影片
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
相關文章
通常諗唔到食咩，就會去杉玉食～因為menu 選擇多，有壽司，炸物，刺身，沙律，熟食，飯麵等。 仲要價錢好抵！杉玉薯仔沙律，出面有好多紫菜，入面有隻流心蛋黃，好食！醋鯖魚面頭有好多洋蔥同蔥，俾好開胃，鐘意食蔥一定要order!!荔枝乳酸梳打，幾好味唔會太甜。中意飲酒嘅朋友可以嗌生啤/sake, 有埋配小食嘅套餐。
繼續閱讀
下午茶時段，响門口等左一陣入座，男員工發呆扮睇唔到唔郁，女員工磨左好耐先出黎帶位好啦，終於坐底左（未夠5點），想叫下午茶餐，等左一陣女員工飄過，我指一指話想要下午茶餐牌個餐，女員工又問多次揀咩嘢，終於入機就話5:01pm 停下午茶（帶位嗰陣你唔講？！） 女員工擺明玩嘢，因為見佢咀角微笑緊（應該係好開心咁玩到個客）😏好啦，唔想做早講嘛～ 今時今日呢啲服務生係害死間餐廳既原因之一😇
繼續閱讀
今次我去咗位於荔枝角D2 Place TWO嘅杉玉食日本菜，呢間餐廳一直都好受歡迎，今次行過咁啱唔使等位，終於有機會試下。我叫咗個海陸峰匯天婦羅套餐，仲有全吞宴同埋豪華極壽司三貫，每樣嘢都有佢特別之處。
首先講下海陸峰匯天婦羅，呢個天婦羅真係幾唔錯。炸粉唔會太厚，保持到食材本身嘅鮮味。無論係蝦、魚定係蔬菜，都炸得好脆，食落口一啲都唔油膩，真係好食。
再嚟就係全吞宴，呢個係以吞拿魚做主題嘅套餐。刺身嘅質素幾好，新鮮又肥美，尤其係嗰啲拖羅，入口即化，真係一流。不過，有一樣嘢就係淚崩吞拿鮮島，呢個有啲辣，可能唔係個個都頂得順，但係鍾意食辣嘅朋友應該會好鍾意。
豪華極壽司三貫都幾正，每一件壽司都好新鮮，飯同魚嘅比例啱啱好。刺身嘅質素真係冇得彈，完全感受到師傅嘅手藝。
不過，唐揚魷魚就有啲失望。雖然魷魚炸得好脆，但係炸粉有啲厚，食落去有啲油膩，感覺有啲漏。希望餐廳可以喺呢方面改善下。餐廳做緊follow IG有嘢飲。
總言之，杉玉嘅刺身同壽司真係好高質素，天婦羅都幾好食，雖然炸物有啲油，但係整體嚟講都係一間好值得一試嘅日本餐廳。鍾意食日本菜嘅朋友，真係要去試下。
繼續閱讀
工作一星期終於嚟到呢個令人期待嘅放肆午餐時光🧘♀️ 今次再次嚟到杉玉，為咗慰勞自己一番，揀咗佢哋性價比高、穩定發揮嘅天婦羅壽司定食。雖然杉玉唔係會令人驚艷，但就好有信心每次都唔會踩雷，啱晒唔想諗太多嘅上班族中午快閃一餐。🍤 天婦羅方面略為油膩。不過魚件仲保持到淡淡魚香，外脆內嫩，調味亦唔錯🐟。相比之下，魷魚天婦羅就明顯過鹹，幾乎淨係食到鹹味。反而蔬菜類炸物有驚喜，茄子同蕃薯都帶出自然嘅甜味，算係炸物裡面比較討好嘅存在🍆。🍣 壽司表現中規中矩，但勝在穩定。三文魚腩夠油脂香滑、甜蝦唔算頂級但都算新鮮、魷魚壽司有界花處理加分，睇得出有少少心思🎏。其他款式雖然冇太大驚喜，但勝在冇腥味，食落安心。呢個價位嚟講，唔可以投訴太多。📌 整體黎講，杉玉作為壽司郎集團旗下品牌，穩定係佢最大賣點。你可能唔會記得邊一件好食到回味無窮，但每次黎都唔會失望，無論係質素定價錢都處於一個舒服嘅位置。如果你想喺中午快快手手食返餐飽而又想少少儀式感，佢會係個唔錯選擇🧾。
繼續閱讀
今日約了朋友在荔枝角杉玉食晏，因為2pm入座所以無60分鐘交枱限制，可以慢慢傾慢慢食。我地點左2份杉玉御膳午市定食（每份$148），有鮮甜既海鮮茶碗蒸、麵豉湯同埋5件壽司之餘，仲有令人眼前一亮既主菜‘’寶箱‘’，每格放唔同食物好吸引。雖然2份都係杉玉御膳，但配搭既3小碟同埋天婦羅款式略有不同，賣相超吸引之餘亦好有驚喜，唔會完全相同。另一位朋友叫左原條海鰻蝦天丼（$108），雖然蝦無餐牌張相咁澎湃，但炸漿都做得好薄好脆，而且食完無頸渴。我地食緊飯期間有段小插曲，值得讚賞前線員工同埋廚師。話說食左一半杉玉御膳時，突然有2隻蚊飛左去刺身小碟中。我就同前線同事講，碟刺身比隻蚊降落左食唔到，麻煩廚房換過。結果幾分鐘之後就換左另一碟比我，服務很到位。我第一次幫襯，覺得整體服務很好，包括斟水好頻密，所以食得好開心。
繼續閱讀