李公館

營業中

休息中

已經是第二次來吃，環境很舒服，不像一般茶樓、中菜餐廳的噪，感覺很新潮很young。餐牌上的食物各單很吸引，有時可能未必明是什麼，但職員也樂意解釋和介紹時令菜式。我地4人的食量只能叫4-5道菜，但全部食物都各有特色，十分有心思，有fusion嘅感覺，份量不少，每一道菜如薑炒蠔很新鮮，炸牛奶很滑，配上washabi 沙律醬是出奇的好味；冰鎮古魯肉（要預訂）很開胃，有肉、士多啤梨、桔仔、水蜜桃。糖水首推椰子桃膠，好潤！

Happy Friday 約咗幾個靚女同事食好D，其中一個食過呢間既晚市覺得幾好食就帶我地一齊食。餐廳裝修感覺都幾高級，不過就有少少陳舊。茶燻流心蛋對於之前沒吃過燻蛋的我來說覺得不錯，流心蛋帶著淡淡的煙煄味。不過同事們都說燻味不夠。話梅冰豬手豬手酸酸地，話梅味好出! 豬手爽身~好似食緊骨膠原落肚咁!碧綠活剝蝦餃皇外皮應該混合了菠菜汁之類而變成綠色，食落跟酒樓分別不大，咬開都幾多汁，爽口既! 香煎蘿蔔絲墨魚餅咬開真係感覺到蘿蔔一絲一絲的，味道不俗。脆脆野菌腸入面的脆面食落好爽脆，完全無腍到，菇的份量洽到好處!椒鹽墨魚咀有少少炸蒜舖面，唔算好油，爽口~黑糖蜂巢蜜糖糕個人覺得比較靭，唔夠鬆軟，不過甜度不錯，不會太甜。石鍋鮑汁海鮮燴飯外表和味道都有d似福建炒飯，不過好在佢似係直接用熱石鍋炒，上枱超級熱，仲有d飯焦，不錯。蒜蓉炒豆苗味道正常，不過太細碟了。。。感覺唔太扺薑茶湯丸薑茶底薑味非常重，夠辣！湯丸是芝麻餡，正常水平。原蝦鮑螺片燒賣皇唔夠分無食到，不過外型都靚仔，大大粒。

通常話去xx公館食飯，心諗又要破財啦⋯⋯價錢一定好貴，但經過今晚的一餐，我終於改觀左😂⋯⋯這間公館系灣仔和銅鑼灣地鐵站中間點，比較有些不方便，不過為我食，無計啦😉不過其實都有好多巴士都經過呀伙記好有心思，雖然安排坐在大廳，但枱旁邊有幾塊大透明玻璃鏡包圍住，自成一格⋯⋯好好！坐得好舒服，我遟左去，無得食前菜😔⋯⋯唯有主力食主菜補番數🤪⋯⋯叫左老火例湯，話明老火，一定夠火喉👍👍⋯⋯話梅冷盤蝦，咸咸濕濕，主角🦐⋯⋯爽呀，彈牙又大隻！紅燒野茵金磚豆腐...值得推介，滑，野味⋯⋯在豆腐面鋪上一層好特別東西，😋😋⋯⋯疊曡煎藕餅，原來藕餅可以長方形呀⋯⋯打破傳統，好似玩緊層層曡😂⋯⋯最特別原來甜品免費！絕對唔孤寒！有成六七種任君選擇擇，有奶凍，桃膠，湯丸，蓮蓉焗布甸，芒果布甸等等，一班朋友這樣就過左開開心心的一晚👏🏻👏🏻

今日一家大細一起出去食飯，揀來揀去，揀左呢間李公館，聽講老少鹹宜。訂左張臺，點左茶香燻流心蛋、脆皮茶香雞、石鍋通菜豬頸肉、等好幾個菜。其中茶香燻流心蛋系評價最高噶。成家人食完都話蛋白好滑，蛋黃好入味，所以又再點左一份。除左出品唔錯，環境都幾好，唔會好吵，服務態度都唔錯。適合一家大細去食個飯。

今次已經第3次黎李公館，依舊有驚喜！今次師父生日所以黎佢黎試下菜，結果個個都好滿意，仲話一定要番黎再食😎今晚4個人叫左好多野，滿載而歸🤪1）蒜香蝦蒸糯米飯依個飯第一次食，上菜後睇落無咩汁都幾乾身，但一食係有驚喜，蒜香味岩岩好，好夠咪食唔停口，要一次！2）冰鎮咕嚕肉呢個咕嚕肉真係必叫，因為除咗咕嚕肉之外其他嘅配菜包括冰士多啤梨,冰桃, 冰蕃茄都好好食！真係每一次都一定要叫！ ！ ！3) 青芥末青瓜墨魚柳呢一個餸好似沙律，仲有啲Wasabi非常好食。食完好開胃而且好新鮮，下次都係要encore!

