫襯，亦買開大隻既，都未試過好似今次咁差，我唔知係我唔好彩定有其他因素，但下次都係去返買開既舖頭幫襯好啲。PS 新聞又話今年啲蟹當造

       系facebook上睇到靚蟹黎左，約埋屋企人去買左4隻蟹公，4隻蟹母。       幫手揀蟹個肥仔好人，送左醋、姜糖、紫蘇葉同埋姜茶，仲介紹埋蒸煮要訣，肥仔話該店facebook搞緊促銷活動，like facebook買蟹有送大力剪食蟹餐具，所以馬上叫埋家姐一齊like左。       當晚照肥仔介紹方法，先清水沖洗蟹身，然後用刷仔刷幹凈蟹鉗d毛，再放入煮滾左既鍋中，蟹肚向天，蒸15分鐘，再熄火燜多5分鐘。然後開鍋。正啊！！之前深綠色大閘蟹，已經蒸成紅彤彤熟蟹，D蟹膏多到系蟹蓋周圍湧出來，lee d就系傳說中既爆膏大閘蟹啦！！香味撲鼻而來，真系难以形容。剪開劄繩，揭開蟹蓋，鮮橙色蟹膏流出來，香滑可口，肉質好細嫩，點左醋食好鮮甜，不愧系人間極品！！       下次繼續支持！！

今日去朱耀記買大閘蟹，點知人頭湧湧！老板服務好周到，幫手選蟹仲送埋野！$540蚊六隻五两蟹重送多一隻添..听老板指点，蒸15分钟就搞掂啦，蟹公同蟹母真系滿曬膏啊，d肉都好甜，蟹母d膏我至爱，又多又够香，點埋醋食真係無得頂，今个中秋再买过！！

         friend買8隻，我買4隻，各自翻去蒸，随蟹附送姜茶、醋同食蟹剪刀。        蒸出來d蟹真系好多膏啊！可惜我唔系好識蒸，無將蟹反轉，漏左唔少膏，不過蟹身夠實，好肥嫩，D肉又甜，好好食，蟹公既蟹膏蒸出嚟系金黃色，好香，忍唔住要俾個贊！       不過真系唔知咁多人，買蟹都要排隊。

買左四只，送醋同姜茶，重有d葉，老細親自揀，只只生猛，买咗啤酒嚟宵夜，蟹公膏多肉肥，不過我鐘意蟹旯多d，紅蟹膏硬身，嚼起身夠香，食蟹肉要點醋，鮮甜好多，我就唔識分正唔正宗啦，不過味道就真系一個字讲晒：正！！

記得同朋友去左過朱耀記買左幾隻大閘蟹..原來間鋪開左好耐,三十幾年啦!!D 員工好好人,會教你點整埋!!煮出黎 蟹公同蟹母都好多膏 ~~蟹公食起來,成個口粘滿D白膏..好正,而蟹母 一啖啖都係膏!今年都會幫襯朱耀記

幾個fd一齊買，岩好系下午，太多人過來買啦，原来生意甘好！以為要排隊好耐，好彩老板幫大家逐只揀，好快手！送左醋、糖、紫蘇葉重有食蟹套裝，當晚拿來開餐，蒸出來d蟹好靚身，蟹肉好滿好多，好鮮甜，點醋食壹流，個人比較中意食大蟹公，肉多夠大隻，價錢實惠，好抵食！！蟹公d白膏食落好爽，超級粘牙，正啊！！！

作爲荃灣唯壹老字號大閘蟹專賣店，朱耀記好似都做左差唔多30年啦，可以話系陪伴荃灣街坊壹齊成長既老店鋪啦，每年壹到蟹季，壹定第壹時間去幫襯，老字號，夠正宗，完全唔曬擔心品質問題，老板好人士，每次都親自幫我撿靓蟹，重送埋紫蘇葉、姜茶同蟹醋。蒸出來d蟹又肥又多膏，蟹公粘牙白膏，蟹旯可口既紅膏，真系食過翻尋味。