上個禮拜落咗成個星期嘅雨，都冇機會行遠少少食lunch，咁見今日天氣咁好，風和日麗，就約埋D同事一齊出去食吓飯啦，咁三五成群嗰陣，最好就緊係去飲茶啦~ 於是我哋就去咗公司附近李公館試吓，幾年前都知呢間餐廳攞過米芝連，但嚟到先至發現原來別有洞天。小小嘅樓面卻非常骨子，地方唔大，但又唔會一味加枱或者收窄D通道，令到地方好細好逼；相反，足夠嘅空間反而令粵式飲茶體驗得到最好嘅詮釋，而喺呢個寸金尺土嘅土地上，留白係一件非常寶貴嘅事。講咗咁耐都未入重點添，我地一行四人，叫咗幾籠佢嘅拿手點心同埋一客籠仔蒸龍躉頭腩糯米飯，樣樣都好好味。但就個人嚟講，呢個籠仔飯真心正！皆因睇個樣唔覺得有幾勁，而真實嘅味道就200分，呢種冇期望之下所獲得嘅喜悅，用“好味”、“意外之作”呢D咁嘅形容詞都已經唔夠，簡直應該用“驚為天人”嚟表達我內心嘅嗰份意外感。龍躉頭腩經過土法蒸煮，鮮味得到充分嘅保留，同時因為用蒸煮嘅方式，魚油同食油喺每一粒糯米之間停留、吸收，令糯米軟糯醇厚嘅香味無縫揉合油甘之香，更令口腔內每一𠻪嘅體驗得到全方位嘅享受，而呢一種做法簡單、味感鮮活嘅用餐感受，令原來已經難得嘅鬧市飲茶體驗，得到更進一步嘅昇華，

朋友去完一個長旅行之後終於又可以再見面😃😃😃😃😃今次選址李公館 可以滿足下我家對中菜既渴求😂😂😂😂😂燻蛋係我每次去中菜館必叫既食物😙😙😙可惜呢到得個香味 蛋白明顯未入到味整得未夠時間 蛋黃亦都未入昧係我心中未算合格冰鎮咕嚕肉係我一味好鐘意既菜因為屋企整太麻煩 我見到出面有都會叫呢到有分特別同普通版 呢個係普通版 皮都做得到脆口 但某啲肉係帶骨同埋肉係比較細粒 麻麻地通菜炒豬頸肉 不過不失 無乜砂鍋應有既鑊氣呢味餸晤記得個名堂 有豆腐有菇有菜調味幾好 送飯一流茶燻雞係最後嚟嘅 呢個有驚喜茶燻味好足 入到雞肉裏面皮夠脆埋單一千四個人 性價比晤算高但服務幾好 同朋友傾計係一個好地方😃

外國旅行後，總想食中菜食番夠本！加上同朋友飯聚，就打算去食啲兩個人拍拖少機會食啲既小菜餐館。做完運動要保充蛋白質。本身好鍾意燻蛋，不過佢既燻味唔太夠，好想即刻淘枝煙燻槍去幫佢燻一燻😂！期待左好耐，因為本身係咕嚕肉迷。不過有少少失望。冰鎮鎮到無乜味，個炸皮有啲太厚，啲肉有啲細粒😭😭😭。個雞算較為好，都幾滑。叫左兩個石鍋，以為會zhazha聲好邪惡。不過無乜太邪惡既感覺。正正常常不過不失！不過講番句公道說話。佢地方寬敞，坐得舒舒服服。如果無太高要求，只係想同三五知己吹下水，都不失為一個好選擇既💁🏻‍♀️💁🏻‍♀️💁🏻‍♀️💁🏻‍♀️。

個幾星期前帶左媽及哥到李公館飲茶，雖然我不是密密來的熟客，但我由4/5年前認識這菜館，我便喜歡上了。我分別帶了家人、我的Auntie、親戚朋友來過很多次，我們都很喜歡這裡的裝飾很有心思，環境舒適，點心及其他食物好味又有特色，更要稱贊的是他們的主任、經理以及由美心集團轉過來的女同事，他們美好的服務，令我們享受賓至如歸的午餐！所以我呢個星期六又約了家人再去。另外還有這裡的老闆沒有像其他如利苑、美心集團的翠園、翠韻軒、美麗華的翠亨村加幅太貴但水準下降，以及很多不是高級餐廳但加幅很不合理，希望有更多像李公館有良心的好老闆！神一定會賜福給他們🌈

如果想食一間比較有特色的中菜舘，李公館係一個唔錯的選擇，聴名以為只供應晚飯，價錢不菲，其實中午有茶市供應和有特價。晚上食飯想三五知己静靜傾計，免被打擾，無問題，有二間不同大小房間供應，開秘密會議絕對無難度，😉⋯⋯價錢由$4500-8000不等。太多特色不是如何選擇，又或者是一個選擇困難症的人。無問題。比個價錢佢發版，可能有意外驚喜！☺️鍾意食甜品的你，這裡一定満足到你，有十款甜品任食，並不是普通紅豆沙，西米露。非一般甜品，有焦糖燉蛋，西米布丁，奶凍，鮮奶桃膠，真材實料呀⋯⋯。想食多一碗，待應永無托手 踭👍⋯⋯

嚟食新派中菜，發現喱到擅長將傳統菜式fusion化signature冰鎮咕嚕肉～冰盤放上咕嚕肉同生果，兩樣都脆口不黏牙又帶有拔絲嘅甜脆感，中間裝飾係糖嚟，好有特色黃金脆啤梨～係墨魚膠釀新鮮啤梨沙律，上枱脆口熱辣辣，配wasabi沙律醬，微辣酸甜，中和油膩感蟹粉蛋白脆金苗～蟹粉唔夠，鍋巴熱辣辣，但唔係好脆口膽皮茶燻雞～有茶燻香，但皮唔脆、雞肉過火籠仔糯米蒸蝦飯～糯米吸收咗蝦鮮同蒜香，好好食；蝦再大隻啲，一流茶燻蛋～有茶燻香，但唔夠流心喱到嘅菜式、環境、服務確實比一般中菜館優勝，但要去到fine dining，還有一大段距離

婆婆生日，就近訂咗李公館，方便老人家。圍埋坐有老有嫩，都坐得幾舒服下～我哋訂檯嘅時候，個姐姐提我哋有啲菜式想食要預訂，所以先來講下呢到要訂嘅菜式～見到個樣好霎色，大家都嘩咗出聲～不過上面果篤金碧輝煌係裝飾，唔係食物，擺上檯影咗幾張相就拎走咗囉～估計都係循環再用嘅裝飾，anyway ，都幾搶鏡。周邊擺咗些少生果，面層有糖漿，食落去有冰糖葫蘆嘅feel，可以留待做飯後甜點。冰下面先係主角——咕嚕肉，都係凍食，酸酸甜甜，呢道菜式好有諗頭。印象中最特別嘅應該係呢個啤梨形，但食落係蝦蟹肉嘅菜式，很有心思嘅做法，外表同口味同樣出色。皮脆肉香，茶味不太濃。咖喱汁分開上，我冇點到咖喱，啲調味都已經幾好，口感軟韌有致。唔多覺有咩茶味，味道偏淡。糯米飯吸收晒啲鮮蝦味，一粒粒好軟熟。因為係大夥人食飯，不適宜相機食先，好多菜式未能盡錄。可以算係好有創新嘅中式菜館，迎合咗現代人嘅美感同對口感的追求，值得推薦。

如果唔係有人生日有朋友介紹真係唔知道有間咁古老舊式嘅老牌中菜館味道係唔錯嘅 亦都唔算貴當日全場枱枱都係生日飯主要食小炒個冰鎮咕嚕肉都夠外脆內熱一上碟唔夠幾分鐘大家就食晒我地一台10幾個人叫左好多餸令我最深刻印象嘅其中有蓮藕餅同一般出面食到既蓮藕餅好唔同佢砌出嚟喺好似燒烤爐嘅磚頭咁非常酥脆 值得推介杏汁豬肺湯真係唔錯同埋黃金炸啤梨其實好似係去飲嗰啲炸蟹鉗不過最搞笑嘅就係知道佢地出名準時收工果然 準時叫我地埋單仲預埋我地切蛋糕時間收碟收酒杯準時收工真搞笑

想試李公館好耐，終於都有機會！因為book左位，所以唔使等，但我相信如果唔book位就大鑊，因為好快就坐無虛席，好多都一家大細黎，好適合家庭聚會！黎到當然要試佢最出名既冰鎮咕嚕肉啦！因為我地人少，所以只可以叫個簡單版，不過已經好大份，冰下面既咕嚕肉經特別處理，口感零舍不同！又有Ｄ雜果食下，呢個真係必食推介！然後我地又叫左個椒鹽豆腐粒，外脆內軟，不過食得多有Ｄ熱氣！然後再黎多個金沙南瓜蝦球，好邪惡呀！！！最後叫個西蘭花炒聖子，Ｄ聖子好新鮮，又無沙，正！

中午時份， 食點心的時間，這間是以健康為主題， 所為健康的食品，味道便是不偏油不偏咸不偏濃，而不太有添加的調味吧。 叫來了的有幾款;碧綠活剝蝦餃皇，蝦肉彈牙鮮味的， 餃內含有些少湯汁，不大粒可一口吃的。馬拉肉骨茶湯鮮竹卷，骨茶夠香濃， 以浮現出的豬肉鮮竹卷，這個還是夠入味的。軟綿綿鮑螺片棉花雞，雞件滑滑魚肚軟軟， 並襯托著清清的鮑螺片; 一片。黑糖蜂巢蜜糖糕，口感很煙韌， 味道像如拖肥糖的。芥苿串燒乾蒸牛肉，不太好看的一串， 微燒帶乾，沒帶來特別的味道， 芥醬份量如倒瀉般的那麼多。椒鹽墨魚嘴，襯著炸蒜粒一齊食還是一種有味的嘴。健康秋葵，就是這麼直接的一味菜， 無油淡鹽水泡熟了的秋葵們， 食後口淡淡，另說得感覺上是; 健康的。